ZKIZ Archives


首選法國最差印度 中環在線:老外僱員買樓唔吼香港 李華華


2008-12-11  AppleDaily


 

香港人愛磚頭,市道好唔好一樣有人買樓,不過對老外僱員嚟講,佢哋似乎對喺香港做業主冇乜興趣。滙豐向全球2155個海外僱員做調查,結果最受歡迎嘅置業地區,頭三甲都喺歐洲,倒數三甲呢?喺晒亞洲,香港雖然不入倒數三甲,但就係梗頸四(見表)!

呢 份報告由滙控(005)旗下滙豐銀行國際做,係講「海外僱員的體驗」,比較全球14個國家或地區,睇吓外地僱員對工作地嘅睇法,除咗會唔會喺當地置業,仲 有三大範疇:有冇同當地人建立友誼(即係睇吓當地人有幾cool)、有冇加入當地社團(易唔易融入當地社會),同埋會唔會學當地語言。

倒數第四未入「三甲」

中 環人最想知嘅,自然係呢班老外員工理想置業地喺邊,原來首選係浪漫嘅法國,有六成四人已經喺法國置業;香港排第10,唔夠三成人喺香港買樓。雖然排得後, 但未係最差,仲有印度、中國內地及新加坡墊底,可惜報告純粹反映現實,冇解釋原因。華華心水清,留意到置業嘅排名榜上冇咗第11位,但就有兩個第10,邊 個同香港爭做倒數阿四呢?呢個唔係亞洲國家,而係同香港甚有淵源嘅英國!好彩香港喺另一面都有得分,有超過一半老外僱員話有加入當地社團,講嘅當然係合法 社會團體,排名僅次於第一嘅德國(65%),華華諗應該係因為香港夠國際化,多老外社團啩。香港整體排名中規中矩,簡單啲講,即係老外僱員要融入香港呢個 社會唔難,但要佢哋置業嘅話,就咪嘞!李華華LiWaWa@AppleDaily.com

海外僱員理想置業地區

--最受歡迎 --第1位法國(64%)第2位加拿大(55%)第3位西班牙(52%)第4位美國(-)---最不受歡迎--第14位印度(6%)第13位中國內地 (12%)第12位新加坡(24%)第10位香港/英國(28%)註:()當地置業百分比資料來源:滙豐銀行國際
 
首選 法國 最差 印度 中環 在線 老外 僱員 買樓 樓唔 唔吼 香港 華華
PermaLink: https://articles.zkiz.com/?id=4545

聚豪揸足四年賺一成就走中環在線:林奮強賣樓唔認睇淡 李華華


2008-12-19  AppleDaily


 

地產大好友、瑞銀環球資產管理董事總經理林奮強,一向對樓市前景甚為樂觀,自從06年初轉做瑞銀基金經理,同樣活躍於地產市場,不過,今年就見佢陸續出貨。

通街平貨計劃換馬

佢 啱啱以1768萬元沽咗件大埔聚豪天下單號屋,件貨喺04年底用1600萬元買番嚟,一直收租,揸咗4年,今次賣出賬面只升咗一成,賺168萬;扣埋佣金 同釐印費等支出,淨袋80幾萬。同佢今年初賣出嘅另一件聚豪天下單號屋,同樣揸4年,但一鋪勁賺1017萬,升值近七成相比,相差好遠,唔夠一年賺少好多 喎,咁都肯賣,唔通睇淡後市?林奮強同華華講,佢喺地產市場向來有買有賣,今次出貨亦唔係睇淡後市,只係覺得金融海嘯爆發後,全球有唔少抵買嘅資產,好似 外國公司嘅債券、亞洲股票同埋香港物業,所以換吓貨。不過,唔係咁多港人具有世界投資眼光,投資者要因應自己承受風險能力出擊。

