ZKIZ Archives


【爆相爆片】睇完BIGBANG即會情郎超蓮克羣甜遊英國

1 : GS(14)@2015-06-16 08:24:30

■何超蓮日前飛到英國與男友吳克羣會合。讀者提供圖片


現年24歲的賭王千金何超蓮,跟35歲的台灣歌手吳克羣拍拖近4年,由本來低調處理感情事,到之後轉至地上發展,感情越來越好,超蓮除了經常與兩位好姊妹李蘊及鄧紫棋(G.E.M.)三人行,很多時都會趁男友到外地工作陪伴在側,爭取時間見面。讀者余小姐昨日透過本報「爆相爆片」分享在英國碰見超蓮與吳克羣甜蜜拍拖照。余小姐表示,她是在英國時間前日約早上10時左右,在Borough Market巧遇他們,當時超蓮和克羣同行的還有兩男一女,一行五人在上址閒逛及買了一盒飯邊行邊吃,大約逛了兩小時才離開。



■吳克羣到英國出席時裝品牌活動,趁有空即爭取時間拍拖。讀者提供圖片

■何超蓮日前與好友G.E.M.(左)看BIGBANG演唱會。資料圖片



超蓮大前晚才在亞洲國際博覽館現身,與G.E.M.等人看BIGBANG演唱會,換言之她看騷後便立即上機到英國會男友。相片所見,超蓮當日明顯落機不久,穿上灰色長袖衞衣,簡單將長髮束成髻,未有化妝,而吳克羣則戴了鴨嘴帽,穿深藍色長外套及黑衫黑褲。讀者余小姐指與兩人同行的男、女朋友皆操台灣口音的普通話,相信他們都是台灣人。


■吳克羣表示在考慮與Tinie Tempah(左)在音樂上合作。

吳克羣不停集郵


此外,吳克羣昨日在英國出席紐約著名品牌Coach2016春夏男裝周發佈會,穿上品牌2015年秋冬系列、黑白棒球外套的他精神奕奕到場,與網絡爆紅的饒舌歌手Tinie Tempah傾不停。吳克羣說:「我在考慮與Tinie Tempah未來有沒有合作的可能,因為Tinie Tempah的想法,跟我正在思考的音樂發展路向不謀而合,因此很有可能與Tinie Tempah合作。」與吳克羣同場的還包括英國超模David Gandy、美國大文豪海明威外曾孫女Dree Hemingway及英國著名影星祖迪羅(Jude Law)之兒子Rafferty Law等人,吳克羣亦表示很榮幸能夠與他們合照。撰文:李察





來源: http://hk.apple.nextmedia.com/entertainment/art/20150615/19184294
爆相 相爆 爆片 睇完 BIGBANG 即會 情郎 超蓮 蓮克 甜遊 英國
PermaLink: https://articles.zkiz.com/?id=291000

【爆相爆片】林峯等食 呆望千語BB

1 : GS(14)@2015-06-29 08:25:59

鄭嘉穎罕有承認與陳凱琳拍拖,其實不少藝人都享受光明正大的戀情,當中林峯便經常與女友吳千語出巡。昨日有讀者周小姐透過本報爆相爆片,指昨午1時許在尖沙嘴R&B餐廳見到峯峯與千語BB,二人選了靠近窗邊的位置坐。相對早前千語BB買DVD都孭四萬元的Boy Chanel手袋來說,昨日她的打扮非常樸素。當時兩人看完餐牌後,由峯峯order食物,千語BB便開始玩手機,無所事事的峯峯只望着女朋友。稍後侍應端上食物,以沙律及蔬菜為主,峯峯只額外點了一碗湯,但全程兩人沒有任何交談,逗留了個多小時便埋單離去。


■有網友拍下范冰冰與男友李晨手拖手上高鐵。互聯網圖片


另外,李晨昨到徐州出席商場表演,女友范冰冰亦有同行,兩人十指緊扣走上高鐵,車內的睡姿亦被網友拍到放在網上。採訪:李森





來源: http://hk.apple.nextmedia.com/entertainment/art/20150627/19199602
爆相 相爆 爆片 等食 呆望 望千 千語 BB
PermaLink: https://articles.zkiz.com/?id=291177

