ZKIZ Archives


「一姐」買樓一炮過 成功靠「夫」幹

2016-08-11  NM


就快加息,而樓價又已經去到咁高,個個買單邊跌,但上星期恒生銀行「一姐」李慧敏竟然唱反調,大拿 拿用三億七千萬買入五千幾呎嘅山頂超級豪宅Opus。李慧敏舊年喺恒生袋緊兩千萬年薪,單靠儲錢喺Opus「上車」都幾辛苦,或要同大部分香港人一樣,唔 可以去日本旅行同睇戲,仲要唔飲唔食十八年先至儲夠錢。

不過成功的男人「靠父幹」,幸福的女人「靠夫幹」。睇番往績李慧敏除咗Opus,佢仲持有現時住緊嘅白加道二十二號豪宅,另外仲有貝沙灣兩個住宅單位,同 佢老公即金融界猛人、聯交所前CEO袁天凡共同持有,好sweet sweet呢。其實「一姐」自己都好本事,○七年用兩千幾萬買入雲咸街萬祥大廈三個單位,仲要「一炮過」,唔使問銀行借o架。不過要留意「一姐」入市日 期,○七年十一月,恒指二萬七千點,當時人人套股換摟,但之後個市係點?相信嗰種肉痛,大家依然未能忘記,「一姐」入市有啟示o架。

金融逍遙客大陸異軍突起

游走於中港台併購、私募投資的金融多棲動物,現為多間上市公司主要股東及董事當今社會怨氣揮之不去,除了地產霸權、貧富不均、官員不濟、政客無良等等阿茂 都知嘅無奈事實,我哋自己又有無檢討進步的空間?逍遙客眼見,內地十四億人口的公民素質,有待提高無可爭議。但過去二十年,中國也全靠民間努力,出了阿里 騰訊百度,華為還幾乎滅了百年老店愛立信,家電的海爾到印度馬拉也是名牌。互聯網旅遊出了巨擘攜程、去哪兒和途牛。快的滴滴力擋Uber稱霸大陸,嚟到香 港,一個月已將各大call車app 收皮。airbnb遇上途家,還有類似美國分類霸主Craigslist的58同城和趕集網。香港後生仔多用OpenRice及Groupon,但有邊個 知道國內有改良混合版的美團?外賣市場鬥得難分難解,「餓了嗎」短短兩年異軍突起。瘋魔全球九億用戶的「美圖秀秀」出自草根創業家蔡文勝。短短四年歷史的 小米估值達三千億……。古語話:三人行必有我師,何況十四億人?聚焦別人缺點是不能令自己進步的,正如每間公司都有大把自認懷才不遇的「高人」,擅於喺背 後對公司或老細或同事指指點點,他們有幾多料大家心知肚明。嘲弄他人,我們會獲益麼?獅子山下故事並非香港專利,中國每日都在上演,國內憤青廢青論人數肯 定不遜香港。人哋每日在進步,我哋每日在埋怨,中港距離只會愈走愈遠。社會進步係靠一班好學肯砌並不斷自我充實的一群。我哋要做邊類人?阿彌陀佛,真係講 多無謂囉!

中環寸嘴堅唔離地老飯店

工廈大王楊耀松長子,是各大有名食肆之VIP,喜歡研究城中有錢佬對食之要求,透過美酒佳餚,細味人生百態,讓讀者「嗒」落有味。北角間「老飯店」舊到漏 晒水,兩個月前搬咗去上環以前先施百貨個位,聽講業主南豐唔肯租三樓俾「老飯店」,逼住要踎地庫,呢鋪堅唔離地,仲坐埋落去添呀。嘻,鬼唔知望住個海景夠 爽咩;呢度平吖嘛,平就冇投訴啦;訂間房最低消費都係一千銀,夠坐六條友,每人都係嚿幾兩嚿水。個部長安排我同老友坐「杭州廳」,真係睬你都「杭州」呀。 呢度啲師傅做咗廿幾年,都係蘇浙同鄉會出身,有水準o架。試咗佢兩客火瞳翅,灑兩羮醉鴿剩低嘅花雕汁落去,好鬼潤喉,唔,yummy yummy;仲有兩件烤雙方,夠香脆,個煎八寶飯好香口,有紅米,有白米,叫兩客打包返屋企慢慢歎;佢有款高力雪糕幾過癮,雖然用雀巢雪糕,但正過高力豆 沙,怪唔之週末晏晝,咁鬼多痴情老食客走到來上環搵食;啲水準同上海總會有得揮,但係上海總會要派錢俾侍應喎;啲上海婆好鬼闊綽o架,嗰度啲企枱唔使帶錢 返工o架;錢我有,不過唔會咁派法囉。嗱,醒你呀,下午茶時段去到四點,兩點後去吔,或者12:30前埋單有八五折;所以話,佢肯平我就唔嘈嘅,佢執咗笠 咪仲慘,到時飲恨食得少呀!

