ZKIZ Archives


林家棟x河國榮 教港人苦中作樂 2015-10-13

1 : GS(14)@2015-10-18 23:26:27

http://www.skypost.hk/feature/%E ... %9C%E6%A8%82/192777
那天林家棟為新片《死開啲啦》宣傳,適逢當時電視深夜重播他的代表作《大鬧廣昌隆》,觀眾晚晚追劇兼大呼很掛念他。聽罷,家棟即以「大隻廣」的口吻說:「幾好啊!這個重播來得合時,像是送給我的生日禮物,當年河國榮就是Mr.Robinson囉!」今時不同往日,14年前離開無綫進軍電影圈,現在貴為電影監製,你說,幾好啊!
2010年,林家棟首部監製的電影《打擂台》,橫掃香港電影金像獎四個獎項。事隔五年,他監製的新片《死開啲啦》同樣本土味十足,請來林德信、J.Arie(雷琛瑜)、河國榮和吳浣儀主演,論盡土地不足下香港人的居住苦況。入場觀眾大讚河國榮喜劇感十足,他歸功於家棟教導有方。「是他給予我機會,演一些以前無做過的角色,甚至教我怎樣去演。他選角方面亦很有眼光,兩位新演員很投入!」
安居樂業不易
近年,土地不足已成熱話,港人想安居樂業不易,林家棟早察覺此問題。2011年拍攝《寒戰》期間,常光顧的舊式茶餐廳因負擔不起貴租而結業,激發他撰寫劇本探討港人出路。「劇本方面,我的參與度很高,創作期間聽到香港可申請海葬,骨灰要倒落海,就覺得問題殺埋身,戲中盧覓雪有句話:『啲人一出世就要諗住邊度,樓未供完,我哋就要諗死喺邊度喇。』雖不至於有很多人流離失所,但市面上常有煽動消息傳出,大家都被迫上車,我想大家睇完戲,想想生活是需要甚麼。」
做演員要有火
戲中每位主角均有點題精句,河國榮飾演的「鬼佬」表面風光,實質住劏房,遇上舊樓被收購,終日與屋主想辦法抵抗地產商。現實中,27年前他帶着五千蚊港幣由澳洲來香港追歌星夢,曾寄住朋友家中,被友人父親視為不事生產的流浪漢,到如願在電視台工作,卻都是演閒角,難得他對演戲的熱誠始終如一。他形容:「我的角色是想帶出,以前外籍人士在香港是有優越感,現在都淡化了。戲中有句對白:『邊度氹得我開心咪留邊度囉!』人喜歡的可以去移民,覺得開心就留在這裏。鬼佬有很多情感,為了演到那種情緒,我晚晚去郊野公園大聲讀對白練習。」
家棟從旁補充:「和他認識多年,我認同他的心和熱誠,做演員要有團火。今次構思時,很多對白都有雙重意思,主角一家雖然面對很多生活難題,但懂得苦中作樂,希望港人聽到這些港式幽默,可以輕輕鬆鬆番,有時不用講得太沉重呢!」
服裝:agnès b.(林家棟)
鞋:New Balance(林家棟)
髮型及化粧:Jessica @ Oasis Studio
撰文:何綺娜 
攝影:Lego
編輯:黃寶恩
設計:鄧俊明
林家 河國 國榮 港人 苦中 作樂 2015 10 13
PermaLink: https://articles.zkiz.com/?id=293326

【《蘋果》專訪】講身份認同 戥周子瑜唔抵河國榮:我係香港人

1 : GS(14)@2016-01-19 23:05:29

■澳洲人河國榮昨日在深水埗舊區的大牌檔接受訪問,表示超愛香港、超愛香港人。攝影:陳志嵐



港人愛張國榮,但來自澳洲、現年50歲的河國榮卻超愛港人,他87年發歌星夢來港,至今28年,對於近日台灣藝人周子瑜和羅志祥連環爆出身份問題,遭網友插爆,河國榮寄以同情。他昨日接受本報專訪,就直呼:「我係香港人。」河國榮不但愛港,更愛港人,希望新一代能救香港。


藝人近日因為身份問題連番爆出兩岸風波,韓國女團TWICE的台灣成員周子瑜被指是「台獨分子」遭內地網民抵制,她拍下道歉片段仍未能平息事件。台灣的羅志祥上周四在內地出席電影首映,爆出一句:「我們都是中國人。」又再燃點中台兩地網民和粉絲爆衝突。對於國籍和身份是否要掛鈎,土生於澳洲,87年發歌星夢來港闖天下的河國榮,在這彈丸地居住了28年,娶了港妻組織家庭,昨日他在深水埗大牌檔接受本報專訪,對自己的身份高呼:「我係香港人。」



