星爺：難忘朱茵
1 :
GS(14)@2011-12-01 07:28:37http://hk.apple.nextmedia.com/te ... 462&art_id=15846394
近日在網上流傳一段那些年周星馳的訪問片段，閒談間狂踩自己的經典舊作誇張、冇趣兼難啃，連自己翻看也感到不好意思，又稱拍《逃學威龍 2》唯一難忘是舊愛朱茵，但暗諷她的演技比自己「優勝」而大感壓力。星爺字字珠璣，句句曲線，寸到爆燈。
2 :
亞力士(1473)@2011-12-02 00:05:38朱茵好似因為佢先信主
3 :
游浪潮(3792)@2011-12-02 00:19:452樓提及
朱茵好似因為佢先信主
亞力士兄何出此言？
4 :
GS(14)@2011-12-02 08:18:54咁大鑊?
5 :
游浪潮(3792)@2011-12-02 08:35:154樓提及
咁大鑊?
莫非朱茵發現自己和星爺罪孽深重？
6 :
鱷不群(1248)@2011-12-02 23:06:195樓提及
4樓提及
咁大鑊?
莫非朱茵發現自己和星爺罪孽深重？
明顯被人欺騙感情
7 :
鱷不群(1248)@2011-12-02 23:09:04星爺基本上已經無朋友，女的固然無朋友做，男的也是一樣反目
8 :
亞力士(1473)@2011-12-03 01:08:473樓提及
2樓提及
朱茵好似因為佢先信主
亞力士兄何出此言？
以前睇d八卦雜誌講 條仔偷食(雜誌估係周星) 沉左一排然後信主
9 :
GS(14)@2011-12-03 09:45:217樓提及
星爺基本上已經無朋友，女的固然無朋友做，男的也是一樣反目
其實他無朋友，是不是無安全感的表現?
10 :
龍生(798)@2011-12-03 13:22:15應該是自私自利的終極體現....
女的為情反目, 男的為財反目
可見此人毫無情義, 道義...
11 :
亞力士(1473)@2011-12-03 19:36:20但好似話幾孝順
12 :
honey(6546)@2011-12-03 20:33:2111樓提及
但好似話幾孝順
據說陳振康都好孝順
13 :
游浪潮(3792)@2011-12-03 23:39:09聽蕭才子既評語，此人乃繼卓別靈後另一偉大演員，但此人乃格格(賜名衰衰或賤賤)，是入你屋食完大餐仲要偷兩支紅酒既人，很少人能在合作後不同佢反目
14 :
肥B(18468)@2011-12-04 10:35:5612樓提及
11樓提及
但好似話幾孝順
據說陳振康都好孝順
據說, 大賊張子強都係一個好爸爸....一個人, 可以有好多個角色.
15 :
龍生(798)@2011-12-05 22:07:15我是很認同周星星是全球最偉大喜劇演員.....
但更認同此人人格低下....
16 :
游浪潮(3792)@2011-12-05 22:19:0215樓提及
我是很認同周星星是全球最偉大喜劇演員.....
但更認同此人人格低下....
有無其他故仔聽下？
17 :
龍生(798)@2011-12-05 22:29:48黃晶本書都有提過...
大意都係話佢開到天價, 好似係120萬一日
黃晶照俾, 但佢收左人錢, 卻不用心工作...諸如此類...
18 :
亞力士(1473)@2011-12-05 23:46:56千王之王2000
19 :
GS(14)@2011-12-09 16:44:2918樓提及
千王之王2000
but 水平還可以...
20 :
肥B(18468)@2011-12-09 16:53:3419樓提及
18樓提及
千王之王2000
but 水平還可以...
唔同O既, 你係END USER, 你見到的產品好唔好, 同個產品點做出黎, 係可以無什麼大關係架~~
21 :
GS(14)@2011-12-09 16:54:1720樓提及
19樓提及
18樓提及
千王之王2000
but 水平還可以...
唔同O既, 你係END USER, 你見到的產品好唔好, 同個產品點做出黎, 係可以無什麼大關係架~~
你也說得對，但我認為是個導演不好，但他的工作態度...
22 :
肥B(18468)@2011-12-09 16:57:5021樓提及
你也說得對，但我認為是個導演不好，但他的工作態度...
未親身接觸過的話, 我真係唔敢亂下定論, 而且個肥導演我一向都唔喜歡, 佢講的說話, 唔係好令到我相信係事實的全部.....所以, 聽過就算了~
23 :
GS(14)@2011-12-09 16:59:0022樓提及
21樓提及
你也說得對，但我認為是個導演不好，但他的工作態度...
未親身接觸過的話, 我真係唔敢亂下定論, 而且個肥導演我一向都唔喜歡, 佢講的說話, 唔係好令到我相信係事實的全部.....所以, 聽過就算了~
肥導演近排有本大作出了，可以看看....