拿督四食霸王餐應召女爆相反擊

1 : GS(14)@2015-07-23 01:29:41

馬來西亞一名應召女郎不忿與一名「拿督嫖客」性交易四次後,收不到肉金,便將嫖客的資料、照片在facebook公開,除了教訓他及令丟面外,更要警告其他男性,不要以為她是愚蠢的妓女,可以隨意玩弄。應召女郎「再娜」坦承,自己是一名高級應召女郎,顧客都是社會名人。她聲稱自己與一名拿督性交易四次,但對方不肯支付三千令吉(約六千港元)肉金,便決定在fb公佈對方的姓名、車牌號碼、電話號碼及他的妻子資料。為了證明她所言屬實,她更將兩人的合照上載,更揚言會公開對方的裸照。「再娜」更指每次交易時,男方都要她在其面前自慰。她表示在fb公開事件,除了想教訓他及使他丟面外,更警告其他男性,不要以為她是愚蠢的妓女,可以隨意玩弄。「再娜」更將兩人的對話上載到YouTube,在片中可清楚聽到對方謂並不願意透過匯款方式付款,還叫「再娜」不要再騷擾他的妻子。「再娜」否認騷擾他的妻子,只要求他還錢便不再糾纏,在談話結束前更諷刺對方無錢,就不要找她浪費她的時間。不少網友轉載「再娜」的故事,但同時引起警方關注,指「再娜」已違反賣淫法例,將會調查事件。星洲網





來源: http://hk.apple.nextmedia.com/international/art/20150718/19224077
拿督 督四 四食 霸王 應召 女爆 爆相 反擊
PermaLink: https://articles.zkiz.com/?id=291714

【爆相爆片】千嬅環球影城教仔

1 : GS(14)@2015-10-24 13:17:12

■千嬅一家三口在影城內跟迷你兵合照。微博圖片


楊千嬅下星期在新加坡舉行巡演,昨日讀者倪小姐透過本報「爆相爆片」,提供了千嬅一家三口在新加坡環球影城遊玩的照片。倪小姐表示照前日下午3時左右在環球影城近入口的大街見到千嬅、囝囝丁進諾(Torres)及丁子高,同行還有一男一女及兩名外籍傭工。他們正排隊跟迷你兵(Minions)合照,等了5分鐘後,千嬅先行跟一男一女行開,留下丁子高父子。


■廿四孝老竇的丁子高不時氹囝囝喝水。讀者提供圖片


合照後Torres似乎不滿,發脾氣一手搶過父親手上電話,嚇得父親搶回。不久千嬅等回來準備離開影城時,Torres又想跑到手信店,但被母親喝止歸隊。丁子高昨日在微博貼相,又透露到過動物園參觀。撰文:李森





來源: http://hk.apple.nextmedia.com/entertainment/art/20151024/19345532
爆相 相爆 爆片 千嬅 環球 影城 教仔
PermaLink: https://articles.zkiz.com/?id=293476

【爆相爆片】吊線縫雙眼皮盤菜瑩子勇敢認整容

1 : GS(14)@2016-01-19 23:05:54

【整容後 勁深雙眼皮】■由單眼皮變雙眼皮的盤菜,五官精緻輪廓分明,不過性格夠爽夠真才是賣點!資料圖片


毛記Like后盤菜瑩子,早前做訪問點都唔肯講真名同芳齡,不過就有高登仔曾經起底指她曾Cosplay唱日本動漫歌。真名雖未起到,但有人大爆她曾經割雙眼皮和隆鼻整容。日前本報讀者透過「爆相爆片」,爆出三張盤菜兩年前的照片,分別在餐廳和港鐵入面與朋友影的合照。相中笑容燦爛的盤菜,招牌酒粒沒走樣,不過雙眼屬單眼皮矇豬眼,比現在明顯細一半。本報昨日致電盤菜本人,她竟然爽快直認雙眼曾做過吊線手術,她說:「我兩年前做嘅,整得靚唔靚呀?以前靚啲定而家靚啲?其實我覺得而家都仲係好細。」盤菜表示由於吊線並非永久維持到雙眼皮,所以隔一段時間又要去整過,她說:「做手術嗰陣,醫生會先喺眼側面打麻醉藥,然後翻起眼皮,再縫幾針就搞掂!成個手術真係嚇親你,5分鐘搞掂!吊線只可以keep幾年,總之唔靚就再整。至於手術費用同喺邊度做就唔講啦,總之平過香港好多啦!不過話我隆過鼻,我就肯定冇囉,因為以前睇電視,話整過鼻嘅人,大力扭個鼻會歪。」



「我都係為咗靚」

做完手術,盤菜指最方便是化妝慳了不少時間,她說:「以前化妝要化個幾鐘,而家15分鐘就可以出門口,講真,冇得驚人講乜,自己整得,預咗啦,不過我都係為咗靚咋嘛,又冇打家劫舍!」問到是否男友要求要整雙眼皮,盤菜即甚大反應說:「吓!男朋友可以左右到我咩?咁就死啦!吓吓問男朋友意見,我整係為自己嘅!」採訪:王梓嫚



【整容前 矇豬眼包面】■盤菜變臉前,眼細再加baby face,十足鄰家女孩。讀者提供圖片

【招牌酒粒】■盤菜以前除了有雙矇豬眼,笑起來招牌酒粒即現形。讀者提供圖片

■熱愛日本cosplay的盤菜,曾夾Band上台唱日語動漫歌。互聯網圖片



來源: http://hk.apple.nextmedia.com/entertainment/art/20160119/19457280
爆相 相爆 爆片 吊線 雙眼皮 雙眼 盤菜 瑩子 勇敢 整容
PermaLink: https://articles.zkiz.com/?id=294578