明顯係被迫道歉

對於周子瑜和羅志祥因為身份問題遭網友鬧爆,河國榮表示有留意報道:「如果台灣人話自己係中國人,好明顯係怕中國政府,暫時嚟講,台灣真係唔係中國,但香港真係中國,香港同台灣係兩件事,香港人承認佢係中國人係OK,但台灣未係,但逼佢哋講出其實係唔啱,佢哋講出嚟,幾乎全世界都知佢哋係被迫講,唔會有人信。台灣有個女仔(周子瑜)係被迫道歉,因為佢揮緊台灣旗,明顯睇到佢間公司突然喺內地冇得撈,逼佢唔好揮台灣旗,就話佢係中國人,錢係萬能。」河國榮曾說過香港絕望指標達八十巴仙,但經過毛記《分獎禮》,這個指數有下降到七十多巴仙,他說:「畀到好多香港人新嘅正能量去面對將來,本來大家幾乎放棄,但而家大家仲有少少希望。」河國榮又說:「香港仍然有希望,下一代可以救香港,但係唔好用以前方法,要用新方法,新一代要認清楚問題喺邊,諗方法去解決,將社會提升,大家開心啲,生活搵到食,解決樓價、地產同租金問題。」他自爆早年差點做業主,但跟賣家往簽約期間,對方收到一個可多付30萬的電話,簽約告吹,所以他非常關心樓價問題。談到無綫,他又不後悔離開:「佢哋政策係唔會擺資源喺老外身上,我留低最多做甘草。」



■河國榮上周在毛記分獎禮中連中兩元,演繹《真.香港地》時更感動觀眾。資料圖片

■河國榮87年買了張單程機票來港,就沒想過離開。


■河國榮(左)去年應邀任何韻詩演唱會嘉賓。資料圖片

唔想廣東話絕種

反而河國榮擔心廣東話會絕種:「好多人話教中文要教普通話,香港人移民咗美加,佢哋仔女係識聽識講,但仔女再生嘅仔女就唔識,三代不保。如果香港幼稚園或小學實行用普通話教學,亦會三代不保,我好鍾意廣東話,我唔想見佢消失咗,我覺得廣東話非常重要,有佢特色同文化,希望可以keep好耐好耐。」河國榮在《分獎禮》當晚以廣東話流利rap出《真.香港地》,回想收到毛記電視安排他挑戰這首歌時,河國榮反覆練習了四百多次,他邊唱邊感動萬分:「當中寫到『我同你同一種人』,我哋都係真港人。首歌唔係我揀,係香港人揀畀我,我起碼有十次,我一路練,一路眼濕濕,首歌意思真係無得頂。」他愛香港,更愛香港人:「可能講緣份,同香港人係夾,我87年5月31日嚟到就冇走,我都好鍾意香港人,人先最重要。」而最終他在「《分獎禮》連中兩元奪得「曲金曲獎」和「最受歡迎男歌星」獎,與MC仁壓軸獻唱《真.香港地》時又掀起全晚高潮,大團圓結局。採訪:戴彩煥





來源: http://hk.apple.nextmedia.com/entertainment/art/20160119/19457266
蘋果 專訪 身份 認同 戥周 周子 子瑜 瑜唔 唔抵 抵河 河國 國榮 我係 香港
PermaLink: https://articles.zkiz.com/?id=294571

河國榮《為你鍾情》饗眾

1 : GS(14)@2016-01-19 23:05:34

■艾美琦和黃夏蕙(左)異口同聲表示支持器官捐贈。


河國榮、艾美琦(Amy)、黃夏蕙、邵音音和鄧英敏等,昨日在西九龍中心出席「延續生命大行動」,宣揚捐贈器官訊息,Amy和契媽黃夏蕙支持器官捐贈,Amy說:「整過容嘅部位唔捐得,器官就可以。」早前在網台「毛記電視」舉行的《分獎禮》中連摘兩獎的河國榮,則演唱張國榮《為你鍾情》娛賓。《分獎禮》後河國榮獲澳洲的媒體採訪,光宗耀祖,他說:「佢哋打電話畀我都有啲奇怪,感覺有少少超越現實,澳洲電視台出埋新聞,邀請父母做訪問,非常開心。」他謂從來沒後悔來港,即使生活多困難都喜歡香港,談到這次奪獎,人氣急升工作量增加,他說:「會加少少價。」採訪、攝影:張俊銘





