ZKIZ Archives


無綫救亡黃宗澤升呢拍電影馬浚偉鋪路做視帝

1 : GS(14)@2011-03-27 17:42:33

2011-3-24 NM
                
佘詩曼唔續約無綫返內地賺人仔,林保怡、馬德鐘決定北上搵食,仍有約的黃宗澤和今年底約滿的馬浚偉,亦有意離無綫北上搵人仔。
主將買少見少,無綫大幅度加薪,並投其所好,好似再搵影帝黃秋生傍住黃宗澤開戲,又校啱時間推馬浚偉孭飛劇出街,幫他鋪路做視帝,氹得就氹。黃秋生幫拖
內地影視工業市場大有需求,不少娛樂公司積極羅致香港演員,酬勞幾級跳亦在所不計。花旦小生陸續部署北望神州,一向惡晒的無綫再不敢怠慢,出盡法寶留人。

「Bosco(黃宗澤)雖然仲有兩年約,不過出面已經有人開始搵佢斟合作,樂小姐知道佢好想拍電影,為咗穩定軍心,應承開戲力谷佢,好似之前
Wilson(錢國偉)要開拍《戀夏,戀夏,戀戀下》,樂小姐都好大力推薦Bosco俾Wilson,後來因為要去海南島拍外景,Bosco冇期先臨時換
人,公司又即刻再搵秋生幫手,開部警匪片俾佢同Bosco做,咁緊張,都係想Bosco見公司重視,心軟留低。」知情者說。
校啱時間

全力留黃宗澤外,對今年底約滿的馬浚偉,無綫亦有即時行動,繼早前出席破冰飯局,樂易玲刻意與被指不和的馬浚偉同坐示好,又安排由他孭飛的古裝劇《紫禁驚
雷》於下半年推出。「馬仔多數都係拍古裝,其實好啱內地巿場,加上無綫近年有幾個古裝劇好似《金枝慾孽》、《宮心計》人搵馬仔傾劇。內地大把路數,又出得
起錢,公司都唔敢好似以前咁再拖,除咗開飲食節目《大廚出馬2》招安,又特登安排馬仔套劇下半年出街,事關佢舊年投訴過啲劇出街時間唔好,影響收視,所以
佢套《紫禁驚雷》會九月出,食正timing爭視帝,總之用盡方法氹佢留低。」一名無綫中人說。
寧濫勿枉
佘詩曼決意離巢後,六嬸方逸華急召高層照肺,講明唔希望再有TVB一手捧紅的藝人流失。為氹掂藝人乖乖留低,TVB實行軟硬兼施,甚至乜人都擸,無放過。
徐淑敏09年結婚生女,仲講明會繼續追,但TVB一樣咬住唔放,要佢加簽五年。
周家蔚06年獲選港姐亞軍後簽TVB,一直被投閒置散,入行以來最大收穫是搵到男友洪天明,但TVB照樣要佢賣身五年。
蕭正楠返內地拍劇的先頭部隊,於內地早有人識,雖然仲有兩年先約滿,但TVB已經主動傾續約,加簽三年。
高鈞賢演技俾人彈多過讚,但高鈞賢勝在聽話,好使好用,同樣一簽五年。
安仔留低

據了解,在無綫採取積極態度及銀彈政策,以幾近兩倍人工,已成功留低在內地有一定知名度的郭晉安,正在放大假陪老婆生第二胎的他,放完假便會返娘家開工。
「其實安仔都唔係好想出去闖,事關佢一家大細都喺香港,佢想多啲時間陪屋企人,公司捉到佢心理,加上嚿錢多咗好多,所以好易就傾掂。不過公司有好多小生都
冇家室,留低又唔知有冇機會,所以都向錢看;留唔留到人,都係睇公司出手高唔高。」
救亡 宗澤 升呢 呢拍 電影 馬浚 浚偉 鋪路 做視 視帝
PermaLink: https://articles.zkiz.com/?id=273627

【馮仁昭四圍超】馬浚偉選角要公平

1 : GS(14)@2016-04-12 18:16:44

馬浚偉早排成立製作公司,頭炮係馬仔自編自導自演嘅舞台劇《偶然.徐志摩》,徐志摩夢中情人林徽因呢個角色,會用選拔方式去搵角。馬仔話:「我係參加歌唱比賽入行,坦白講的確係有黑幕存在,所以今次選拔,我一定要以公平、公正、公開去執行。」自從公開招募後,馬仔話收到唔少應徵信,香港、內地、海外都有,下個月18、19號兩日會進行面試。撰文:馮仁昭





來源: http://hk.apple.nextmedia.com/entertainment/art/20160412/19567064
馮仁 仁昭 四圍 馬浚 浚偉 偉選 選角 角要 公平
PermaLink: https://articles.zkiz.com/?id=299118

馬浚偉俾萬綺雯電親

1 : GS(14)@2016-08-07 02:13:49

馬浚偉身兼監製、編劇、導演及演員四職的舞台劇《偶然.徐志摩》,將於11月在灣仔演藝學院公演,門票本月11日公開發售。日前馬仔與萬綺雯(蚊蚊)和羅敏莊等拍攝劇照和海報,馬仔笑指一見穿戲服的蚊蚊即時O嘴,他日前說:「自己睇咗好多video同相,覺得蚊蚊同陸小曼真係好似樣,所以一諗就諗起佢。嗰日見到蚊蚊着住戲服擺晒甫士,我都O晒嘴嚇咗一跳,真係好似。係男人都會俾佢電暈,索到爆。」馬仔又謂:「有日蚊蚊老公陳十三嚟接佢,我都忍唔住同十三講『你老婆太正啦!』嚟緊我同蚊蚊及羅敏莊會有親熱戲綵排,我都好歡迎佢哋嘅老公監場㗎!」採訪:魯吉