【爆相爆片】JM孖男友布吉撐枱腳

1 : GS(14)@2016-03-19 22:16:35

文詠珊(Janice Man)除有機會角逐今屆電影金像獎最佳女配角,與男友吳啟楠(Carl)發展亦穩定,讀者陳小姐昨日透過本報「爆相爆片」,分享JM日前與男友Carl去布吉度假的相片。陳小姐指當晚在當地Weekend Night Market見到JM與男友,她說:「嗰晚係13號,大約係泰國時間7點幾啦,佢哋只係得兩個人,聽到JM同男朋友講嘢把聲都幾嗲,仲叫男友出去同佢睇吓有乜嘢湯粉食。」昨日記者致電JM,她表示已返內地拍劇,還笑言:「大家只係去布吉休息咗兩日,爭取時間見吓面箒。」採訪:小米





來源: http://hk.apple.nextmedia.com/entertainment/art/20160319/19535988
爆相 相爆 爆片 JM 男友 布吉 吉撐
PermaLink: https://articles.zkiz.com/?id=298512

【爆相爆片】陳凱琳愁樣 陪家人睇急症

1 : GS(14)@2016-04-12 18:16:10

■陳凱琳陪親友睇急症,其間留守喺床邊貼心照顧。讀者提供圖片


出身豪門嘅2013年港姐冠軍陳凱琳,前晚同家人現身伊利沙伯醫院急症室,但原來唔係陳凱琳唔舒服,而係佢嘅親友身體不適,夜麻麻要到醫院急症室照X光,佢關心親友嘅舉動就俾本報讀者「爆相爆片」發現。



病床前冇離開

據讀者表示,前晚約10點幾喺伊利沙伯醫院遇見陳凱琳,當時戴住口罩嘅佢一身黑衫企喺病床前,而入院接受治療嘅親友就換咗X光袍,等緊醫護人員安排做X光檢查,陳凱琳同其他家人就陪喺身邊,喺病床前細心照顧。至於陳凱琳嘅男友鄭嘉穎就唔喺身邊,之前傳出陳爸爸似乎未接受嘉穎,唔知係咪咁嘅原因,嘉穎冇現身陪伴呢?


■陳凱琳親友照完X光,可以自己離開醫院。


其間陳凱琳對等緊照X光嘅親友又攬又錫,個樣顯得有啲擔心,仲不停耷低頭㩒手機,可能係向未有到場嘅男友鄭嘉穎報告緊,之後陳凱琳同家人喺醫院逗留咗半粒鐘就先行離開,至於接受完X光檢查嘅親友稍後就換衫離開,讀者話見到對方行得走得,估計身體冇乜大礙,祝佢早日康復。





來源: http://hk.apple.nextmedia.com/entertainment/art/20160412/19567032
爆相 相爆 爆片 陳凱 琳愁 愁樣 家人 睇急 急癥
PermaLink: https://articles.zkiz.com/?id=299093

【爆相爆片】黎明着錯裙要人提

1 : GS(14)@2016-04-18 12:11:58

■黎明(左)前日穿上蘇格蘭裙在英國愛丁堡廣場拍攝真人騷。讀者提供圖片


即將舉行演唱會的黎明(Leon),除了忙為演唱會綵排,還要飛來飛去為內地真人騷節目《非凡搭檔》拍攝,讀者吳先生昨日透過本報「爆相爆片」,提供了兩張相片,穿蘇格蘭裙的Leon當時正與其他藝人,包括林依晨、鄭元暢、魏晨、鄭依霖等共12人,在英國愛丁堡廣場拍攝節目。吳先生昨日向本報透露:「時間係噚晚10點幾,張相係我哥哥影嘅,佢話拍攝隊伍好大棚人,至少有50幾人,要分10幾架車先坐得晒,當時佢哋全部人都着晒蘇格蘭裙,黎明仲將條裙調轉咗前後着。」吳先生表示:「我哥哥最後就忍唔住提黎明,話畀佢知條裙擰轉咗,叫佢整番唔係會俾人笑。」採訪:李察





來源: http://hk.apple.nextmedia.com/entertainment/art/20160418/19575298
爆相 相爆 爆片 黎明 著錯 錯裙 要人
PermaLink: https://articles.zkiz.com/?id=299474

【爆相爆片】Juno拖女友 京都泛舟

1 : GS(14)@2016-04-23 18:37:44

■Juno和女友被讀者發現在京都泛舟,Juno更化身攝影師拍照。


麥浚龍(Juno)同混血模特兒女友戴庚玲(Janine)以往愛得低調,不過自從三年前復合後,經常被發現出雙入對。今年初Juno趁北上開工拍電影之前,專程帶Janine到新西蘭過二人世界。