來源: http://hk.apple.nextmedia.com/entertainment/art/20160119/19457272
河國 國榮 為你 鍾情 饗眾
PermaLink: https://articles.zkiz.com/?id=294573

香港人河國榮即席Rap《真.香港地》

1 : GS(14)@2016-01-19 23:05:44

早前毛記電視分獎禮,河國榮一首《真‧香港地》喚醒好多人對香港嘅情懷。其實,河國榮唔止台上話鍾意香港,落到台佢一樣話自己係個香港人。河國榮噚日接受我哋專訪就話:「我係,我係香港人,我都喺度28年。」佢仲應記者要求,即場演繹《真‧香港地》。想聽佢真‧Live,快D睇片啦。





來源: http://hk.apple.nextmedia.com/entertainment/art/20160119/19458127
香港 人河 河國 國榮 即席 Rap
PermaLink: https://articles.zkiz.com/?id=294576

河國榮挑機做司儀

1 : GS(14)@2016-02-02 15:58:08

陸詩韻、河國榮、陳昭昭及馮家俊等,前晚在九龍灣出席「2015中華才藝小姐國際大賽(全球賽)」,陸詩韻擔任評判,昭昭就贊助佳麗珠寶首飾。與馮家俊齊齊做司儀的河國榮笑言忙於記台詞,沒關心過佳麗的樣貌:「始終我都係鬼佬,有啲音調唔明都要問老婆,而且我要講國語、廣東話同英文,背台詞對我嚟講都算係一種挑戰,好彩身邊有馮家俊做拍檔。」他笑謂雖然要負責三種語言,但只收取一份酬金。陸詩韻談到個人審美觀:「要大方,唔好有咁多小動作,靚女好多,最重要係氣質。」她又透露會做一個睡衣品牌生意,會充當生招牌拍攝品牌照。採訪、攝影:黃曉妍





來源: http://hk.apple.nextmedia.com/entertainment/art/20160202/19475362
河國 國榮 榮挑 挑機 機做 司儀
PermaLink: https://articles.zkiz.com/?id=295077

方健儀河國榮踩《毛記》年宵六八犬龍蝦精做手信

1 : GS(14)@2016-02-03 14:43:27

■河國榮與方健儀昨日去到維園年宵,與一班毛記主播合照。攝影:沈健程



年宵昨日開鑼,現年50歲的河國榮和39歲方健儀落區到維園,直踩《毛記》的攤檔,主播東方昇、盤菜瑩子、黃慘盈、利君牙、羅若Off和銀紙彤,見到兩位香港區最受歡迎男女歌星,好似馬騮上身飛撲selfie,還送上「六八犬」和「龍蝦精」妖魔夫婦公仔做手信,方健儀獨愛「鍾樹妖」衝口而出說:「我要樹根!」


河國榮和方健儀在毛記電視《第一屆十大勁曲金曲分獎典禮》上,各分得香港區最受歡迎男女歌星獎,昨日兩人落主場香港區維園行花市,大受市民和檔主歡迎,不停被邀selfie兼收禮,成功測試受歡迎程度完勝過關,之後更直踩毛記的年宵攤檔打氣,吸引40多人包圍,場面墟冚。



河國榮方健儀踩旺100毛場。

■河國榮與盤菜瑩子selfie,叫對方唔好再喊。

■河國榮與方健儀首先去花檔睇蘭花。



利君牙羅若Off爭攬

方健儀見人頭湧湧即說:「呢度超級多人。」而毛記揸弗人之一林日曦(腦細)用大聲公維持秩序:「各位觀眾行埋少少。」方健儀見到笑說:「你好!腦細,我哋嚟呃like。」林日曦亦雀躍說:「最受歡迎歌王歌后,呢次真係要呃like,你哋喺晒度。」利君牙和羅若Off爭相抱抱河國榮,河國榮對盤菜瑩子笑說:「唔好再喊啦,好掛住你哋。」而戴馬騮頭套的東方昇喪跟兩人selfie,眾主播送上五隻妖獸公仔,包括「六八犬」、「龍蝦精」、「鍾樹妖」、「鼠王獸」和「麒麟怪」,方健儀衝口而出:「我要樹根(鍾樹妖)!」羅若Off抵死介紹六八犬:「呢個同龍蝦精係最受歡迎嘅,因為佢哋係夫婦。」還揭起六八犬的衫展示:「佢係太監嚟!」之後眾人圍着兩人大叫攞利是,河國榮笑說拜拜,他們又一輪嘴講恭賀說話,腦細忍唔住開聲:「你哋係咪以為自己係無綫?都話媒體多咗人留意就迷失自己,隨波逐流。」



