ZKIZ Archives


向華勝欠波債張玉珊:我唔幫人還錢!

2007-1-4  NM




去年四月與向華勝正式分手的張玉珊,曾先後與許晉亨外甥郭永亮、殼王陳國強、利孝和姪孫利承武傳出緋聞,感情生活多姿多采。

事業愛情皆得意,但近日張玉珊卻無辜捲入一宗恐嚇案,而事件更涉及其前男友向華勝。

有傳近年沉迷賭波的向華勝,曾欠下達七位數字賭債,但債主竟向其舊愛張玉珊追討欠款。本刊收到獨家消息,事件發生後,張玉珊已報警求助。發放消息

近日坊間有傳去年十一月十一日,有兩名大漢到張玉珊的尖沙咀修身堂寫字樓,交低一封信並要求轉交向華勝,甚至要老闆娘張玉珊代對方還賭債,與此同時,還向傳媒通風報信搞大件事。有感事態嚴重,張玉珊二話不說即時報警備案。

本 週二(一月二日),記者到張玉珊尖沙咀寫字樓外守候,下午一時多,她與大班員工,到鄰近的半島酒店coffee shop用膳。向她求證報警一事,張玉珊顯得有點抗拒:「唔係吖!○七年我仲咁惹是非!」記者再三追問,她才直認不諱:「咁我係一個正常人,當遇到不可思 議事件,我就會報警!」

輕鬆面對

雖然被恐嚇,她卻神態輕鬆說:「我唔覺得依家有人恐嚇我!亦都唔擔心!」

至於會否擔心對方有進一步行動,張玉珊理直氣壯:「你哋(指記者)由朝到晚跟住我,我怕你哋多啲!何況我生活正常,有正當職業,我從來都唔會賭錢,六合彩都無買過,就算夢遊都唔會賭錢囉!」

記者再追問債主登門恐嚇的目標人物是否向華勝時,她變得不耐煩。

「分咗手咁耐,我哋好長時間無見面亦無聯絡,關於佢嘅嘢,唔可以搵我!」

事實上,早於○三年十月,已經有報導指「修身堂」於尖沙咀寫字樓突遭四名大漢闖入,聲言向華勝要歸還六百萬欠款。雖然事件後來得到平息,但有消息指出,因當時張玉珊要獨力處理事件,對向華勝表現感到心都實埋,亦成為二人分手導火線。

「我同佢分手,唔關任何原因,唔係外界嘅謠言所講,唔好再有任何揣測。(咁係乜嘢原因?)老土啲講,係性格不合,生活世界唔一樣。」

有波必賭

自從創辦纖體公司,○三年更為「修身堂」成功上市,張玉珊事業從此一帆風順,進身商界做女強人,賬面身家以億元計,難怪會被人虎視眈眈。

無辜捲入恐嚇事件,張玉珊再次強調說:「拜託大家,我唔係開私家偵探社,唔可以搵我嘅朋友,就嚟搵我!我亦唔係專幫人搵朋友,我自己嘅工作已經夠忙!」

自四月分手後,向華勝已即時搬離二人的九龍塘愛巢,早前本刊便拍得他悄悄搬到尖沙咀豪峰軒居住,並已結識新女友。有傳向華勝近年對賭波亦極之沉迷,每場波落注數目至少五位數字,終欠下七位數字賭債。

究竟會否代向生還巨債,張玉珊堅定的說:「我係有慈善基金,會幫助有需要嘅人,但唔係用嚟幫人還債,我亦唔會幫任何人還錢。」

億萬富婆

現年三十二歲的張玉珊,坐擁市值八千萬的修身堂集團,成為上市公司主席。除了做生意有一手,自我投資保值更加有眼光,其手上物業遍布香港及美國,保守估計身家過億,是城中最年輕的億萬富婆之一。

港島半山松柏新邨

2,700呎

2,800萬

跑馬地比華利山 1,700呎×2

2,200萬

美國Monterey Park獨立屋 1,700呎×2

1,128萬

修身堂

市值約8,000萬

資產約值:1.4億

八年患難離合

張玉珊九八年在契爺黃毓民穿針引線下,認識了向華勝。當年男方對這位尚在電視圈打滾的姐仔一見鍾情,展開熱烈追求。兩人拍拖八年,經歷風雨,共過不少患難,無奈亦都多次離合,最終在去年四月中,由女方正式替戀情畫上句號。

 

99年

張玉珊感冒菌入腸,向華勝親身送女方入院,還體貼地帶叉燒瀨氹伊人開心,成功奪得當時只有24歲的張玉珊芳心。同年兩人前後腳離開友人的婚宴,戀情正式對外曝光。

00年

二人終於承認戀情,並於九龍塘共築愛巢。

 

01年

張玉珊聲稱受一個「老千集團」陷害,舉行記者會聲討。男友向華勝出面撐場,兩人更懸紅百萬緝兇。同年11月,向生在豪華遊艇為女友慶祝生日,往後兩人多次被拍到一起到歐洲和日本外遊,並傳出秘密結婚。

