買樓用嚟教仔 方卓如
1 :
GS(14)@2017-02-11 23:47:282017-02-13 HJ
「方帥，恭喜發財，祝你今年精神爽利，早啲搵番主好人家埋街食井水，唔好再幾十歲仲要人哋派利是畀你。」
「草蜢仔，我上年準備好嘅利是，今年都仲响櫃桶度，攞番出嚟又派得。只要利是長期keep住廿蚊公價，睇怕我仲有幾年唔使去銀行換新銀紙。」
「過完年你應該好唔得閒喎方帥，有乜大計？」
「大計？見步行步啦梗係，世界唔到你點去計。呢幾年住喺香港好似特別令人心煩，淨係冇個幫你畀到首期嘅老豆，冇父幹，已經令好多後生仔好煩，唔好講話邊個做特首，香港將來點搞。
有債在身冇議價能力
「其實，多啲留意世界事情，甚至毋須出外走走， 都可以令你紓緩心情，唔會俾啲小事頂心頂肺。例如特朗普要通過最高法院大法官提名，見共和黨唔夠60票，諗住叫參議院領袖改議事規則，降低到50票搞掂；要通過官員任命，必須要有個民主黨人參與委員會表決，避免民主黨人杯葛阻礙提名，改例，共和黨人自己搞掂算數；署理司法部長阻頭阻勢？炒，換個聽話嘅，搞掂。美國係民主社會嘅典範，都正在步向唔要受民主束縛嘅方向。你生存喺極權社會下最自由嘅城市，諗諗吓你應該開心番晒，因為你享受緊本來應該冇嘅嘢之同時，地球另一邊有啲人本來享受緊嘅嘢正在慢慢消失。」
「美國咁遠關我鬼事，但係冇父幹又的確幾煩， 睇怕我都冇機會上車買樓。」
「草蜢仔，我都知你只係睇錢份上，其他生活質素嘅嘢都唔會點理，正正係一個順民嘅最佳條件。有乜嘢好過全部人乖乖地上班下班，搵錢供樓？有債在身嘅人，最冇議價能力，最冇野心，亦唔敢有夢想。你老豆嗰輩冇人講夢想，只係講搵食。而家豐衣足食年代，要呢一輩人營役，惟有要佢孭一層樓，否則個個後生仔只會諗自己想做乜，日日匿响屋企打機都可以係發掘未來事業路向，所以連家長亦唔介意出首期，用子女個名買樓，等佢哋搵錢供樓。買樓嘅剛性需求，除咗係住或者投資，近期仲有教仔功能。」
「嘩，方帥，點解我冇個咁嘅老豆教吓我？」
#方卓如 #港股分析 #方如玉帥 - 買樓用嚟教仔
麥家琪教仔性知識
1 :
GS(14)@2017-03-04 00:34:48麥家琪、王敏奕（Venus）和馬志威前晚在旺角為《初戀日記：賤男蜜擾》謝票，家琪曾經行性感，透露9歲兒子看過她以前的作品：「佢問做乜以前咁sexy，我話我靚，冇辦法啦，佢就叫我唔好再露！」細女亦吩咐她以後不可穿短裙。家琪又自爆向兒子灌輸性知識：「?家小朋友好早熟，太多嘢可以喺網上睇到，要幫佢打定個底，等佢知乜係愛，乜係性。」
■王敏奕指馬志威在新片中表現猴擒。
Venus指馬志威在片中想「擒」她，現實生活她未遇過猴擒男，更指男友曾國祥好斯文：「我鍾意嘅男仔都會好尊重女仔，大家相處好斯文。」採訪：張俊銘攝影：陳慧安
來源:
http://hk.apple.nextmedia.com/entertainment/art/20170303/19945324
Kelly教仔：同性戀唔使㩒住
1 :
GS(14)@2017-03-05 09:34:47陳慧琳（Kelly）昨在銅鑼灣出席二手衫慈善義賣，由她捐出的過百對鞋、過千件衣服，還有手袋、飾物、兩個兒子蝦餃仔和小龍包的衣服和玩具，展期由今天開始為期三星期，收益將捐去陳慧琳兒童助學基金。問Kelly有否瞞住兒子捐他們的玩具？她笑說：「所以我唔畀佢哋嚟！」
■Kelly將兒子的衣服也捐出，更即場聞一聞。
另外，對於迪士尼真人版電影《美女與野獸》（Beauty and the Beast）加插同性戀情節，Kelly表示會先看一次，過濾後才帶兒子看，她說：「大啲要解釋畀佢哋聽，人係有呢個取向，我唔會抗拒話畀小朋友聽，就算係同性戀都唔使㩒住『我係鍾意異性』，唔好覺得自己做錯事。」採訪：黃曉妍攝影：陳俊強
來源:
http://hk.apple.nextmedia.com/entertainment/art/20170305/19948014
碧咸教仔咖啡店打工時薪26蚊14歲Romeo洗杯領略價值觀
1 :
GS(14)@2017-03-22 00:47:24■碧咸要二仔Romeo去咖啡店打工，體驗辛苦賺錢滋味。
