ZKIZ Archives


中環在線:王晶唔做董事費事要再培訓? 李華華

2010-12-02  AD




 

漢傳媒(491)噚日宣佈,導演王晶(真名王日祥)以希望分配更多時間處理自己嘅其他業務同個人承擔為由,唔再做執董,即日生效,而晶哥嘅離開,令人想起一件事……

港 交所(388)前排公開譴責晶哥同漢傳媒前執董余錦基,話佢兩個07年間用公司錢多次買入和成國際股份,但冇主動披露,違反《上市規則》,所以要佢兩個喺 半年內修讀一個24小時董事職責及企業管治培訓課程,舊年已辭任嘅基哥仲話,冇做董事應該唔使再上堂,唔通晶哥抄橋避開個培訓班?


中環 在線 王晶 唔做 董事 費事 要再 培訓 華華
PermaLink: https://articles.zkiz.com/?id=19860

志雲回朝大執位六嬸引退殼王引入王晶

2011-9-5  NM




無綫電視業務總經理陳志雲涉嫌貪 污案於上週五(九月二日)於區域法院裁決,案中三名被告陳志雲、叢培崑及陳永孫,五項控罪全被判無罪。但本週二律政司決定上訴,陳志雲雖未完全甩難,但早 為強勢回歸還以顏色,死敵樂易玲被削權,王晶入局插手藝員部,曾勵珍亦被伸一腳。據了解,「威遠行動」未一鋪震倒陳總,卻震散無綫,法官一番「上巿公司唔 係大股東俱樂部」說話,加速「六嬸」方逸華提早離場。通宵慶祝

原以為無罪一身輕的陳志雲,在判決當日中午已經開始出動慶祝,先跟一班好友在君悅酒店三十樓Grand Club開餐,晚上就在一直撐實他的好友羅寶文旗下沙田麗豪酒店開派對,跟一班不離不棄的好友包括王喜、古巨基、鄺美雲以及律師等飲紅酒食大閘蟹,玩足八 粒鐘,至翌日下午才盡興離開。週一(九月五日)早上接近九點第一日返工,風騷陳總向守候的傳媒打招呼,但不設發問時間,只強調會集中火力搞好製作,又公開 問候當日在法庭外採訪受傷的記者。直至晚上七點多,陳總與壹傳媒集團老闆黎智英在半島酒店食晚飯。

退出董事局

被指有多間公司向陳志雲招手,離巢消息滿天飛,不過,據知最快離場的並非陳總,而是多年來權傾無綫的「六嬸」方逸華,以及副行政主席兼執行董事梁乃鵬,為 讓新班子銜接,二人會先行退出董事局。「六嬸本來有意喺台慶夜進行交接儀式,但嗰日法官講咗番『上市公司唔係大股東俱樂部』嘅說話,令老人家覺得好冇面, 佢哋會以私人理由退出唔玩,淨係留低李寶安喺董事局,而陳國強同王雪紅會提前喺十一月前接手無綫。」知情者透露。

主動示好

大靠山唔玩,當日跟集團總經理李寶安聯手指證陳總的樂易玲,連日來指陳總無罪釋放是「最完美結果」,又表示會跟隨陳總指令,繼續工作再度振奮士氣。其實, 未等陳總正式回朝,樂易玲已經開始做準備功夫,過往一直被她視為眼中釘的王喜,在判決前數日,已接到復工通知。「之前王喜幫《香港演義》做主持,因為同出 面個job撞期,佢(樂易玲)搵下面嘅人通知王喜補錢走人,即係變相炒魷,但早幾日又話夾到時間,叫佢幫個節目埋尾。」樂易玲主動示好,據了解,是跟新老 闆開始做嘢,整頓公司架構有關。「因為陳總件事明朗化,公司覺得係時候整頓內部,殼王會搵自己老友王晶入無綫經理人部門開多一條line,陳總新開節目 《聲寶之夜》,就係吸納有潛質新人,然後簽入王晶嗰邊,現有嘅藝人亦可以選擇過底,呢個方案變相削樂小姐權。不過王晶而家仲係心大心細,未覆實殼王。」知 情者透露。

珍姐冇得續約

一直是陳總派系的戲劇製作總監曾勵珍,因為早已轉投李寶安陣營,判決當日,她更索性放大假;不過她返工後就會有所「變動」。「以前珍姐話晒事,佢指定用邊 個就邊個,好似黃浩然同黎耀祥唔係經理人合約藝人,照樣密密有劇開,搞到好多親生仔女有怨言。珍姐應該坐唔耐,佢仲有唔夠一年就退休,公司唔打算同佢續 約,會搵梁家樹坐佢個位。仲有,一直撐陳總嘅何麗全遲早都會返無綫,佢同Now份約只係一年,完約就會回巢。」知情者透露。記者致電王晶求證新動向,他故 弄玄虛說:「我呢一秒都冇聽過。」不過下一秒嘅決定就冇人知。

