ZKIZ Archives


自認加料Sell底褲 方力申狂操變爆肌男

1 : GS(14)@2014-05-14 00:59:34

http://hk.apple.nextmedia.com/entertainment/art/20140513/18718057'

                              又一個肌男胸降娛樂圈!現年34歲的方力申經4個月地獄訓練,成功搣脂激減30磅肥肉,操出41吋胸肌和6嚿腹肌,剝剩一條底褲拍廣告,超激凸的「小小方」浮誇到爆,方力申大方承認有裝假狗:「軟嘢硬嘢都攝吓!」得戚的小方揚言不介意接拍露股戲為藝術犧牲。

                前飛魚王子方力申曾代表香港參加2000年奧林匹克運動會,退役後火速加入娛樂圈做歌手,近年轉戰內地拍劇賺人仔的他,最近以過百萬人仔酬勞接拍內地品牌底褲廣告,由於要剝衫僅着底褲示人,小方由今年元旦開始苦練身材,跟轉行做健身教練的杜德智操弗,小方昨日接受電話訪問說:「自己一直有做開運動,由以前一星期三日變日日做,可能以前係運動員,更加事半功倍,由最肥169.5磅減到139.5磅,胸肌有41吋。」

汗水換腹肌

                然而,廣告相中的小方有點硬膠,身形線條更疑似造假,尤其是「小小方」超浮誇,小方坦言:「呢啲後期製作裝吓假狗,攝吓墊吓,軟嘢硬嘢都攝吓,但攝乜唔講得,係商業秘密。」問裝大了幾個size?他笑說:「大咗半個度啦,真係唔知。」小方承認有執相:「平常人影相都美圖秀秀,好在有拍片證明,唔怕畀人話身形唔係堅,終於明白男仔點解有腹肌鍾意自拍,因為用汗水換返嚟,梗係要show off。」
剝剩底褲拍廣告有否尷尬?他說:「唔尷尬,可能內褲好似泳褲好貼身,現場幫我整衫嘅女仔得23、4歲,佢攞嘢畀我攝,自己轉身變魔術。」問是否想挑戰碧咸的底褲廣告?小方說:「梗係冇,挑戰自己,呢個係好機會,希望有突破接多啲唔同戲,但性愛場面暫時過唔到自己,剝褲見八月十五都OK。」

                                                                                               
            ■小方今年元旦體重達169.5磅,拿着當日報紙做證展開瘦身大行動。            ■小方以7位數接拍底褲廣告,「小小方」浮誇激凸,他坦承有裝假狗。


節食斷六親

                  小方用4個月激減30磅,他公開地獄減肥秘笈:「多數做單槓、引體上升、sit up,亦同泰拳朋友跑步打拳踢腳,從來冇諗過可以有腹肌,去奧運嗰段時間都冇,我諗自己係游得最快但身材最唔好,因為食得多。」小方指最後階段的節食過程最重要,這期間他就斷六親:「同家人飲茶只係飲水,睇到腹肌線條出晒嚟,最後塊面凹得滯過咗龍,有段時間冇食飯仲變排骨仔,廣告出嚟都覺自己過瘦。」

                                                                                               
            ■年逾50歲的杜德智身形fit爆,難怪小方請他做健身教練。            ■小方接受健身教練杜德智特訓,操出胸肌和腹肌。


                節食減肥更令小方脾氣變得暴躁,他說:「烚嘢唔好地方係脾氣暴躁,媽咪成日引誘我食嘢.自己發脾氣,阿媽受咗我好多氣。」問女友鄧麗欣有冇讚他弗了?小方說:「有,佢話早就應該咁。」女友很滿意你身材?小方說:「但佢見唔到,嗰段時間佢喺內地拍嘢,自己更加專心節食,仲可以多啲時間做運動,拍廣告嗰日佢返嚟探班,都嚇一跳以為我病咗。」
拍完廣告後小方放縱飲食,8日後反彈16磅,他說:「夏天會再keep,估唔到人生可以做到咁樣,希望可以keep住鼓勵大家做運動。」
採訪:皓騫