奧運站綁住八千萬

雖 然話o依家個市同年初有天淵之別,但佢認為香港樓宇供應始終少,息口又低,唔使太過悲觀喎。聽講,大好友今年初夥拍瑞銀同事王震宇,喺奧運站掃咗唔少貨, 主要係維港灣同帝柏海灣複式,用咗超過8000萬,好似話帝柏海灣嘅1座複式成功踢契,o依家總共揸住4件複式,部份放租。至於吸引唔少金融巨擘入市嘅九 龍站豪宅,聽聞大好友都有7至8件喺手。李華華LiWaWa@AppleDaily.com
聚豪 足四 四年 年賺 賺一 成就 中環 在線 林奮 奮強 強賣 賣樓 樓唔 唔認 認睇 睇淡 華華
PermaLink: https://articles.zkiz.com/?id=4755

中環在線:米蘭站老闆要樓唔要錢 李華華


2009-02-16  AppleDaily





 

二 手名牌手袋店米蘭站老闆姚君達,近日突然動用2600萬,買咗自己一直租開嘅何文田京士柏山住宅單位,仲要高過銀行估價成600萬銀。華華好想知點解姚老 闆夠膽,喺呢個時勢以高市價租轉買。姚老闆話間屋已經租咗6年,自己一路住開,點知呢排有個神秘買家出價2600萬,同業主講想買咗個單位,話嗰度風水利 佢喎。業主就同姚老闆講,做生不如做熟,如果佢都出得起2600萬,就賣畀佢。雖然銀行估過價之後,話個單位只係值2000萬左右,但姚老闆覺得住開有感 情,決定扑槌!之後,個神秘買家依然死心不息,向姚老闆求售,仲追價到2900萬。不過姚老闆認為千金難買心頭好,無論幾高價,都堅持唔肯割愛。



中環 在線 米蘭 老闆 要樓 樓唔 要錢 華華
PermaLink: https://articles.zkiz.com/?id=6031

搵樓易app 搵樓唔易

2016-02-04  NM

年輕人總愛講理想,這裡就有個八十後,放棄年薪過百萬的測量師工作,與朋友搞地產交易app。原因就只是覺得,現時的地產交易訊息唔夠透明?梁顯政炮製的搵樓易(One House),將業主、買家和地產經紀配對,目標是捐窿捐罅、盡擸全港九新界放盤。本刊今次找來在互聯網創業經驗豐富的CatalystBuilder聯合創辦人鄭思行品評。他認為這個app要視乎中小企的地產代理反應,短期阻力甚大,「大型地產代理未必加入,就算中小型我都有一個問號!」我點sell

我係Chester(梁顯政),之前做過十幾年的測量師,在香港大學畢業後一直在地產行業工作,熟悉地產現況。我試過買樓、賣樓、出租,覺得成個行業的資訊唔夠透明,有好多可以改善的地方,所以就同拍檔Leo(朱偉榮),一齊搞呢個網上地產平台。佢之前喺銀行做過IT,經驗豐富。當初放棄年薪過百萬的測量師工作都有擔心過,但我覺得呢個idea可行,可以改善地產交易唔透明的現象,所以決定一試。簡單來講,用家搵盤時,可在app內按地區及校網,輔以價錢、面積、睡房數目等搜查。我哋收到資料,會通知相關經紀,由佢哋競價(佣金),買家再揀出啱心水嘅經紀;業主亦然。對中小型經紀來說,佢哋可跨越所屬區份,俾多啲人認識,擴大客路。長遠呢個app就好似俾地產經紀嘅Uber。

搵樓易營運了四個多月,現時有二百多個放盤,大約一千個中小型地產代理和個體戶使用,的確唔算多,但用戶幾個月增長了四至五倍。直至目前為止,我們促成了幾百宗推介(cost per action),七成是將買家或者租客推介給代理,餘下三成是將業主推介給代理。我們計劃在今年中開始收費,每單費用幾百元左右。呢個app有天使投資者投資七位數字,亦有地產商投資,依家仲同地產商討論緊網上賣一手樓。我們本着全城代理(Uber for agent)的概念,希望可以做到買家、業主、代理三贏的局面啦。