■Juno穿上白色中東裝,與女友Janine在日本嵐山拍拖。讀者提供圖片

依舊中東裝

昨日下午Juno又被本報讀者在日本野生捕獲,讀者Evan透過「爆相爆片」分享Juno跟Janine在京都嵐山泛舟的照片,Evan指當時約在香港時間2時20分左右,照片所見兩人衣着一黑一白襯到絕,加上Juno的中東裝特別惹人注目,Evan說:「佢哋喺京都嵐山渡月橋側邊嘅碼頭上船仔,一上船Juno女友就係咁幫佢影相,而Juno就負責扒艇,不過之後都有調轉。」
Evan又指Juno全程說話及動作都不多,他說:「之後我同行朋友仲大叫佢個名,佢都有同我哋點一點頭,大約玩咗40分鐘就走喇!」Juno之後透過所屬唱片公司回應表示:「Juno有工作喺日本當地傾,之後佢留低休息,至於私人事冇回應。」採訪:李察、李森





來源: http://hk.apple.nextmedia.com/entertainment/art/20160423/19582451
爆相 相爆 爆片 Juno 女友 京都 泛舟
PermaLink: https://articles.zkiz.com/?id=299583

【爆相爆片】蔡思貝呻窮要麥秋成埋單

1 : GS(14)@2016-05-24 10:26:35

■蔡思貝前日與麥秋成拍拖遊梅窩,同行還有何雁詩和張子丰。讀者提供圖片


出身小康之家的港姐蔡思貝,近日與男友麥秋成戀情浮面。本報讀者Mary透過本報「爆相爆片」捕獲蔡思貝與麥秋成前日到梅窩拍拖,同行還有巨聲幫何雁詩和張子丰,於下午4時許到銀礦灣度假酒店high tea。讀者Mary大爆聽到蔡思貝呻窮:「我見到蔡思貝食咗碗米粉,佢哋仲叫咗啲點心、雞翼,埋單500幾蚊,但聽到蔡思貝好大聲話:『我冇錢噃!』」


■蔡思貝和麥秋成拍拖已是圈中公開的秘密。資料圖片


Mary表示見到張子丰先拿出120元,何雁詩就拿出500元:「麥秋成攞300蚊畀埋女友嗰份,最後佢哋都係AA制。」問到蔡思貝稱冇錢是否說笑?Mary反駁:「唔係講笑,佢好認真㗎!」Mary謂期間兩女去洗手間,有食客與蔡思貝say hi:「蔡思貝掂行掂過好鬼寸,好似覺得自己係一姐咁,反而何雁詩就有笑容囉!」採訪:皓騫





來源: http://hk.apple.nextmedia.com/entertainment/art/20160524/19624420
爆相 相爆 爆片 蔡思 思貝 貝呻 呻窮 窮要 麥秋 埋單
PermaLink: https://articles.zkiz.com/?id=301263

【爆相爆片】查小欣再被追債:備咗案

1 : GS(14)@2016-06-06 02:54:42

■查小欣前日在尖沙嘴加拿芬道被張貼追數大字報。讀者提供圖片


查小欣前日在尖沙嘴街頭被張貼追數大字報,讀者李小姐透過本報「爆相爆片」報料,李小姐說:「嗰日朝早11點幾,我行過加拿芬道,見到貼咗呢張大字報,當時差唔多放食飯時間,條街好多人圍埋睇,仲聽到有人問『係咪真㗎!』」近年查小欣老公曾被貼街招,在追債網站榜上有名,對於日前又再有人貼街招追數,查小欣昨日以電話回覆:「其實都講咗3年,都好無奈,人在暗、我在明,我都唔知佢係邊個!如果搞咗咁耐,有人爭佢哋錢,就咁貼街招就算,會咁好人?佢哋都知我係邊個,又知我嘅地址,佢哋其實可以直接用正式途徑追討,唔需要貼街招,或者佢哋目的係等你哋傳媒去報道,引起人興趣講。我之前已經備咗案,警察亦都搵咗相關人士傾偈,但應該未拉到人!」採訪:王梓嫚





來源: http://hk.apple.nextmedia.com/entertainment/art/20160603/19638740
爆相 相爆 爆片 查小 小欣 欣再 再被 追債 備咗 咗案
PermaLink: https://articles.zkiz.com/?id=301799

【爆相爆片】張栢芝一拖二遊海洋公園

1 : GS(14)@2016-06-20 05:45:22

■張栢芝被讀者發現帶兩子遊海洋公園,身旁沒有外傭隨行。讀者提供圖片


張栢芝日前在上海宣傳新片《失控.幽靈飛車》後,又急急回港湊仔。前日讀者林先生透過本報「爆相爆片」報料,指前日下午4時許在海洋公園售票處發現栢芝影蹤,同行還有8歲大仔Lucas和6歲細仔Quintus。林先生指當時只見到栢芝三母子,未覺有朋友或外傭隨行。栢芝購票後,便急急帶囝囝入場。林先生指Quintus坐BB車入場,Lucas期間也有幫媽咪手推BB車,對弟弟十分體貼愛錫。到海洋公園耍樂,兩兄弟都表現興奮。林先生表示入場時聽見保安員大讚栢芝親切,兩個小朋友亦表現乖巧。栢芝入場後,被不少遊客認出並野生捕獲,但未覺栢芝因此黑面。撰文:魯吉