操肌秘笈:兩星期地獄餐單

早餐

                  4條烚雞柳、西蘭花/椰菜花、4-6隻蛋白

午、晚餐

                  4條烚雞柳、西蘭花/椰菜花、4-6隻蛋白、一碗飯或2個番薯

小食

                  西芹、紅蘿蔔

運動

                  一星期三日跟杜德智健身,兩日打泰拳,兩日自己做運動

三日健身

                  操肌(一粒鐘)+跑步(50分鐘)
方力申跟健身教練杜德智狂操單槓引體上升、雙槓(dips)、sit up、風火輪等器材,場地沒受限制,有時在杜德智的studio,有時在維園做運動。

兩日泰拳

                  打泰拳(一粒鐘)+跑步(50分鐘)                                                        
2 : GS(14)@2014-05-14 00:59:51

http://hk.apple.nextmedia.com/entertainment/art/20140513/18718059


一向不介意剝衫的方力申,自小已經是香港泳隊代表隊成員,曾參加奧運,之後更殺入娛樂圈,由歌壇到影壇全部見到其蹤影,他更樂於在人前晒身材,但從未見爆肌出現。
童年圓碌碌

身形圓潤,非常可愛。
2000年俊飛魚

代表香港到悉尼參加奧運,身形雖健碩,但仍未見有腹肌。
2004年火炬手

雖然已經退役,但仍有機會擔任奧運的火炬手。
2006年晒泳褲

為南亞海嘯災民籌款,穿上泳褲替攝影師紀嘉良的寫真集任模特兒。
2007年勤練肌

開始邀杜德智任其私人健身教練。
去年戰娜姐

與周秀娜在內地拍攝劇集時,大晒胸肌。
3 : GS(14)@2014-05-14 01:00:03

http://hk.apple.nextmedia.com/entertainment/art/20140513/18718062


方力申爆肌拍攝內褲廣告,很多男星為演出,也曾花功夫鍛煉腹肌和人魚線。
張家輝

去年為拍攝電影《激戰》,不吃鹽、油、糖及澱粉類食物之餘,每天只吃2、30隻雞蛋白以增加體內的蛋白質;到要拍攝前3日狂食飯,靠澱粉質來爆肌。
杜汶澤

為拍攝電影《3D豪情》,開始「白烚人生」,既在社交網上載自己的大隻照,更分享操肌心得及食譜。
張繼聰

去年為配合新碟《無限可能》練6嚿腹肌,除了節食節水,他趁拍劇、錄歌空檔健身,有時深夜收工後也舉鐵及跑步3小時。
彭于晏

為拍《激戰》狂谷肌,接受三個月地獄式訓練,方法就是每天健身2-3小時,飲食上只吃由白水煮的蛋白和雞胸肉果腹。
周杰倫

去年為演唱會而鍛煉八嚿腹肌,他練肌期間堅持少油少鹽,連大夥出去聚餐,他都堅持只吃烚菜。
自認 加料 Sell 底褲 方力 力申 申狂 狂操 操變 變爆 爆肌 肌男
PermaLink: https://articles.zkiz.com/?id=284536

【壹週刊】8萬月租薄扶林方力申Stephy二人世界

1 : GS(14)@2015-03-06 09:07:44





【壹週刊】方力申同Stephy鄧麗欣拍拖十年,未有計畫結婚,,但方力申最近卻搬出租樓住,呢日就見兩人上完糧返方力申薄扶林新居,過二人世界,想知更多,記住Download壹週Plus手機app,免費架!
iPhone版下載:http://goo.gl/1SDaWF
Android版下載:http://goo.gl/xfQS8D壹週Plus網頁:http://nextplus.nextmedia.com/





來源: http://hk.apple.nextmedia.com/entertainment/art/20150306/19062078
週刊 月租 薄扶 扶林 林方 方力 力申 Stephy 二人 世界
PermaLink: https://articles.zkiz.com/?id=288268