呢張相扼到好多like啦一定。

一講利是,耍手擰頭。

果然係最受歡迎男歌手。



採訪辛苦慘被扑頭

河國榮表示已十多年沒行花市,方健儀則說:「以前逢年三十晚嚟呢度拍外景,鏡頭前笑容滿面好好氣氛,但其實好慘不停俾公仔打頭。」她坦言出街多了途人認得:「有時冇化妝戴晒帽都認到,不過啲人話我一出聲就認到,我要毒啞自己。」河國榮笑說:「咁你收聲啦。」林日曦被問到年宵銷情?他說:「真係唔知,書賣咗幾百本,我啲書一直都好賣,係全港最top2000本入面。」採訪:盧妹、譚倩宜髮型:Vincent Yeung of Salon Osmosis服裝提供:Marella



腦細簽書簽到手軟。

■最受歡迎的六八犬(圖)和龍蝦精是一對夫婦,惟六八犬真正身份是太監。

龍蝦精



來源: http://hk.apple.nextmedia.com/entertainment/art/20160203/19476471
方健 健儀 儀河 河國 國榮 榮踩 毛記 年宵 六八 八犬 龍蝦 精做 做手 手信
PermaLink: https://articles.zkiz.com/?id=295170

河國榮方健儀玩轉年宵遭廢青瘋狂集郵

1 : GS(14)@2016-02-03 14:43:30

有檔主一見河國榮,即時唱出《香港地》。


年宵今日開鑼,方健儀同河國榮呢兩個真香港人當然要快人一步率先去維園年宵逛下啦!一去到維園門口,河國榮呢個香港區最受歡迎男歌星就歌興大發,忍唔住將《香港地》再二次創作Rap返幾句,搞到方健儀都頂佢唔順,叫佢唔好再唱,快啲行年宵好過。



不少檔主找河國榮和方健儀做「生招牌」。

方健儀和河國榮所到之處,都有FANS舉機自拍。

方健儀祝福香港人「風生水起」。


來到100毛檔攤,當然第一時間找林日曦自拍。


佢兩個先行濕貨攤檔,見佢哋好似對啲年花好有興趣咁,河國榮仲同方健儀走咗入檔蘭花店慢慢研究,其間又問花店老闆點揀靚花。問到河國榮係咪想趁機買花送俾老婆?佢即話:「如果我買貴咗會俾佢鬧,其實自己冇買開年花,因為屋企冇位擺。」過年唔少人都會喺屋企擺桃花,方健儀話以前都有擺過,仲話擺完之後桃花運真係好咗好多:「嗰一年都真係幾多,之後嗰年冇擺又真係冇晒,不過依家自己唔需要喇。」行完濕貨檔,方健儀同河國榮就殺入乾貨區,沿途有唔少市民截停佢哋要求合照,佢兩個咁nice,當然無托手㬹啦。行到攰攰地,方健儀就見到檔懷舊小食檔,即時去買咗兩塊麥芽糖餅同河國榮開心Share,方健儀搞笑咁同河國榮講:「你結咗婚,我就唔會派利是畀你啦,請你食塊餅啦!一食真係童年回憶返晒嚟!」



河國榮自從唱完《真·香港地》之後,《香港地》呢首歌又再hit過,佢同方健儀行年宵嗰陣,唔少人見到河國榮都會即場Rap返幾句,有啲仲係拎住大聲公去唱,方健儀聽到就扮嬲嬲豬話:「下次你哋要唱《中東與綜》!」相當搞笑。今年年宵有唔少公仔檔,其中賣馬騮公仔同另一檔賣豬仔錢罌嘅攤檔就最得方健儀同河國榮歡心,佢兩個玩完一輪啲公仔之後,檔主仲送咗個福袋同斜孭袋俾佢哋,認真大豐收。一場嚟到年宵,兩位最受歡迎男女歌星當然要去廢青集中營踩下場啦!想睇佢兩個同班廢青有咩交流?睇下一條動新聞啦!





