ZKIZ Archives


鳩嗚乜乜乜:撈麵碗湯點樣食?

1 : GS(14)@2015-02-24 23:33:40





撈麵,都會奉上一細碗湯(圖)。呢碗湯,成為同事之間嘅新春話題。「每夾一啖麵,都要浸一浸啲湯」、「唔係,將啲湯淋落去啲麵度,冇咁乾吖嘛」,同事阿川同大家七嘴八舌,呢個時候,好鍾意食嘢嘅Carmen好肯肯定咁講,「一乾三濕囉,咁都唔識」?大家立即Google乜嘢係一乾三濕,之後一齊扮麒麟撞佢。(大家自己Google吓就知佢同某人一樣,惡果係自招嘅。)



#食家:免食客鯁親

呢個時候,又係要費清請教專家。食家劉健威話,理由好簡單,碗湯係畀食客唔使鯁親嘅,因為撈麵比較乾,食多幾啖,就好易鯁親,所以飲啖湯潤番吓。佢又話,如果直接倒啲湯落撈麵,或者放啲麵喺湯,「咁仲使乜食撈麵箒」,而且啲麵好易變腍,啲人食撈麵都係鍾意啲麵硬身啲,彈牙啲。佢仲話,講究嘅人連食湯麵,都唔鍾意啲麵太腍,好似以前雲吞麵叫細蓉,因為細細碗,湯少啲,啲麵冇咁易腍。其實,碗麵係你嘅,你鍾意點食都得。如果你願意,你都可以相信網上嘅利瑪竇版、袁崇煥版、馬拉版解釋,但千奇唔好信一乾三濕,一切後果,費清絕不負責。



費清 #要生計,也要生活#毋忘初衷





來源: http://hk.apple.nextmedia.com/news/art/20150224/19053070
鳩嗚 嗚乜 乜乜 麵碗 湯點 點樣 樣食
PermaLink: https://articles.zkiz.com/?id=287969

太古廣場:邊個話冇free lunch?識食一定咁樣食免費餐

1 : GS(14)@2016-12-21 23:40:53

「若不用付費,用家才是商品(If you are not paying, you are not the consumer, you are the product being sold.)。」在KOL泛濫的年代,這句說話重新發揮它的魔力。不過家姐我志不在講呢啲marketing系高深話題,而是實實在在、飽肚嘅free lunch。最近一到lunch time,pantry又少咗人。Connie早早閃咗去尋找隱世美食、Priscilla搭叮叮返屋企陪個囡食完飯再返工,叫外賣free lunch塞爆pantry嘅情景已不復見。事源係一個幾個月前出現嘅叫外賣App,家姐我有幸收到風,又喺金鐘呢個咁具地利嘅地方返工,個App當時第一炮就係每個月sponsor三餐free lunch,上限二百蚊。二百蚊即係食到幾多嘢?我唔直接答你,我用例子答你。我叫嘅第一餐free lunch其實係free dinner,記得當日做完中期業績已經死死吓,飯都唔想落街食,偏偏又要喺公司等運到。唯一嘅highlight就係有得食免費餐。嗰陣個App仲未有好多餐廳,我揀咗一間越南餐廳,一碗火車頭、一盤刁草薯條配明太子沙律醬、一客蝦春卷,仲有兩罐汽水。落單半個鐘後送到嚟,薯條春卷熱辣辣,火車頭仲分湯上。而我,一蚊都無畀過。
App一開始送free lunch,梗係博你download咗個App先,以後再自己畀錢order;又或者博你打卡或者同朋友開心share,幫佢免費賣廣告。人肉廣告就係,你食咗佢餐free lunch,就變咗商品,好似變咗《千與千尋》入面隻豬咁。之但係既然要做商品,梗係要做賺到盡嗰個。新會員優惠當然用到盡,家姐我就食晒三餐free lunch。到Connie佢哋發現呢個App時,已經無二百蚊免費餐呢支歌仔唱,新會員得嗰五十蚊free quota。唔夠食free lunch,我哋都叫咗幾日免費芒果糯米糍同桂花糕做甜品,法國薄餅crepes都叫咗三、四次。媽媽級Priscilla做得仲盡,唔喺公司食lunch,都要叫支竹蔗矛根送到嚟公司,拎返屋企飲。免費喎,why not?個App現時已經唔算新,以一個App嘅周期嚟講,簡直係去到outdated嘅階段。呢個時候仲可以點幫自己日日賺?就係成為另一個商品──like佢facebook。公司都深明雞髀打人牙骹軟,日日都定時定候畀折頭promotion code,先到先得。計落我哋成個team加埋,已經免費食咗幾千蚊嘢。當然我哋貢獻晒啲私人資料去開account,又得閒喺WhatsApp同朋友讚吓隻App,仲like埋佢facebook。係做咗人肉廣告㗎,但啲免費炸雞同炸雲吞,又真係幾好食。故事係咪真係咁美好?梗係唔係啦,都話現時個個都出去食lunch又或者帶飯。除咗着數越嚟越少,啲伏位都慢慢浮現。有咩咁伏?下次再教精你,我到站落車趕去譚仔啦。【家姐教路】想知道免費優惠,都離不開subscribe email alert同埋like facebook。記得呢啲promotion多數有期限,如果唔想蝕,不妨order啲唔使補錢嘅細額小食,珍珠奶茶都係一個好選擇。最後最後,confirm order之前記得望吓係咪真係用咗promotion減咗價,詳情下次伏位揭密再講。關家姐
https://www.facebook.com/kwangajei/本欄逢周三刊出




