ZKIZ Archives


莊思明默認帶楊明見家長

1 : GS(14)@2016-05-21 17:49:42

■莊思明與楊明公開戀情後不時放閃。互聯網圖片


莊思明(Lisa)同陳慧琳胞弟陳司翰拍拖5年,二人於幾個月前再度分手,Lisa因為拍大台劇《愛.回家》時跟同劇的楊明撻着,之後兩人亦大方承認戀情,楊明更被指有望成為拿督8億女婿。熱戀中的人大都是「見少一秒都空虛」,昨日有周刊拍到楊明上周日剛從外地拍完戲回港後,即急急腳找女友Lisa,更當街咀嘴,之後送女方返山頂大宅。行程匆匆的楊明星期一要飛馬來西亞拍節目,同時有傳他會去見家長,Lisa昨日透過WhatsApp回覆稱:「佢(楊明)拍節目,我返嚟(馬來西亞)玩同見家人,冇刻意安排見面呀,佢好忙,我亦好多人要見。」雖然Lisa明言不會閃婚,但卻避談見家長一事。採訪:唐心悠





來源: http://hk.apple.nextmedia.com/entertainment/art/20160519/19617579
莊思 思明 默認 楊明 家長
PermaLink: https://articles.zkiz.com/?id=300733

莊思明等嫁楊明

1 : GS(14)@2016-05-24 10:27:38

莊思明、艾威、林熹瞳與張松枝昨日到屯門為電影《囧到洛杉磯》拍攝煞科戲,思明前晚從吉隆坡探完男友楊明班,兼探望父母返港,問到媽咪對男友印象如何?她說:「唔知呀,幾好啦。」她本人就給楊明好高分,最欣賞男友待自己好。思明多番表明跟男友認認真真發展,至於何時結婚就交由男友回應,她就會儲錢待嫁。父母未知她在街頭錫錫成為了封面相?她笑說:「可能遲啲會不停放閃,等大家唔會大驚小怪。」艾威首次擔任男主角,跟身兼監製、編劇及演員的林熹瞳對稿時經常爭拗,幸好兩人埋位後又沒有事,早前到美國取景近一個月,艾威指感覺像打入荷李活,林熹瞳坦言過程中獲益良多。採訪:馬建華攝影:陳慧安





來源: http://hk.apple.nextmedia.com/entertainment/art/20160524/19624541
莊思 思明 明等 等嫁 楊明
PermaLink: https://articles.zkiz.com/?id=301278

【馮仁昭四圍超】思明接受楊明獻身

1 : GS(14)@2016-07-12 03:19:40

莊思敏、思明同思華三姊妹前晚喺中環賀劉晨芝嘅餐廳開業一周年,思明見到着低胸短裙嘅思敏時,即話:「嘩!你着到咁行,做乜嘢唔提我?」楊明早排受傷得到女友思明照顧,事後話要以身相許,思明即甜笑話會接受,但就唔會咁快住。思敏間食店打算開分店,問到佢仲係咪股東?佢話:「以我所知有四個股東,我、陳君怡兩公婆同埋一個男性朋友。」





來源: http://hk.apple.nextmedia.com/entertainment/art/20160711/19689317
馮仁 仁昭 四圍 思明 接受 楊明 獻身
PermaLink: https://articles.zkiz.com/?id=303301

楊明用噴壺扮淋雨

1 : GS(14)@2016-08-09 07:33:04

■楊明前日在街頭拍淋雨戲,可惜只見工作人員用噴壺扮有雨。


早前楊明拍劇時發生意外,腳部傷至見骨,前日下午4時許,見他在金鐘太古廣場外開工,拍攝一場淋雨戲。未知無綫為環保或是慳錢,不見有水車到場,只見幾名工作人員拿住一條水喉仔,以及生果檔常用的大噴壺,噴水落楊明身邊扮落雨。不過楊明仍然好入戲,一副chok樣,濕身後胸肌即現形,吸引不少途人影相。採訪、攝影:畢紹基、徐錦池





來源: http://hk.apple.nextmedia.com/entertainment/art/20160809/19728262
楊明 噴壺 淋雨
PermaLink: https://articles.zkiz.com/?id=305124

黃建東肉緊咀爆楊明唔敢俾莊思明睇?