有上有落

志雲落難十八個月,嘗盡人情冷暖,今次回歸掌舵無綫,陳總先來個大執位,有人歡喜有人愁。

王喜率先回歸王喜因一直為志雲擔遮擋雨,因而遭無綫冷待。上月與無綫仍未約滿的他,就被藝員部向他提出賠錢解約,世態炎涼。豈料志雲案開審前夕,無綫忽然 180度轉軚,找他回歸為《香港演義》拍攝餘下集數。

馬浚偉棄將變大熱馬浚偉擔演的《紫禁驚雷》兩小時結局篇收視高達四十點,因他是志雲愛將,加上樂易玲要為《潛行狙擊》的謝天華造勢,所以將《紫》劇的收視 低調處理。有傳陳總回歸會為他出番啖氣,向外補發《紫》劇的好成績外,更會支持馬仔是視帝大熱之一。

崔建邦繼續做 P.A志雲落難,崔建邦為求自保急於與恩師劃清界線。對反骨愛將,陳總徹底心淡,放棄幫他翻身,繼續做P.A。

鄧健泓有待觀察陳總落難初期,愛將鄧健泓怕得罪無綫唔敢出力撐。兩邊不討好,近年被公司冷落,唯有轉戰舞台劇。陳總甩難後亦對呢位過氣愛將再加觀察。

陳敏之坐正女一陳敏之跟陳志雲返教會而稔熟。今日她終於「撐得雲開」,由二線坐正做女主角,在新劇《東西宮略》與陳法拉看齊。

樂易玲削權樂易玲與陳志雲積怨多年,陳總落難之時,樂易玲出庭頂證,面對宿敵回歸,樂將被嚴重削權,不可隻手遮天掌控藝員部。

曾勵珍冇得續約珍姐與無綫餘下約一年合約,滿約後這位老臣子將不獲續約,效力數十年亦要被摒出局。

何麗全重掌綜藝前無綫非戲劇組總監何麗全在陳總出事後,跳槽到Now TV擔任首席副總裁,但據知與陳總好老友的何麗全一年約滿後會回歸無綫,重掌綜藝大權。

錢國偉自出自入錢國偉於去年三月與陳志雲等人被廉署扣查,同年八月獲廉署撤銷檢控,他向無綫請辭,志雲回歸,他亦會以自由身為無綫監製節目。

水落石出

轟動一時的陳志雲涉貪案,經過18天聆訊,終在上週五(九月二日)審結。法官潘兆童判詞長達39頁,讀足個半鐘。案中三名被告陳志雲、叢培崑及陳永孫,五 項控罪不成立,當庭釋放。

10年2月7日:奧海城《志雲情人節首選》新書發布會 涉及控罪:一項串謀詐騙罪控方:陳志雲、叢培崑隱瞞收取贊助商瑪貝爾鑽飾30萬元,串謀詐騙無綫及五名花旦佘詩曼、楊怡、楊思琦、陳敏之及陳倩揚。法官: 無綫並無清晰的「撐場」程序指引,免費派出藝員為高層「撐場」並不罕見。上市公司不是「大股東俱樂部」,無綫不可能免費派藝員出席,名為撐場,實為推廣。 09年12月31日:奧海城《奧海城全城狂歡邁向2010》 涉及控罪:串謀使代理人接受利益及代理人接受利益兩項罪控方:陳志雲在未經無綫同意下,從叢培崑任董事的思潮廣告製作有限公司收取11.2萬元作報酬。法 官:無綫無理由天真地認為奧海城毋須分文便邀請到陳志雲。陳志雲以名人、藝人身份主持《志雲飯局》,與其總經理行政責任不相關。 09年10月30日:澳門《新濠天地呈獻翡翠歌星賀台慶》 涉及控罪:一項串謀詐騙罪控方:叢培崑及陳永孫不誠實訛稱無綫指示新濠天地,將520萬元給思潮製作有限公司,並挪用其中55萬元。法官:新濠天地所支付 的費用大部分是實際支出,非思潮的利潤,而思潮亦確實有為對方工作。陳永孫服務無綫30多年,一直忠心,其上司鄭善強亦給予很高自由度。


誌雲 雲回 回朝 朝大 大執 執位 位六 六嬸 引退 殼王 引入 王晶
PermaLink: https://articles.zkiz.com/?id=27498

因小失大偏心童菲謝婷婷王晶一拍兩散

2012-10-04 NM



千揀萬揀,最終決定簽王晶的謝婷婷,三年經理人合約終於屆滿,今年初開始,王晶多番挽留,卻未有成功留低婷婷。當初講明要力捧對方成為新一代打女,雖然王晶未有兌現期票,但一直是活動寵兒的婷婷,本著是公司金蛋,加上王晶擺明偏心童菲,決定外闖;還將王晶得力助手一併撬走,一拍兩散。多多錢無用