方力申怕Stephy跣親 一屍兩命

1 : GS(14)@2015-03-23 08:57:20





■方力申笑言怕Stephy跑步期間跣低「一屍兩命」。


鄧麗欣(Stephy)、方力申、丁子高及杜德智等昨日在山頂出席慈善跑步活動,為體驗山區居民要揹水運回家的辛苦情況,他們揹着四點五公升水挑戰十五公里賽路,Stephy回想去年參加同一個活動,跑完山後痛足兩天沒法落床,不過小方聲明不會因此拖着女友跑,他笑說:「一陣跣親賴我,一屍兩命。」Stephy即急忙澄清:「佢意思係兩個人一齊跣低。」此外,丁子高表示會待兒子Torres長大一點一同參與這個活動,並準備讓囝囝學欖球,他說:「我細個時都學過,呢種運動身體接觸多,都唔怕會整親,男仔有啲疤仲型,囝囝好動,見到郭富城跳舞好開心,又有音樂細胞,識哼媽咪楊千嬅嘅歌。」問丁子高Torres有否看過他以前的MV?丁子高笑說:「唔好喇!驚教壞小朋友,工人試過播卡拉OK畀佢睇,我即刻衝去熄電視,佢可以欣賞我其他嘢,呢啲一定唔可以畀佢睇。」採訪:王連連攝影:陳慧安



■昨日在山頂舉行慈善跑,參賽者要揹着四點五公升水跑十五公里。

■丁子高不會讓囝囝看他以前唱歌的MV。

■揹水跑步不會難倒健身教練杜德智。



來源: http://hk.apple.nextmedia.com/entertainment/art/20150323/19086017
方力 力申 申怕 Stephy 跣親 一屍 屍兩 兩命
PermaLink: https://articles.zkiz.com/?id=288808

方力申有同性市場

1 : GS(14)@2015-04-23 09:05:42

方力申與鄧麗欣(Stephy)昨日在中環出席攝影展活動,小方笑言他們以情侶檔現身號召力更強大。曾經拍騷肌照的小方,被問到可有興趣辦攝影展?他說:「有人問過,不過我想同慈善用途掛鈎。」Stephy爆小方有同性市場,可以考慮。問小方會否邀女友充當模特兒?小方笑指女友為人挑剔,Stephy即更正:「係要求高,去旅行佢帶相機,係咁叫我影相,影到我好攰。」最近股市暢旺,原來他們都是股民,小方坦言炒股為儲老婆本,而Stephy就為將來鋪後路,她說:「賺少少就放,阿媽話錢係要放喺袋先係自己。」採訪、攝影:黃曉妍





來源: http://hk.apple.nextmedia.com/entertainment/art/20150423/19122007
方力 力申 申有 同性 市場
PermaLink: https://articles.zkiz.com/?id=289863

方力申隨時蜜月

1 : GS(14)@2016-01-04 14:58:17

【大角嘴】方力申和鄧麗欣情侶檔一齊倒數,小方笑言一舉兩得:「可以感受熱鬧氣氛,又有車接載返屋企,非常好。」二人玩「心有靈犀」遊戲時,都希望去冰島及芬蘭等地旅行,問是否蜜月好地方?小方說:「要去隨時可以去。」





來源: http://hk.apple.nextmedia.com/entertainment/art/20160102/19435796
方力 力申 隨時 蜜月
PermaLink: https://articles.zkiz.com/?id=294078

方力申同石修重逢

1 : GS(14)@2016-02-08 03:25:30

方力申日前接受李司棋和石修為有線主持的節目訪問,有「少年石修」之稱的小方與「父親」石修重聚,他笑說:「我一直好想同修哥合作,佢斯文得嚟又風趣,我好希望二、三十年後都仍然好似佢keep到咁好。」司棋姐問小方:「你太太平日有冇煲湯水畀你飲?」小方口窒窒回應:「你指我阿媽方太?」司棋姐即追問他秘婚傳聞,小方笑說:「有人話我哋離婚㖭,結婚一定會嘅!」





來源: http://hk.apple.nextmedia.com/entertainment/art/20160206/19481766
方力 力申 申同 石修 重逢
PermaLink: https://articles.zkiz.com/?id=295506

十年童話忽然告終方力申Stephy拒婚即分

1 : GS(14)@2016-03-18 23:55:58

■拍拖十年屢傳婚訊的Stephy和小方,昨日宣佈因了解而分手,婚訊變分訊。資料圖片



方力申與鄧麗欣(Stephy)拍拖十年屢傳婚訊,近日更有指小方因父親患病要結婚沖喜。正當大家以為二人終好事近,昨日二人卻突然透過經理人公司宣佈分手。Stephy昨在社交網聲稱因了解而分手,並說:「我的世界裏從來不存在童話。」


