ZKIZ Archives


特步擲億元胸降伯明翰 中國品牌波衫現身英超 李華華

2010-1-19  AD

香港球迷最鍾意睇英超,下季大家睇波時,要留意吓英超球員身上件波衫,事關會有個中國品牌出現喺波衫上面。
取代 Umbro 贊助五個球季 var adpos = (typeof NMI_artList_obj != 'undefined' && NMI_artList_obj[0]["art_id"] == getUrlParam("art_id")) ? '1' : '2' ; var psm = 'hk.ndx.nextmedia.com;atnext;fin_news;3;' + adpos + ';Middle;Js;utf-8'; this.id = psm; netDrive.Initialize.init(psm, 'nextmedia.com');
伯 明翰環球( 2309)主席楊家誠 Carson,做咗英超球隊伯明翰班主後,隊波近排踢到唔識輸,噚日仲同祖國運動服裝品牌特步( 1368)簽咗贊助權合約,由今年 8月至 2015年五個球季內,波衫會以「特步-伯明翰」( Xtep-BCFC)品牌出品,取代 Umbro,而伯明翰就可收到 9000萬元贊助費同價值 1000萬嘅運動服裝。
家英超踢咗一半,伯明翰拎到 33分排第八,華華睇番佢哋以前嘅紀錄,好大機會唔使降班,話唔定下季有機會進軍歐洲賽㖭。
華華計過,就算真係唔好彩,伯明翰下季踢完英超要降返英冠,特步使一億銀已經可以喺數以億計球迷面前,賣足九個月(英超球季)廣告宣傳,計落都唔算好貴,如果踼足五季英超,除開每年都唔使 2000萬㖭!
另外, AON(怡安保險)同渣打下季將分別頂替 AIG同嘉士伯,成為曼聯同利物浦嘅新贊助商,四年同樣盛惠 8000萬英鎊,折算每年要成 2.5億港紙。雖然伯明翰收到嘅贊助費唔及呢啲大球會一成,但以中下游球隊嚟講已經唔錯,一家便宜兩家着啦!

特步 擲億 億元 元胸 胸降 伯明翰 中國 品牌 波衫 現身 英超 華華
PermaLink: https://articles.zkiz.com/?id=13932

着情侶波衫獅城放閃杏兒Phil甜捧阿仙奴

1 : GS(14)@2015-07-23 01:30:05

【好貼身】■胡杏兒同男友Phil喺星期三被讀者發現,喺新加坡拍拖捧阿仙奴,佢話係專登放假陪男友。讀者提供圖片


【爆相爆片】【新加坡】胡杏兒自從公開承認同有「港姐殺手」之稱嘅夜場老闆李乘德(Phil)拍拖,外界一直高度關注呢段戀情,雖然佢哋好多時選擇去外地拍拖,不過仍然逃唔過鏡頭。前日讀者陳先生經過本報「爆相爆片」,直擊杏兒同男友喺新加波着情侶波衫捧阿仙奴。喺呢個星期三,英超球隊阿仙奴去咗新加坡,同新加坡明星隊爭入今晚巴克萊英超亞洲挑戰盃決賽,讀者陳先生亦喺香港去咗當地睇波,佢接受本報訪問話:「當時係喺比賽途中,佢哋喺樓梯搵緊自己坐邊度,之後好快就行咗去第二、三行坐低睇波。」杏兒當時同男友齊齊着住阿仙奴波衫,杏兒紮起咗頭髮,化咗個淡妝,不過陳先生因為同佢哋距離好遠,所以睇唔到呢對拖友有冇親暱嘅表現。結果阿仙奴以4:0擊敗新加坡明星隊,晉身決賽。



【襯到絕】■雖然杏兒唔係波友,但係為咗男友,都專登着埋阿仙奴球衣捧場。

■阿仙奴結果4:0擊敗新加坡明星隊,晉身決賽。資料圖片

■杏兒同男友公開戀情後,經常拍拖過二人世界,點知都避唔過鏡頭。資料圖片



「我唔係好識睇」

噚日本報記者搵咗杏兒求證,佢透過WhatsApp好大方咁承認呢件事,仲話:「呢個新加坡trip係去北京拍劇前已經安排,之後仲要返北京拍劇,主要係陪男朋友啫,我唔係好識睇!」查實近排杏兒喺內地密密賺人仔,工作都排得密麻麻,不過話晒而家都拍緊拖,點都要抽時間陪吓男友,享受吓二人世界,睇嚟今次佢用咗唔少辦法,先可以放幾日假!採訪:張曦彤





來源: http://hk.apple.nextmedia.com/entertainment/art/20150718/19223490
情侶 波衫 獅城 放閃 閃杏 杏兒 Phil 甜捧 阿仙奴
PermaLink: https://articles.zkiz.com/?id=291717

【科健籽】父子拍檔手工燙印 十年波衫舖抗網購

1 : GS(14)@2016-08-13 15:00:21

“No.7 Soccer”波衫舖老闆林民俊(左)與父親林康樂親力親為打理店舖事務。



【科健籽:運動人生】那邊廂里約奧運進行得如火如荼,這邊廂新一季英超又再開鑼,一眾球迷免不了買番件新球衣支持愛隊。在旺角有間樓上舖,能夠在競爭激烈的營商環境和網購潮流下屹立將近十年,賣的不是價錢相宜,而是視顧客如朋友的親切感,講究的手工燙印服務和父子檔拍住上的人情味。