來源: http://hk.apple.nextmedia.com/entertainment/art/20160203/19476514
河國 國榮 榮方 方健 健儀 儀玩 玩轉 年宵 遭廢 廢青 瘋狂 集郵
PermaLink: https://articles.zkiz.com/?id=295171

河國榮投票講心唔講金

1 : GS(14)@2016-03-06 16:12:14

河國榮、王灝兒(JW)及樂隊Kolor,昨日於荃灣出席「2016選民登記運動」啟動禮。本身已經是選民多年的河國榮說:「以前有時係冇得選擇,而家會投啲對香港市民有心嘅人,而唔係淨係對錢有興趣嘅人。」他又指剛過去的新界東補選,因他剛巧不在香港,所以沒有參與。此外,同場的JW被問到好姊妹何超蓮被傳和吳克羣復合一事,她代好友澄清:「係朋友,冇其他。」至於另一好友鄧紫棋(G.E.M.)則跟內地歌手華晨宇傳緋聞,JW表示只知道G.E.M.近日忙於瘦身,其他事就不太清楚。採訪、攝影:譚倩宜





來源: http://hk.apple.nextmedia.com/entertainment/art/20160306/19518186
河國 國榮 投票 講心 心唔 唔講 講金
PermaLink: https://articles.zkiz.com/?id=297031

河國榮回應被代言「我都覺唔妥」

1 : GS(14)@2016-03-31 14:49:02

■河國榮在拍攝當日已察覺不妥。資料圖片


「真.香港人」河國榮前晚在fb公開留言表示有人以《蘋果日報》名義邀約他做訪問,結果刊登後變成廣告,無端端被代言一間曲奇專門店,所以他立即澄清自己並非代言,留言一出,隨即在網絡瘋傳。河國榮昨日接受本報電話訪問,對於本報發出聲明,印刷分類廣告部涉事員工昨日即時解僱,河國榮說:「我當然唔希望會去炒人,始終經濟都好差,份工都好重要,但係好多嘢我哋都唔知,所以冇得去評語。我寫呢件事係因為啲人以為我係代言人,我只係想澄清,嗰日我都覺得有啲唔妥,問咗幾次都話係訪問而唔係廣告,我冇諗過、亦都冇要求《蘋果》去做任何嘢。」《蘋果日報》社長葉一堅表示,《蘋果》會將合理的工作酬勞給予河國榮,不過河國榮說:「我不要了。」對於事件經過,河國榮表示:「其實係我自己儍先,第一唔係《蘋果》直接去搵我,而係一個中間人話《蘋果》有人想搵我,佢仲話係我一個朋友嘅同事。」他說拍攝當日已經覺得有點問題,經常要他手執產品兼擺出各式各樣誇張的甫士,他說:「拍完之後我都有問返《蘋果日報》同《飲食男女》,佢哋都話冇同事負責呢單採訪,我亦都有再問返中間人,佢都話係《蘋果》嘅訪問,直到噚晚有朋友喺佢哋舖頭見到張海報,先知發生乜嘢事。」河國榮表示他在自己fb留言,like人數比預期破了紀錄,心情難以形容。採訪:唐琛悠





來源: http://hk.apple.nextmedia.com/entertainment/art/20160331/19550924
河國 國榮 回應 代言 我都 都覺 覺唔 唔妥
PermaLink: https://articles.zkiz.com/?id=298886

河國榮《西遊記》做講古佬

1 : GS(14)@2016-08-16 06:28:12

河國榮跟王梓軒稍後會一起做歌舞劇《西遊記》,河國榮做「講古佬」,負責講解劇中故事,所以沒有對白,昨日二人到商台接受訪問,劇中他們的服裝像馬戲團造型,河國榮說:「啲衫好重而且厚,但相信小朋友會鍾意。」雖然綵排都會一身汗,但河國榮指自己沒因此消瘦,更笑說肚腩仍然像火車般大。而王梓軒一直也希望跟當代舞蹈團合作,以前更曾在此學跳舞,所以今次如願合作很興奮,更包辦當中一些樂曲創作,他在劇中需要又唱又跳舞,飾演玉皇大帝一角,他說:「據我所知劇中扮馬騮嘅小朋友們會爬晒上我身上,唔知有幾多個,會量力而為,怕到時唱唔到歌。」採訪、攝影:王連連