由電影《獨家試愛》到《紀念日》,36歲方力申跟32歲鄧麗欣不僅是螢幕上的金童玉女,而且更是外界公認為打風都打唔甩的情侶,二人拍拖十年來,多次傳出婚訊。直至昨日,「婚」訊到頭來竟變「分」訊,二人透過所屬公司太陽娛樂發聲明宣佈分手:「雙方經過深思熟慮,認為分開是最好的選擇,彼此感恩過去十年互相扶持和愛護,雙方往後在工作上仍然是好拍檔,私下仍然是好朋友。」



■Stephy和小方拍《獨家試愛》撻着,可惜未能如電影般變為夫婦。劇照

■上月小方與Stephy一起出席公司春茗,但原來當時已醞釀分手。


■Stephy昨在社交網回應分手,揚言自己的世界從不存在童話。

仍視親人般

有關分手決定,小方昨透過WhatsApp回覆本報說:「多謝關心,我暫時不回應了。」估計小方今日出席活動時始開腔回應。至於目前在外地宣傳自家時裝品牌的Stephy,雖一直未有回覆,但就在Instagram發表心聲,指分手是沉重決定,她說:「十年前我們因為喜歡走在一起,十年後我們因了解而分開。小方是我認識最好的男生,沒有福份跟他走到白頭,只怪緣份的安排。」又指與小方之間不存在第三者,續說:「我的世界裏從來不存在童話,以後我們的關係雖然改變了,但我依然視他為我最親的家人般守護着。」據本報了解,Stephy與小方分手原因確不涉及第三者,但Stephy多次向小方催婚,但偏偏小方卻採取拖字訣,Stephy有感青春有限,決定跟小方斬纜。月前Stephy與小方接受本報專訪時,坦言二人平時會為小事嗌交,Stephy更指以前會見步行步,但近年會想將來,其後問二人可有結婚計劃,小方卻表示:「冇傾過。」一切似暗藏分手玄機。日前有報道指小方因為父親患重病而答應娶Stephy沖喜,又指本月3日小方出席活動後跟Stephy到西環撐枱腳後,Stephy離開時攬住小方痛哭,令人懷疑二人當晚是攤牌。



暗示過期限

直至上周三,Stephy忽然在微博貼上鮮花照片,並感慨地說:「花的意義是,它為你設定限期。」似暗示與小方的十年期限已成過去。採訪:皓騫





來源: http://hk.apple.nextmedia.com/entertainment/art/20160318/19534096
十年 童話 忽然 告終 方力 力申 Stephy 拒婚 婚即 即分
PermaLink: https://articles.zkiz.com/?id=298376

方力申鄧麗欣深情演繹《十分獨家最愛紀念日》

1 : GS(14)@2016-03-18 23:56:24

人生如戲。方力申同鄧麗欣這被看好的一對,今日突然宣佈分手,結束十年情侶關係,消息震驚全城。兩人先後在葉念琛的電影《獨家試愛》、《十分愛》、《我的最愛》和《紀念日》合作,觀眾見證着兩人由螢幕情侶發展成模範情侶,卻沒料到出現這個結局,剛好引證葉導的電影金句:「愛情,都是有限期的。」唯有祝福兩人盡快走出分手傷痛,再覓得另一段姻緣。《十分獨家最愛紀念日》故事純屬虛構導演:孽念深(第一章)相識:愛情,是要先試愛。(第二章)熱戀:愛情,是沒有對錯。(第三章)猜疑:愛情,永遠係一個同兩個之間的忐忑。(第四章)再愛:愛情,不只是一場遊戲。(終章)結局:愛情,係有限期。





來源: http://hk.apple.nextmedia.com/entertainment/art/20160318/19534249
方力 力申 申鄧 鄧麗 麗欣 深情 演繹 十分 獨家 最愛 紀念
PermaLink: https://articles.zkiz.com/?id=298381

