ZKIZ Archives


小方乾曬兩粒鐘治情傷

1 : GS(14)@2016-06-06 02:54:39

【騷胸肌】■小方前日下午在沙灘曬太陽全程以手機為伴,沒有留意過身邊的女士。








【淺水灣】方力申及導演錢國偉昨日到荔枝角接受RoadShow的節目訪問,為電影《綁架丁丁當》宣傳,戲中小方跟王菀之(Ivana)飾演一對情侶,拍攝期間錢國偉剛新婚,而在中段時Ivana又宣佈即將結婚,當時錢國偉的戲言令小方心內不是味兒。錢國偉接受訪問時說:「我同小方講,煞科嗰日你宣佈結婚就好嘞。」小方回想當時是心內一沉,小方說:「嗰時自己知乜嘢事,所以冇答。」被問到假如有電影找他跟鄧麗欣(Stephy)合作時,兩人會否合作?他說:「唔好嘞,唔好搞住嘞,暫時唔係好適合。」他透露近排非常「宅」,只專心做運動。錢國偉笑言小方單身,又多了一個筍盤出現。



【影合照】■有fans認出小方要求合照,小方亦大方答應。

【頭耷耷】■曬了差不多兩個小時後,一行三人收拾離開沙灘。



新戲晒巨胸

小方早前接受電台訪問時透露,不時仍夢見前度Stephy,飽受情傷的小方自言減少接近女性,避免誤會。而近日他現身時大都跟同性朋友一起,前日下午2時許小方又再出動到淺水灣乾曬,同行的包括杜德智及保母車公司的老闆朋友。當時沙灘上雖然有不少女性,小方依然只專注篤手機及曬太陽,全然無視。但小方的胸前巨肌,引來不少女士驚嘆「好大隻呀」,亦有粉絲上前要求他合照。他們三人大約於4時左右便離開,有救生員忍不住上前吹水,不斷問小方:「有冇食奶粉㗎?」之後一行三人去附近餐廳飲凍飲消暑,其間小方依然不停玩手機,他們坐了個多小時才離開。另外,《綁架丁丁當》將於今個月23日上映,昨日在facebook推出一條預告片,其中一幕小方大晒巨胸在泳池邊淋花灑一幕,令戲中的朱咪咪、江美儀及關寶慧驚呼狂叫。採訪、攝影:曹家誠、吳耀輝、潘冠恩



■小方(左)跟錢國偉為電影接受訪問,小方自言暫時接受不到與Stephy合作。

■在新片中小方除了要搞笑外,還要不時大騷其胸肌。



來源: http://hk.apple.nextmedia.com/entertainment/art/20160603/19638711
PermaLink: https://articles.zkiz.com/?id=301796

陳凱琳叫Good Show王馨平劈胸晒兩球

1 : GS(14)@2017-03-22 00:31:32

■王馨平前晚為尊重舞台,特別找朋友設計這件性感歌衫。



王馨平(Linda)跟舊愛鄭嘉穎分手多年,Linda於01年下嫁金融男友李家輝,嘉穎現跟前港姐冠軍陳凱琳(Grace)打得火熱,前晚三人在無綫籌款節目《博愛歡樂傳萬家》首度同台,嘉穎聯同謝天華以《風雲5D》音樂劇look登場,惟嘉穎扮演的步驚雲造型嚇人,天華更被網民譏為肥版聶風,留言:「完美演繹出乜叫英雄遲暮,真係靚女都會屙屎,英雄都會發福,果然成也風雲,敗也風雲!」


「尊重舞台」

相反,現年48歲的Linda一改玉女路線,穿中門大開晒巨乳裙登場,令觀眾嘩聲四起。前晚她在電話說:「太耐冇性感,大家唔記得我可以性感係咪?講笑啫,我覺得要尊重舞台同觀眾,所以件衫專登搵設計師朋友設計,佢幫我設計到咁性感,我都覺得幾靚,平時唔會咁嘅,你哋放心啦。」問老公有否支持捐錢?她說:「當然有啦,但冇問幾多。」對於嘉穎的《風雲》造型被網民狠批,Linda力撐舊愛:「據我所知佢哋唔肥㗎喎,佢哋都有做gym,練得好勤力,呢個都係跟番電影造型。我覺得佢哋好努力,都要支持佢哋!」



■鄭嘉穎和謝天華(右)的《風雲》造型,惹來網民狠批。

■鄭嘉穎扮演步驚雲,獲舊愛馨平力撐唔肥。

■王馨平大讚舊愛鄭嘉穎的現任女友陳凱琳親切。


同場冇尷尬

問跟嘉穎同場有否尷尬?Linda說:「其實冇乜尷尬,我哋喺第二啲地方私底下都撞見過。今日喺後台我冇見到嘉穎,但見到Grace都有say hi,Grace好nice,有同我講good show,我哋冇你哋諗得咁尷尬,我哋好好,我哋啲嘢係上一輩子嘅事,?家大家都活在當下。」此外,《風雲5D》下月公演,眾演員忙於綵排,總監陳淑芬前日為本月生日的譚耀文和閻奕格慶祝,阿譚收到金幣朱古力蛋糕,許願演出大賣。採訪:皓騫




來源: http://hk.apple.nextmedia.com/entertainment/art/20170320/19963457
PermaLink: https://articles.zkiz.com/?id=328097

Next Page

ZKIZ Archives @ 2019