04年

張玉珊正式搬離九龍塘愛巢,兩人關係踏入冷靜期。

05年

兩人被傳媒拍到從埃及外遊度歲返港,同年9月「修身堂」深圳分店開幕,向生仍俾面出席,表面睇,關係看似依舊,直至去年七月,張玉珊終承認與向華勝分手三個月。

與向華勝分手後,先後和殼王及許晉亨外甥傳緋聞。


華勝 欠波 波債 債張 張玉 玉珊 我唔 唔幫 幫人 人還 還錢
PermaLink: https://articles.zkiz.com/?id=22108

買樓玩神秘 張玉珊持貨億五

2011-8-4  NM




近年三分二時間都留守國內,發展 其修身堂內地市場的張玉珊,上月尾在助手陪同下,現身ICC,到樓上的新樓盤瓏璽睇示範單位,貴客到,發展商安排獨立時間讓張玉珊慢慢睇,避免受騷擾。張 玉珊睇的2,640呎單位,樓價近億。近幾年,她手上持有的五個物業,全部升值,總市值一億四千多萬,升幅超過一半。有錢買樓,張玉珊卻神神秘秘,除了用 BVI公司,又搵阿媽阿哥個名登記,掩人耳目。大客專用時間

早個禮拜六(七月二十三日)上午十一時半,本刊發現張玉珊坐駕停在圓方的W酒店門外,一名地產經紀上車後,七人車駛上鄰座的ICC環球貿易廣場。原來張玉 珊要睇樓,一干人等跟隨地產經紀上了位於ICC十樓,新開賣的瓏璽示範單位。距離開放睇樓的時間早半小時,發展商卻特地撥出獨立睇樓時間,招呼張玉珊,地 產經紀為成功開單殷勤講解,全程講解冇停口。雖然瓏璽坐落大角咀地段,但因為面向維港景,低層細單位,呎價都過萬元,張玉珊睇的是二六四○呎高層單位,呎 價要四萬元,樓價過億,十分揦脷。

鍾意長揸

投資有道的張玉珊,自03年沙士之後,一口氣掃了多個豪宅,因為眼光獨到,賬面賺超過8,000萬。

阿Sa做鄰居

「Shirley有好多時間都喺內地,不過佢對投資國內房地產興趣始終唔大,反而每次返香港,撞啱都會睇樓,樓價升到癲晒,但佢仲好有信心,話睇定入貨差 唔多。舊年政府加百分之二十印花稅,打擊炒家,但Shirley買樓唔在意急放,對佢無影響,只要睇準就入市,嗰次佢都有即刻入貨,買咗跑馬地慧莉苑一個 二千呎單位,咁啱阿Sa又喺嗰時買咗隔籬單位,兩個做埋鄰居,佢鍾意速戰速決,買樓都一樣。」張玉珊身邊人說。對大型屋苑豪宅情有獨鍾,張玉珊在瓏璽示範 單位睇足四十五分鐘,之後轉場到圓方附近的另一豪宅天璽繼續睇樓。「Shirley鍾意無敵景,○四年佢買入松柏新邨,就俾成個馬場景吸引,因為單位無遮 無擋景觀好,依家間屋升咗四千幾萬。所以佢買樓都專吼高層單位,景觀同位置都好緊要。」

唔用自己名

唔豪唔吼,張玉珊的物業資產值,近年累積升幅不小,賬面已經賺近億。此外,她亦習慣用BVI公司,及親人名義買樓,掩人耳目。就有意購買近億的瓏璽,記者 上週日(二十四日)在書展向張玉珊求證,她卻大耍太極:「我成日都睇樓,呢啲係香港人嘅節目,今次咁啱俾你見到啫!(嗰日你睇埋天璽,係咪想再入貨?)未 有決定喎!(你近年買樓賺咗 成億?)你哋查到乜就寫,我無意見。」

增持股份

01年張玉珊退出娛樂圈投身商界,創辦修身堂控股有限公司(8200),成為香港最年輕的上市公司主席。04年,她為當時230磅的欣宜成功減掉100 磅,成功為公司打響名堂。近年,張玉珊積極開發內地市場,先後在杭州、北京、上海、深圳等地開設六間旗艦店,內地加盟店達101間,生意遍布全中國。今年 7月,她再購入608萬股公司股份,個人佔股權41.5%,市值6,142萬,而整間公司則市值約1.43億。此外,張玉珊早前亦成功取得SK-II內地 代理權,生意愈來愈多元化。


買樓 樓玩 神秘 張玉 玉珊 珊持 持貨 貨億 億五
PermaLink: https://articles.zkiz.com/?id=26808

黃金十年張玉珊

2011-9-1  NM
 
 
 

A decade,十年一節。以此算式為人生算賬的話,張玉珊過去十年,絕對稱得上黃金十年。模特兒到出唱片做玉女歌手,之後拍過無綫劇《妙手仁心》,亦和古 天樂合演過《旺角的天空2之男燒衣》。至此,大家覺得張玉珊是一個美觀的花瓶。2000年創辦修身堂開創豐胸纖體市場,一直在業界最前線,3年後在港交所 創業板上市,當上最年輕上市公司主席。十年轉眼便過,今天張玉珊不單是一個商人,在中國是已註冊專利的公司——張玉珊修身堂。十年,張玉珊把握所有機會, 演活了一齣以白手興家為大綱的故事。哪你呢?為100分,我預設的目標是500分