方力申公開戀情睇心情

1 : GS(14)@2016-11-16 05:10:32

方力申昨日到鑽石山出席香港紅十字會活動,呼籲大家支持義賣。問小方會否邀請最近與他傳緋聞的何超蓮參與?小方說:「我不嬲都多好朋友,其實唔想講太多呢啲新聞,因為有時啲標題會扭曲。我累積有差唔多170個大使身份,係年輕人榜樣,咁勤力做咁多大使,唔想咁多花邊新聞。」小方又謂與前女友鄧麗欣的事已交代清楚:「唔使再講聯唔聯絡、合唔合照,如果要回應就沒完沒了。」小方又笑指將來拍拖公開與否看心情:「好似好大牌呀?其實我唔開心,我係藝人需要娛樂大家,不過我想莊諧並重,我可以風趣同講低能嘢,但嚴肅嘅時候都會嚴肅,唔想錯焦點。」採訪、攝影:盧妹




來源: http://hk.apple.nextmedia.com/entertainment/art/20161114/19832623
方力 力申 公開 戀情 心情
PermaLink: https://articles.zkiz.com/?id=315676

方力申聞超蓮封嘴

1 : GS(14)@2017-01-05 08:07:17

方力申及何雁詩昨日在灣仔賀一間高爾夫球用品店開張,小方表示曾經向鄭文雅拜師學習高球技術,他說:「學過十幾堂,係易學難精、易上癮,我比較鍾意出汗嘅運動,將來都會打,我都鍾意陽光。」問到有否約何超蓮打高球時,他即封嘴說:「唔講其他人,唔講緋聞。」曾經是港隊高球隊員的何雁詩,6歲開始學打高球,直至參加《超級巨星》才疏於練習,她說:「?家有打,但唔同以前性質。」獲邀加入藝人高球會的她,表示有與鄧梓峰、林漪娸等打波,對於誰的球技最差,她說:「陳柏宇算係最差一個。」採訪、攝影:張俊銘




來源: http://hk.apple.nextmedia.com/entertainment/art/20170104/19885357
方力 力申 申聞 聞超 超蓮 封嘴
PermaLink: https://articles.zkiz.com/?id=321377

【馮仁昭四圍超】方力申或搵前度合作

1 : GS(14)@2017-02-18 00:51:27

方力申噚日喺紅十字會總部出席慈善活動做頒獎嘉賓,佢同紅十字會合作多年,但係好少捐血,點解?佢話:「我經常感冒,食藥唔適宜捐血。」佢話新一年除咗辦教育,仲想做製作人,問佢會唔會搵前度合作,佢答:「我未諗做乜節目,乜嘢人都有機會合作。」方力申話情人節嗰日一個人開電單車「食西北風」:「我要避開呢一日,好痛苦,過去10年都有(情人),未試過咁樣。」撰文:馮仁昭




來源: http://hk.apple.nextmedia.com/entertainment/art/20170217/19930442
馮仁 仁昭 四圍 方力 力申 申或 或搵 搵前 前度 合作
PermaLink: https://articles.zkiz.com/?id=326763

【馮仁昭四圍超】方力申愛易

1 : GS(14)@2017-03-24 17:08:07

方力申前晚喺尖沙嘴出席聯合國水日活動,講到以前做運動員有一日沖三次涼嘅習慣,以為水唾手可得,佢話:「直到去咗山區探訪,當地水都冇,佢哋覺得水貴過鑽石,返港後改變壞習慣,浸缸變花灑,沖5分鐘沖完。」目前連擇偶條件都有變,小方說:「靚女一定要,不過要求高咗,想女朋友樸素啲,我食街邊嘢都得。未遇過高潮女,希望女朋友容易開心同易?。」撰文:馮仁昭




來源: http://hk.apple.nextmedia.com/entertainment/art/20170324/19967835
馮仁 仁昭 四圍 方力 力申 愛易
PermaLink: https://articles.zkiz.com/?id=328668

【馮仁昭四圍超】男友似方力申沈月睇戲 戀情曝光

1 : GS(14)@2017-04-29 23:24:42

【並肩而行】■沈月噚日戴住cap帽、口罩,同男友並肩行商場。





現年48歲嘅邱淑貞(豆斗)99年嫁畀時裝集團I.T掌舵人沈嘉偉,婚後生咗3個寶貝女,15歲大女沈月索爆娛圈,生得同靚媽餅印一樣。亭亭玉立嘅沈月好有潛質加入娛樂圈,佢出親嚟都型格十足,堪稱至索星二代。沈月嘅感情事當然都係焦點,噚日下晝5點幾,着咗外套戴黑色cap帽嘅沈月,一反過往,竟然戴住口罩現身狗仔隊行咇熱點中環ifc,身邊唔見跟得媽咪豆斗,換咗係一個年紀相若、貌似方力申嘅男生,情竇初開嘅沈月終於被影到有仔埋身,戀情曝光。