上週三晚(九月二十六日),已回覆自由身的謝婷婷出席「關注乳癌運動」二十週年活動,對外傳甩王晶後會跟隨謝霆鋒簽約英皇,她斷然否認,更強調若再簽經理人公司,首要條件最緊要「夾」,否則多多錢都無用。謝婷婷並非信口開河,而是有感而發。據瞭解,三年前正式全身投入娛樂圈的婷婷,在多間公司中敲定王晶,只因對方承諾三年五部戲、力捧做打女的條件。「婷婷喺公司三年,到而家都係拍得三部戲,第一部《李小龍》,係文雋公司開嘅,之後拍嘅《猛鬼愛情故事》,婷婷根本唔鍾意個劇本,覺得個角色唔係咁適合佢,加上套戲係兩個故事佢只佔其中一個,所以拍得唔係咁開心。到最後一部《絕色武器》,話曬第一次孭重飛,但公司宣傳唔係好多。相比起童菲出寫真集,王晶搵咁多人撐場,出曬力做宣傳,佢覺得公司好大細超。」知情者說。

力谷晶女郎

新寵童菲今年六月出寫真集,王晶掟近百萬,連巴士都做埋廣告,記者會當日又嗌齊錢國偉、葉念琛撐場,出曬力。「婷婷覺得自己唔受重視。老實講,近年佢出好多活動同接美容廣告,騷價八萬蚊起跳,其本上佢一個人嘅收入,已經可以養起成間經理人公司,但啲資源就集中曬喺童菲身上,好似公司開《大上海》,有周潤發、黃曉明,都係俾童菲擔正女主角,所以佢覺得公司好偏心。」謝婷婷不願留低,更將一直幫她的經理人及女助手帶埋走。「婷婷走咗冇耐,啲人就跟住辭職,個助手而家都有跟住婷婷出嚟,所以晶哥都有啲嬲。」一名公司員工說。

反枱收場

藝人和公司、經理人反面,甚至公開互相指摘,不歡而散的例子比比皆是,嚴重的甚至對簿公堂,無回頭!

謝安琪300萬贖身

因經理人夏森美跟環球關係惡劣,加上四大唱片歌手絕跡無線,繼而吳雨霏加盟環球坐正,謝安琪事業雪上加霜,為免坐以待斃,最終以三百萬贖身費解約。

農夫演唱會難產

本來講好今年八月開騷,但臨開騷前突然以門票滯銷宣佈取消演唱會,令農夫和經理人對星煥唱片極度不滿,雖然離滿約日子不遠,仍決定長痛不如短痛,提早解約。

Solar打足六年官司

孖仔樂隊Solar早於06年跟蜂鳥唱片關係變壞,07年自立門戶,結果遭對方入稟要求賠償,最後Solar被判賠償505萬,兩人上訴亦被駁回,月前蜂鳥再入稟,索取Solar財務資料,雙方打足六年官司。

 
因小 小失 失大 偏心 菲謝 婷婷 王晶 一拍 拍兩 兩散
PermaLink: https://articles.zkiz.com/?id=38239

內地觀眾為港導演打分 杜琪峯、徐克最掂 王晶認輸

1 : GS(14)@2012-04-09 18:43:46

http://hk.apple.nextmedia.com/te ... 462&art_id=16230054

王晶:狀態已升


王晶被指傷了不少觀眾的心,他在微博中坦言:「我不敢和徐、杜兩位比。真心自愧不如。但自八七年至九九年。我的顛峰狀態也維持了十二年。二千年和 01年改任行政人員,之後再執導筒,便一直回不了十足狀態,我明白急不了,一直當自己是新人從頭再來,別人的看法我也管不了。今年,我有感覺狀態已有所提升了,希望很快就能交出更好的考卷。」杜琪峯則笑謂多謝大家,並望觀眾繼續熱愛電影,因為他很喜歡電影。
內地 觀眾 為港 導演 打分 杜琪 徐克 最掂 王晶 認輸
PermaLink: https://articles.zkiz.com/?id=278701

昨日睇巨輪,睇到李司棋同劉江呢兩個角色,其實在王晶套賭神合作過配音(加80年代真劉江 vs 巨輪中80年代劉江)

1 : GS(14)@2013-10-05 16:39:57

想起賭神張敏個配音就是李司祺,做高義的角色就是劉江配,突然想起些變態的東西....自己睇,唔講啦
1:08:20- 1:11:38
2 : GS(14)@2013-10-05 16:41:12

睇下預告聽聽把聲啦
3 : ijoe79(20432)@2013-10-06 02:23:56

佢喺8,90年代有套劇担正,角色叫"趙德",果次都算TVB少有搵"叔"輩做主角,之後要到元華喺"男人四十打功夫"先有
4 : greatsoup38(830)@2013-10-06 10:53:23