聽Shirley回憶張家極嚴厲的家教,早陣子上了港聞頭條,小朋友在大埔超級城爆粗鬧父母那個影像忽然在我腦海浮現。當代港童似幸福卻不幸福,我肯定當 事人若干年後會自作自受,這一刻,面前的Shirley傳承了父母的教導,習慣從小做好,習慣接受教訓日積月累養成的打不死性格,成就她的美容王國。我父 母的家教很嚴,即使在街上打翻咖啡,他們也會責怪,只要話題涉及咖啡或者打翻東西,即使是5年後,也會再被重提,做錯事要面對懲罰這個道理,我自小便明 白。家訓更要我行事獨立,自己事自己做理所當然,爸媽更要我每日計劃做一件有意義的事,而且絕不能「偷雞」,被發現「偷雞」便會有更嚴厲的懲罰侍候,因 此,我知道每件事的成和敗,最後都只有自己承擔。如此教育環境下成長,我習慣為100分去做拿500分的準備工夫。我知道只做拿100分的準備工夫得到 30分成績是必然,即使攞0分也是當然。這個過程很辛苦,但經驗告訴我達到一定成績後便會進步神速,一早儲下來的本錢可以慢慢運用。我不愛抄捷徑,只要有 路行,便會拼命走,即使比人跑多幾倍路,也要跑到終點。

要靚,不只為靚...

25歲那年你在做什麼?每日不帶靈魂上班?戀一場轟烈的愛?和最愛步入教堂?還是被推入產房當人母?25歲的張玉珊擁有自己的公司,是很多很多員工的老闆 娘。如果你是準備纖體的人客,你信年輕貌美25歲女商人,還是充滿閱歷的45歲老闆娘?Shirley說日日keep住靚裝上陣,是有必要的。創業初期, 我曾經casual look返工,一天,竟然聽到人客細細聲同我員工講:「你老闆咁年輕,都係唔幫襯你買咁多療程啦。」聽畢,我立即走落街去Chanel,買了一套成熟套裝 著上身,個人客見到我那個造型,竟然即刻俾錢買貴價療程,原來,人靠衣裝是千真萬確的。不單為給人客信心,我更是過百員工的模範,有次我轉新髮型,不久便 有幾十員工剪同一個款;有一排流行高貴露趾涼鞋,我著完返工翌日,竟有員工著人字拖上班,這幾個真實個案告訴我,我的形象不再是一個人事,要靚,從此不只 為靚。

對欣宜,我從未懷疑

如果《獎門人》估字遊戲打出「減肥、張玉珊」這五個字,相信不出1秒,便有人大叫鄭欣宜。為欣宜減走過百磅是招牌傑作,Shirley沒有懷疑自己幫人修 身的功力,卻重申不是每個肥人減肥都靚,若然當年肥姐想減,她笑說絕不敢接受任務。欣宜給我最大的成功感是證明減走過百磅不是奇跡,過程中我無懷疑她會失 敗,我察覺到她貪靚,我預計當她享受到著靚衫樂趣後便不能走回頭路,更看得出她貪靚的慾念比食慾更強,所以一開始,已經信心十足。其實近年不論香港或中國 的女孩子都有很大轉變,以前未流行纖體公司,在街上見到模特兒身材女子的話,很可能就是明星;今日?model質素女孩子滿街都是,大家的化妝色彩淡了, 更加懂得隱惡揚善,中國女生更搣走了從前被標籤的老土氣質,進步之神速教我讚嘆。

天生Multi Tasking

堂堂上市公司CEO,訪問一行8人到場聲勢浩蕩,我打算影完相才快速訪問,不敢輕舉妄動。化妝吹頭之際,助手小姐告訴我:「張小姐唔介意依家做訪問。」真 係求之不得,唔使裙拉褲甩臨完場趕住問。CEO自稱天生被輸入一個叫Multi Tasking的mode,必須經常在同一時間進行數件事。像這一刻,齋化妝整頭兩手空空無事忙便叫她不知所措。纖體事業今日在中國以加盟形式極速擴張, 我有一半時間在大陸生活。人在中國,香港的生意卻不會停,要同時兼顧,而且生成好學性格,近年更在北京修讀工商管理課程,現在只欠呈上畢業論文便修業。是 CEO是學生仲做埋作家,剛剛推出《美麗大學2》,不單推介健康食譜,仲親身做白老鼠,測試了上百款不同品牌的護膚品,放假去馬爾代夫旅行歎陽光與海灘, 都帶備一喼美白產品逐樣試,現在回想,都覺得誇張。步伐太快,有時很怕團隊跟唔上。那時候,我會清晰地交低工作給員工然後去放假,釋放自己,同時讓大家喘 個氣。

 
黃金 十年 年張 張玉 玉珊
PermaLink: https://articles.zkiz.com/?id=27333

翻脹毀約張玉珊投訴欣宜

2012-8-9  NM




翻脹後經常象腿現形的欣宜,對減 肥終身事業懶懶閒,體重失控,修身堂老闆張玉珊一番苦心白費。據了解,雙方一年前曾簽下合約,計劃於今年七月,拍攝全新一輯泳衣廣告,但欣宜一發不可收 拾,將一切部署全盤打亂。收晒錢,唔達標,張玉珊忍無可忍,唯有向欣宜經理人陳淑芬投訴。食五份