來源: http://hk.apple.nextmedia.com/entertainment/art/20160816/19737466
河國 國榮 西遊記 西遊 講古
PermaLink: https://articles.zkiz.com/?id=306110

【馮仁昭四圍超】河國榮歌舞劇做兩角色

1 : GS(14)@2016-08-19 06:55:53

河國榮(右)同王梓軒噚日喺高山劇場為歌舞劇綵排,河國榮喺劇中要飾演兩個角色說書人同觀音,不過就唔使跳舞,佢話:「其實我以前學過跳現代舞,但都忘記咗,所以今次唔會試跳,唔及王梓軒咁叻。」王梓軒話自己都學過,但唔及同劇其他演員叻,佢話:「我見其他演員熱身,腳可以踢上頭頂,但我做得一半。」而今次佢哋做《西遊記》,令佢哋對呢個故事有更多了解,有別於以往既情懷。撰文:馮仁昭




來源: http://hk.apple.nextmedia.com/entertainment/art/20160819/19741737
馮仁 仁昭 四圍 河國 國榮 歌舞劇 歌舞 做兩 角色
PermaLink: https://articles.zkiz.com/?id=306531

【馮仁昭四圍超】《有倉出租》今站上水袁嘉敏河國榮拍拖走水貨

1 : GS(14)@2016-11-16 05:10:41

九龍灣迷你倉今年6月發生四級大火,導致兩名消防員殉職。意外發生後,港台即時停播以迷你倉作故事背景嘅處境劇《有倉出租》,直至上月24日復播,重播番頭三集。至於河國榮同袁嘉敏孭飛嘅最新一集第四集《漂泊的豬頭》,今晚會喺港台31首播。今集袁嘉敏飾演走水貨豬肉嘅水貨客,河國榮就做貨車司機,兩人因為走水貨而撻着。日前袁嘉敏一身水貨客裝扮同河國榮喺上水站拍攝《有》劇宣傳片,佢哋仲喺站出面唱情歌,夠晒浪漫。



■袁嘉敏劇中因為走水貨而同河國榮撻着。劇照

■河國榮經常幫袁嘉敏搬貨。劇照

■袁嘉敏一身水貨客裝束加埋一部手拉車,入型入格。

開工首日中暑

袁嘉敏話河國榮喺劇度經常幫佢搬貨,所以兩個人產生咗感情。河國榮就話:「我哋都好夾,第一日埋位就要喺貨van後面互相餵對方食飯。其實呢場戲幾難做,因為唔想太老套,想出嚟感覺新啲、得意啲,希望大家睇得出啦。」原來袁嘉敏首日開工已經中暑:「嗰日我哋喺上水拍嘢,要不停搬嘢,加上好曬,搞到我中暑。不過佢(河國榮)好好,我背脊濕晒,佢仲叫我埋去陰涼位置坐吓。」河國榮又大讚袁嘉敏濕
馮仁 仁昭 四圍 有倉 出租 今站 上水 袁嘉 敏河 河國 國榮 拍拖 走水
PermaLink: https://articles.zkiz.com/?id=315684

【馮仁昭四圍超】河國榮落區義教英文

1 : GS(14)@2017-01-12 08:03:34

河國榮日前拍攝有線節目《星出援手》,到深水埗參加食物援助團體義工活動,支援低收入家庭同弱勢社群,化身英文老師幫小朋友補習,佢話:「好多低收入家庭嘅小朋友都好有讀書天份、好聰明,只係負擔唔到補習費,好開心有機構可以免費幫小朋友補習,好有意義。」今次嘅體驗令佢感受到深水埗嘅人情味,最後佢唱咗首張國榮嘅《為你鍾情》,答謝大家。撰文:馮仁昭




來源: http://hk.apple.nextmedia.com/entertainment/art/20170111/19892691
馮仁 仁昭 四圍 河國 國榮 榮落 落區 義教 英文
PermaLink: https://articles.zkiz.com/?id=322204

河國榮過年冇假放

1 : GS(14)@2017-01-18 22:21:30

河國榮和項明生昨日在尖沙嘴出席旅行社頒獎禮活動,河國榮透露自己最喜歡到日本:「我唔啱shopping同好趕咁玩,鍾意周圍慢慢行、慢慢睇。」近來正拍攝網劇的他,指預計整個農曆新年假期要開工度過。項明生則透露農曆年初八會出發到日本京都替無綫拍攝旅遊節目,他說:「今次係深度啲,主要介紹當地文化,淨係做資料搜集都足足半年。」採訪、攝影:曹家誠




