佳麗當透明 網民嘲變臉麥明詩膺港姐犯眾憎
1 :
GS(14)@2015-09-01 07:19:53■麥明詩昨晚成雙料冠軍，只得司儀嘟姐祝賀，其他落選佳麗只是上前恭賀亞軍龐卓欣和季軍郭嘉文。
新一屆香港小姐競選前晚出爐，大會安排全民投票選三甲，23歲的十優狀元、兼劍橋法律系畢業的麥明詩大熱跑出，並兼得最上鏡小姐，成雙料冠軍，亞軍是麥明詩死敵龐卓欣，季軍則是郭嘉文。前晚的節目跟以往一樣毫無驚喜，乏善足陳，但宣佈賽果時的幾分鐘竟才是「戲肉」所在。以往港姐競選當三甲塵埃落定，落選佳麗總會走上鏡前向當選佳麗送抱抱，以示大方。可是前晚鏡頭拍到戴上后冠的麥明詩繞場一周後，其他落選佳麗全部擁着亞軍龐卓欣及季軍郭嘉文，完全當麥明詩透明，唔妥到出面的這一幕實屬罕見。醒目的鄭裕玲（嘟嘟）馬上執生，上前祝賀麥明詩，為她解困順便緩和氣氛。
■港姐冠軍麥明詩昨日與亞軍龐卓欣、季軍郭嘉文及友誼小姐林凱恩會見傳媒。
一臉尷尬的麥明詩下意識望向季軍郭嘉文，兩女眼神接觸了一殺那，郭嘉文即時擰歪面，只與其他佳麗問好。進擊的麥明詩轉而向亞軍龐卓欣埋手，結果一樣被請吃檸檬，幸好無綫攝影師sharp cut（關機）才令這難堪場面畫上句號。麥明詩雖大熱勝出，可是卻不受網友歡迎，尤其高登仔，大部份網民留言都針對她曾變臉。港姐昨晚平均收視27點，約175萬觀眾收看，而宣佈結果和頒獎時段則獲最高收視31點，換句話說約有200萬觀眾看到麥明詩被杯葛一刻。撰文：劉敏
來源:
http://hk.apple.nextmedia.com/entertainment/art/20150901/19277140
隔牆有耳：10A港姐：佔中對港有益
1 :
GS(14)@2015-09-08 07:59:55■出爐港姐冠軍麥明詩曾經去過佔領現場，仲喺instagram貼相。
曾經喺instagram貼過雨傘運動相嘅十優狀元港姐冠軍麥明詩，摘完后冠一身輕，日前接受《南華早報》訪問時談敏感嘅佔中議題，佢話欣賞佔中引發港人思考，對香港係有益嘅，反映到港人對香港嘅熱愛，形容佔中對香港嘅歷史係特別時刻。問及對佔中有乜取態？去過佔領現場嘅麥明詩話，行動證明咗一切（action speaks for itself）。
做特首會降樓價
曾經話過想做女特首嘅麥明詩話，從政已非佢年幼時想像咁，如今發現從政涉及政治角力同財政實力，仲要政治正確，嚟緊呢一年都想喺演藝事業多啲發展。但如果真係做特首，一定會將香港嘅房屋變得可負擔，聲言自己同身邊好多朋友啱啱大學畢業，都覺得樓價高到難以搬出嚟住。喺劍橋讀法律嘅佢仲話，香港嘅法制應該完善，以防止「大多數的暴政」。被問到做港姐係咪想釣金龜？畢業於女拔、劍橋嘅佢用相當優雅嘅用語回應：「I can't be more offended」，話呢個想法冒犯，若然要釣金龜，用不着選美，因為喺劍橋，大把合資格嘅單身漢畀佢揀囉。
來源:
http://hk.apple.nextmedia.com/news/art/20150908/19287045
傳港姐未卸任可拍劇 龐卓欣趁未拍劇遊日本
1 :
GS(14)@2015-09-23 02:14:02今屆出爐港姐才貌出眾嘅麥明詩(Louisa)贏冠軍，傳被亞軍龐卓欣(Ada)同季軍郭嘉文聯手杯葛，事後三個得獎佳麗忽然「friend番」，23歲嘅Louisa起初未知係唔係擔心影響星途，居然將拍拖兩年嘅大律師男友林作(Joe)「降呢」做朋友，嫌棄男友「唔夠成熟」，不過，最終佢都大方公開戀情，反而，港姐亞軍Ada就一直勇敢去愛，不時貼出佢同富三代男友Solomon嘅合照，戀愛大過天!