正在為舞台劇《一屋寶貝》彩排的鄭欣宜,臨近演出,但身形繼續向橫發展,勢必肥住上舞台。「欣宜成日約朋友出去食,火鍋、西餐、意粉,完全唔忍口,試過同 許廷鏗一個午餐食咗五個人分量嘅嘢。Shirley知道梗係唔開心,普通人都唔會咁食法,佢仲係肥底,如果唔節制,好容易一發不可收拾!」知情者說。一○ 年,欣宜以27吋腰新低,為修身堂拍了一輯泳衣廣告,去年她再簽下新合約,計劃今年七月拍全新一輯泳衣廣告,不過近幾個月,欣宜急劇翻脹,令廣告泡湯。 「咪話著泳衣啦!就算著普通衫影相,都超晒碼,依家都唔知幾時可以拍!」過去欣宜曾經因為肥胖引致高血壓,膽固醇超標,還要開刀攞走幾十粒膽石,翻脹絕非 好事。「Shirley一路都提住欣宜要有健康飲食,以前佢身體好多毛病,直至控制到體重,血壓同膽固醇先回復正常,所以Shirley都好擔心佢健康再 出問題。」

搵陳太出馬

欣宜唔自律,張玉珊唯有向欣宜經理人陳淑芬求救。雙方早前約到灣仔福臨門飯敍,面談超過兩小時。據知,當日張玉珊亦有向陳太投訴欣宜暴飲暴食。「因為份泳 衣廣告合約係陳太同欣宜一齊簽嘅,Shirley先搵陳太幫手。」唔忍口,欣宜一味靠做機補飛。「佢成日諗住食完去做機就可以瘦啲,趕鬼入趕鬼出,根本自 欺欺人。最慘係佢成日同我哋講,喺加拿大,佢呢啲係標準身形,大家都聽到O晒嘴!」欣宜身邊人說。

減肥佳話

25歲的欣宜,03年開始經張玉珊出手改造,由高峰二百三十磅超級肥妹,減走近一百磅肥肉,創下減肥神話。對肥底的她來說,減肥是長期抗戰,唯欣宜敵不過美食誘惑,任由身形暴脹。

03年

童年時朝朝鮑魚做早餐的欣宜,十六歲腰圍已經有六十吋,買唔到衫要將兩件衫改裝。直至03年,肥姐要求張玉珊幫手,欣宜一年內極速瘦身。

04年

當時欣宜仍在加拿大升學,為求達標,張玉珊在欣宜加拿大家中裝置減肥機,亦安排營養師跟身照顧,結果成功減掉九十磅。瘦番有人追,05年,欣宜曾與做過童星的男同學林寶麟拍拖。

06年

勁減近一百磅的欣宜,神話震撼娛樂圈,06年肥姐證實患上膽管癌後,欣宜回港陪母親治病。

08年

肥姐離世,欣宜繼續積極減肥加入娛樂圈,肥姐臨終前將女兒託孤給劉家昌、陳淑芬照顧,後因與劉家昌解約,陳太成了欣宜的經理人。

10-11年

減肥後欣宜工作增多,在樂壇更拿到不少獎項,10年,欣宜以27吋腰低點拍攝泳衣廣告。

 
翻脹 毀約 張玉 玉珊 投訴 欣宜
PermaLink: https://articles.zkiz.com/?id=35904

飯盒打孖上 張玉珊搶救無效 欣宜自暴自肥40磅

2013-1-10  NM  
 

 

曾經係「肥人偶像」的鄭欣宜,親身示範由二百三十磅大肥妹,變成一百三十磅標準身材。長達九年的減肥歷程,欣宜自信心日漸爆棚,除hea住做機,飲食亦唔節制,早前拍攝曾志偉執導的賀歲片《2013我愛香港恭喜發財》,在片場試過一餐吃兩個飯盒,又跟大隊食消夜,短短開工十日脂肪嚴重失控,體重回彈到一百七十磅,腰圍脹到四十吋;原本跟修身堂去年拍攝的泳衣廣告,合約被迫爛尾,經理人陳淑芬亦忍唔住開口鬧欣宜唔生性。自認苗條

早前出席新城頒獎禮的欣宜,一條雪紡短裙加窄身短褸仔,粗腰象腿想遮都遮唔住,嚟緊還有兩個樂壇頒獎禮要出席,令幫她搵衫的形象師十分頭痛。「其實要幫欣宜搵衫唔容易,佢本身好鍾意著雪紡裙,覺得有公主feel,但係佢家陣咁嘅身形,只可以做肥公主,盞俾人笑!」知情人說。減肥成功初期,欣宜一直渴望可以變成銀幕索女,可惜心願至今未達成,早前與黃宗澤拍無綫劇《隔離七日情》,雖然角色重戲,卻要扮男仔頭記者,加上近期體形回彈,即使在電影演出,亦只能扮後生版肥姐的搞笑角色。「以前知道有大騷演出,欣宜會好積極減肥,等自己瘦啲上台靚啲,但依家佢無咗呢股動力,最弊嘅係佢經常同人講話自己根本唔算肥,喺加拿大,佢呢類身材叫苗條。」欣宜身邊人說。