3樓提及
佢喺8,90年代有套劇担正,角色叫"趙德",果次都算TVB少有搵"叔"輩做主角,之後要到元華喺"男人四十打功夫"先有


http://zh.wikipedia.org/wiki/%E9 ... F%E7%98%8B%E7%8B%82
阿德也瘋狂
劇情

資深探員趙德(劉江飾)常受妻子(王綺琴飾)日夜責難,被迫移民加拿大,因不慣當地生活,獨自回港工作,留下妻女在加。分隔兩地間趙德與妻子鬧婚變,改為與玲(羅慧娟飾)來往。玲與母(白茵飾)俱熱衷選美,卻為德所破壞,從此發展出一段感情。

趙德拍檔鄭二(邵仲衡飾)糾結同黨林雄(周星馳飾)綁架事敗,於獄中努力向上,進入了一家大公司。後趙德與鄭二合作,發現一宗大型的商業訛騙案......

估計都是當年亞視搶人好勁唔夠人至會咁做
5 : greatsoup38(830)@2013-10-06 10:58:04

醒起一件事,真80年代初的劉江 vs 巨輪扮80年代初的劉江

約7:29 開始-11:24



6 : greatsoup38(830)@2013-10-06 11:00:49

呢兩套戲,一套是後生扮老,一套是老扮後生,頭髮都睇到,哈哈
7 : drbull(3010)@2013-10-07 11:11:55

而家亞視播緊天蠶變,佢都有份做呀~~~風雷雨電~好型 :P
8 : GS(14)@2013-10-07 22:32:08

7樓提及
而家亞視播緊天蠶變,佢都有份做呀~~~風雷雨電~好型 :P


哈哈哈
9 : GS(14)@2013-10-12 15:27:21

7樓提及
而家亞視播緊天蠶變,佢都有份做呀~~~風雷雨電~好型 :P


昨日留意到~~
10 : greatsoup38(830)@2013-10-13 19:32:07

官仔骨骨的劉江,奸醫一名~
11 : greatsoup38(830)@2014-01-25 22:27:15

竟然紅
12 : greatsoup38(830)@2014-01-25 22:27:38

哈哈
13 : greatsoup38(830)@2014-01-25 22:27:44

今日做賭神,哈哈哈又播呢段啦
昨日 巨輪 睇到 到李 李司 司棋 棋同 劉江 兩個 角色 其實 王晶 套賭 賭神 合作 配音 80 年代 vs
PermaLink: https://articles.zkiz.com/?id=283825

馮仁昭四圍超:星爺賀歲片撼贏王晶

1 : GS(14)@2016-02-09 12:33:27

近日有人發起杯葛王晶執導嘅賀歲片《賭城風雲III》,前日呢部戲重俾美國權威電影網站IMDb評為1.1分,破咗網站最低分紀錄。至於幾部賀歲片票房,截至噚日下午6點單日票房,周星馳執導嘅《美人魚》有363萬暫排第一位,《賭城III》有283萬排第二,而《西遊記》就以189萬排第三。撰文:馮仁昭





來源: http://hk.apple.nextmedia.com/entertainment/art/20160209/19484471
馮仁 仁昭 四圍 星爺 賀歲 片撼 撼贏 王晶
PermaLink: https://articles.zkiz.com/?id=295659