1 : GS(14)@2016-09-06 22:51:03

前港男黃建東(東東),近日喺大台劇集《為食神探》飾演一個camp爆同志,同楊明仲有肉緊咀對咀場面。東東話:「記得當初同楊明討論會係借位定係堅咀,大家都覺得係劇情需要,所以決定真咀,希望令觀眾留下深刻印象。」東東話拍攝時現場工作人員嘩聲四起,個接吻鏡頭仲要NG咗好幾次:「原來拍咀戲,NG係一件好辛苦嘅事,因為好尷尬但係又要死撐,而我個角色又狼死又鹹濕。」至於問到東東怕唔怕被定型做呢類角色:「其實冇得怕,因為自己讀戲劇出身好鍾意演戲,同埋觀眾仲未記得我個名,好希望觀眾可以記得TVB有個演員好豁得出去叫黃建東。」不過東東笑言希望莊思明冇睇到呢場戲,因為好驚激嬲阿嫂。




來源: http://hk.apple.nextmedia.com/entertainment/art/20160906/19761159
黃建 建東 東肉 肉緊 緊咀 咀爆 楊明 唔敢 敢俾 俾莊 莊思 思明 明睇
PermaLink: https://articles.zkiz.com/?id=307836

返港即交人陪睇騷 楊明:冇傷害過莊思明

1 : GS(14)@2016-09-24 23:30:49

楊明同龔嘉欣之前就一齊去咗英國,參加好友陳智燊同宋熙年嘅浪漫婚禮,雖然龔嘉欣同楊明都係做陳智燊嘅兄弟,但唔知點解個婚禮就傳聞多多,首先傳出龔嘉欣向傳媒講大話;明明係去英國宣傳兼出席好友婚禮,龔嘉欣無厘頭話去大馬,之後再有傳媒報道指龔嘉欣改機票,有機會二人同行云云,搞到佢成功撇甩王浩信同朱千雪,同楊明孤男寡女飛英國,最後身為女友嘅莊思明就緊係嬲豬啦!正當傳言滿天飛嘅時候,好Man嘅楊明終於走出嚟喇,昨晚佢特別喺微博貼咗同女友莊思明嘅合照,向女友大派定心丸之餘,希望關心佢哋嘅朋友唔使再擔心同誤會。楊明寫咗篇好長嘅文,謂:「我們只想安穩地走之後的路,對於有些報道,我們本想一笑置之,但這幾天太多謠言滿天飛,思明和我都不想關心我們的朋友擔心同誤會,所以在這回應幾句。」佢再講:「我們現在真的安好,我從來沒有做傷害思明的事,她對我非常信任,所以不存在問題和生氣的言論,至於英國這次旅程是在大半年前已經定了,機票也是大半年前訂好,由頭到尾都是龔嘉欣和我同機去的,請大家也別想得太複雜,謝謝。」最後,楊明就話:「我要跟一些覺得欺負女人會比較容易得到成功感的人說,請你停止這個想法,停止傷害女人,不要再誣衊思明了,我是站在思明的前面,有什麼事就衝我楊明而來吧,本人隨時恭候。」而昨日楊明就同埋莊思明一齊去睇葉德嫻喺會展搞嘅演唱會。




來源: http://hk.apple.nextmedia.com/entertainment/art/20160924/19780490
返港 港即 即交 交人 人陪 陪睇 睇騷 楊明 傷害 過莊 莊思 思明
PermaLink: https://articles.zkiz.com/?id=309863

深夜作嘔入院楊明陪孕味濃莊思明睇醫生

1 : GS(14)@2017-01-09 08:11:30

呢排娛圈喜事重重,女藝人排住隊宣佈有喜同生B。舊年同楊明撻着嘅莊思明,日前就被指深夜由男友楊明陪同,到跑馬地一醫院求醫,疑似有喜。報道指喺醫院求醫期間,莊思明不時彎腰搓肚,作嘔作悶,要楊明不斷為佢掃背,加上莊思明當日着平底鞋喺醫院出現,有指佢孕味甚濃!對於陀BB一事,下個月就30歲嘅莊思明,昨日就答覆傳媒話:「其實嗰排唔舒服咗幾日啦,嗰晚放咗工,咪去醫院睇醫生囉!其實我同楊明都鍾意小朋友,亦都計劃結婚後一定生B,但o依家冇囉,如果真係有咗,就會肥啦!」




來源: http://hk.apple.nextmedia.com/entertainment/art/20170109/19891252
深夜 作嘔 入院 楊明 陪孕 孕味 味濃 濃莊 莊思 思明 明睇 醫生
PermaLink: https://articles.zkiz.com/?id=322040

【馮仁昭四圍超】楊明煮麵冧莊思明

1 : GS(14)@2017-01-24 03:00:23

莊思明同楊明拍拖唔夠一年,已經認定對方係結婚對象,熱戀中嘅呢對小情人拍拖夠晒甜蜜,仲經常喺個人網誌貼相晒恩愛。莊思明噚日又喺微博貼男友為佢下廚嘅相,仲留言話:「你肚唔肚餓呀?我煮個麵你食呀!咁經典嘅場面竟然發生咗喺我身上,多謝你第一次煮嘢畀我食。」雖然只係煮公仔麵,但話晒都係首次食到男友嘅手勢,當然要晒吓命啦!撰文:馮仁昭