朱茵靚到老公要夜歸
1 :
GS(14)@2015-05-20 08:44:50■朱茵再度以「紫霞仙子」形象代言，黃貫中大叫「受不了」。微博圖片
自從朱茵為黃貫中誕下愛女黃鶯（叉燒包）後，專心相夫教女，甚少亮相幕前，不過她的經理人公司昨日在微博貼了一張宣傳海報，原來朱茵再次化身「紫霞仙子」代言手機遊戲《大聖歸來》。
黃貫中
當年朱茵在電影《西遊記大結局之仙履奇緣》上，飾演紫霞仙子一角令人讚賞，事隔20年造型重現，依舊美艷如昔，難怪網友大讚之餘，老公黃貫中亦忍不住留言讚賞：「美成這樣，你老公心臟快受不了，練琴去…」朱茵亦隨即留言回覆老公：「這就是你夜歸的原因嗎？」兩人在微博打情罵俏，令人羨慕。撰文：張曦彤
來源:
http://hk.apple.nextmedia.com/entertainment/art/20150520/19153349
朱茵蔡少芬交流湊女經
1 :
GS(14)@2015-07-01 09:45:55■蔡少芬與朱茵昨日現身香港機場，結伴離港。DV圖片
黃貫中（Paul）昨在微博貼文悼念前隊友黃家駒，而其妻朱茵昨日就與好姊妹蔡少芬齊齊離港，昨早接近11時，二人被拍得現身香港機場，在等無人駕駛列車期間，蔡少芬突然「開talk」，不停手指指，又遞起一隻腳，與同是星媽的朱茵交流湊女經，越講越興奮，朱茵更笑不停。朱茵與蔡少芬入閘後，由於未夠鐘上機，二人分道揚鑣shopping，蔡少芬負責到零食店掃零食，朱茵則去搜購洗手梘液，不過朱茵揀來揀去都沒有心水，最後待蔡少芬買完零食後便齊齊行往閘口登機。採訪、攝影：李察
■蔡少芬（圖）負責掃零食，朱茵則買日用品。DV圖片
朱茵 DV圖片
來源:
http://hk.apple.nextmedia.com/entertainment/art/20150701/19203862
與朱茵不設防追多個
1 :
GS(14)@2016-03-06 16:12:11能夠磨滑頑石、融化「怒火Paul」的，並非老婆大人朱茵，而是3歲囡囡黃鶯。訪問中，阿Paul不時提高聲調學囡囡說話：「爸爸，我肚餓，要食雪糕！」、「爸爸，我要你講古仔畀我聽！」阿Paul說時的冧樣，相信只有做了爸爸的人才能體會到。
朱茵 資料圖片
Paul說：「其實呢個女都嚟得幾突然，老婆成日話我縱壞個女，咁女係要嚟縱㗎嘛！到佢大個有自己世界，你想佢再嗲吓你都難！所以佢而家唔畀我瞓床，話驚壓親佢啲bear bear公仔，要我天寒地凍瞓地下講古仔畀佢聽，我都話好。試過有次佢唔畀我入房，我真係hurt hurt哋，真係好懷念佢BB嗰陣時！」阿Paul想湊B，更早已和老婆有共識不設防追多個：「我同老婆都welcome生多個，驚冇人同阿女爭，容易縱壞佢！」
來源:
http://hk.apple.nextmedia.com/entertainment/art/20160306/19518266
朱茵一家迪士尼慶生日
1 :
GS(14)@2016-10-15 12:12:15■朱茵罕有地晒全家福，公開祝囡囡生日快樂。微博圖片
人妻朱茵自2012年10月為老公黃貫中（Paul）誕下愛女黃鶯（叉燒包）後，一直專心在家相夫教女，不過她眼見囡囡開始長大要學習獨立，於是上年復出，如果是價錢好又時間短的工作，她無任歡迎。最近她便以當年的性感形象及「紫霞仙子」look現身內地節目。朱茵復出工作接踵而來，百忙之中，她仍然堅持一有時間就陪伴愛女。朱茵昨早在微博罕有貼出一家三口的相，並留言：「小鶯，生日快樂！」原來她跟囡囡去了迪士尼慶祝4歲生日，在餐廳食蛋糕之餘，又在樂園騎旋轉木馬。有一張相見黃鶯開心甜笑拿着公主圖案氫氣球，未知是否她的生日禮物呢？撰文：非非
■朱茵帶女在樂園騎旋轉木馬，感覺夢幻。微博圖片
來源:
http://hk.apple.nextmedia.com/entertainment/art/20161015/19801077
浪漫月巴睇90s: 月巴氏 曾經有個高中生， 趕返屋企睇 朱茵～ 2017-01-13
1 :
GS(14)@2017-01-24 03:36:15https://www.am730.com.hk/column/ ... c%b5%ef%bd%9e-11091
請明瞭，我心癡，這是毫無心理準備下突然想寫的一篇。
1.初中年代的我是個熱愛球類運動的小夥子。每個放學後，例牌駐守籃球場，揮灑青春的汗水……
