ZKIZ Archives


財金「巴打」潮流袋巾由我創 高仁

1 : GS(14)@2016-07-05 02:04:40

2016-06-27 HJ

戴Sir「投訴」高仁把「豬朋狗友」飯局內容「搬上枱」,坦白說,在報章上以飯局對話形式探討財技,而又讓各位「巴打」輕輕鬆鬆「有嘢」(財技知識)落袋,高仁可能是財經界的第一人,戴Sir最終都「給力」支持。

各位「巴打」是否記得高仁講過,投行對「唉賓」的Look或禮儀相當講究,甚至有專門教授選購及穿着西裝的課程(詳見今年1月初〈「唉賓」穿西裝的大學問〉文章)。高仁決定再encore,撰寫「財金『巴打』衣着」系列文章。

「高仁指點」話你知,「唉女」可以靠高跟鞋及手袋提高貴氣,而「唉賓」則可透過袋巾提升氣派及品味。高仁最愛的是一字平摺法的袋巾,主要是貪其簡單且大體,並帶領財金「巴打」用袋巾的潮流。

在披露對話實錄之前,請各位「巴打」與「絲打」重溫人物背景,簡介如下:

戴孤劃──又稱為「戴Sir」,《信報》「蠱壇辨虛實」專欄作家,上市公司大股東,經常欺壓小股東;

程更計──本地證券行經紀兼財務顧問,除了招呼散戶之外,亦向上市公司出謀獻計。

尊重客戶場合

戴孤劃:高仁,你真係厲害!自從你用咗一字平袋巾之後,就好似帶起咗一股潮流咁,其他財金「巴打」都爭相仿效喎。

高 仁:哈哈!以往財金「巴打」衣着嘅靈魂係領呔, 但我覺得用袋巾有畫龍點睛嘅功效,可以把一套西裝由平凡變得不平凡。有時候,我用袋巾係唔想打領呔,因為怕熱兼且食飯時又麻煩。財金「巴打」跟風用袋巾,就可免卻在大熱天時打領呔嘅痛苦。

戴孤劃:係啦,近排天氣真係愈嚟愈熱,我見到有啲財金「巴打」索性除咗條領呔,先至落街去食lunch。

高 仁:咁要視乎不同場合而定嘞!如果我唔打領呔嘅話,就會為西裝加上點綴,通常就用一字平袋巾,主要係要體現對客戶同場合嘅尊重之餘,仲可以進一步「升呢」,一舉數得。

程更計:乜袋巾唔係淨係得三角形咩!?

戴孤劃:你真係見識少,袋巾又點止三角形一款咁簡單!

高 仁:其實,三角形袋巾係叫做角錐摺法,佢係將方形袋巾對角摺成正三角,之後左右兩角再向內摺,再塞內西裝袋口,就會露出三角嘅造型【圖1】。

角錐摺法簡潔霸氣

程更計:呢種摺法,我經常喺社交活動或婚禮場合見到,望落去簡潔得嚟又有啲霸氣。

戴孤劃:高仁,你通常用嘅一字平袋巾,感覺上相當乾淨利落,究竟係點樣摺出嚟呢?

高 仁:哦!其實,一字平摺法好簡單,首選揀白色袋巾。方形袋巾對摺之後,再向上摺三分一, 塞入西裝袋口露出1 cm【圖2】,個look就最perfect,簡直係型到冇朋友。

程更計:咁聽落呢兩款袋巾摺法都好簡單喎!

戴孤劃:嘩!阿程嫌簡單,高仁介紹幾款難嘅畀佢!

高 仁:冇問題。等我食番隻燒鵝左髀,飲啖普洱茶休息一下先。但再講之前,提提各位財金「巴打」,有一樣嘢要切記嘅係,除非場合係異常隆重,否則用袋巾加領呔就會over咗。(飯局未完,下周待續。)

財金「巴打」衣着系列文章之一

本欄逢周一刊出。

歡迎交流上市公司的財技個案及招數,請電郵至koyan@hkej.com

?