來源: http://hk.apple.nextmedia.com/entertainment/art/20170118/19900055
河國 國榮 過年 冇假 假放
PermaLink: https://articles.zkiz.com/?id=323085

【馮仁昭四圍超】河國榮不捨愛犬逝世

1 : GS(14)@2017-03-22 00:47:23

河國榮呢排都好多唔開心事發生,日前佢先至因為耳仔有基底細胞癌做手術,而前日佢隻愛犬就離開咗佢。前日河國榮喺facebook話:「我哋深愛嘅Samson今日已離世。16歲幾嘅佢因為胃反轉而走。我哋永遠會記住佢。Love you Sam。」河國榮一向愛狗如命,屋企收養咗多隻流浪狗,前年已有兩隻愛犬病逝,?家又輪到Samson。撰文:馮仁昭




來源: http://hk.apple.nextmedia.com/entertainment/art/20170321/19964535
馮仁 仁昭 四圍 河國 國榮 榮不 不捨 愛犬 逝世
PermaLink: https://articles.zkiz.com/?id=328241

新免費電視登場 無綫舊將齊撐奇妙今開台 傲兒:有競爭更好 河國榮:賺口碑

1 : GS(14)@2017-05-14 10:50:54

■(左起)河國榮、何傲兒、邵仲衡和何傲芝四位無綫舊將過檔奇妙電視主持節目。攝影:沈健程



【奇妙駕到之頻道77】主打合家歡節目的全新免費電視奇妙電視今日母親節開台,港人繼無綫、港台31和ViuTV後再多一個選擇。有份為奇妙主持節目的無綫舊將何傲兒、何傲芝、河國榮及邵仲衡日前出席本報「奇妙飯局」預祝開台成功,傲兒表示有競爭才會進步,河國榮則謂:「我哋拍緊廣東話節目,多唔多人睇就要睇吓香港人支唔支持!」揚言寧要口碑不要收視!



繼去年4月ViuTV開台後,另一個全新免費電視奇妙電視將於今晚8時於數碼頻道77台開台。奇妙電視屬有線寬頻旗下,由於永升亞洲注資入主有線寬頻交易仍有待本月29日特別股東大會表決通過,若議案被否決,有線電視不但要熄機,就連奇妙亦難以營運,估計因前路未卜,奇妙今日開台沒有任何慶祝活動,只於晚上8時播出早前錄影的半小時特備節目《星匯奇妙77》作開台慶典。



■奇妙電視選擇在今日母親節開台,並於晚上8時播映開台慶典。資料圖片

■(左起)傲芝、傲兒、邵仲衡和河國榮日前出席「奇妙飯局」預祝新電視台開台成功。


尋港特色

奇妙主打合家歡節目,所以選在母親節開台,並請來一班曾為無綫效力的藝人主持節目,包括河國榮主持《香港有寶證》尋找香港奇寶、邵仲衡主持《香港事.香港是…》尋找香港特色行業,而何傲芝和何傲兒主持《何家姊妹何家餐》,與不同文化背景名人藝人開餐食家鄉菜等。日前本報邀請四人於尖沙嘴出席「奇妙飯局」,預祝開台成功。問為何不做無綫而撐新電視台?邵仲衡笑說:「我唔係唔拍,係佢哋冇搵我。我好鍾意傳統手工藝,佢哋開個節目畀我講呢啲,好似講紙紮、龍頭獅頭,我覺得好奇妙。」他直言節目帶出香港一種傳承精神,了解一班老師傅何以仍堅持理想,內容夠晒本土。傲兒則謂:「我拍過劇、飲食節目又拍過,同家姐拍飲食節目係第一次。」至於傲芝亦表示:「我係由ATV、TVB、now到奇妙,每一個都係學習機會,最吸引係我同妹妹合作,我覺得會畢生難忘。」