來源: http://hk.apple.nextmedia.com/entertainment/art/20170123/19905654
馮仁 仁昭 四圍 楊明 煮麵 莊思 思明
PermaLink: https://articles.zkiz.com/?id=323837

莊思明傾掂嫁楊明

1 : GS(14)@2017-05-07 15:29:05

莊思明、周志文和姚浩政昨日在深水埗一間遊戲中心接受網台訪問,莊思明表示兒時愛到遊戲中心消遣,儲夠票便換心愛文具。對於男友楊明早前表示計劃在一、兩年內成家立室,莊思明說:「我哋係有共識,因為大家都唔細,呢個時候揀得同佢一齊都唔係玩玩吓。」周志文立即恭喜,莊思明笑說:「唔好恭喜我住!」而單身的周志文指擇偶條件要彼此給予空間。




來源: http://hk.apple.nextmedia.com/entertainment/art/20170507/20013025
莊思 思明 明傾 傾掂 掂嫁 楊明
PermaLink: https://articles.zkiz.com/?id=332402

傳楊明暗撻「白淨版Rosanne」莊思明得啖笑:邊有咁易呀?

1 : GS(14)@2017-05-18 01:10:55

浪子回頭係咪真係金不換?情史厚過演出史嘅楊明,舊年因拍《愛‧回家》,撻着同劇嘅大馬拿督千金莊思明,兩人好快就認愛,又不時喺社交平台孖住放閃,楊明早排接受訪問時又放聲氣話想成家立室,以為佢滾……係情場翻滾咗咁多年,又已屆36歲,終於肯修心養性,揀定一個伴侶,唔做浪子啦,點知一樣有是非流出。昨日有周刊報道楊明背住女友莊思明,暗媾現年28歲、貌似「白淨版Rosanne」嘅大台姐仔郭千瑜(Mina),報道指楊明喺自己擔正嗰套《抱佣情人》中,對Mina照顧有加,就算喺月前一場外景戲中,大熱天時困喺架開篷巴士上拍攝,唔使埋位個個落車唞氣期間,楊明同Mina都留喺車上,享受獨處時光。報道除咗話楊明除低頸巾畀Mina遮太陽之外,更指楊明對女方面部吹氣,又似想對女方晒肌騷quali咁,仲講到佢哋傾偈時,楊明用下身對正Mina頭部……吓?!周刊指其實好多人都見到楊明同Mina啲曖昧行為,但就當睇唔到。同晚劇組拉隊去尖沙嘴慶功,莊思明冇份演但卻有現身,楊明勁識做,攬實女友好sweet咁,周刊指Mina見到「正印」在場就扮冇嘢,楊明亦表現得比較收斂。睇番Mina個facebook,發現佢經常貼自己啲開工相上去,當中唔少得同楊明嘅合照;至於報道中提及嘅慶功宴,Mina除咗喺大合照中同楊明及莊思明同相現身外,仲有一張係莊思明同楊明包抄Mina影嘅合照,真係三個主角都喺齊度喇。報道稱,被蒙在鼓裏嘅莊思明,今個月初接受網台訪問期間,提及同楊明嘅婚事,佢承認兩人之間有共識,亦唔係玩玩吓,不過當同場嘅周志文送上恭賀時,莊思明又即刻閘住,其實莊思明係咪已經索到陣除……?對於背女友莊思明、暗撻Mina嘅報道,正身處越南拍劇嘅楊明昨日回應傳媒話:「其實我坐嗰個位,就係我要埋位嗰個位,而嗰個女同事企嗰個位,亦係埋位嗰個位,咁同事未埋位傾幾句就叫做『媾』,咁一日咪媾好多人?」至於莊思明亦對男友百分百信任,佢回應傳媒時就話:「哈哈,佢send咗段報道俾我睇啦,其實真係冇嘢、得啖笑咁囉,行過傾吓偈就話撻着,邊有咁易呀?如果係咁,每拍一套劇咪要換一個女朋友?」「其實佢係一個好有交帶嘅人,去到邊做緊乜,都會同我講,反而我自己唔算交帶,佢咁做,搞到我都要成日向佢報到。況且,千瑜我本身都識,咁就更加冇可能(撻着)啦!」問到同男友婚期,莊思明就話「在心中」:「冇呃你哋,婚期係未定,不過大家對呢樣嘢一早有共識。」而楊明頭先更喺Instagram貼咗一張佢瞓喺屋頂嘅相,仲留言話:「第一次到越南感覺非常好,天氣、風景和食物全部都好,還有謝謝劇組為我挑選的露台房間,讓我可以曬太陽。(我真的很喜歡睡覺的)」睇嚟未受周刊報道影響心情。至於莊思明就同家姐開工,兩姊妹仲輪流貼相上Instagram。




