2009-6-24 AppleDaily
| ||||||
父 親節雖然過咗,但噚日嘅中大印刷(055)記者會就父愛洋溢,令華華覺得世上唔只媽媽好,爸爸可能仲好!薛濟傑做主席嘅中大印刷,啱啱用6500萬買咗細 仔薛嘉麟打骰嘅Neway娛樂(業務有藝人管理、唱片同電影製作,但唔包Neway卡拉OK),仲索性將公司改埋名做Neway Group。 做娛樂大亨撼岳少 薛 公子話,唔會放棄老竇嘅老本行,實行娛樂印刷雙線發展,佢o依家睇緊幾個劇本,今年應該會有幾個新人加入,會審慎投資。咁點同其他娛樂大亨(例如岳少林建 岳同大國文化嘅李澤楷)鬥呢?佢話娛樂係一個大行業,好多人話難撈,但亦有好多做得好好嘅娛樂公司,而佢哋優勢係有強而有力嘅管理團隊。咁噚日親身撐場嘅 爸爸點睇呢行前景呢?Sorry,薛主席點都唔肯講。其實仲有乜好講呢?麟仔咪係佢嘅前景囉,係咪? |
2011-4-27 AD
星爺周星馳轉戰 財經圈後,動作不斷,勢要借旗下比高(8220)喺內地電影業大展拳腳,做中國影業大亨。不過,近期就似乎有些少阻滯。話說比高今個月中公佈嘅配股計劃, 噚日再一次估佢唔到,突然叫停。公司復牌,股價難免急瀉,星爺「抽水」唔成,自己荷包反而先縮水,賬面計唔見咗成億銀。
比高發通告,話考慮過當前市況後,配售同認購各方都同意終止配股交易。比高今個月中公佈,計劃向6名投資者配售5.5億股集資。比高董事局認為,叫停配股對集團業務同財政狀況都唔會有大影響。
股價勁跌24%
可惜市場似乎唔係咁諗喎,比高噚日復牌,勁跌24.2%,收報0.185元。以星爺家陣持有17.26億股計,賬面身家蒸發1.02億銀。不過,星爺01年套《少林足球》,傳聞當年都收1500萬片酬,事隔10年,正係今時唔同往日,賬面唔見1億,應該唔係幾肉痛啫。
講真,今次比高配股都咪話唔多波折,之前諗住先舊後新配股,點知繙譯錯變成星爺沽貨,今次仲觸埋礁o忝。查實比高諗住未來3年,每年喺內地開12間戲院,單計今年已經最多要投資2.4億人仔,配唔成股,以集團手頭現金1.1億嚟睇,星爺個電影院大亨夢似乎有變數。
李華華