來源: http://hk.apple.nextmedia.com/entertainment/art/20160806/19724589
馬浚 浚偉 偉俾 萬綺雯 萬綺 電親
PermaLink: https://articles.zkiz.com/?id=304703

【馮仁昭四圍超】馬浚偉編上癮度新劇

1 : GS(14)@2016-09-17 16:15:53

馬浚偉噚日喺商台為11月公演嘅舞台劇《偶然.徐志摩》宣傳,身兼監製、導演、編劇同演員嘅佢直言壓力好大,練舞更練到胸椎舊患復發:「我以後會更加疼錫監製同編劇,唔會亂改劇本,要聽話。因為個劇會加入落雨、落雪同水袖舞,所以每排一場會錄低再睇番。」佢仲話完成舞台劇之後會休息十日去郵輪玩,但係對編劇上晒癮嘅佢已經構思緊新嘅舞台劇劇本。撰文:馮仁昭




來源: http://hk.apple.nextmedia.com/entertainment/art/20160915/19770840
馮仁 仁昭 四圍 馬浚 浚偉 偉編 上癮 新劇
PermaLink: https://articles.zkiz.com/?id=309265

【馮仁昭四圍超】馬浚偉萬綺雯跳華爾滋

1 : GS(14)@2016-09-27 07:14:51

馬浚偉、萬綺雯同羅敏莊等噚日於西九龍中心,為11月公演嘅舞台劇《偶然.徐志摩》舉行發佈會,今次係馬仔自編自導自演作品,佢大讚萬綺雯為演出而學昆曲、造手同華爾滋,兩人即場示範跳一段華爾滋,而萬綺雯努力學唱昆曲,亦被羅敏莊力讚。現實婚姻美滿嘅羅敏莊透露劇中因婚姻失敗而晚晚與淚抱擁,而馬仔因太投入角色,導致近日不時口花花,不論任何年齡女士都撩。撰文:馮仁昭




來源: http://hk.apple.nextmedia.com/entertainment/art/20160926/19781710
馮仁 仁昭 四圍 馬浚 浚偉 萬綺雯 萬綺 華爾
PermaLink: https://articles.zkiz.com/?id=310152

馬浚偉期待娜姐色誘

1 : GS(14)@2016-11-20 23:52:09

馬浚偉、朱慧敏、關寶慧前晚到上環欣賞舞台劇《離家出狗》,馬仔指自己是唐貝詩的叔叔,所以特意來捧場。之後馬仔會跟周秀娜拍新劇《深宮計》,兩人還有調情戲。娜姐曾表示想盡快見到馬仔,他說:「即刻出嚟飲嘢啦!色誘我都係劇情需要,拍戲冇俾人色誘過。」馬仔在新劇中有出浴戲,他要日日操肌:「我演皇帝,出浴有層紗,但都要做gym加操!希望兩個月後剝得衫,否則點見人!」另外,朱慧敏同關寶慧有份到上海演舞台劇《我和春天有個約會》,朱慧敏賣口乖:「我睇寶慧姐姐好多舞台劇,佢嘅聲線、演技同唱歌都好!」採訪、攝影:卓寶花




來源: http://hk.apple.nextmedia.com/entertainment/art/20161119/19838459
馬浚 浚偉 期待 娜姐 姐色 色誘
PermaLink: https://articles.zkiz.com/?id=316282

【馮仁昭四圍超】馬浚偉突頭痛驚中風

1 : GS(14)@2016-11-22 00:24:54

馬浚偉噚日以健康大使身份參與荃灣舉行慈善步行,同場黃夏蕙、馮凱淇同馬嘉均擔任愛心大使。本身有遺傳性偏頭痛嘅馬仔,上個月有晚突然頭痛,但以往痛症只喺左邊,佢話:「嗰晚右邊好痛,仲要感覺成個頭脹晒,似有中風先兆,即刻打畀同事車我入院,做晒磁力共振、驗血等檢查,醫生話我指數好正常,同埋會中風嘅風險都較低。」撰文:馮仁昭




來源: http://hk.apple.nextmedia.com/entertainment/art/20161121/19840284
馮仁 仁昭 四圍 馬浚 浚偉 偉突 頭痛 中風
PermaLink: https://articles.zkiz.com/?id=316556

【馮仁昭四圍超】馬浚偉籲定期驗身

1 : GS(14)@2016-11-25 07:36:56

馬浚偉噚日探訪黃竹坑一間癌症康復中心,向病人逐一送上由義工編織嘅頸巾及手套,提到馬仔媽媽同癌症對抗二十幾年,最後因病去逝,而妹妹亦係癌症康復病人,佢話作為家屬係要用樂觀心態去面對:「我當時識好多醫生,詢問咗好多癌症知識。」馬仔話因為媽咪有癌症,提醒咗佢每年定期驗血同埋檢查身體,佢亦呼籲大家,切勿諱疾忌醫,有病要即刻醫。撰文:馮仁昭




來源: http://hk.apple.nextmedia.com/entertainment/art/20161125/19844553
馮仁 仁昭 四圍 馬浚 浚偉 偉籲 定期 驗身
PermaLink: https://articles.zkiz.com/?id=317002


ZKIZ Archives @ 2019