ZKIZ Archives


中環在線:瑞豐余允抗搵譚校長撐場 李華華


2011-6-1  AD




 

上市公司經常搞投資者考察團,但點樣可以令班投資者印象深刻?不妨參考日前瑞豐石化(8096)個佛山兩日一夜團。

做 基金經理嘅老友同華華講,嗰日大班人應瑞豐主席余允抗邀請,上佛山睇佢哋嘅煉化廠,去到原來主辦單位順手搞埋公司annual dinner。更令佢哋意外係,表演嘉賓竟然係校長譚詠麟。譚校長仲帶埋幾個後輩一齊演出,至於大會司儀係曾志偉拍安德尊。投資者當然睇得開心,瑞豐自己 員工就更happy,余大導果然照顧周到。

據聞譚校長好多年冇做過呢類表演嘉賓,志偉亦唔係咁易請得郁,余大導果然夠「飛士」。除咗主席搵人撐場,執董余維強都唔弱,搵到周文耀站台。