網民新招抵制王晶+TVB高登怒爆《使徒行者》結局

1 : GS(14)@2016-08-16 06:11:23

如題,本文有劇透。但唔會現在就開……睇多幾行字,知道埋件事嘅前文後理先。邊個係第6個臥底?基本上電影版《使徒行者》成部戲嘅大橋。可能性得兩個,一個係古天樂,一個係張家輝。兩個都係黑幫,你覺得係邊個?之前大台劇集《使徒行者》鋪咗32集,搵5個臥底(其實加埋覃歡喜,應該係6個),大台為求谷自家投資嘅電影版票房,即急急再次重播全劇,希望喚起集體回憶增加入場意欲,無奈電影版只係得尋人大橋一樣,但冇咗爆seed哥,冇咗Kobe,換來的是「TVB電影御用卡士」:吳鎮宇X古天樂,即使保留咗釘姐同歡喜哥,味道已經變質。釘姐喺電影版嘅作用,只係穿針引線,帶出兩位型男;而吳鎮宇嘅角色,其實又有啲似三哥苗橋偉(卓Sir)嘅變奏。尷尬位嚟喇:觀眾一方面覺得換湯不換藥(大橋、吳鎮宇、古天樂),一方面又覺得變咗。電影上映之前已經陸續有負皮,例如:「又係張家輝又係古天樂又係毒品,差咁個劉青雲就可以叫《掃毒2》」「都唔係用原本班底,次次電影就飛起原本個啲,搵埋啲影帝嚟做。」「TVB難得一套劇成功好睇,搞一搞電影版又唔係原班人馬拍,成套戲《掃毒2》咁。」「其實《使徒行者》冇咗林峯就已經唔係《使徒行者》」「你哋換晒原作班底,不如改名叫《爆醬瀨尿蝦牛丸》啦笨!」《使徒行者》開畫日票房收$1,086,505,前日收$1,037,086。留意番,《使徒行者》導演係文偉鴻,監製係王晶,無綫投資,兼夾係合拍片,會喺大陸上映。高登仔同王晶/TVB關係咁「好」,所以部戲上映兩日,已經有巴打開PO,條題就係劇透,想知就拉落去:↓↓↓↓↓↓↓↓↓↓↓↓↓「張家輝係臥底古仔係扮臥底震乳死左。」高登呢個po,正評224,負皮20。巴絲打對於有人劇透反應竟然咁正面,原因,不難明。有巴打留言補充:「點解Black Jack(第6個臥底)為咗古仔而死得咁慘」「有冇完整劇透想貼去ua個fanspage」「套嘢好似掃毒」「支持打擊爛片」「扮高科技場面令人失笑,用直白對話交代劇情,又有傻的嗎假死情節,燈光、攝影、剪接都係電視級數。」唔止咁,仲有網民發動「廣傳」運動,請大家響應高登一齊share結局出去,理由係「TVB同王晶合作搞嘅《使徒行者》太垃圾喇,呢個兩個單位合作嘅電影太令人眼前一亮喇,所以垃圾一定要劇透!」、「愛香港支持本土嘅你一定要參與下!一齊劇透劇透劇透劇透劇透!睇佢點玩局中局!垃圾反間計!」大家點睇?




來源: http://hk.apple.nextmedia.com/entertainment/art/20160815/19736756
網民 新招 抵制 王晶 TVB 高登 怒爆 使徒 行者 結局
PermaLink: https://articles.zkiz.com/?id=305949

同高登仔種落仇口杯葛王晶品牌電影

1 : GS(14)@2016-08-16 06:11:24

近年大台電視劇叫好叫座嘅唔多,一隻手都數得晒,前年嗰套《使徒行者》算係唔錯,最後又俾大台推出嚟拍電影版吸金……電影版上星期四上映,導演用番大台監制文偉鴻,監制就由王晶同樂易玲擔任。《使徒行者》電影版喺上映第一日,已經有高登仔喺網上劇透,估都唔使估,開post話邊位主角會死,邊一位係卧底。平時劇透都係得罪人多,但今次就有人叫好,點解?因為高登仔同王晶原來有過節。曾經講過「我20歲成名、22歲置業,25歲擔任導演,紅足40年。」嘅王晶,一向愛認叻又言論惹火,11年佢翻拍《大龍雙龍傳之長生訣》、12年開拍新版《古惑仔:江湖新秩序》,都因為選角問題同網民嘈交;14年雨傘革命,王晶支持反佔中,又話要同佔中藝人絕交,最終佢同高登仔種落唔少仇口。直到今年初,王晶套賀歲片《賭城風雲III》上畫,撞正《十年》只有少數戲院有得播,結果高登仔終於忍唔住話要杯葛套戲,仲留tag話「同王晶一齊睇《十年》」。當然王晶都冇收口,仲話過:「香港嘅票房係內地嘅1/25,你話我會唔會擔心吖?」結果呢套戲上咗一個月,香港總票房有2,504萬,輸咗俾賀歲檔主要對手、「星爺」周星馳執演嘅《美人魚》5,622萬票房幾條街。




來源: http://hk.apple.nextmedia.com/entertainment/art/20160815/19736759
同高 登仔 仔種 種落 落仇 仇口 杯葛 王晶 品牌 電影
PermaLink: https://articles.zkiz.com/?id=305951