Ada日前喺Instagram貼出佢同男友面貼面嘅合照，男友Solomon仲出手輕攬女友，有網民讚佢哋好似樣，好有夫妻相，兩個似乎打風都打唔甩。
Ada昨日又同父母去咗日本心齋橋行街街，留言：「Good morning osaka.」早前已盛傳大台小生花旦出現人才荒，有意想搵今屆港姐選完之後，即刻簽約佢哋做花旦力捧兼有劇拍，分分鐘連藝訓班都唔使入就可以埋位開工，不過，為咗箍住一班新人，傳大台要佢哋簽10年約，公司先會捧佢哋，未知Ada係唔係趁未開工拍劇前，先同家人去下旅行，享受家庭樂呢？
來源:
http://hk.apple.nextmedia.com/entertainment/art/20150922/19305047
【旺丁人妻】同屆港姐好生養
1 :
GS(14)@2015-11-02 00:08:43陳茵媺是2006年香港小姐冠軍兼國際親善小姐得主，原來那一屆港姐特別好生養，茵媺與同屆的亞軍周家蔚與季軍呂慧儀，巧合地清一色生仔，就連當年奪得旅遊大使獎的徐淑敏，均已嫁人兼生了三個女，認真是「旺丁港姐」的一屆。周家蔚大前年跟洪天明結婚，先後於前年及今年生下大仔洪大仁（TJ）與細仔洪竟琋（JT），三年抱兩；呂慧儀2008年跟落選香港先生黃文迪結婚，並於去年誕下兒子Anton；徐淑敏2009年與商人黃浩奉子成婚，先後於2010年誕下大女兒心瑤、翌年再誕下二女心柔，去年更誕下第三名女兒沁誼。
來源:
http://hk.apple.nextmedia.com/entertainment/art/20151031/19354527
離地金句：十優港姐晒命對白
1 :
GS(14)@2016-05-21 17:49:35【隊酒俾仔圍】■麥明詩在節目中被男仔包圍，她說：「劍橋生活就係咁㗎喇！飲酒，跳舞，開香檳，同埋讀書！」電視圖片
麥明詩在節目《星星探親團》中，其對白三句不離「劍橋」、「十優」，令不少觀眾批評「晒命」及「堅離地」。1.「17歲隻身到英國，逐步實踐理想，孭住十條A就入到劍橋？冇咁易㗎！成功需苦幹！」
2.「劍橋生呢個名，絕對得來不易㗎！」
3.「非一般嘅劍橋生，當然有非一般嘅劍橋生活啦！」4.「大家知我係港姐冠軍，知我係十優狀元，但我而家最想同大家分享嘅，係我喺呢間英國頂級學府所經歷嘅三年大學生活。」5.「中學讀緊女拔萃嘅我，原來諗住本地升學，但09年會考成績都唔錯啦，英國Crowthorne一間寄宿學校（威靈頓公學）就收咗我喇。」6.「呢間係英國嘅貴族學校，全校有一千學生，一成半係留學生，收生門檻好高，堪稱頂級大學嘅搖籃。」
7.「讀一個學期要一萬鎊，一年有三個學期，即係一年要三萬鎊，好彩我攞到少少獎學金可以幫補吓。」
8.「選劍橋難定選港姐難？如果我會考冇咁嘅成績，我就唔會搵到間咁嘅寄宿學校啦；如果我冇入到劍橋，我諗我未必會贏到港姐，所以好奇妙㗎成件事。」
來源:
http://hk.apple.nextmedia.com/entertainment/art/20160519/19617510
讀碩士瞞家人選港姐趙希洛月入僅千元
1 :
GS(14)@2016-08-08 00:17:10趙希洛2007年選港姐，同屆有王君馨、黃智雯、何傲兒，冠軍係張嘉兒，趙希洛本身喺澳洲悉尼長大，家境唔差，喺英國大學主修Law and Business，畢業後再修讀International Business and Banking碩士。趙希洛一心想做演員，碩士第一學期後，佢就瞞住屋企人參加香港小姐，以趙希洛學歷入金融界發展絕對冇問題，但係趙希洛選擇喺大台捱騾仔，當時月入只得5、6千元，佢接受訪問時講過眼見同學有車有樓，佢都曾經諗過放棄，佢仲話有個同學搵緊十幾萬，自己唔好話買樓，連部車都係屋企嘅，佢覺得好對唔住屋企人，不過趙希洛坦言真係好鍾意做戲。
來源:
http://hk.apple.nextmedia.com/entertainment/art/20160807/19726513
01年港姐亞軍 羨慕楊思琦襟撈鍾沛枝退隱賣燒味
1 :
GS(14)@2016-08-13 14:59:36【上月 拍拖行街】■鍾沛枝上月與澳洲籍男友藍先生在中環置地廣場行街。DV圖片