專家盤問

1:搵樓易One House鄭:鄭思行

鄭:你覺得你的營商概念,受唔受中小型地產代理歡迎? 對他們而言,你們的介入其實是多了一重競爭。1:其實不少中小企的地產代理都掙扎求存,從數字上看,全香港三萬七千個地產從業員,有一萬個左右屬於四大公司,有二萬多個是其他中小企或個體戶,惟市場份額是四大公司佔七、八成,故二萬多個從業員要爭餘下兩成的生意。他們之間都諗緊方法去擴大自己的網絡。我們的概念是幫中小企和個體戶去增加客源,雖然佣金水平可能較低,但成交量增加,令他們的營業額增加。我們online帶個買家或賣家俾佢哋,佢哋再offline搵另一方作為配對,他們聽到都覺得吸引。

鄭:如果我係地產代理,短時間內你可能幫緊佢,長時間嚟講,你可能打擊緊佢哋,因為搵樓易做大後,任何一個人考咗地產代理牌,都可以在搵樓易做代理。你長遠目的係咪想咁樣?1:我們長遠目的是想幫每一個地產代理,在我們的平台度自己搵生意。

鄭:你的概念是Uber model for agent,地產代理只需使用app搵客,都未必需要地產代理公司?地產代理公司又會唔會接受呢?1:從我聽返嚟嘅意見睇就唔會。佢哋的想法好簡單直接,就是:我現在面對的困局是客源細,只服務一小撮客戶和社區,到底我可以點樣開拓客源,令唔係呢個社區的業主都同我放盤?

鄭:但中小型地產代理做街坊生意為主,可能得一兩個員工,老闆就係員工,員工就係老闆,佢嘅能力可能淨係做到街坊生意。你依家同佢講拓展生意,但會唔會資源上,專注做番區域生意,先係中小型地產代理優勢?1:他們向我反映的意見和感覺是,他們最大的競爭者是大公司,他們要避開大公司的地盤,所以要搵位自己走。無論係做舊區、單幢樓、工商廈、豪宅,佢哋都想踩入去大樓盤,無奈大樓盤附近鋪租貴,或者唔容許佢哋去租,呢個餅佢都想同人哋大公司爭,但點都唔夠爭。

鄭:我用過搵樓易,試過唔login,就可以睇到地產代理名、公司和手提電話。咁咪好容易bypass? 你會點樣收費保障自己?1:如果我是用家,我不需要付費,直接利用搵樓易去聯絡代理,唔會花時間去google資訊。因為用家無成本,他們不需要理會地產代理到底要俾幾多錢搵樓易,而我亦相信用家絕對不會為了幫代理慳錢而做多咁多嘢。至於收費模式方面,對於業主,我們按推介收費,對於賣家而言,我們按pay per enquiry 收費,當他們用熱線電話和message時,我們就會向代理收費。

鄭:坊間有不少同類型的地產網站或地產交易平台,你們同其他平台比較,優勢又會是什麼?1:坊間的平台主要利用分類廣告形式,他們不理會背後是否有盤,只要代理肯落廣告便可,但我們database的設計,背後有一個真實的放盤存在。加上,坊間平台賣用戶流量,但我們倒轉,我們鼓勵用家唔需要成日返嚟睇,只需要設定搵樓條件,當有合適的樓盤就會通知你。

終極判決

一開始時,以為搵樓易是一個地產資訊和溝通平台,從用家角度去睇,我都花咗少少時間去了解和使用,但暫時睇唔到搵樓易在地產租賣交易裡面有太多價值,所以現階段我只會俾五分。但同Chester傾完之後,發現他們有長遠目標,想做到好似Uber咁,集合細agent,做地產代理的中介人,長遠嚟睇我就會俾七分。不過好多嘢由依家開始要諗得仔細啲,要留意點樣保障自己利益多啲,中間亦牽涉不少法律和運作上的問題要解決,咁樣先做到業主、買家和代理三贏的局面。如果我今日收到呢個proposal,我會俾六至八個月的時間,睇市場反應再決定投唔投資。因為呢個app的成功關鍵,視乎地產代理和接受程度,我估計短期內阻力甚大。如果地產界反應正面,用家滿意度和人數持續增加,我絕對會考慮投資。