2.上了高中，不再打波——我給波友們的解釋是：要預備會考了，不得不放棄Basketball。狀甚無奈的我從此謝絕波友們邀請。
3.其實我只是為了一放學即搭81K返屋企，然後連校服都唔換，趕住收看《閃電傳真機》——嚴格來說，是為了欣賞朱茵。
4.朱茵有甚麼吸引我？我不知道，只知道1992年某一天睇完《逃學威龍2》，腦海便Keep住浮現她——她在戲中的一舉一動一顰一笑、她的嬌嗔和嬲怒、她對愛情抱持(過分)浪漫幻想的天真，以及佢個靚樣——Yes，吸引我的，就是所有構成她的物質與非物質元素。我明顯將戲中那虛構的「Sandy」跟現實的「朱茵」，混淆了。
5.我不知道自己把那餅經由Laser Disc複製的錄影帶翻炒了多少遍(但其實我不認為《逃學威龍2》好睇，根本只是將首集Copy一次，但又冇晒首集趣味)，只知道自己深深被這個100%的女孩吸引，書又唔溫，波又唔打，不能自拔……
6.1993年，對朱茵來說是極重要的一年。電影，她拍了《超級計劃》(可惜她的角色可有可無，主要用來製造危機)、《的士判官》(可說是女主角，但因成齣戲由始至終的主角只得一個：黃秋生，做吳孟達個女的朱茵其實純屬配角，作用，是為那個暴戾的Universe加添一點可愛和調皮，以及吸引男性觀眾如我入場觀看)、《風塵三俠》(也是配角，但如果冇咗佢，成齣戲要扣五十分)——但最重要的還是兩齣電視劇，《原振俠》&《都市的童話》，而當中又以《都市的童話》更重要。
7.故事的主要設定，應該參考了桂正和《電影少女》——一個虛擬少女錯誤地來到現實世界，不自覺地跟人類男主角日久生情，嚴重地愛到不能自拔，但又無奈地注定不能一起，嗚嗚。配合埋由黎明主唱的主題曲《傻癡癡》，實在為我帶來一種如夢似幻但又有層悲哀墊底的甜絲絲感覺。這種複雜(到要動用多組形容詞來描述的)感覺，在電視史上，只有《都市的童話》帶過給我。你可以話有冇咁誇張吖，但，就係咁誇張。
8.最大功勞是朱茵。且讓我再誇張一點：朱茵絕對是上世紀90年代初最重大的發現——唔知點解地，她就是能夠為一個普通角色Add上難以估計的Value，把普通變得好唔普通；而如果，好彩地，角色本身已經寫得極度精彩，朱茵就更能動用她那得天獨厚的特質，讓該角色成為不能磨滅的經典——例如，紫霞仙子。
9.她就是這麼與別不同，單憑一雙眼已足以訴說塵世間各種不同情緒。只是到了後來，可能為了挑戰自己、或開發自己更多可能，又或……我都唔知點講好了，總之就是走去同馬德鐘拍那齣甚麼誘惑……OK，你可以話我偽君子，但看在眼裡，我是傷心的。
10.好多年後，當我正在為「浪漫月巴睇90s」煩緊寫乜時，「朱茵」這名字突然在腦裡唔知邊忽閃過，然後寫了以上一大段字，我終於明白：朱茵絕對是構成「我的90年代」中不可或缺的重要成份。只是當年那個為了收睇《閃電傳真機》連波都唔打的月巴，就像《都市的童話》的她，化成泡沫，煙消雲散。這一刻有點感觸的我，只想祝福朱茵永遠快樂。
盧巧音上台同老公Jam朱茵睇騷逆Paul意
1 :
GS(14)@2017-07-09 12:16:14黃貫中（Paul）、樂隊Kolor及秋紅前晚在九展舉行「Yes Rock大混戰音樂節」，Paul太太朱茵和Kolor主音Sammy的太太盧巧音現身捧場。Paul說：「呢幾年鍾意音樂嘅朋友唔好過，好多鍾意嘅偶像同音樂人輪住上咗上面，Prince、David Bowie，以下呢個都係我好欣賞嘅歌手。」繼而唱出Soundgarden的《Black Hole Sun》向逝世的主音Chris Cornell致敬。Paul大合唱時笑對Sammy說：「奉獻埋你個私人band婆出嚟唱歌玩吓啦！」盧巧音隨即上台唱了兩首歌。
朱茵
■盧巧音與丈夫Sammy同台演出，笑說綵排時已想上台。
Kolor呻蝕本
完騷後Paul受訪時，揚言本來叫太太朱茵不要捧場：「因為佢坐嘅位前面有好大喇叭，聲好大，叫咗佢唔好嚟，但佢都一定要嚟撐場。阿女太細就唔得啦！喺現場要顧住佢，我驚心散，上次個騷，阿女有嚟。」此外，Sammy早前踢爆請太太做嘉賓很扭擰，盧巧音坦言：「綵排時我已經心思思想上台。」Kolor透露正籌備開演唱會：「上年搞騷蝕到入骨，成本真係好貴，生活好艱難。」採訪：王連連攝影：沈健程
來源:
http://hk.apple.nextmedia.com/entertainment/art/20170709/20083343
Next Page