現年34歲、01年港姐亞軍鍾沛枝，自從07年離開無綫後，恍如失蹤人口，在娛樂圈銷聲匿迹，之後做過國泰地勤、公關及美容等工作。退隱娛圈9年，鍾沛枝日前被拍到與拍拖3年的澳洲籍男友藍先生在中環置地行街；沛枝透露半年前已辭工，暫時幫屋企打理燒味飯店，但未準備嫁人，她笑說：「可能我未ready有小朋友，想咁樣單身，都幾自在。」
台灣《自由時報》日前有報道題為「人前風光人後哀傷那些年沒那麼幸運的港姐」，被指貌似朱千雪的01年港姐亞軍鍾沛枝榜上有名；另網上有篇文題為「落魄港姐轉當航空公司地勤」也是說鍾沛枝。在無綫默默耕耘7年，仍寂寂無聞，07年決意不當藝人，轉職做國泰地勤，現在閒時幫家人打理燒味飯店。
■01年港姐亞軍鍾沛枝辭任地勤後，幫忙打理家人開的燒味飯店。資料圖片
【選美出道】■鍾沛枝坦言羨慕同屆冠軍楊思琦（中）和季軍朱凱婷（右）工作機會多。資料圖片
【轉任地勤】■離無綫後，鍾沛枝曾任職國泰地勤，並為公司拍了多輯廣告。資料圖片
拖富男友行置地
日前下午3時許，本報記者拍到穿上藍色連身褲的鍾沛枝，與同穿藍色衫的男子在中環置地廣場行街，兩人沿途有傾有講，大部份時間都是window shopping，之後便乘港鐵離開。據悉該男子是鍾沛枝的男朋友，經常都會在沛枝的微博孖公仔般出現。事後記者致電沛枝，她透露男友姓藍，是澳洲華僑，屋企做生意；近年男友為她留港並自立門戶賣紅酒，沛枝笑說：「拍咗拖3年幾，佢好人嚟嘅……對比之前男朋友。佢唔算高大，但OK啦，我唔好着高踭鞋囉。」覓得筍盤，到問幾時結婚？她說：「佢有計劃，但有小朋友要犧牲好多嘢，可能我未ready，過多幾年啦。」盛傳當年沛枝做國泰地勤，底薪僅得7,000元，她說：「當年喺TVB人工，做港姐啲騷亦比一般藝人高，算幾好彩。」沛枝自爆當年決意離開的真相，她解釋：「我臨走嗰年啱啱係收費台開，我都有四、五個節目做，最尾嗰年仲爆騷，但自己想做翡翠台。因為收費台做咗又冇乜人知，嗰陣諗住又後生，就去咗國泰，仲拍得多咗廣告
【失蹤港姐】胡家惠嫁商人 身家逾億
1 :
GS(14)@2016-08-13 14:59:37胡家惠
港姐曾是嫁入豪門、入娛圈的踏腳石，不過近年質素參差，往往發展不順利，便轉行嫁人生B，在娛圈無聲無息，人間蒸發。
潘芝莉
96年港姐亞軍，曾任六合彩主持及綠葉角色，令人有印象是99年電視劇《寵物情緣》做閒角，同年與無綫提早解約。02年與商人鄧裕森結婚，之後定居澳洲，二人育有一對子女，現為丈夫打理家族餐館及酒樓生意。
劉慧蘊
千禧年港姐冠軍，同獲最上鏡小姐、國際親善小姐及最具新世紀風采小姐獎，雖是四料港姐但星運平平，於02年初與無綫解約，04年嫁給「港姐殺手」富二代林孝基，去年被傳媒影到走樣變肥師奶。
胡家惠
02年港姐季軍，外貌有「女版許愿」之稱，卸任後做過兒童節目主持及空姐。11年嫁給商人邱仲平，二人上月齊現身港交所，出席其夫婿創立的公司利駿在創業板上市儀式，她更出任執行董事，估計夫婦二人身家過億。
沈穎婷
麗的當家花旦李影女兒，於04年參選未有名次，星途發展不理想，於09年曾短暫轉投英皇，不過不夠半年主動提出解約，去年更被傳媒影到在酒吧推銷賣煙。
李姿敏
09年港姐亞軍，只獲無綫簽約一年，之後未獲續約。她父母是馬主，曾活躍馬圈與練馬師賀賢拍拖，不過前年起未有再見她現身馬場，被指甩拖。
來源:
http://hk.apple.nextmedia.com/entertainment/art/20160813/19734364
【落選港姐】醉駕頂包入獄14日
1 :
GS(14)@2016-08-16 06:28:0250歲關秀媚87年港姐落選後加入電視圈，約滿後闖影圈發展，95年和任達華合演三級片《賊王》中床上激戰戲份出色，濕身露點鏡頭令她知名度激增。關秀媚98年與李尚文合作電影《龍在江湖》結緣，翌年關秀媚於《強姦終極篇之最後羔羊》演藝更上高峯，同年和張家輝合作《黑馬王子》演「沙律」一角深受男士歡迎，之後拍攝王晶性感電影為人熟識被封「晶女郎」。02年關秀媚因醉駕頂包被判囚14日，至07年被揭與年輕7年奀星李尚文譜姊弟戀至今9年，男方曾憑電影《等候董建華發落》獲提名電影金像獎最佳男配角，惜他在影圈浮沉未能跑紅，兩人早年已淡出影圈。
來源:
http://hk.apple.nextmedia.com/entertainment/art/20160816/19737403
Next Page