用家意見

高鐵物業顧問林澤斌,是個體戶式地產經紀。使用搵樓易兩個多月,他認為這個app能讓他認識更多客戶,但對於細行而言,跨區盤較為難做,「就好似佢推介一個中半山嘅客俾我哋,我哋暫時都唔知點搵個中半山嘅盤俾佢。」故他坦言:「實際上有聯絡到啲客,但暫時未有成交。」

地產界點睇

中原地產創辦人施永青:「我從未聽過呢個app,不過聽你哋簡單描述,之前亦有人做過類似嘅,理念唔係新。而且只係投資七位數,好難做到啲咩。因為推廣一個網站和app,需要好大推廣宣傳費用,而且一個平台要做到大量交易和有市佔率,才能發揮作用。」他又以中原的app為例:「就好似上中原個app,可以睇到我哋嘅盤多過佢好多,咁佢點吸引人去?要有咁多盤,需要好多線下投資,包括請人、經紀、鋪位。他指出內地有不少人做類似的計劃,但佢(內地)係燒全國的錢,你係燒全港,難度都好高!」

撰文:蔡璿驩攝影:鄭樹清攝錄:廖健昌ed_bn@nextdigital.com.hk

搵樓 樓易 app 樓唔 唔易
PermaLink: https://articles.zkiz.com/?id=184697

稱粉嶺高球地建屋難度高 陳茂波︰起樓唔同玩大富翁 (2013年07月10日)

1 : GS(14)@2013-07-11 01:14:09

http://www.am730.com.hk/article.php?article=162685&d=2101

am730訊】政府新界東北覓地建樓發展,但有意見指更有效做法是政府收回粉嶺的香港哥爾夫球會用地,發展局長陳茂波(圖)指,即使收回用地發展新市鎮,需要長時間研究,並非如「玩大富翁放幾幢樓」這麼簡單,但一旦落實收地,政府亦不擔心引起訴訟。

粉嶺高爾夫球場面積達170公頃、相當於大約十個維園,有意見認為有關用地可代替古洞北和粉嶺北的新界東北新發展區,陳茂波稱,該用地一早已列入新界北新市鎮發展研究內,但強調「(起樓)唔係好似玩大富翁咁,放幾幢樓喺個圖上面,……即使攞番個球場,個布局係點呢,不是單單係政府話事,一定要社會上有個討論,大家都認為嗰個布局係最好,仲要考慮埋啲基建,另一方面,嗰度170公頃,根據條例要做空氣質素評估和環評,淨係法律程序,都要起碼做兩年。……還有技術研究、交通、基建、排污、供水,全部都要時間。」
立法會議員張超雄指,政府稱需時進行環評報告的說法有誤導,指球場的環保生態價值不算太高,質疑政府只為了小部分富豪耍樂需要,保留高球場。
2 : mr_dlm(19486)@2013-07-11 10:28:34

點敢掂呢幅高球地呀, 睇下特首選委會果1200人裏面有幾多個要係呢度打Golfsmiley
3 : hh0610(1603)@2013-07-13 17:09:14

打GOLF果D事小. 人地果D祖先事大.

你搬得郁高球場D墳先講.
稱粉 粉嶺 高球 地建 難度 陳茂 茂波 起樓 樓唔 唔同 同玩 大富翁 大富 2013 07 10
PermaLink: https://articles.zkiz.com/?id=283268

中環在線:長實賣樓唔達標 趙國雄賴政府

1 : GS(14)@2013-11-30 16:17:02

http://hk.apple.nextmedia.com/financeestate/art/20131128/18527452

                  臨近年尾,又係各行各業sales追數高峯期。貴為地產界神級sales嘅長實(001)執董趙國雄,今年賣樓只得目標六分一,佢唔急住追數,反而賴政府唔批售樓紙,搞到賣唔到樓喎。
有「樓神」之稱嘅趙國雄日前接受本地傳媒訪問,罕有自揭肚皮,話全年賣樓收入唔夠50億元,即係只得全年目標300億元嘅17%,創13年新低。計埋今年賣嘉湖銀座同上海陸家嘴OFC,都只得200億元。
查實香港市況咁差,新地(016)、新世界(017)都一早調低銷售目標,只係趙國雄喺11月初見傳媒時,仲死口話唔擔心銷售唔達標。趙國雄賣唔到樓就話政府唔批售樓紙,其他發展商聽到唔知好嬲定好笑,有人忍唔住話「一早知長實好難達標,冇諗過咁遲至出來認!」
中環 在線 長實 賣樓 樓唔 達標 趙國 雄賴 政府
PermaLink: https://articles.zkiz.com/?id=284214