■Lucas幫手推細佬Quintus的BB車,相當乖仔。





來源: http://hk.apple.nextmedia.com/entertainment/art/20160620/19660977
爆相 相爆 爆片 一拖 二遊 海洋 公園
PermaLink: https://articles.zkiz.com/?id=302254

【爆相爆片】關楚耀孖韓模澀谷揀戒指

1 : GS(14)@2016-07-09 06:47:33

【蜜遊澀谷】■關楚耀前晚約8時現身東京澀谷,與女友拍拖逛街。讀者提供圖片


現年33歲的關楚耀(Kelvin)向來戀事多,令人印象最深刻莫過於他與衛詩(Jill)一段情,但二人09年分手後,Kelvin再有圈外女友Megan Lee,不過今年元旦倒數被本報影到他與韓籍索模Miu Kim啜住倒數,Kelvin對戀情亦直認不諱。



【女友細心】■Miu Kim細心替關楚耀試戴戒指,但最終都沒有買。

■關楚耀很喜歡日本,與Miu Kim不只一次到日本拍拖。資料圖片



逛街睇飾物

昨日讀者陳先生透過本報「爆相爆片」分享了數張相片及短片,表示前晚8時在日本澀谷遇見Kelvin與女友Miu Kim甜蜜逛街購物。陳先生表示:「大約8點,關楚耀同個女仔喺澀谷嘅Parco出現,佢孭住個大背囊,見佢哋喺Vivienne Westwood睇飾物,因為舖頭就關門,所以個女仔好快咁揀,揀啱就自己埋單。」陳先生續謂:「關楚耀趁個女仔畀緊錢,佢就去睇戒指,之後就同個女仔一齊揀,個女仔仲幫佢試戴戒指,不過舖頭就關門,佢哋最終都冇再買嘢,睇咗一陣就走喇!」


■關楚耀09年與當時女友衛詩在日本涉毒被捕,轟動娛樂圈。電視圖片

證感情未變

當年,Kelvin跟Jill同遊東京,最後兩人因涉毒被捕,雖然Kelvin被囚32日終獲悉,但已令事業急插水,其後他不斷接拍電影及參與公益活動洗底,如今舊地重遊,身邊已換了另一個人。而Kelvin早前被指趁女友去日本工作,在澳門參加Rave Party與同是模特兒的人妻林慧妍(Yen)攬頭攬頸,Kelvin回覆本報表示與Yen只是朋友關係,今次與女友甜蜜遊東京斷正,亦證明他與女友感情未變。採訪:王梓嫚





來源: http://hk.apple.nextmedia.com/entertainment/art/20160708/19685625
爆相 相爆 爆片 關楚 楚耀 耀孖 孖韓 韓模 澀谷 戒指
PermaLink: https://articles.zkiz.com/?id=303022

【爆相爆片】帶仔女遊美國環球影城徐子淇甜啜老公 賀結婚十周年

1 : GS(14)@2016-07-13 05:15:43

【恩愛互咀】■子淇被本報讀者影到與老公在美國環球影城咀嘴,見枱下有幾對鞋仔,估計仔女去了玩機動遊戲。讀者提供圖片



嫁個有錢人做了千億新抱的徐子淇,現年才33歲的她已是4子女之母,今年是子淇和老公恒基二少李家誠結婚十周年紀念,上周六兩夫婦趁放暑假,帶子女遊美國環球影城慶祝錫婚,索爆人妻徐子淇當眾連環甜啜老公,兩夫婦於光天化日下表演激情和甜蜜兩種吻法,浪漫滿瀉!


徐子淇於2006年與李家誠假澳洲舉行世紀婚禮,榮升千億新抱的她婚後嫁雞隨雞,退出娛樂圈專心相夫做人妻,兩人的首名愛情結晶品於翌年出生,長女李晞彤於下周日滿9歲,之後子淇再為李家誕下現年7歲二女晞兒、5歲三子俊熹及9月大的四子建熹,9年生齊四子女的子淇,終於完成為李家繼後香燈的重任,今年可以輕輕鬆鬆跟老公慶祝結婚十周年。