友邦Top Sales

早排陪住中國天然氣(931)主席簡志堅見記者嘅蔣佳良(Larry Chiang),曝光後有唔少人讚佢把口了得,貴為友邦保險香港區總裁,專sell大客仔,佢同客仔講話公司旗下有啲基金,專門投資落去大陸一啲「特別」 項目,項目嘅搞手係高官嘅二奶或三奶生嘅「富後代」,靠着哎吔老豆嘅關係自然有「特權」,項目暢通無阻,個基金揸住呢啲特別項目就sure win啦;不過個AIA客仔聽完Larry講完就冇落疊,拋下一句:「除非個高官係習大大啦!」

金牙大狀講嘢到腳痛之路

港大「等埋首副」事件愈演愈烈,雖未見血,但已經搞到有人要入院矣。「大小邊不分」處於風眼中,佢引用懵董名句「辭職係最容易嘅事」以明志,但就係唔辭 職。遲啲會唔會腳痛,或者好似盧寵茂咁膝頭哥痛,另議。「等埋首副」單嘢搞到咁大鑊,究其根本,就係因為某人俾人識穿戀棧權位,唔肯一早學得袁國勇咁使出 劈炮唔do、抗議離場呢招撒手鐧,於是俾人逼吓埋啲,再逼吓又埋啲,以致完全冇晒位企。到咗呢個時候至曉得大嗌:「我七十六歲人,Why the hell am I doing all these?」又豈非為時已晚?「等埋首副」同「等埋發叔」一樣,已淪為天下笑柄。呢場鬧劇再搞落去,即使「大小邊不分」想選擇做「最容易嘅事」,可能都 輪唔到佢揀矣。老董就係咁搞到腳痛啦。


一姐 買樓 樓一 一炮 炮過 成功
PermaLink: https://articles.zkiz.com/?id=156224

樂視推「一炮過」249元睇歐國盃

1 : GS(14)@2016-05-21 12:58:32

【明報專訊】近月不斷積極競投體育賽事播放權的樂視體育,又再向電盈(0008)旗下收費電視nowTV「剃眼眉」,昨日宣布取得今年為期一個多月的歐國盃全媒體播放權,會足本直播賽事51場,並推出相關收費組合,「一炮過」以月費249元或599元(連4K樂視盒子)收看歐國盃賽事,並設有點播功能,更強調「無綑綁銷售」,諷刺now TV用戶要以700元收費觀看今年歐國盃及美洲盃的綑綁組合。



據樂視公布,用戶按上述計劃收看歐國盃後,若在7月底前選購12個月或以上的「樂視超級體育組合」收看更多體育賽事,可獲退回今年歐國盃「一炮過」的收費,至於本來是「樂視超級體育組合」的用戶,不必另行繳費亦可收看歐國盃。此外,用戶若付費收看歐國盃,則不限於樂視盒子,同時可在網頁、手機應用程式、樂視超級電視等設備收看賽事。

不過,樂視體育一樣未有透露歐國盃競投開支,樂視體育高級收費業務總監張志成形容為「一定是貴的」。樂視體育香港總裁程益中提到,樂視新建的荃灣製作中心,會為歐國盃開放部分區域營運,目前樂視體育香港分部人手合共200多人。樂視體育不單就價錢向nowTV宣戰,今次歐國盃更招攬不少來自nowTV的足球評述員,包括蔡育瑜、鄭兆聰等,並強調評述員一律「陀地」,免得外界憂慮樂視採用內地譯名,至於綽號「牛丸」的東方足球隊主教練陳婉婷,也會有份評述。樂視亦表示會派出7隊攝製隊,與英格蘭、法國、德國、西班牙、意大利獨家合作拍攝花絮等,製作費達1000萬元。