居屋真人Show 買樓唔使租

1 : GS(14)@2015-04-21 01:58:47

恭喜晒你啊!超過十萬人抽新居屋2160伙,咁都畀你抽中兼等5月揀樓,好過中六合彩。但要成功上車有個安樂窩,抽中只係第一步,當你以為計掂晒數,坐定「粒六」安心上會等收樓入伙,咁你就錯喇!首期預算幾多?揀咩嘢單位?壓力測試過唔過到?供款入息水平符唔符合?等等…我哋誠邀抽中讀者上嚟《蘋果動新聞》居屋真人show,我哋有齊各方面專家幫你,包括按揭上會、契約文件、驗樓等等諮詢。
Send個email嚟以下網址:mailto:business@appledaily.com,我哋等緊你。





來源: http://hk.apple.nextmedia.com/financeestate/art/20150420/19119018
居屋 真人 Show 買樓 樓唔 唔使 使租
PermaLink: https://articles.zkiz.com/?id=289721

笑到最後:買樓唔會令你變黃成智

1 : GS(14)@2016-03-08 00:06:11

鄰居渾水老弟喺另一份報章《AM730》專欄撰文話,後生仔唔好亂咁買樓,大致上話黃成智因為全職從政收入不穩,96年高位又買咗樓,覺得買樓會導致臨老扮超人。高明覺得渾水老弟講法邏輯上有問題。因為任何大額開支,例如買法拉利、買股票,甚至好似許仕仁咁買歌劇豪使成癮,只要找唔起條數,最後都會出現財政問題,同買樓無關。只係因為一般買樓要造按揭分廿幾三十年還,而其他消費品直覺覺得係一炮過,所以唔會孭債。實際上,好多嘢都可以令你孭上一條長債,例如媾女、結
笑到 最後 買樓 樓唔 唔會 會令 令你 你變 變黃 成智
PermaLink: https://articles.zkiz.com/?id=297114

馮仁昭四圍超:朱慧敏賣樓唔識投資

1 : GS(14)@2016-06-06 03:03:20

朱慧敏噚日接受港台節目《新紫荊廣場》訪問,大講理財心得,佢話出身自小康之家,婆婆做出入口貿易生意,細個同屋企人拜年有15,000蚊利是。朱慧敏又透露自己好早已有樓揸手,皆因佢母親48歲因乳癌過身,留低咗一個當時值500萬嘅銅鑼灣單位畀佢,不過佢唔想住喺嗰度以免觸景傷情,所以先賣咗層樓。朱慧敏覺得後悔當年冇用呢筆錢再投資買樓,長大之後先有投資概念投資冰室生意。撰文:馮仁昭





來源: http://hk.apple.nextmedia.com/entertainment/art/20160602/19637102
馮仁 仁昭 四圍 朱慧 慧敏 敏賣 賣樓 樓唔 唔識 投資
PermaLink: https://articles.zkiz.com/?id=301969