【親餵老婆】■李家誠與子淇共享一杯飲料,更親自餵老婆飲。

【捉住錫錫】■情到濃時,李家誠捉實子淇臉頰錫錫。

【手舞足蹈】■子淇與老公在露天餐廳不時打情罵俏。



捉實臉頰脷叠脷

前日本報收到讀者鍾小姐「爆相爆片」報料,指於香港時間上周六凌晨2時許(美國時間8日下午),在美國西岸的環球影城發現子淇和老公蹤影,李家誠當眾攬實索爆老婆脷叠脷狂啜,光天化日之下放閃晒恩愛。鍾小姐接受訪問說:「上星期五下午兩點左右,喺美國西岸環球影城一間露天快餐店,初時見到得徐子淇同老公,佢哋坐埋喺中間位嘅一張枱,見到佢哋好開心傾偈,傾到手舞足蹈,仲成日嘴對嘴錫,我見到起碼錫咗4、5次,我都影到兩次佢哋錫錫。」



■去年子淇33歲生日,獲老公攬攬慶祝。資料圖片

■子淇上年為李家再誕下兒子建熹,老爺李兆基非常高興。資料圖片

■徐子淇退出娛樂圈後,專心照顧仔女。資料圖片



親餵凍飲晒恩愛

從兩張咀嘴相片所見,兩人情到濃時,李家誠用雙手捉實老婆臉頰,肉緊地吸實子淇的嘴仔激情啜爆,雖然周圍有很多遊客,但兩人錫到進入忘我境界,連前面近在咫尺張枱,有工作人員正在清理,他們都可以完全無視,繼續投入地熱情親吻,癡纏肉緊到爆;另一張啜嘴相,就見到着背心裙的子淇,露出少少養眼的雪白胸口,雖然已是4子女之母,老婆依然又靚又索,難怪李家誠情難自禁,用右手搭在老婆的香肩上,兩人嘴對嘴變身接吻魚,今次明顯錫得輕柔甜蜜,慢慢享受接吻的美妙。可能李氏夫婦去到美國,心情都大解放不用避忌,當眾啜爆晒愛之餘,身為恒基二少的李家誠,更親自餵老婆飲凍飲,兩人面前只得一杯冰凍飲料,你一啖我一啖繼續玩交換口水,鍾小姐表示:「李家誠仲餵埋徐子淇飲嘢,我覺得佢哋好恩愛,好甜蜜。」今次子淇和老公帶同子女去環球影城,兩人坐在露天餐廳休息享受二人世界,他們所坐的那張枱,下面放了幾對兒童鞋,相信是子女脫鞋或換鞋去了玩耍,鍾小姐表示:「大約半小時後,有幾個小朋友返嚟,小朋友多數係玩完機動遊戲,仲有幾個男人同兩個女人,我估係保鑣,因為佢哋周圍望,見到我哋攞住相機都望咗好耐。」採訪:皓騫





來源: http://hk.apple.nextmedia.com/entertainment/art/20160713/19692057
爆相 相爆 爆片 帶仔 仔女 女遊 美國 環球 影城 徐子 子淇 淇甜 甜啜 老公 結婚 十周 周年
PermaLink: https://articles.zkiz.com/?id=303541

【爆相爆片】破產令未完梅啟明豪嘆鮑魚白酒

1 : GS(14)@2016-07-14 08:09:47

■梅啟明(左)跟侍應傾不停,似乎是餐廳熟客。讀者提供圖片


下月8日是已故巨星梅艷芳的53歲冥壽,雖然梅姐離世已13年,但梅媽覃美金和哥哥梅啟明為了她的遺產,多年來跟匯豐信託打官司,兩母子因訟費被判破產後,梅媽呻每月3萬元生活費捱得好辛苦,梅啟明就被讀者陳先生「爆相爆片」捕獲,大前晚在銅鑼灣的海鮮燒烤餐廳,豪嘆鮑魚和白酒。



■破產的梅啟明被讀者「爆相爆片」,直擊他豪食鮑魚(小圖)飲白酒。

■下月8日是梅姐的53歲生忌,留下只有思念。


■梅媽媽和梅啟明多年來為了阿梅的遺產打官司,因訟費搞到破產。資料圖片

話好彩中獎

大前晚約8時許,梅啟明單拖在餐廳開懷大嚼,跟侍應有傾有講似乎是熟客,讀者陳先生在電話說:「佢好似成日嚟咁,見到佢叫咗兩隻鮑魚,一隻都要百幾蚊㗎,再叫咗魷魚、西班牙火腿,仲飲咗最少三杯白酒,埋單都要成600幾蚊。」前晚記者致電梅啟明了解,為何破產都有錢豪食鮑魚?他扮儍說:「海鮮餐廳?係咩?食兩隻鮑魚咁犀利,一隻啫嘛。」記者指餐廳消費好貴,梅啟明說:「抽到獎嘛,餐廳一周年,之前行過飲杯嘢,放張紙抽獎又抽到,咁咪食埋囉,又有啲禮物,紅酒、白酒呀咁,我畀咗百幾蚊,coupon有500蚊,好彩之嘛。」