接王晶羅鈞滿班 蘇永康搶做新一代負皮王

1 : GS(14)@2016-12-24 10:55:36

負皮是如何煉成的?其實唔難嘅,只要口沒遮攔兼惹火,或者係不斷有是非,都好易引起網民圍剿,再講多幾句,久而久之就好易變成「負皮王」喇。王晶:王晶不嬲都好有「自信」,一向都有同網民開火嘅習慣,試過為《大唐雙龍傳之長生訣》選角問題同fans嗌交;又試過就雨傘運動同前學民思潮召集人黃之鋒喺facebook駁火。俾人負評唔係一日嘅事,今年初仲有人話杯葛王晶套賀歲電影《賭城風雲3》,而王晶又好寸咁話香港,票房只係得內地嘅25分之1……王晶啲言論咁唔重視佢出身嘅香港,就知點解點啲人要負皮佢啦。羅鈞滿:講起羅鈞滿,會諗起啲乜?滿身是非囉!幫佢數一數,2012年違反交通條例停牌3個月;13年被指曾經炒燶窩輪,幾十萬債要家人幫手填數;之後又博出位,指王維基嘅香港電視不獲發牌係商業失敗;2015年又背住女友張文采搭上空姐,結果被對方狠批浪費花陰;再到今年3月,再次因為醉駕,被判社會服務令同停牌兩年。咁多是非,有人就寫咗篇網文《做人別太羅鈞滿》,一邊暗寸佢唔生性,一邊叫人唔好學佢。負評太多機會又冇珍惜,結果係連大台都唔同佢續約,喺上個月台慶日,羅鈞滿要宣佈離巢。蘇永康:蘇永康一向都好有火,睇佢年中同「天下第一關」鄭紹康隔空開火,就知佢像講嘢唔顧後果。上月底蘇永康宣佈老來得子,咁高興當然要分享啦,不過佢講到對個隻嘅期望,就好狠咁話:「我唔想生個梁天恆,我唔想生個游蕙禎,我要佢識分莊閒。」一次過拉咗梁頌恆、梁天琦同游蕙禎落水,搞到網民反感。蘇永康仲被人拎番以往吸毒件事嚟講,又俾人喺facebook洗版,不過統統都俾蘇永康刪除晒啲留言,成為新一代負皮王。




來源: http://hk.apple.nextmedia.com/entertainment/art/20161224/19875760
王晶 羅鈞 鈞滿 滿班 蘇永康 搶做 新一代 負皮 皮王
PermaLink: https://articles.zkiz.com/?id=319994

王晶《賭城III》包辦最爛導演電影阿倫Baby金話梅封帝后

1 : GS(14)@2017-04-09 10:49:39

■阿倫浮誇式演繹《江湖悲劇》,令他再次獲封最爛男演員。劇照



【第十二屆「金話梅電影選舉」】由《蘋果》動新聞和娛樂版舉辦的第十二屆「金話梅電影選舉」(Golden Plum),宗旨是砥礪電影業界,監察粗製濫造的作品,希望藉此喚醒製作人的良知,別再拍爛片。經過一個月讀者投票後,結果由王晶執導的《賭城風雲III》,以高票搶走最爛電影/導演和最爛場面兩獎,登上爛片之巔。至於最爛男/女演員獎,分別由《江湖悲劇》的譚詠麟(阿倫)和《封神傳奇》的楊穎(Angelababy)捧走(見附表)。



■Baby憑《封神傳奇》首度捧走金話梅最爛女演員。劇照


浪費好演員

今年投票人數共有6,404人,是選委選特首的人數數倍之多,認受性相對較高,某程度反映出觀眾對去年出產的電影有頗多意見。由周潤發、劉德華和張家輝主演的《賭城III》雖然贏票房,但相對劣評更多,在最爛電影/導演獎由頭帶到落尾,以2,936票奪冠,得票率46%。此片的爛,在於起用一班好演員,居然主打山寨式特技,平白消費了一班演員。當中一幕機械人大戰,打足十分鐘,榮登最爛場面可說實至名歸,共有3,495票,得票率高達55%。《江湖》的阿倫撼低《偷天特務》的王祖藍獲最爛男演員,阿倫以上世紀80年代的浮誇演繹挺胸收腹貫穿全片,有2,501票,得票率39%,是他繼07年《左麟右李之我愛醫家人》後第二次奪獎。至於Baby,她以3,282票遠遠拋離伍詠薇,首度捧走金話梅最爛女演員獎。撰文:李森




來源: http://hk.apple.nextmedia.com/entertainment/art/20170409/19984320
王晶 賭城 III 包辦 最爛 導演 電影 阿倫 Baby 話梅 封帝 帝後
PermaLink: https://articles.zkiz.com/?id=329822

【西遊記】王晶拍的《Prison Break》

1 : GS(14)@2017-06-18 21:45:43

【文化籽:西遊記】最近,世界末日㗎喇,慘無人道呀。話說,方太一向頂《愛.回家》唔順;又嫌棄《射鵰英雄傳》入面,黃蓉唔夠嬌俏,穆念慈太靚,洪七公唔係劉丹;仲九年前已經睇晒成套《蘭花劫》;搞到晚晚六點未夠已經想睡眠。我勸方太追看《詭探》,她又怪責畫面太黑。身為兒子的,無能為力,感到很心痛。