來源: http://hk.apple.nextmedia.com/financeestate/art/20161221/19871670
太古 廣場 邊個 個話 話冇 free lunch 識食 一定 咁樣 樣食 免費餐 免費
PermaLink: https://articles.zkiz.com/?id=319630

【泰女咁樣食】掃街後要食炭?醫生:肚瀉效果助紓緩消化不良

1 : GS(14)@2017-04-13 22:41:02

(左)Ultracarbon X每排十片 THB68(約港幣$15)(右)Greater CA-R-BON每排十粒 THB31(約港幣$7))



泰式炒河、蠔奄列、串燒、芒果糯米飯……來得泰國不吃街頭小吃就枉費旅程了,但吃不慣都擔心腸胃投訴,甚至食物中毒,問問經常四處吃的曼谷著名美食blogger Chawadee(Chow),她竟然教我們食炭……片!



Chow分享說,泰國人一樣很容易腸胃不適,因為大家都喜歡挑戰各式街頭食物,「可以很危險的,但大家依然會去,吃完不適其實都習以為常。」她說除了盡量選擇即叫即熱炒,且人較多有信譽的店外,泰國人家家都會常備一種黑漆漆的炭丸或炭粉膠囊,在便利店及藥房都很容易買到,不用醫生處方,「每次如果吃得太辣,估計會感到不適,食用兩片就可以吸走胃中的毒素。」



泰國處處都有街頭小吃,最好選人流多而有信譽的店。

經熱炒及新鮮滾湯會較為安全,不易因細菌而引起中毒。

記者試服兩片,感覺沒甚麼味道,但本身無病無痛不知功效,請教了養和醫院腸胃肝臟科專科醫生徐成智醫生,他表示服用這種活性炭(activated charcoal),主要目的是將未吸收完的毒與藥物吸走,有時會應用在急症室中,供誤服過度藥物的病人,「食錯東西可以盡快食用炭丸,希望減低吸收不潔食物,並將之排出體外,食了這種藥的人,偏向會有肚瀉的效果。而這種炭片亦可以吸氣,能紓緩消化不良引起的胃氣、放屁或打嗝等。」不過徐醫生強調,食物中毒亦分多種,面對細菌感染或屙嘔嚴重引致脫水,炭丸其實也沒有幫助,加上我們未必衡量到自己是否嚴重,最好還是找專業意見和看醫生。記者:黃穎妮攝影:王國輝2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily


泰國美食blogger Chawadee坦言,最近一次食物中毒是在酒店用餐後,所以有時是防不勝防。

養和醫院腸胃肝臟科專科醫生徐成智醫生稱,炭片可幫功吸走消化不良引起的胃氣。



來源: http://hk.apple.nextmedia.com/su ... t/20170413/19988575
泰女 女咁 咁樣 樣食 掃街 街後 後要 要食 食炭 醫生 肚瀉 效果 紓緩 消化 不良
PermaLink: https://articles.zkiz.com/?id=330450

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019