暴飲暴食

肥姐在生時曾經講過,因未能給予欣宜健全的家庭,故縱容女兒暴飲暴食,欣宜體重從此一發不可收拾,高峰期達230磅,腰圍60吋。

連吞兩隻雞髀

曾經有人目睹只有幾歲的欣宜,跟隨肥姐返電視城工作時,一口氣連吞兩隻雞髀兼狂飲五支益力多。

鮑魚做早餐

欣宜體重全盛期高達230磅,當時的她以卡路里極高的鮑魚做早餐,每餐食三個人分量,膽固醇嚴重超標。

歎萬元富貴餐

03年,16歲的欣宜一心進軍樂壇,搵來張玉珊幫手減肥,但減肥期間,欣宜被發現忍唔住到富豪飯堂偷食逾萬元一席的富貴餐,菜式包括天九翅、吉品鮑等。

擦大碟意粉

一度成功控制體重在130磅的欣宜,因為忍唔到口又懶做機,導致體重翻脹,試過被拍得與男友到中環蘇豪區撐枱腳,獨吞一大碟意粉,放工時與助手到佐敦食火鍋。

唔逼得

肥到爆錶,欣宜所屬的唱片公司、幫她的張玉珊以及經理人陳淑芬,齊齊開聲叫她勤力減肥。「同輩之中,同佢鬥得最激烈係巨聲幫林欣彤,今年欣宜成績的確唔錯,但身形輸晒,陳太一路都想幫欣宜喺紅館開演唱會,所以好緊張要佢keep好身形!「唔知係咪壓力太大,每次公司同欣宜傾,提佢控制吓體重,總之一講到『肥』字,欣宜就喊晒,搞到大家都唔敢逼佢。」一名唱片員工說。在曾志偉執導的賀歲片《2013我愛香港恭喜發財》中,欣宜角色要暗戀戲中的謝天華,戲份不輕。「因為肥姐關係,志偉好睇欣宜,開賀歲片都有預埋佢,仲比之前多咗好多戲,上年嗰部只係客串兩日,今次就開足十日工,可以同謝天華做對手。但因為佢嘅身形,角色好有限制,志偉唯有安排佢扮肥妹,走佢媽咪後生時嘅戲路。」

愈食愈失控

試過同許廷鏗開餐,兩個人食五人分量,自暴自棄的欣宜,愈食愈好胃口。「可能唔使再扮靚女,欣宜更加放肆,加上呢排天氣凍,佢胃口更加大,喺片場放飯,試過一餐食兩個飯盒,佢份人好有衣食,一粒米都無剩,兩盒飯食到乾乾淨淨,有時拍完戲收工,欣宜又會跟大隊去食消夜,唔係打冷就係火鍋。平日欣宜鍾意飲咖啡,以前一定用脫脂奶,但依家連cream都照落,唔肥就假!」由十六歲開始減肥,欣宜最高紀錄試過減走一百磅,只可惜近年的她反叛性格再次現形,長輩說話更左耳入、右耳出,即使體重脹番到一百七十磅,欣宜亦懶懶閒,book了時間上修身堂做機,亦經常臨時甩底。「減肥本來就有平台期,減到一定磅數,想再減落去係唔容易,同樣如果體重升番上一定磅數,一樣一發不可收拾。」知情者說。原本跟修身堂簽下二○一二年拍攝泳衣廣告合約,因欣宜體重有升無跌,已經胎死腹中。「個廣告期已經改咗幾次,Shirley(張玉珊)又唔想逼佢,咪由份合約不了了之!」

有人跟唔敢食

本週一(一月七日)下午三時半,欣宜由列提頓道寓所坐的士到中環,她在文華酒店落車,行了兩條街去到環球大廈一間手機店鋪,幫手提電話黐保護貼。幫電話扮完靚,欣宜行過隔鄰的鴻福堂打算買嘢食,但由於發現有記者,最後欣宜買了一支豆漿就走人。之後去到中環修身堂樓下的Starbucks,欣宜想再入內買嘢食,見記者仍尾隨,唯有打消念頭,餓肚上修身堂做機。

慣性反叛

自小在單親家庭成長的欣宜,性格一向反叛,剛滿18歲已經唔理肥姐反對,日日掛住瘟仔,仲做埋煙民,肥姐過身後就更加無王管,auntie陳淑芬亦管唔掂。

晚晚瘟仔

剛滿18歲的欣宜,唔理肥姐反對,跟「童星」林寶麟拍拖,當時仍在溫哥華留學的她,日日放學唔願返屋企,同男友周街蕩,肥姐更試過棒打鴛鴦,兩母女因此吵大鑊。

台北扯煙

05年,欣宜隨肥姐到台北公幹,晚上趁媽咪返酒店休息,即相約友人夜蒲,其間更煙癮大發,當街扯煙,而且手勢相當熟練。

豪放啜仔

08年,肥姐過身,欣宜與男友Mark同居,二人更不時將情慾親密照放上facebook,相中的欣宜衣著性感,跟男友又攬又錫,相當豪放。

激嬲陳淑芬

10年,欣宜拍《隔離七日情》期間,將自己的低胸照,以及玩Bosco腋毛的相片放上網,當時身兼欣宜經理人及監護人的陳淑芬,一怒之下踩上欣宜屋企訓話,後來她索性玩失蹤,唔聽陳淑芬電話。