【《香港有寶證》 今晚9:30pm首播】■奇妙自家炮製的節目都以本土為主,希望港人睇得有親切感。

【《杜汶澤食住上》 20/5 9pm首播】

【《香港事.香港是···》 播出日期待定】


食三家禮

河國榮覺得時代改變,藝人不用簽死一間電視台:「邊度有好嘅節目拍咪去嗰度囉。」目前河國榮與邵仲衡同時為奇妙、ViuTV及香港電台拍節目和劇集,食三家禮,邵仲衡說:「電視台都係請出面製作單位去做,所有方式都唔同咗,好多新嘢,同傳統台格唔同。」眾人均認同科技進步令「電視撈飯」觀眾越來越少,一家幾口各自拿手機選看喜愛節目,令一個新電視台吸納家庭觀眾有一定困難。河國榮就寄望:「冇人知將來多唔多人睇新開電視,惟有盡量拍到最好。我哋拍緊廣東話嘅節目,網上好多都唔係廣東話節目,所以多唔多人睇就要睇吓香港人支唔支持,會唔會睇番廣東話覺得好舒服!收視同口碑,我寧願要口碑。」傲芝和傲兒就認為新電視台讓觀眾多一個選擇,傲兒說:「選擇多咗,觀眾又要求高啲,有競爭先可以做到更加好嘅嘢。」傲芝亦認同:「最緊要有得揀,買菜都會格價,正如我哋都會用時間選擇睇一個好嘅節目。」採訪:魯吉、黃曉妍場地:圓山台灣料理



■傲芝(左)因為首度和傲兒姊妹檔合作做節目而動心。

■河國榮認為節目有口碑比高收視更重要。


話你知:需重新搜尋77台

今晚開台的奇妙電視,使用數碼頻道77台及模擬電視播放,並非使用大氣電波傳送,而是透過有線固網傳送訊號,再經由公共天線入屋,只要使用有線固網系統大廈住戶,就可重新搜台接收奇妙數碼及模擬訊號。不過,有線固網並非覆蓋全香港所有地方,住戶可在奇妙官網內的「查核奇妙電視網絡覆蓋範圍」搜尋所住大廈有沒有該系統。另外,觀眾亦可透過有線電視07及277高清台收看奇妙電視。



【話你知】奇妙5.14開台對無綫威脅有幾大?
http://bit.ly/2q884TB




來源: http://hk.apple.nextmedia.com/entertainment/art/20170514/20020471
免費 電視 登場 舊將 將齊 齊撐 奇妙 今開 開臺 傲兒 競爭 更好 河國 國榮 口碑
PermaLink: https://articles.zkiz.com/?id=332959

河國榮畢佬面前Rap

1 : GS(14)@2017-05-27 00:06:53

■河國榮(圖)透過剪接技巧,有緣在畢彼特面前試鏡。



河國榮早前應Netflix的邀請,為畢彼特(Brad Pitt)主演的電影《戰爭機器》(War Machine)拍攝宣傳短片,透過剪接技巧,對手竟然是畢佬!內容講述河國榮參與《戰》片公開試鏡,由畢佬負責揀演員,河國榮為了推銷自己又唱又演,還用廣東話rap。河國榮對於今次另類合作極之興奮,他說:「這個試鏡構思告訴了我,自己過去30年的演藝生涯是沒有白費,因為這次『在畢彼特面前試鏡』證明了很多觀眾都記得我曾演過很多不同角色,很高興我能在『試鏡』時rap出一些能代表香港的元素,例如菠蘿油及港式奶茶等!」撰文:非非



畢彼特





來源: http://hk.apple.nextmedia.com/entertainment/art/20170526/20033603
河國 國榮 榮畢 畢佬 面前 Rap
PermaLink: https://articles.zkiz.com/?id=334063

河國榮嘲無綫少人睇

1 : GS(14)@2017-06-10 13:30:43

河國榮與譚玉瑛昨日到西灣河碼頭為開往三家村及東龍島航線宣傳,河國榮有份客串演出的無綫倉底劇《蘭花刼》被批評畫質差,他說:「始終十年前拍,當時開始轉緊高清,即使機器得,電腦都未配合到效果。」該劇首周平均收視創新低得17.3點,但他卻說:「好高㗎喇!」對比之前《不懂撒嬌的女人》有30點,河國榮即語帶質疑說:「?家啲人個個都睇ViuTV同奇妙電視,係咪真係咁多人睇TVB呀?」譚玉瑛再與李家鼎合作拍飲食節目,之前一次合作被指常遭爺鼎「句句窒住」,她說:「今次大家好自己,冇刻意,可能俾人窒咗都唔知道。」採訪、攝影:卓寶花




來源: http://hk.apple.nextmedia.com/entertainment/art/20170609/20049218
河國 國榮 榮嘲 嘲無 少人 人睇
PermaLink: https://articles.zkiz.com/?id=335111

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019