方力申 資料圖片

【孖住睇戲】■兩人撇唔甩記者,最後折返戲院取票。

■沈月遺傳咗媽咪邱淑貞嘅靚樣。互聯網圖片


商場遊花園

沈月先入咗超市買嘢,「嫩版方力申」乖乖企門口等,沈月火速買完,出嚟會合男伴。兩人下一站去咗戲院,佢哋同戲院職員傾咗一輪,唔知問路定問場次,平日對鏡頭超級敏感嘅沈月,立即發現自己成為追訪目標,即時同嫩版方力申帶記者喺商場遊花園,沈月醒目借嫩版方力申避鏡頭,男方表現大方,莫非想乘機封沈月盤?沈月孖住嫩版方力申撇唔甩記者,最後折返戲院取票,再匆匆入咗戲院,隔咗5分鐘左右,戲院職員話佢哋走咗。自細俾記者追訪慣嘅沈月,突然咁鬼祟避傳媒,唔通瞞住媽咪去拍拖?撰文:馮仁昭



難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170428/20003874
馮仁 仁昭 四圍 男友 似方 方力 力申 申沈 沈月 月睇 睇戲 戀情 曝光
PermaLink: https://articles.zkiz.com/?id=331845

【馮仁昭四圍超】方力申同碧咸食飯示愛

1 : GS(14)@2017-05-13 02:04:17

方力申(左一)日前喺上海出席上海Club活動,其間遇見偶像、英格蘭前國腳碧咸(右二),佢話最開心係可以同偶像同枱食飯,仲話自己身上嘅Kent& Curwen上衣,碧咸都有試着過,佢喺Ig留言話:「OMG,這衣服我永遠不洗啦!」。小方仲好搞笑咁同碧咸發表「愛的宣言」,直言「曾經也是運動員,體會到訓練和比賽的辛酸。」撰文:馮仁昭




來源: http://hk.apple.nextmedia.com/entertainment/art/20170511/20017205
馮仁 仁昭 四圍 方力 力申 申同 碧鹹 食飯 示愛
PermaLink: https://articles.zkiz.com/?id=332744

方力申節食助災民

1 : GS(14)@2017-06-10 12:40:57

方力申、曾俊華及吳安儀等昨在西九龍出席籌款活動,呼籲關注東非糧食危機問題,小方表示為響應活動不吃午餐:「睇到災民好無助,覺得好慘,就好似最近發現有個年輕朋友患咗絕症,但對方好勇敢面對同生活,自己都有感而發。」談到舊愛鄧麗欣早前舊患復發,頸椎和肩胛肌發炎,小方說:「都有留意,保養吓啦!」問到會否提供紓緩方法?小方即說:「拉筋,又要呼籲吓,夏天就到,大家想線條好就要節食,食清淡啲,啲飯錢捐出嚟。」採訪:羅慧敏攝影:仇志德




來源: http://hk.apple.nextmedia.com/entertainment/art/20170606/20045464
方力 力申 節食 災民
PermaLink: https://articles.zkiz.com/?id=334739

【馮仁昭四圍超】方力申呻拍拖好難

1 : GS(14)@2017-08-04 06:36:03

方力申早前擔任ViuTV節目《約咗傅家俊》嘉賓,兩人識咗十幾年,小方話幾年冇打桌球,連出鏡球棍都係問朋友借,因傅家俊拒絕借出球棍,佢更自爆有「一度波」稱號,因為多數得分都只限一度。講到感情生活,佢話因曾經拍拖十年,畀人太認真或一拍拖就想結婚感覺,嚇怕唔少女仔,雖然有人勸佢「拍散拖」,但自己係認真嘅人,加上工作忙,所以好難開始新戀情。撰文:馮仁昭




來源: http://hk.apple.nextmedia.com/entertainment/art/20170804/20110722
馮仁 仁昭 四圍 方力 力申 申呻 拍拖 好難
PermaLink: https://articles.zkiz.com/?id=339640

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019