暗藏危機

長期暴飲暴食,除令欣宜體重急升,身體健康同時響起警號,高血壓、高血糖、高膽固醇,令小小年紀的欣宜已暗藏「三高」危機。

滿面暗瘡

15歲本值青春期的欣宜,唔肯戒口狂食煎炸垃圾食物,搞到滿面青春痘,直至開始減肥療程,飲食變得清淡,面上暗瘡才漸漸減退。

幾十粒膽石

04年,17歲的欣宜與肥姐到新加坡旅遊時,突然感到腹部劇痛,半夜入院,經醫生診斷後,發現膽部嚴重含膿,生了幾十粒膽石,要即時做割膽石手術。

三高人士

曾經以鮑魚做早餐的欣宜,年紀輕輕已成為三高人士,包括高血壓、高血糖兼高膽固醇,6歲的欣宜膽固醇已達30歲成年人水平,嚴重超標。

飯盒 打孖 孖上 張玉 玉珊 搶救 無效 欣宜 宜自 自暴 自肥 40
PermaLink: https://articles.zkiz.com/?id=42557

放棄欣宜張玉珊:好難管到佢!

2013-09-26  NM
 
 

 

16歲開始,由張玉珊幫減肥的鄭欣宜,試過一年減走一百磅佳績,締造肥人福音,生活亦從此改寫。減肥十年,近年欣宜防線崩圍,甚至放肆到一餐飯吃五人分量亦面不改容,體重多次反彈,更翻脹到180磅危險線,連一手打造神話的修身堂老闆張玉珊,亦決定放棄,代言人身份不再。早前修身堂上海旗艦店開幕,張玉珊請外援袁詠儀做主禮嘉賓,無請欣宜。對此,張玉珊語帶無奈:佢都咁大個,我好難管到佢!剪綵用外援

今個月中,修身堂上海旗艦店搬遷開幕,張玉珊請Cool魔嫂袁詠儀做剪綵嘉賓,代言人鄭欣宜卻無影,據了解,近年體重有增無減的欣宜,已不獲續約。「Shirley(張玉珊)好錫欣宜,一路都有睇住佢,好多時欣宜失晒控狂食,Shirley都親自開解佢,點知欣宜唔領情,仲喺外邊唱Shirley,話之前減到肥同佢無關,係靠自己跳舞;呢個圈好細,啲說話傳到Shirley耳中,佢當然會好失望!」知情者說。唔識飲水思源,更甚是身為減肥代言人的欣宜堅持認為自己唔肥,拒絕忍口控制體重。自拆招牌,以至張玉珊最近連修身堂內地加盟店開幕,也不預欣宜剪綵。「肥姐過身後,欣宜自己搵錢生活,Shirley好放上心,兩年幾前,內地好多加盟店開張,每次Shirley都指定要搵欣宜去剪綵,每次都有幾萬蚊o架,就算星煥老闆何哲圖叫Shirley俾高啲價欣宜,佢都無所謂!不過欣宜近年好似吹脹咁,有次喺內地做剪綵活動,啲觀眾大嗌話佢肥,搞到主人家好尷尬,之後都唔敢再叫佢去剪綵!」

無份做義工

欣宜十五歲已經有二百三十五磅,令當時比女兒還要輕的肥姐十分擔心,親自搵張玉珊幫寶貝女減肥,肥姐患病後,亦曾託孤給張玉珊,大家關係密切;一○年,積極減肥的欣宜體重一度低見一百二十八磅。「之後欣宜再同修身堂簽咗新一輯泳衣廣告合約,點知佢突然故態復萌,仲搞到一發不可收拾,廣告拍唔成,合約亦不了了之!」知情者說。每年中秋節,修身堂有義工活動,欣宜都會陪住張玉珊到場,但今年只請了蔡一智,不見欣宜。

十年回歸

曾經由235磅減到130磅,曾經努力瘦身的欣宜,有過唔少美麗回憶。

個人選擇

對欣宜無出席今個中秋義工活動及無再用她做代言人,張玉珊表現無奈。張:今日係佢唔得閒啫!我哋合約係滿咗,所以無話特別搵佢!壹:之前同佢簽咗份泳衣廣告約?張:有同佢傾過,但嗰個階段佢自己都唔係太ready想去減!佢減咗咁耐,如果佢唔想,我都唔勉強佢,都咁大個,其實我都好難管到佢,最緊要佢開心!壹:未減肥前佢高血壓、高膽固醇,怕唔怕佢身體再出毛病?張:佢依家無以前咁重!佢咁長時間去減肥,精神上可能唔係太開心,反而身體方面我唔太擔心,當然我都希望佢靚。壹:佢一餐飯食五個人分量,有無勸佢要注意?張:等佢放縱吓先啦!放縱完可能有一日佢想再減!我當然希望佢又瘦又靚又健康,但佢咁大個,等佢自己選擇,呢啲嘢好難逼!壹:佢喺外邊同朋友講,話瘦到唔關你事,係靠自己跳舞!張:所有我無聽過都唔會當真,唔特別講嘞!