失業吸空氣

問梅啟明破產令何時完結?他說:「差唔多啦,眨吓眼4年,今年到期會通知。」現在有否工作?他賴皮說:「我做你跟班啦,唉!你睇我幾鬼多人憎先得㗎,邊度有人請。」要否借錢度日?他大呻:「問人借都冇人敢借啦,明知我破咗產。」是否要梅媽照顧?他否認:「我唔使佢照顧。」問到冇工作怎生活?他說:「吸空氣囉!」另記者向大律師林作了解,他表示破產人原則上可維持一定生活質素,除非當事人在法庭頒破產令後刻意隱瞞、存有欺詐成份收起資產,花費在搭的士或豪飲豪食上,才惹犯法之嫌。而本報向梅啟明光顧的餐廳查詢,獲回覆日前的確舉行周年抽獎,但問到coupon的內容,接電話的員工表示不清楚。採訪:皓騫





來源: http://hk.apple.nextmedia.com/entertainment/art/20160714/19693457
爆相 相爆 爆片 破產 令未 未完 完梅 啟明 豪嘆 鮑魚 白酒
PermaLink: https://articles.zkiz.com/?id=303686

【爆相爆片】森美東京黑面教仔:每樣嘢都要付出

1 : GS(14)@2016-08-04 04:06:19

【揀紀念品】■森美與家人日前到東京旅遊,參觀葛西水族館及紀念品商店。讀者提供圖片


鍾情日本的商台DJ森美(梁志健),上周五做完節目後便與老婆陳雅嫻(Veronica)及仔女到東京旅遊,讀者趙小姐大前日透過本報「爆相爆片」,分享她在東京葛西水族館巧遇森美一家的相片,指森美當日因囝囝扭計一度黑面。



【空手而回】■森美與老婆仔女參觀完紀念品商店,便步行到停車場取車離開。讀者提供圖片

■曾患家族遺傳抑鬱症的森美,病癒後更珍惜與家人相處時間,不時舉家外遊。資料圖片



扭計買紀念品


曾表示過往只顧工作,太少時間陪伴家人的森美,早年曾患家族遺傳抑鬱症,病癒後令他更珍惜與家人相處時間,故會爭取時間享受家庭樂。讀者趙小姐報料指:「嗰日大約下晝1點半見到森美,當時佢哋參觀完水族館出嚟,見佢哋行過賣紀念品舖頭,森美個仔扭計話要買紀念品,唔肯走,黑黑哋面嘅森美,攞咗張1,000yen(約76港元)出嚟,話係買就快,不過阿仔應該諗唔到買乜嘢,森美老婆就好大聲對個仔講『數三聲,諗唔到就走』跟住就數三、二、一,最後森美拉隊行去停車場攞車走人。」本報聯絡過森美,笑問他囝囝是否旅遊時扭計?他說:「係呀,佢想買化石,我有畀錢佢買,但我畀佢選擇,如果想買化石,就一日唔可以玩Pokémon GO,最後因為佢好想玩Pokémon GO,咁就揀咗唔買嘢喇,錢我就照畀咗佢嘅,但事後我就同佢講,每一樣嘢都係要付出嘅,我係畀佢選擇!」採訪:小米





來源: http://hk.apple.nextmedia.com/entertainment/art/20160803/19720045
爆相 相爆 爆片 美東 黑面 教仔 每樣 都要 付出
PermaLink: https://articles.zkiz.com/?id=304297

【爆相爆片】白只顏卓靈拖手散步

1 : GS(14)@2016-08-04 04:06:22

■白只和顏卓靈日前在城門河拍拖拍足半小時。讀者提供圖片





■白只和顏卓靈早前公開戀情。資料圖片


白只和顏卓靈年紀相差14年,最近被踢爆戀情,迫於無奈之下公開情侶身份,日前讀者方小姐透過本報「爆相爆片」,表示撞見二人在沙田城門河十指緊扣散步。方小姐說:「其實沿路有好多人玩緊Pokémon GO,顏卓靈就八卦望吓人哋個mon,跟住同白只講『而家真係個個玩呢個game!』,白只只係『嗯』咗一聲,就繼續拖住女友隻手行。」他們行了大約30分鐘步行到碧濤花園,之後坐上當年張繼聰賣給白只價值33萬的媾女戰車Land Rover Defender,送女友離去。撰文:非非





來源: http://hk.apple.nextmedia.com/entertainment/art/20160803/19720039
爆相 相爆 爆片 白只 只顏 顏卓 卓靈 靈拖 拖手 散步
PermaLink: https://articles.zkiz.com/?id=304303