旺角波鞋街一帶體育用品店林立,有第一代「波衫大王」之稱的興發體育用品,也不敵時代洪流將於本月內結業。租金高企,區內更多波衫舖搬到樓上舖,一間名為“No.7 Soccer”的波衫舖,今年將踏入在旺角第十個年頭,在競爭激烈的鬧市站穩陣腳,而且每日只開店七小時,其老闆以興趣為職業,對不少打工仔來說,看起來就是夢想的工作。不過38歲的老闆林民俊透露,起初開舖並非一帆風順,他原本從事酒店餐飲業,2005年與兩位工作夥伴將儲球衣的興趣變成事業,以月租六萬元在沙田一個商場開波衫舖,甚至為此延遲結婚,「結婚和開舖,當年我只可做其中一項,幸好當時的女友,即現在的太太支持我開舖,最終五、六年後先結婚。」然而鴻圖大計隨即遇上挫折,「客人不多,又要交租,心理壓力好大,最記得當年生日,全日只開到一張單,賣得一件波衫,心情差到唔想講嘢,當初開舖,我同自己講要作最壞打算,但差到咁,好難接受到。」雖然遭受挫折,但阿俊未有就此放棄,反而再接再厲,一年後轉戰到旺角樓上舖,店舖雖小,幸好區內有一定人流,租金也比商場舖便宜很多,經營終於有起色。店舖以家庭式經營,沒有僱用職員,開舖至今十年,除了拍檔,其餘一直由其父林康樂協助打理店務,小至執頭執尾到處取貨,大至收錢,阿俊都交由最信得過的林父處理。「兩仔爺拍住上寧舍開心。」今年已經74歲的林康樂,出身連卡佛的售貨員,又開過製衣廠,他退休時適逢兒子在旺角開舖,於是每日抽四、五小時來兒子店舖幫忙。



今屆英超曼聯羅致了「呂布」伊巴謙莫域,看來紅魔鬼的波衫會更好賣。

阿俊透露兩年前世界盃,因經常做「低頭族」替顧客印波衫,頸部劇痛,生不如死。

英超列強曼城(左)和阿仙奴的球衣,是球迷熱門入手之選,各$599。


今季新用臂章(左)。

英超球員的印字。


Peter得人心 與客吹水似朋友

店有一老,如有一寶,令阿俊意想不到的,是林父與其英文名Peter一樣,總是令客人印象深刻,尤其可以跟一些四五十歲的顧客打成一片。林父說:「可能我之前做過sales,加上我又老成點,同較年長的顧客特別好傾,而且呢批顧客部份幾富有,幫襯時幾爽手。」至今依然精神奕奕的林父,表明在這幫手不覺辛苦,既可打發退休後的時間,更可在兒子身邊幫忙,「以前睇到佢(兒子)喺沙田經營店舖時幾辛苦,所以我想從旁支持佢,家人互相支持好重要,咁先似係一個家庭。」得父親相助,阿俊覺得經營日漸順利,他認為調整心態更重要,「最緊要每樣嘢都有份堅持同認真,好多時嗰樣嘢唔知得唔得時,起碼要信自己做到先;當情況差時要樂觀面對,咁可能仲有生機。」這裏的營業時間為下午2時半到晚上9時半,全因阿俊想花時間照顧兩名子女。他對顧客也視如朋友,不時吹水交流,累積了一批支持者,「以前做酒店,每日和客人溝通,我將呢一套帶到波衫舖,對顧客都像朋友般。」兩位球迷阿張和阿偉,就是由阿俊沙田開業時光顧到現在的客人。一間波衫舖,除了提供球衣,還會有印球員名字或臂章等服務,阿張欣賞阿俊對顧客夠真,店舖搬到旺角後阿俊也會親身到沙田跟他交收球衣,事事親力親為,故他多年來只光顧阿俊。二人的友好程度早已超出顧客關係,阿俊說:「大家都有小朋友,有時會傾吓湊仔經,最近搬屋,仲搵咗做地產嘅佢幫手!」隨着網購球衣日漸方便,波衫舖正面臨挑戰,印字的種類和手工更顯重要。球迷阿偉指光顧阿俊多年,全因感受到他印字的用心,「老闆好認真去量度印字位置,度到滿意先印,呢方面佢畀到我信心。」阿俊形容波衫舖好比理髮店,「波衫印字手工幾似剪髮,同樣要盡力做到顧客要求嘅效果。」



最初阿俊在沙田的波衫舖,當年月租六萬元。

吸取在沙田開舖的經驗,現時阿俊在旺角樓上舖經營(右),地方不大,藉服務態度累積穩定客源。

旺角第一代「波衫大王」的興發體育用品,將於本月內結業,近來開始減價清貨。


阿偉

阿張


No.7 Soccer Co.

旺角西洋菜南街74-84號旺角城市中心9樓02室



記者:余瑋攝影:鄧鴻欣編輯:李寶筠美術:孔文彬



想輕輕鬆鬆健康?,記住留意健康蘋台
http://health.appledaily.com.hk/




來源: http://hk.apple.nextmedia.com/su ... t/20160813/19733615
科健 父子 拍檔 手工 燙印 十年 年波 波衫 衫舖 舖抗 抗網 網購
PermaLink: https://articles.zkiz.com/?id=305710

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019