#高仁 #財經拆局 #財圈識真假 - 財金「巴打」潮流袋巾由我創
財金 巴打 潮流 袋巾 巾由 由我 我創 高仁
PermaLink: https://articles.zkiz.com/?id=302433

【前路由我創】他會考5分 今日是基金經理

1 : GS(14)@2016-07-14 08:06:49

中國銀盛資產管理董事吳家順於其自傳《股壇15年血淚史》上,曾提及當年會考只有5分。他接受本報訪問時表示,5分來自中、英、數、中史、西史合格,因當時會考前父親過身大受打擊,所以無心機讀書,臨考前讀咗3個月書,先至有五科合格。他自嘲中學時期是一個宅男,勸籲同學「唔好掛住打機、做毒L」,因為香港打機無糧出,所以唔好坐喺度老奉浪費時間,應搵自己強項加以發展。當年會考5分後他打過幾份工,後來接觸到會計,以半工讀形式考會計師牌照,並曾於一間本地中小型會計師樓做了5年核數。他認為,在中小型公司工作的好處是,自己可以睇晒成盤數,較大公司更多機會;核數當中亦見過好多行業,同時亦令佢對股票產生興趣,於是2003年沙士入金融業。「結婚前轉行,如果結咗婚就轉唔到喇!」直至現時,吳家順擁有自己的資產管理公司以及基金。吳家順認為,成績好的同學仕途會易行啲;但成績不太好的同學不用太灰心,縱使起步時跑在別人背後不要緊,只要努力亦可以闖出自己的路,盡力all in自己的工作和事業,機會來到的時候就可以抓緊。「起跑線無得揀,但終點設喺邊係自己話事,從來唔會望我老豆係李嘉誠,只希望我個囡有個唔錯嘅爸爸!」記者:張紫茵





來源: http://hk.apple.nextmedia.com/financeestate/art/20160714/19694536
前路 由我 我創 會考 今日 基金 經理
PermaLink: https://articles.zkiz.com/?id=303630

【動畫】癱瘓老公求離婚老婆開條件:繼續由我照顧

1 : GS(14)@2016-10-29 13:20:18

夫妻本是同林鳥,大難來時各自飛,不一定的!廣西來賓市忻城縣一名男子,因意外摔傷導致下半身癱瘓,為了不拖累妻子,堅決離婚。妻子拗不過他,只好答應,但條件是丈夫必須答應離婚不離家,繼續由她養及照顧。判案20多年的法官也稱聞所未聞,為之動容。本月18日上午,當地法庭庭長羅培賢接到一個電話,來電的是遂意鄉琼古村26歲女子黃海惠,她稱和丈夫都有離婚意願,但丈夫癱瘓在床,出不了門,庭長羅培賢當日下午開車到她家中了解情況,見黃的28歲丈夫藍海劍,連翻身都要家人幫忙。次日,羅培賢與同事再到黃海惠家中,在客廳掛起巡回法庭橫幅,就地審理這宗離婚案。當羅培賢問黃海惠是否同意離婚時,她流着淚說:「我一直都不答應離婚,但為了不給他(丈夫)造成壓力和產生極端想法,了卻他的心願,我答應離婚。但前提條件是,他要答應離婚後,還繼續住在我家,由我來養!」此話一出,令羅培賢十分驚訝。羅培賢當場撰寫調解書,確認二人離婚,藍海劍和6歲兒子繼續住在黃海惠家,並由黃及其家人照顧。原來,藍海劍和黃海惠識於微時,2010年結婚,由於妻子是獨生女,在岳父岳母要求下,藍入贅黃家。數月後,黃海惠生下兒子。2011年3月,黃家起新房,藍上第三層安裝排水管道時摔下,導致腰椎骨折,下半身癱瘓。養家的重擔以及償還起屋的債務,便落在黃海惠和其年老父親身上。「一想起妻子和岳父辛苦賺錢養家,而我癱瘓在床,甚麼都做不了,我心裡很難過!」藍海劍說,每當想起拖累着年輕的妻子,便心有不安。兩年前,他開始提出離婚,好讓她再去尋找幸福。今年,他想離婚的意願更強烈。最令人感動的,是黃海惠50歲母親蒙愛能,一直照顧藍海劍的起居飲食。蒙愛能說:「我把他當兒子照顧了那麼多年,加上他對我家有恩,即使現在他們離婚了,我也不會讓他離開。我希望通過我的照顧和尋醫問藥,有一天能讓他重新站立起來!」廣西新聞網




來源: http://hk.apple.nextmedia.com/international/art/20161029/19816109
動畫 癱瘓 老公 離婚 老婆 條件 繼續 由我 照顧
PermaLink: https://articles.zkiz.com/?id=313956

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019