Angela遇上AngelaBaby被王詩齡肉緊狂咀
1 :
GS(14)@2015-04-15 08:19:21「我不是大明星，我是小公主」，內地導演王岳倫同囡囡Angela(王詩齡)前年上內地綜藝節目《爸爸，去哪兒》，同其他星爸一齊拍真人騷，囡囡Angela更憑住可愛、少少肥嘟嘟嘅身形，深得網民喜愛。
Angela前日喺微博貼出佢同Angelababy嘅合照，留言：「Angela和Angelababy！」相中見Angela戴著白色髮箍，一頭長髮，著埋佢最愛嘅白色公主裙，真係好可愛，Angela更攬實Baby，兼錫對方面珠仔，而Baby未知係唔係配合「小公主」Angela嘅造型，Baby帶咗個頭帽，不過網民笑言睇落有啲似「黃色浴帽」，Angela更係咁錫Baby，氹得Baby好開心，有網友留言笑言佢哋係「Angela mini和Angela plus。」，更有網友估Angela錄內地版《奔跑吧兄弟》。
來源:
http://hk.apple.nextmedia.com/entertainment/art/20150414/19111838
張名雅收新兵馬場狂咀
1 :
GS(14)@2016-04-15 16:30:05【連咀幾次】■張名雅前晚陪男友到馬場，本報讀者陳小姐透過「爆相爆片」指二人情到濃時更當眾咀嘴。
【爆相爆片】現年28歲的張名雅，挾張堅庭姪女之名參選2012年港姐，並成功奪冠，惜幾年來都被無綫投閒置散，跟同屆的亞軍黃心穎及季軍朱千雪相比，工作量冇得比，而且參選以來是非、緋聞亦多籮籮，除了被指整容及傳她曾墮胎，當年亦被指為了選美飛甩愛錫她的宅男男友Billy Tsang，觀眾緣欠佳。兩個月前張名雅忽然在Instagram上載與莊士集團太子爺莊家彬頭貼頭合照，傳緋聞後又聲稱已有追求者，指與莊家彬只是認識多年的朋友。
【Sweet爆自拍】■張名雅挨住男友玩自拍，男友則捉着她的手。
【緋聞一覽】■被指愛收兵的張名雅，曾在Ig上載與莊家彬的貼頭合照，緋聞男友多籮籮。資料圖片
■2012年港姐冠軍張名雅（中），工作量遠遠不及同屆的黃心穎及朱千雪。資料圖片
錫到彎晒腰
讀者陳小姐昨日透過本報的「爆相爆片」報料，指前晚約7時在跑馬地馬場欣賞賽事期間，發現張名雅與男友在餐廳撐枱腳。相片所見，悉心打扮的張名雅前晚着上印有菊花圖案短裙，與穿西裝打呔、gel頭露出美人啄的男友影合照，其中一張更見張名雅整個人挨住男友影，另一張則與男友甜蜜咀嘴。陳小姐說：「佢哋攞嘢食都要拖住手，仲見到佢（張名雅）有坐喺個男仔大髀度。」陳小姐續透露：「佢哋應該買咗第7場，見佢有走出露台睇，然後兩個人有自拍合照，個男仔有錫佢嘴，錫咗幾次，有次仲錫到佢彎晒腰，然後佢哋喺跑完第8場嘅時間就走喇！」曾被爆喜歡「收兵」的張名雅，過去幾年有不少緋聞，除了大隻落選港男吳雲甫、何君誠，還有「MK甘小文」的舞蹈員男友，前年本報影到她「晉級」，與駕駛200萬瑪莎拉蒂的舞蹈員男友在中環蹺手行街，未料感情原來只有兩年大限，張名雅身邊男伴已經換畫，感情生活多姿多采，難怪沒工開亦不愁寂寞。採訪：李察
來源:
http://hk.apple.nextmedia.com/entertainment/art/20160415/19571547
【5大看點】Angela狂咀顛覆形象
1 :
GS(14)@2017-07-09 12:16:20袁澧林和劉俊謙孭飛的ViuTV新劇《瑪嘉烈與大衛系列前度》，除大賣青春演員新配搭，亦有不少好戲之人助陣，現率先爆劇中五大看點。
1.濕吻連場
每個角色均有親熱戲，袁澧林顛覆文青形象，有多場濕吻戲，她與劇中男友許志安車廂內激咀，又出軌搭上馬志威，大膽濕吻情挑對方。
2.貼地戀事
愛情故事夠貼地，反映時下年輕人戀愛問題，廖碧兒演黃秋生情婦，又同時周旋愛上劉俊謙，愛情錯綜複雜。
3.串星雲集
劇中起用新人，還有資深演員做綠葉，影帝黃秋生與夏文汐扮夫妻，黃秋生是劉俊謙的老闆，恭碩良（圖）則演咖啡店老闆，見證袁澧林搭上馬志威，唱片店老闆夏韶聲也點醒劉俊謙接受杜小喬的愛。
4.阿Jan金句
繼《瑪嘉烈與大衛系列綠豆》後，林海峰（Jan）的靚聲繼續在今輯大講金句，劇集開首他便獨白：「聽講見到一個人6秒，就知道你鍾唔鍾意對方，咁過咗6秒未決定到，第7秒會係點呢？」
5.實境拍攝
今輯延續《瑪嘉烈與大衛系列綠豆》以實境拍攝，如袁澧林與馬志威於小巴邂逅，劉俊謙與廖碧兒及杜小喬分別在電車與巴士上錫錫。
來源:
http://hk.apple.nextmedia.com/entertainment/art/20170709/20083321
Next Page