財經評論:醜樓唔憂嫁的啟示

1 : GS(14)@2016-09-07 21:44:27

坊間常言,買樓首選新地樓,因為用料質素最堅。華懋樓又如何?大家或可嘗在Google搜尋輸入「華懋樓」三個字,便會出了一堆關於華懋樓用料質素的討論。有地產代理同我講,的確以往同客人介紹華懋樓,大部份人一聽見就say no。雖然好多人都未住過,人云亦云,但始終對華懋樓敬而遠之。那些年的華懋樓,除了為人詬病的實用率極低,經典縮水樓如沙田花園城及金獅花園,實用率得58%及61%,窗台去到心口咁高;又經常畀人話用料平凡,設計老土,間屋住住吓漏水,保養經不起時間考驗。但坦白講,買樓呢家嘢,都好講運氣。任何樓都有機會漏水,有人住華懋樓住落二、三十年都沒有投訴。有人更話華懋樓的質素,「同長江樓咪又係差唔多」。事實上,長實樓客廳幅牆斜我都見過。近十年華懋賣樓,鮮有引起各大傳媒報道,原因是華懋過去賣樓通常都會與「零成交」、「滯銷」拉上關係。但近日,華懋賣樓更成為全城焦點,集團發展的將軍澳海翩滙,先是參觀示範單位都要排長龍,到揀樓當日,更驚現逾千人排隊搶樓,嚇了大家一跳。這個賣樓盛況,絕對是地產界大奇蹟日。有人更把青衣灝景灣於1997年開售時位於銅鑼灣世貿中心的認購入票處,排隊人龍打蛇餅至紅磡海底隧道的墟冚賣樓情況,與華懋今次賣樓比較。華懋樓也可一日賣470單位,創集團歷史新高,由貨尾王變賣樓王。跟據一手住宅物業銷售網成交冊顯示,華懋自2013年以來共發售逾10個樓盤,但在海翩滙開售前的這三年來,只賣出近160伙。今日瘋狂的樓市,市民為求上車,只要價錢筍及有高成數按揭,口碑已成其次,醜樓一樣可以唔憂嫁。記者:朱連峰




來源: http://hk.apple.nextmedia.com/financeestate/art/20160907/19762555
財經 評論 醜樓 樓唔 唔憂 憂嫁 嫁的 啟示
PermaLink: https://articles.zkiz.com/?id=307949

經濟客艙:老公買樓唔落老婆名

1 : GS(14)@2016-11-08 05:51:10

原來我哋都係《失戀急讓》嘅地產經紀項少龍,真愛只係吹水,喺香港冇個過千呎單位,真愛真係可以有情飲水飽咩?至少我條女話我知唔係。你話結錯婚大鑊,定買錯樓事大?其實兩樣嘢都係一世嘅。結錯婚,隔籬嗰個最後未必同你一齊;但買錯樓,條數跟足你一世。星期六凌晨,政府提高買賣住宅物業印花稅劃一15%,想換樓嘅香港中產俾新稅制挾死,更加上唔到車。我個名畀咗阿媽去買樓,佢好得戚話,「好彩快一步買咗,如果唔係想多層樓收租退休,要畀多15%印花稅,罰畀政府」。而繼續同屋企人住嘅我,可見嘅將來都唔再諗咩買樓。喺香港買個400萬嘅單位,新稅項下要畀60萬銀,較舊稅18萬多咗足足42萬,哪有錢?身邊有搵到第一桶金嘅朋友,都為換樓頭痕。「家陣畀雙倍印花稅鎖死啲錢,又要等半年後舊屋賣走先可以退稅;買新樓又唔可以同銀行貸款借足七、八成按揭,點換樓?」講笑話,人哋大陸假離婚避限購,可能家陣香港結婚,老公大條道理唔落老婆名,第時換樓可以慳番筆。結婚、買樓換樓同樣要講timing。不過,政府出招令我哋唔知道幾時先係入市良機。聽英國嘅朋友講,英國樓價同樣被炒起,仲要係俾香港同中國嘅資金炒起,大家寧願租樓住。不過,呢個英國朋友話,香港政府向樓市加辣,睇吓撐到幾耐。佢仲話梁特首想用調控樓市為連任增加籌碼,一定唔work。英國喺今年4月1日都有為樓市加辣,本地或海外買家購入第二個物業,要畀額外3%印花稅。不過,新稅項出台7個月,令英國民怨四起,要求撤走辣招。記得當時有香港買家「趕尾班」喺英國買樓,就好似香港咁,內地人新稅下繼續買。人仔繼續貶值,佢哋走資嘅信念,比我哋香港人要買自住樓更堅定,非本地買家新稅率加至30%都趕唔走。
Captain Cool
https://www.facebook.com/seeforcaptain/本欄逢周一刊出