只有星期一,方太才找到少少生存意義。十幾年前,她曾經瘋狂迷戀美劇《逃》(Prison Break),粵語配音,大佬Lincoln Burrows叫布利恒,細佬Michael Scofield叫施米高,四季劇終後,念念不忘。就算明珠台其後播出的《心計》(The Mentalist)、賈神探(Castle),或者《醫神》(House),如何出色,也無法取代逃獄兩兄弟的地位。何況,以上劇集未播到大結局,明珠台已經取消雙語廣播。叫方太閱讀字幕?是有點強人所難吧。直到去年,收到消息落實拍攝《逃》的延續篇,我立即向方太報喜。方太即時興奮怪叫,就似梁振英宣佈放棄角逐連任時,香港人的反應。隨即,眉頭一皺:「施米高都死咗啦,仲可以拍落去?」「你使乜擔心吖?總有方法解得通㗎啦。」活在香港,再荒謬的說法,你也會接受吧。真正令方太難過的,其實是明珠台已放棄為美劇配音。就似搭長途客機,鄰座乘客點了一客合味道杯麵,香氣襲來,到你忍不住想落order,才發現所有杯麵已經派清。那種感覺,的確比死更難受。柳暗花明。明珠台竟然破例,肯為《逃》配上粵語對白。你想像到方太的心情嗎?原來是痛苦的開端。以下劇透,還有興趣煲劇的,請翻開不看。要令男主角死而復生,新故事設定有個CIA高層,七年前威脅施米高拋妻棄子,隱藏身份,前往世界各地劫獄,帶走不同恐怖分子,意圖改變世界現狀。點知,個高層睇中施米高老婆,於是四年前靠害,屈施米高殺死CIA副局長,施米高流落也門監獄,直到第一集開場。講到CIA無法無天又腐敗,我信;講到施米高狠心到連親生仔都唔望一眼,我算;講到施米高大戰ISIS,我佩服。讓我無法忍耐的,是講到施米高幾乎蠢過佢大佬。我就眼火爆。在也門逃難的前六、七集,施米高能夠全身而退,全靠好彩,或者靠布利恒的蠻力。唔係啩?《逃》的第一季獲得大成功,就係橋段扭得有心思,施米高一早擬定大計,幾個天才型罪犯再不斷運用頭腦逢凶化吉,而觀眾係吹唔脹。來到十幾年後,退步到變成一般TVB連續劇,一槍戰就熄燈走人的層次?還是符合現實,plan好plan A、plan B、 plan C,還不如一拳直接打過去實際?去到尾兩集,幾位主角好好彩地又好順理成章地重返美國,橋段開始有點設計了。然後,短短四十分鐘,所有所謂的伏線,便全部揭曉了。不用落雨收柴的話,也不知還可以用甚麼形容詞。也不是說那些設計有甚麼過人之處。你應該有看過王晶導演的《賭俠大戰拉斯維加斯》,去年《非常盜2》(Now You See Me2)已經試過向這齣港產片致敬,估不到連《逃》的創作團隊,也是王晶粉絲。施米高的終極大計,根本就要畀返顧問費用阿King哥啦;看到那個模型專家的打扮,不可能沒有參考專拍AV的Handsome Wu。最後,大團圓結局,施米高固然一家三口樂也融融,再夾硬塞個女友畀布利恒,齊齊坐在草地呼吸新鮮空氣,只欠一個BBQ爐和幾支燒烤叉。大懷舊也不用這樣公式化吧。我憤怒到火速熄了電視,就當自己從來沒有看過這九集。在寧靜之中,我偷望到方太一臉茫然,若有所失。或者,她已經頓悟到一點:有些回憶,埋藏在心底,偶爾會浮現出來,雖然會帶點心傷,也心甜。你又何必刻意挖掘出來,徹底破壞,還要自誇圓滿了缺失,做了一件大好事呢?


Profile:方俊傑

觀塘長大,壹仔打滾,偏愛西片、西劇、中日韓美女。利物浦悲慘球迷,非西人一個。



編輯:馮秀珍美術:黃創泰




來源: http://hk.apple.nextmedia.com/su ... t/20170616/20057077
西遊記 西遊 王晶 拍的 Prison Break
PermaLink: https://articles.zkiz.com/?id=335938

向17年前作品致敬 王晶舊橋循環再用咁環保?

1 : GS(14)@2017-08-04 06:36:17

終於結局喇,《賭城群英會》今個星期終於完結,要死嘅角色都死得七七八八,所以監製王晶都要諗吓計,點樣令套劇有其他話題。王晶嘅方法係,吳家樂喺盲咗嘅馬明面前強姦阿佘!嘩!以一招咁狠毒嘅橋,嚟試下馬明有冇盲都俾佢諗到,果然係經驗大足嘅導演。不過,等等先,原來呢一招,喺2000年上映嘅電影《賭聖3之無名小子》已經出現過,呢套戲同樣係由王晶監製同編劇,內容講張家輝為咗報仇,明明醫番好隻眼都要扮盲,就係為咗留一手,喺最後一次賭局贏黎駿。而黎駿呢,為咗測試張家輝係咪盲咗,就闖入舒淇同家輝間屋,喺張家輝面前強姦舒淇,而張家輝就「聽住」獎門人不停笑,掩飾自己嘅傷心。兩場戲,馬國明扮盲睇住阿佘被姦,同張家輝扮盲睇住舒淇被姦,現場部電視,都係播緊《獎門人》。17年前嘅橋拎得番出嚟用,唔知大導演係咪想向自己嘅作品致敬呢?




