ZKIZ Archives


開補習社冇肉食名師整app捉正港媽心理

2016-07-07  NM

早前大台節目,某家長一句「贏在射精前」引發網民一連串負評,狂罵譁眾取寵,扭曲為人父母價值觀。但事實上不少人「邊罵邊做」,為報讀心儀學校扭盡六壬,不斷為子女報讀補習、興趣班來迎合名校入學要求,甚至有教育界人士指出,有名校小學要求學生入學時已學懂乘數、以及寫三百字英文作文!

中三時已開始補習賺錢的蘇廸希(Trevor),深知教育界易搵錢的道理,廿一歲時已用大學信用卡透支開設屋邨補習班,坦言家長對補習需求雖高,但競爭極大!眼見現時商鋪被領展(823)瘋狂加租,加上商場不斷有同行加入,三年前已決定轉型,開發專為補習班而設的手機應用程式「Handlebook」,運用「功課做得快有禮物」、「家長鬥快報讀有折」,吸納一班師奶之餘,更成功吸引一眾教育中心使用,令生意愈做愈大。

由於個app完全配合港媽「唔想執輸」、「要威過其他家長」、「想知仔女做乜又無時間」的心態,「Handlebook」上架不足一年,已吸引超過七十間教育中心購買,用戶數量已達六千人,Trevor更豪言:「我好有信心,如果隔籬開多幾間補習社我都唔驚!」

Trevor在教育界超過十年,見證整個行業變遷,他直指現時家長對子女愈趨着緊,每日要應付不同家長的需求,都有點招架不住:「每五分鐘會問到咗未、有無曳到,動機當然係好,但係真正去實施係無可能,上課途中覆WhatsApp就忽略小朋友,唔覆又無禮貌。」他決定與從事IT的舊同學一起研發「Handlebook」,方便學校運作之餘,又可以間接加學費:「我依度啱啱先加咗成三、四成租,學費無可能加到咁多,依家咪加多個app,就算加學費家長都會覺得合情合理。」

App研發兩年後推出,原本只是「玩玩吓」,但獲不少同行垂青,Trevor見有「錢」途,就決定將技術賣給其他補習學校。現時平均向每位使用的學生收約三十元,加上每一間新登記用戶收取四千元費用,單計上月這個app的盈利已經達六萬元,以做app來說,第一年能夠賺錢可以算是十分罕見,他就透露如何捉緊學生及家長心理,令應用程式使用率大增。

上堂似打機留住學生

從事教育工作多年的Trevor深明學生的心理,他指:「試問有幾多個小朋友真係好鍾意讀書?以前補習社,都淨係不停做練習,小朋友唔會覺得有興趣,但過程中如果俾佢哋知道有得着,就會令佢哋更加投入。」訪問當天,記者見班房上擺滿了玩具,原來是暑假前給同學換禮物,Trevor解釋:「學生一入到嚟,就首先掃QR code簽到,上堂嗰時,用英文打招呼、做功課做得最快、答啱晒問題等等就有GP(即分數)加,夠分就可以『升呢』同換禮物。」其中余小朋友就指出,除了可以直接換禮物,更可以「抽蛋」:「10GP就可以抽一次蛋,我就試過抽中50GP,不過好多同學都係抽到垃圾!」似乎這個「抽蛋遊戲」已深深植入學生心中。Trevor坦言,有不少同學寧願留低大量分數,不換取禮物以顯示自己的「強大」,間接為補習社節省了不少買禮物金錢。他解釋:「我相信禮物都係其次,因為依家啲細路講一句,啲阿媽都肯即刻買,佢唔會珍惜,但係如果一分一分咁儲,就開心好多。如果學生退學,分數就會全部冇晒,有唔少學生都唔捨得。」但他坦言這措施最大好處都是提升學生學習的動機:「講真,一朝早返學,到五點幾嚟到,上足成日堂有邊個學生鍾意操練?依家我升咗『呢』,人哋見到,自己又開心,朋輩力量又可以令佢哋去追求依個等級。」

捉正港媽「唔執輸」性格

Trevor透露,現時大部分家長都對子女十分着緊,app的簽到功能正正配合他們的需要:「小朋友一嘟QR code,家長就收到message,到上緊堂,答啱答錯佢哋都會收到即時通知,佢哋就唔使直接打嚟問。」他坦言,補習社其實很難確保學生成績有多少進步:「家長都好清楚,就算係大人去學嘢,每星期一個鐘,轉個頭都有機會唔記得晒啦,如果有得保證就唔會有人考包尾。依家最緊要係俾佢哋知仔女每日做咗咩,依家個app會計番小朋友每日做功課嘅時間,快咗幾多佢哋都睇到。」他為了加強家長對app的依賴,決定在「每日家長簽到」內加設優惠:「家長本身都會有積分,好似儲印花咁,日日簽晒每個月就有學費減免,或者係換超市現金券。」其實怎麼「贏在起跑線」,說到尾都是顧全家長自己的面子。現時他就設「每月優質家長」,簽到率達一定數量就有獎狀,他更準備籌備十八區最優質家長頒獎典禮,好等家長不讓自己的子女專美。Trevor更特意在考試前將「限時報讀雞精班」、「介紹新學生有同行優惠」等彈出廣告,加入簽到前的畫面,他直指效果十分顯著:「唔使即刻俾錢,只係留定個位,我哋大部分打番去都肯加堂。」