來源: http://hk.apple.nextmedia.com/financeestate/art/20161107/19824929
經濟 客艙 老公 買樓 樓唔 唔落 老婆
PermaLink: https://articles.zkiz.com/?id=314538

陳凱琳買樓唔預男友

1 : GS(14)@2017-05-07 15:29:04

陳凱琳昨日現身金鐘,出席吉隆坡新樓盤M101 Skywheel活動,由於樓盤設計有摩天輪,她指有興趣與男友鄭嘉穎到當地玩。問到她會否投資,及詢問男友意見,她說:「會同佢商量,投資嘅嘢佢熟啲,會睇得準啲,我只係初哥。」她表示未有意與男友投資愛巢:「想自己做投資,試吓自己有冇本事。」陳凱琳透露剛與家人到峇里旅行回來,而男友稍後到佛山登台,她表示打算捧場,更笑言代鄭母送花。此外,亞視前公關黃守東現與朋友合資顧問公司,今次活動由他負責宣傳,對於司榮彬在亞視欠薪案罪成被判罰款,有意上訴一事,他表示對方是投資者,老闆另有其人,並知對方跟律師研究上訴事宜。採訪:王連連攝影:沈健程




來源: http://hk.apple.nextmedia.com/entertainment/art/20170507/20013122
陳凱 琳買 買樓 樓唔 唔預 男友
PermaLink: https://articles.zkiz.com/?id=332396

Hea富生活 :買樓唔急於一時

1 : GS(14)@2017-07-06 23:43:46

■王維基接受傳媒訪問,發表藐視年輕人的言論,引起不少迴響。 資料圖片





早前王維基接受傳媒訪問,談及年輕人難上位和難上車問題,他認為即使樓市跌三、四成都沒用,因為他們「根本冇儲蓄,我係好藐視好多年輕人,攞咗呢個藉口去放棄自己」。每一代人,有勤奮上進,當然也有懶散放任,就像一個課室,有好學生和壞學生。王生作為一位白手起家的成功商人,以過來人或老師長輩身份,去藐爆一群壞學生,也合情合理,因壞學生通常被老師,甚致社會嫌棄,我這band5學校畢業生,這方面有很深體會。但究竟是這群學生「爛泥扶唔上壁」,還是社會根本沒有提供一道「有希望的階梯」去讓他們建立信心,最終無奈放棄自己呢?實話說在前頭,我同意某部份人是無藥可救,我只討論尚可挽回的一群。先談社會,自2013年起,400萬以下的住宅物業可按9成,600萬以下可按8成,故200至300萬細價樓受市場追捧,需求急升推高樓價,「四百萬樓買少見少」成佳話,政策令樓盤被炒上600萬之前仍有吸引力。金管局出辣招,無疑令不少死慳死抵儲到十零廿萬首期,準備上車的年輕人十分氣餒,他們本想自力更生,不靠父母,但儲錢計劃被一招打沉。有些靠父母幫忙勉強上車,有些退而求其次,由本想買300至400呎單位改為100至200呎,最慘還要被同輩取笑為樓奴。對未來有願景的年輕人,見到朋輩業主如此境況,應該不會太過羨慕妒忌吧。我建議如要節衣縮食,甚至動用父母棺材本來上樓的年輕人,三思而為。做超越自己以致家庭能力所能承擔的決定,通常都是錯誤的選擇。年輕人剛踏進社會,頭十年處於學習及選擇行業的黃金期,一生人成敗得失有大半靠這階段。心態應該天空海闊,揀選喜愛行業中前線的工作,找出你老闆成功的來龍去脈,以經營生意的心態打工,你的工作表現一定比打工仔心態來得強,老闆都教你多啲嘢啦,等待適合時機,升職加薪搵工跳槽或自立門戶悉隨專便。到時力所能及,再談買樓亦未為晚也。



郭釗
http://www.fb.com/heaology.edu本欄逢周四刊出




來源: http://hk.apple.nextmedia.com/financeestate/art/20170706/20080002
Hea 生活 買樓 樓唔 急於 一時
PermaLink: https://articles.zkiz.com/?id=338144

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019