留下神話

三歲已經鮑魚做早餐,吞雞髀當食糖的欣宜,十幾歲體重已經高見二百三十五磅,買唔到衫,肥姐要買兩件成人大碼衫叫裁縫改給欣宜穿著,後來健康更出問題,欣宜八歲已經膽固醇超標,有高血壓;○三年,肥姐要張玉珊助女兒減肥,當時在加拿大讀書的她,暑假返港減肥外,張玉珊更搵營養師專程到加拿大照顧欣宜飲食,令她一年內成功減掉一百磅,變身美少女,留下神話。○五年欣宜推出《我的減肥日記》大賣十五萬本,成為肥人偶像。

放棄 欣宜 宜張 張玉 玉珊 好難 難管 管到 到佢
PermaLink: https://articles.zkiz.com/?id=75823

淺水灣開畫廊朱晨麗搭上張玉珊百億舊愛

1 : GS(14)@2016-11-14 01:09:40

2016-11-10 NM

月薪萬五,卻有本事住月租十五萬服務式住宅的朱晨麗,一度被指獲老闆殼王陳國強賞識,其實真命另有其人。據了解,早在兩年前朱晨麗與張玉珊的百億舊愛、電子大王劉紀明秘密拍拖;雖然二人關係剛告一段落,但畢竟曾經富貴,可以享受優質生活的她,在淺水灣開畫廊,每幅畫售價百幾萬起跳,財來有方。由一個蘇州來港住劏房的窮港姐,搖身一變成為畫廊老闆,非一般的勵志!男友低調見光死

被誤傳獲殼王垂青,廿八歲朱晨麗亦無法開口申辯,只因真命天子習慣低調,要睇男友頭的她惟有硬食。同電子大王劉紀明拍拖兩年,在富豪圈子並非秘密,男友不時帶朱晨麗出席富豪聚會,由於她乖巧口密,亦獲男友家人接納。四十一歲的劉紀明家族做電子產品發迹,坐擁不少工廈,在舂坎角亦有多間獨立屋;除了幫家族打理生意,劉紀明亦是億利達集團主席。後生多金,鑽石級筍盤。

多女埋身幾度離合

「Jimmy(劉紀明)好低調,同張玉珊、姚子羚拍拖嗰段時間佢都係唔鍾意女朋友喺外面提佢,所以姚子羚同佢更加係見光死;同張玉珊一度去到談婚論嫁地步,但Jimmy拖吓拖吓,最後冇下文。「至於朱晨麗好就得佢,但拍拖兩年,兩個都分過幾次手。之前朱晨麗俾人話同李逸朗,因為嗰時佢同Jimmy分咗手,但之後又喺番一齊。」知情者說。甘心做隱形女友,可惜富豪男友條件好多女埋身,朱晨麗最終拑唔實,數月前,二人又再次分手。

名畫過百萬起跳

富貴光環消失,但用了兩年時間收集脈絡,朱晨麗仍得到一班名媛支持,最近她跟幾個闊太合資,在淺水灣開高檔畫廊,基本如岳敏君畫作,最平百幾萬起跳,顧客非富則貴。「Jimmy教咗朱晨麗好多有關投資嘅學問,所以帶挈佢賺唔少。一四年,佢用七百萬買咗將軍澳The Parkside兩房單位,第二年已經可以一炮過俾晒錢。其實同Jimmy一齊最賺到嘅係人脈,有機會黐吓啲有錢太搞生意,藝術品海鮮價不斷升值,只要有門路,長做長有。」知情者說。

黐阿太謀後路

雖然朱晨麗在大台拍劇機會不少,但大多是做「女二」,加上被陳凱琳、蔡思貝、麥明詩等後來居上,朱晨麗決定將眼光放遠,積極為自己謀後路,對畫廊生意,非常着緊。上月尾,朱晨麗去完緋聞男友黃子恆的時裝店開幕,和邵氏大型記招後,便跟幾位闊太拍檔去淺水灣打點新鋪。只見她在場指指點點,跟拍檔商量畫作的擺放位置,甚有老闆娘風範。睇完鋪,一行人到利園食晚飯,之後由友人的司機送返天晉寓所。冇咗富豪男友,仍然有一班有錢太呵住,朱晨麗繼續富貴!

張玉珊、姚子羚箍唔住

現年41歲的電子大王劉紀明,是城中低調的鑽石筍盤,08年曾與張玉珊傳出婚訊,此外,他同大台姐仔姚子羚亦傳過緋聞。劉紀明父親是億利達集團創辦人劉永齡,以生產Olympia打字機及室內無線電話起家。子承父業,劉紀明現為該集團主席,又是上海市政協港澳委員。坐擁百億身家的劉氏家族持有40多間公司(非上市公司)包括億利達機械集團,在內地多個省市設有幾十萬平方呎的生產基地;家族在港擁多個億萬物業,大部分集中舂坎角一帶及白建時道的幾萬呎獨立屋,至於劉紀明自住的四萬呎大宅亦位於舂坎角,現市值約八億。10年,其家族曾以3.2億沽出觀塘工廈。身家幾代都食唔晒!劉紀明近年開始活躍教育公益,今年與深大合作建立「深圳大學劉紀明數學中心」,培育國家人才。

高登女神

朱晨麗是高登女神,裙下臣更加絡繹不絕。不過,緋聞男似兵多過似男友,真命天子,收得好密實。

黃子恆16年7月,無綫二打六黃子恆被爆出與仍未離婚的裕美相戀,搞到滿城風雨,但轉頭黃子恆已轉向,被發現與朱晨麗打完羽毛球,再撐枱腳三小時。女方否認戀情,只以「好兄弟」形容雙方關係。