【爆相爆片】索爆人妻生活貼地郭藹明茶記吹水

1 : GS(14)@2016-08-08 00:17:09

■郭藹明日前與女友人在上海街一間舊式茶餐廳午膳,被本報讀者捕獲。讀者提供圖片


人妻郭藹明(Amy)似足老公劉青雲愛低調,喜歡過「貼地」生活的Amy專心過幸福少奶奶生活後,除了陪青雲出席活動,其餘時間就是忙於打理家中一切大小事務,讀者Grace前日透過本報「爆相爆片」,分享她在上海街見到Amy與友人在茶餐廳食午飯的照片。現年48歲的Amy素顏依然索爆,讀者Grace表示,當日約下午一時多,在位於太子上海街一間叫鴻運冰廳餅店的舊式茶餐廳發現Amy與一位女友人食午飯,雖然當時是午膳時間,但似乎未有太多人發現其蹤影,加上Amy又坐於閣樓最入位置,所以見她都吃得好自在。



■今年48歲的郭藹明保養得宜,皮膚白滑,不比一眾年輕女士遜色。讀者提供圖片

■劉青雲夫婦前年於西貢購入豪華別墅自住,估計年底可入伙。資料圖片



傾裝修事宜

Grace說:「佢都食得好清淡,見佢係食米線同飲凍檸水,隱約聽到佢哋係傾裝修嘅嘢。」其實,早前亦有報道指青雲夫婦前年於西貢買入豪華別墅,雖然該屋比較殘舊,但因為無敵大海景是Amy至愛,錫老婆的青雲便決定多花點時間慢慢裝修,變成安樂窩,據知裝修已接近完成階段,或許月底前便可以竣工,Amy一向喜歡親力親為,相信她這天到上海街,應該是到附近建材店。採訪:張曦彤





來源: http://hk.apple.nextmedia.com/entertainment/art/20160807/19725972
爆相 相爆 爆片 索爆 爆人 人妻 生活 貼地 地郭 郭藹 藹明 明茶 茶記 記吹 吹水
PermaLink: https://articles.zkiz.com/?id=304825

【爆相爆片】蔡思貝拍拖買狗屋

1 : GS(14)@2016-08-08 00:17:15

蔡思貝早前遇上交通意外,又試過駕車時影相,遭網民鬧爆。早前思貝又在Instagram貼上在車廂抱着狗仔相,不過今次不是做司機,只是做乘客。其實思貝好有愛心,對狗狗非常好,日前讀者趙小姐透過本報「爆相爆片」,分享她見到思貝與男友麥秋成到寵物店的相片,見到兩人為揀狗仔屋而煩惱,又詢問店員意見,看來狗仔好快會有個安樂窩。





來源: http://hk.apple.nextmedia.com/entertainment/art/20160807/19725978
爆相 相爆 爆片 蔡思 思貝 拍拖 買狗 狗屋
PermaLink: https://articles.zkiz.com/?id=304848

《爆相爆片》七月第四輪揭曉

1 : GS(14)@2016-08-09 07:22:42

《爆相爆片》得獎名單公布七月第四輪每周之星如下︰第一位《【獨家有片】劉鑾雄再暴瘦皮膚黝黑輪椅代步入半島食lunch》,總點擊984,853次;
http://hk.apple.nextmedia.com/enews/realtime/20160728/55418508第二位《平治失控剷樂富街巿扶手梯傷者困車底》,總點擊535,870次。
http://hk.apple.nextmedia.com/realtime/breaking/20160728/55422685第三位《【Pokemon Go殺到】訓練員為捉鯉魚龍擒欄摸黑入海心公園》,總點擊267,406次;
http://hk.apple.nextmedia.com/realtime/breaking/20160727/55413942第四位《【蘋民直擊】大埔落雹讀者:爆谷咁大粒》,總點擊250,945次;
http://hk.apple.nextmedia.com/realtime/breaking/20160730/55430264第五位《【獨家有片】女生男相? Cammi同大陸富二代拍拖遭捕獲驚青速逃》,總點擊243,100次;
http://hk.apple.nextmedia.com/enews/realtime/20160729/55423251得獎者將有專人通知領賞。參加細則:1.爆相爆片必須由參加者拍攝。2.若本報發現任何造假情況,將取消其參賽資格。3.壹傳媒集團員工及親屬不可參加。4.本報會保留採用爆相爆片與否和獎項分配的一切權利,如有任何爭議,以本報決定為準。《爆相爆片》獎勵1.基本獎賞︰爆相港幣$500、爆片港幣$1,000。2.每周之星︰每星期最高單日總點擊頭5名,即成為每周之星,可獲額外獎賞港幣$10,000。3.每月盟主︰由該月15號至翌月14號期間獲得全月最高單日總點擊者,即成為每月盟主,可獲額外獎賞港幣$100,000。4.密密爆密密獎︰由該月15號至翌月14號期間爆相爆片超過一次,而又同時獲本報獨家採用,額外獎賞港幣$10,000。*爆相爆片必須經本報獨家採用《蘋果》24小時爆相爆片熱線:63836568





來源: http://hk.apple.nextmedia.com/news/art/20160809/19729303
爆相 相爆 爆片 七月 四輪 揭曉
PermaLink: https://articles.zkiz.com/?id=305051

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019