同行獻計谷學生

Trevor指,有同行使用這個app後,更主動提供意見,最重要莫過於試題系統,星河教育經理Manson就表示,由於兩間分校已覆蓋港島區大部分小學,日後可用試題庫來吸引家長:「名校、普通學校都有,我就將題目分三個等級,成績比較好嘅學生就答多啲最高級題目,做完即刻用app對答案、分析邊部分最強和最弱。」由於試題庫已累積一定的題目,開發成本高,即使日後有類似的app推出都不易被搶生意。他透露,現時其他補習班每月支付約一千多元收入,「一年都係二萬蚊,買個小巴廣告都唔得啦,依家仲要有一個獨立嘅app,自己整都好難用咁少錢。」他表示最終目標就是成立教育中心大聯盟:「想一撳就有晒全港各區嘅補習學校,可以比較各間嘅優惠,滿足晒家長鍾意格價心理!」

開業成本(05/2015)

租金*:$0用戶介面#:$500,000程式設計及開發:$1,300,000總投資:$1,800,000

#所有程序由三位程式設計師設計,均為兼職*參與科學園培育計劃,豁免租金

營業資料(06/2016)

營業額#:$150,000租金*:$0程式開發及更新:$50,000 市場推廣:$30,000伺服器及雜項:$10,000盈利:$60,000

*參與科學園培育計劃,豁免租金#包括舊用戶月費及新用戶上架費

撰文:梁延宇攝影:鄭樹清、廖健昌攝錄:廖健昌ed_bn@nextdigital.com.hk

補習 社冇 肉食 名師 app 捉正 正港 港媽 心理
PermaLink: https://articles.zkiz.com/?id=204040

撞正港鐵故障再撞裙陽菜冧完港迷擦象拔蚌

1 : GS(14)@2017-04-13 00:24:11

下星期是AKB48成員小嶋陽菜的29歲生日,她趁畢業前再度訪港,前晚假九展Music Zone開粉絲見面會,遇上港鐵發生電纜故障,令不少觀眾未能趕到現場,一向貼心的她決定延遲半小時開場,但今次選穿的粉紅色露肩裙卻熟口熟面,原來她已是一個月內第六位穿同款裙的女星及名人。小嶋陽菜前晚開騷前抽空接受傳媒訪問,她表示此行大嘆香港美食,打算買蛋撻返日做手信,又預告完騷會食象拔蚌慶功,並獲記者教用廣東話講「象拔蚌」及「橋底辣蟹」。見面會比原定時間遲了半小時開場,陽菜甫現身即用廣東話講:「大家好嗎?」,之後進行問答環節及跟幸運fans玩遊戲。



■洗米嫂陳慧玲日前也穿同款裙受訪。

■陽菜昨凌晨打邊爐慶功,對象拔蚌愛不釋手。

■小嶋陽菜昨日啟程返日,獲熱情港迷送行。

預祝29歲生日

陽菜當日穿英國品牌Self-Portrait今季的粉紅色喱士裙見粉絲,近期接二連三有女星或阿太穿上同款粉紅裙,先是周焯華(洗米華)太太洗米嫂陳慧玲,之後朱潔儀、羅霖、少女時代成員秀英及已離隊的Jessica也有穿過。陽菜全晚唱了四首歌曲,大會在尾聲時安排粉絲替偶像預祝29歲生日,陽菜見到生日卡上寫有「鍾意你」,立即用廣東話讀一次冧盡粉絲,還拿出手機跟全場大合照,接着舉行握手會親親fans,大會請來外籍保安護駕,尾聲更有花輪同學驚喜現身。完騷後,陽菜於凌晨時分才到火鍋店醫肚,她透過Instagram拿起象拔蚌玩直播。昨午,陽菜獲王友良陪同抵達機場準備返日,當她臨進入禁區時,由於網上登記的登機證出現問題,導致陽菜要折返航空公司櫃位確認身份,並再取登機證方可順利入閘。採訪:吳家偉




來源: http://hk.apple.nextmedia.com/entertainment/art/20170412/19987347
撞正 正港 港鐵 故障 再撞 撞裙 裙陽 陽菜 完港 港迷 迷擦 擦象 象拔 拔蚌
PermaLink: https://articles.zkiz.com/?id=330306


ZKIZ Archives @ 2019