來源: http://www.mpfinance.com/htm/finance/20160519/news/ec_ecl1.htm
樂視 視推 一炮 炮過 249 元睇 睇歐 歐國 國盃
PermaLink: https://articles.zkiz.com/?id=300466

單日沽190伙 5日累售590伙柏傲灣湧現一炮過買樓客

1 : GS(14)@2017-01-26 18:04:53

■荃灣柏傲灣售樓處雖出現人龍,但整體秩序良好。 伍嘉亮攝



【本報訊】臨近歲晚,富貴人家買樓當買年貨,full pay掃磚頭過年。昨早荃灣柏傲灣第二度賣樓,推出199伙幾乎沽清,當中包括8組大手客購兩伙,現場更有數名買家指會一炮過現金入市。眼見市民四圍頻撲買樓,多家發展商都謀劃過年後推盤吸客。記者:陳東陽 程俊華



新世界(017)及內房萬科合作發展的荃灣西新盤柏傲灣,昨早推出199伙進行次輪銷售,加價逾半成都未有嚇走買家,市傳累收逾3,000登記,復活票佔多數。現場所見,未到九時已經有人龍出現,整體秩序良好。市場人士指首90個籌號有近七成人到場揀樓,幾乎無人落空,而且賣樓速度快得驚人,首45分鐘已經有59伙獲認購,平均每分鐘賣超過1個單位,至正午時份,一房及兩房戶沽清後,揀樓速度方逐漸放緩。


大客3,800萬掃兩伙

柏傲灣最終單日沽出190伙,平均成交呎價16,205元,當中最大手買家斥資約3,800萬元購入2A座高層兩伙相連單位,分別屬四房及三房海景單位,另外尚有7組豪客同樣購入樓盤兩伙單位。至於「賣剩蔗」則全屬四房單位,分別位於1A座低層及2A座中層。連同上周五首輪賣樓,柏傲灣五日內合共售出590伙,套現逾55億元,涉及25組購買兩伙單位的大手客。連日來更不乏豪氣買家自詡毋須承造按揭,一炮過付清樓價全額。新世界發展營業及市務高級總監楊文透露,柏傲灣買家以首置客及年輕人居多,最快今日加推,初一至初三售樓處將會如常開放,但期間不會進行新一輪發售。



滿名山擬新春後加推

中原亞太區住宅部總裁陳永傑指月內開售的三個全新盤均紅盤大賣,利好樓市氣氛,料新盤全月錄1,500宗成交,按月增逾倍,農曆年後其他新盤會陸續加入,估計下月有機會錄得約2,000宗一手交投。嘉里(683)執行董事朱葉培表示,本月樓市成交可謂有價有量,預期年內樓市將會平穩發展,集團部署農曆新年過後推售屯門滿名山的四房間隔花園洋房。中海外(688)地產董事總經理游偉光表示,東九龍啟德1號新春後打算推出低座四房單位以招標形式發售,不設指引價。另外,信置(083)營業部聯席董事田兆源稱,與華置(127)合作的觀塘市中心重建項目第2及3發展區,將會分開兩期推售,首期準備申請預售樓花同意書,估計最快第三季開售。


【柏傲灣買家full pay入市】

■鄧婆婆

鄧婆婆:「入市主要原因係怕銀紙貶值,自己住荃灣60年,所以揀返柏傲灣。銀行做唔到按揭,要一筆過現金買樓」。



■葉先生

葉先生:「買了柏傲灣一間兩房單位,實用面積525方呎,樓價大約850萬元,貪樓盤交通方便,打算full pay入市」。




來源: http://hk.apple.nextmedia.com/financeestate/art/20170125/19907787
單日 190 日累 累售 590 夥柏 柏傲 傲灣 湧現 一炮 炮過 過買 買樓 樓客
PermaLink: https://articles.zkiz.com/?id=324089

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019