開波啦！
黎緊呢個月，都話咗唔係三十出頭，當然冇可能可以睇足咁多場波！不過四年一度，而且波癮難耐，但要喺平時既練習時間表上再劃上分組賽呀，十六強賽呀。。。真係腦筋大作戰呀！
雖然有人話今屆氣氛好似嘛嘛，未開波啫～ 第一晚高潮應該係六月十二日晚，先黎南韓，再有阿根廷，尾場仲有英格蘭！
講番今屆四強心水，雖然睇落好大路，但如果睇完分組情況，對賽鄰組及進級路線，就揀咗呢四隊：
1.德國 (穩紮穩打，講往績及紀律已經足夠！萬一英格蘭首場有咩差錯，德國隨時初賽已經走線都唔定，後面就有光明前路！)
2.荷蘭 (呢個選擇四個之中風險最大！不過難得今屆比較低調，加上中場好似唔差，睇下過唔過到巴西／葡萄牙囉～)
3.阿根廷 (中前場火力強大！配合埋德國走線，應該冇問題！)
4.西班牙 (除咗後防，睇落真係好似好FIT！)
又睇下我估唔估得中～ ^^