李逸朗15年4月,李逸朗(Don)與朱晨麗被拍到前後腳入場睇戲,更攬住返男方寶林邨屋企,之後Don落樓外賣老麥,兩粒鐘後,朱晨麗才獨自離開打的回家。當時朱晨麗未有承認戀情,聲稱二人是「閨密」。

李晉強12年1月,24歲的應屆港姐朱晨麗與港男李晉強暗撻三個月,二人坐港鐵拍拖挨到實斷正,事敗後即彈開各行各路,戀情維持半年告終。

撰文、攝影、攝錄:娛樂組
淺水灣 淺水 畫廊 朱晨 晨麗 麗搭 搭上 上張 張玉 玉珊 珊百 百億 舊愛
PermaLink: https://articles.zkiz.com/?id=315400

捐錢開社區飯堂張玉珊日派2,400個飯盒

1 : GS(14)@2017-02-12 15:26:36

2017-01-19 NM

由藝員變身上市公司主席,將青春投放在修身事業上的張玉珊,時至今日,手持過億物業,近年她放慢工作步伐,用更多時間做公益。上週六(14/1),張玉珊主力贊助的社區飯堂開幕,每日可派發超過2400個飯盒給老人家;十年前開始做義工的她終於達成兒時夢想。「細細個已經希望自己退休之後可以主力去做慈善,其實我好多朋友都係咁諗,好似靚靚咁,依家有機會做到就做,呢啲都係我哋嘅福氣!」張玉珊說。明星好友撐場

二十八歲將修身堂成功上市的張玉珊,曾經是最年輕CEO,○五年,她成立「張玉珊慈善基金」,十多年來,捐錢為內地貧民山區起水窖,興建母嬰平安醫療站,最近更在香港開設社區飯堂。位於黃大仙區的社區飯堂上週六(十四日)正式開幕,一班圈中好友包括呂良偉、楊小娟、孫明揚夫婦、蔡一智、王敏德等專程到場支持,現場所見,張玉珊不停向在場賓客推廣廚餘環保概念,又解釋飯堂廚房的運作模式,如何幫有需要的老人家出力等等。「其實我喺香港唔同嘅屋邨做咗好多年義工,呢個屋邨比較多獨居老人,生活環境亦比較差,加上大部分長者都行動不便,但呢度嘅環境,買餸唔係咁方便,啲老人家想整一餐俾自己食都有啲困難。「我試過上樓做家訪,見佢哋屋企積埋好多雜物、罐頭,成日有一餐冇一餐,好彩嘅就有啲好心嘅隔籬鄰舍幫佢哋買餸,所以我一直想搞個社區飯堂,照顧到呢類老人家日常三餐!」張玉珊說。

推廣到其他社會

社區飯堂開幕後,現時每日可派發超過二千四百個飯盒給有需要的長者,要應付這個需求的話,亦需要大量人手,所以除了基本運作的員工,亦要有其他義工團體幫忙。「以前有考慮過做一架餐車,日頭去啲經濟環境好嘅屋邨收集廚餘,再分類配搭煮過,但後來研究過咁樣做有好多問題係解決唔到,咁啱今次有呢個機會,俾我做到一個社區廚房,可以幫到老人家。」社區飯堂同時亦會推動環保,到各區街市收集物資,亦鼓勵大家捐出新鮮食物,再加私人補貼,未計人手支出,單是每日做二千幾個飯盒,開支已經接近五萬元,因此,張玉珊不時落力向身邊好友推介,希望有更多人捐款,可以將社區廚房推廣到更多屋邨。「希望呢個廚餘環保概念,加埋服務老人家計劃,可以做完一個社區再一個社區,一直延續到有需要嘅屋邨,希望大家支持我哋,繼續做落去!」

跳出舊有框架

做了修身堂上市公司主席十三年,張玉珊雖然決定放慢工作步伐,不過,她揚言不會離開美容圈。「做咗十幾年嘢,唔想生活只得工作,希望做多啲有意義嘅事,同學多啲其他嘢!所以要停一停,先可以跳出舊有嘅框框,諗吓將來嘅方向!不過,我唔會放棄做咗咁多年嘅美容事業。」

當欣宜係女

○一年退出幕前,張玉珊創造自己的修身王國,旗下名人代言人不計其數,更成功將當年只有十五歲但重二百三十磅的鄭欣宜變成女神。雖然欣宜已經放棄翻脹,但能一度為有高血壓、高膽固醇的她重拾健康,不負當年肥姐所託,也是張玉珊一個無法忘記的體驗。「依家我見到阿女(欣宜)過得開心健康,又有活力,我已經好開心!」張玉珊說。

25歲引退

被星探發掘,十五歲入行的張玉珊,歌影視瓣瓣做齊,其後加入TVB,拍過《新上海灘》、《花木蘭》及《妙手仁心》等劇集。二十五歲,張玉珊退出娛樂圈轉戰商界,並創辦「修身堂」;03年,公司在香港聯交所上市,近年更在內地拓展至過百間加盟店。多年來,「修身堂」成功例子多的是,最經典是為230磅的欣宜成功踢走100磅肥膏。愛向難度挑戰的張玉珊,最近幫苟芸慧減肥,將170磅重的「肥苟」,成功變「靚苟」。

撰文、攝影、攝錄:娛樂組
捐錢 社區 飯堂 張玉 玉珊 珊日 日派 400 飯盒
PermaLink: https://articles.zkiz.com/?id=326581

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019