來源: http://hk.apple.nextmedia.com/entertainment/art/20170517/20024198
楊明 暗撻 白淨 Rosanne 莊思 思明 明得 得啖 啖笑 邊有 有咁 咁易 易呀
PermaLink: https://articles.zkiz.com/?id=333157

莊思明百分百信楊明

1 : GS(14)@2017-05-19 05:28:01

莊思明、莊思敏、林盛斌(Bob)和梁烈唯等昨日在中環為電影《醉爆閨密》開鏡,莊思敏、思明表示兩姊妹在電影中更有爭執戲份。講到日前有報道指楊明在拍劇時暗媾拍檔郭千瑜,身為女友的思明就稱:「得啖笑,阿楊好有交帶,平時仲會拍片報告行蹤,對佢百分百信任。」



■戴上長假髮兼留鬚的Bob,風騷凸腩。

戴上一頭長假髮兼留鬚根的Bob,跟梁烈唯在戲中飾演朋友,提到Bob曾因醉酒在眾目睽睽之下硬咀梁烈唯,問到會否在戲中重演?Bob說:「呢啲可一不可再啦。」講到日前在社交網上分享囝囝的超聲波照,兼留言稱好像見到神龍,Bob說:「係因為見到某部位令我有聯想,多謝網友們嘅祝福。」採訪:曹家誠攝影:陳順禎




來源: http://hk.apple.nextmedia.com/entertainment/art/20170518/20024467
莊思 思明 百分 百信 楊明
PermaLink: https://articles.zkiz.com/?id=333556

終奪飛躍進步獎 楊明:叫我老飛啦!

1 : GS(14)@2018-02-05 04:26:20

https://skypost.ulifestyle.com.h ... B%E5%95%A6%EF%BC%81
在台慶頒獎禮中,兩位飛躍進步獎得主:楊明和麥美恩,最為大眾認同與喜愛。畢竟,二人在電視節目的努力和表現,有目共睹,獲獎絕對是實至名歸。曾被提名多屆的楊明笑說︰「我真的很開心,以為已經超齡,沒想過會得獎。」

楊明當晚得獎感謝很多台前幕後的人,報道也盡顯謙虛一面,誰知他突然一句︰「我很認叻的。得獎翌日早上五時開工,有個車長跟我說︰『喂,阿楊,我搜尋過,你是最老的飛躍進步獎得主。』我說︰『那麼你以後要叫我『老飛』啦!』」

一個家裏的肯定

事實上,楊明對於這個獎項期待已久,獲獎有着特別意義。「我17歲進來TVB讀訓練班,今年踏入第20年,這兒是我的家,很想在家裏獲得一些證明。公司一直給我機會,把很多信任放在我身上,這獎座既是無形的肯定,也是實質的鼓勵,我已經心滿意足。」

其他演員獲新人或進步獎後,或多或少想朝配角或主角獎進發,楊明卻已滿足於此。「真的沒想過再競逐任何獎項,每年有無數的劇集,最佳男主角、男配角那些獎很難得到。但我會盡量做好每個角色,很享受演戲的過程,演員可以經歷不同的人生,我在當中得到滿足感。所以,演好我的戲,做好我的人生就夠了。」

楊明於98入讀藝員訓練班,畢業後參演過不少劇集,後來在2007年重讀訓練班,背後原來是一個重新出發的故事。

重讀生重新出發

他解釋:「那時候年少貪玩,犯了很多次錯,幸好公司給我機會,再讀訓練班。完成後,最初公司安排我演一些較普通的角色,可能很多監製或導演都聽過楊明以前工作的那種態度,還未敢給我演較為主要的角色。」

楊明當晚在頒獎台上特別多謝曾勵珍(珍姐),因為多年前一個電話改寫了楊明的際遇。「之前那十年,碰見阿姐(珍姐)只會打招呼。但有一年,阿姐叫我去見她,當時我沒犯錯,心想究竟又衰了甚麼呢?她當時一直鬧,然後問我︰『你是否還想繼續做呢?不想就別浪費我時間。』我說︰『當然想繼續做,否則這幾年不會連強姦犯、死屍、二世祖都演,我一直在這兒等一個機會。』之後,她給了我無數機會,也令觀眾認識我更多,由《天天天晴》、《誰家灶頭無煙火》到《天梯》等。我慶幸自己有前十年的經歷,令我後十年會這麼緊張自己的工作和做人的態度。」

楊明得到很多前輩、訓練班師兄弟,甚至化粧間、服裝間同事的鼓勵,就是因為「家人」的鼓勵,他才能夠支撑到現在呢!

場地︰香港觀塘帝盛酒店

撰文︰張靛瞳

編輯︰陳禮恒

美術︰梁政敏

攝影︰林良明
終奪 飛躍 進步獎 進步 楊明 叫我 我老 老飛 飛啦
PermaLink: https://articles.zkiz.com/?id=347980

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019