來源: http://hk.apple.nextmedia.com/entertainment/art/20170804/20111500
17 年前 作品 致敬 王晶 舊橋 循環 再用 用咁 環保
PermaLink: https://articles.zkiz.com/?id=339670

王晶監製執導 港票房逐集跌

1 : GS(14)@2018-02-04 23:17:07

【本報訊】今次遭入稟的博納影業集團由于冬於1999年成立,公司總部位於北京,業務包括電影製作、發行、院線管理等。博納投資的《賭城風雲》系列第一集由王晶監製,2014年在香港賀歲檔上映,除發哥外,還有謝霆鋒演出。香港上映時票房約為3,356多萬元,內地票房為5.3億元人民幣。

博納創辦人鍾情港導演


《賭城2》在2015年添食,王晶擔任聯合導演,還找來張家輝、劉嘉玲助陣,香港票房雖不及第一集,只有2,840萬元,不過在內地就大賣9.7億人民幣。第三集在前年上映,除上兩集主要演員參與外,加入劉德華、張學友演出,雖然香港只有約2,504萬元票房,繼續下滑,但內地票房再創系列新高,達11.1億元人民幣。于冬鍾情跟香港導演合作,投資的作品包括周星馳的《長江七號》、麥兆輝、莊文強聯合導演的《竊聽風雲》系列、王家衛的《一代宗師》、葉德嫻、劉德華主演的《桃姐》及張家輝演出的《激戰》等。最新作品是由翁子光執導的電影《風再起時》(前名:全球通緝令),由郭富城、梁朝偉主演,講述四大探長晚期的故事。■記者何永寧



來源: https://hk.news.appledaily.com/l ... e/20180130/20289706
王晶 監製 執導 票房 逐集 集跌
PermaLink: https://articles.zkiz.com/?id=347801

王晶美孚三房1280萬沽 低估價9%

1 : GS(14)@2018-12-25 11:31:16

https://www.mpfinance.com/fin/da ... 2326&issue=20181225
【明報專訊】樓價回軟下,有名人趁機沽貨套現。市場消息指,導演王晶以遺產執行人身分持有的荔枝角美孚新邨三房戶,近日以1280萬元沽出;代理消息指,相關單位為美孚4期百老匯街69號低層B室,實用1055方呎,今年7月放盤,叫價1600萬元,經多次減價後,降價至1280萬元易手,即累減320萬元或20%,實呎12,133元。

根據三家銀行網上估價,上址估值介乎1323萬元至1403萬元,意味是次成交價較估價低逾3%至近9%。

遺產執行人身分持有 賺35倍

據土地註冊處資料顯示,上述單位由王晶已過世的父親王天林,早於1978年以35.8萬元購入單位,根據遺產分配協議,王晶以遺產執行人身分持有單位,帳面獲利逾1244萬元或近35倍。

美孚新邨另有三房低市價約5%沽出。香港置業首席區域董事余柏表示,美孚新邨5期蘭秀道24號中層D室,實用面積720方呎,屬三房間隔,成交價1000萬元,實呎13,888元,原業主早於1973年以9.8萬元買入,持貨45年,帳面大幅獲利990.2萬元或101倍。

港島指標屋苑太古城連環錄成交,中原高級資深區域營業經理張光耀表示,其中寶山閣中層實用面積582方呎B室,以1060萬元易手,實呎18,213元;因原業主早於1977年以16.4萬元一手購入單位,持貨41年,帳面勁賺逾1043萬元,單位升值64倍。

太古城業主長揸41年升值64倍

屯門豫豐花園亦錄減價成交,祥益地產營業董事胡志偉表示,單位為8座高層F室,屬實用面積396方呎2房戶,上月中以500萬元放盤,累減62萬元或12%後、至438萬元易手,呎價11,061元;原業主2007年以156萬元購入,持貨11年,帳面獲282萬元,物業升值1.8倍。

翻查資料,豫豐花園同類低層F室,今年7月以544萬元易手、呎價13737元,即相隔5個月後,意味高層戶比低層平近兩成。

置地高層2550萬購半山老牌豪宅

另土地註冊處資料顯示,中半山樓齡約58年、位處麥當勞道54號樂觀大廈的低層前座單位,本月初以2550萬元易手,以實用面積1690方呎計,實呎15,089元,新買家為周明祖 (CHOW RAYMOND MING JOE),與置地執行董事同名,料為同一人;資料顯示,新買家繳付108.3萬稅款,為樓價4.25%,意味周以首置客名義入市。
王晶 美孚 三房 1280 萬沽 低估 9%
PermaLink: https://articles.zkiz.com/?id=351811

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019