英國萬人迷碧咸（David Beckham）與妻子Victoria身家豐厚，兩人合共財產超過5億英鎊（約48億港元），比英女皇更富有。雖然四子女可謂「打跛腳都唔使憂」，不過碧咸夫婦為向仔女灌輸正確的價值觀，安排兒子打工，讓他們體驗到辛苦賺錢的滋味。繼大仔Brooklyn於2014年曾經在倫敦一間咖啡店工作，近日就輪到14歲二仔Romeo到同一間咖啡店打工。
哈七踩滑板代步
據英國《每日郵報》報道，曾任品牌Burberry模特兒的Romeo，近日就效法哥哥Brooklyn去咖啡店兼職。據悉Romeo的工作範圍包括洗杯，而時薪為2.73英鎊（約26.3港元），低於法定18歲以下人士的4.05英鎊（約39.04港元）時薪，與他做模特兒時的45,000英鎊（約43萬港元）酬勞相比，Romeo需要工作16,483小時，才可以賺到同樣薪酬。
■大仔Brooklyn於2014年曾經在同一間咖啡店工作。
■碧咸忙裏偷閒伏在凳上午睡。
除了在咖啡店兼職外，Romeo閒時亦有上網球班，更曾獲英國網球手梅禮（Andy Murray）親自教授，發展相當多元化。碧咸一家雖然貴為名門，但他們打發星期日的節目與平常人無異。Romeo日前趁不用打工，與妹妹哈七（Harper Seven）、媽咪及愛犬Olive去散步，哈七踩住心愛的粉紅滑板車外出。當Victoria去咖啡店買飲品時，店員將她在組合Spice Girls時期的花名「Posh」寫在杯上，令Victoria亦忍不住在Instagram上載照片懷舊一番。至於碧咸就忙裏偷閒伏於凳上午睡，被Victoria偷拍下放上網。撰文：泰米
■哈七與媽咪及二哥去散步時踩滑板代步。
哈七
來源:
http://hk.apple.nextmedia.com/entertainment/art/20170321/19964481
「何柱國幫我教仔」
1 :
GS(14)@2017-04-14 11:12:50■劉鳴煒（右）與父親關係好轉，多得世叔伯何柱國（左）做橋樑。資料圖片
鄭裕彤是大劉的良師益友，而全國政協常委何柱國與大劉年紀相若，在同輩中被大劉視為好重要的朋友，大劉謂：「佢好關心我，對我影響好深，當我自己人，有乜嘢事出言勸我。有時我臭脾氣硬頸同臭檔，佢成日為我好，以我出發點畀意見我、提醒我，做嘢唔好衝衝動動。」大劉一向重視栽培長子劉鳴煒，但早年父子關係多磨擦，何柱國作為劉鳴煒的世叔伯，幫大劉擔當橋樑角色，令大劉與兒子的關係改善不少：「最緊要係我個仔大部份時間都唔聽我意見，佢（何柱國）講嘢影響我個仔好大，而我個仔大部份都聽佢講，幫我教仔，令我個仔唔係成日硬頸、唔聽話，早啲成熟，同我關係慢慢改善咗好多，所以佢係我一個好重要朋友。」採訪：陳月媚
來源:
http://hk.apple.nextmedia.com/entertainment/art/20170414/19989676
黃浩然︰教仔難過做戲
1 :
GS(14)@2018-01-29 04:02:13https://skypost.ulifestyle.com.h ... E%E5%81%9A%E6%88%B2
過去的兩年，黃浩然因病減產，由高峰期一年五劇到去年只有兩劇登場，現正播映的《平安谷之詭谷傳說》也是他經歷身心轉折後的演出。一個工作狂停下來為身體和家人着想，得到了工作與生活上的平衡，多享受親子時光，不過他坦言仍未習慣新步調，一切尚在摸索之中。
舊事重提，黃浩然在2014年底發現患上罕見的「貝賽特症」，病是一個警號，減少工作量，回復身心正軌才能找點健康、保住事業。「病的時候在TVB已做了八年，很多角色做過了，亦『掹車邊』做過男主角，但一直拍一路衝，沒時間沉澱、沒input，東西都用盡了。演員很辛苦才能在觀眾心目中建立分數，這樣下去，成績只會向下滑。」
他回憶時仍語帶無奈，又說︰「在TVB很難再找到有人比我更多工作，劇接劇、劇疊劇，一年260個騷！做的時候不覺，回想才知不合邏輯。甚至不要說增值，只需要有休息、多觀察、多思考，已經很好了。」
跑步鍛練意志
黃浩然有感身體康復，定下今年跑馬拉松的大計。「我本身很喜歡跑步，它是一件很正向的事，能鍛練意志，加上朋友們如陳山聰、冼灝英等都跑馬拉松，我2018年也做這件事，先跑半馬，再跑全馬。」
回想過去的幾個月，黃浩然能做到Work-life balance，「11月和孩子去旅行，然後拍了個旅遊特輯；聖誕節全家去滑雪，一月的工作已排滿。好開心過年在港可約親友拜年，其他事情過了農曆年再算。」他說最理想的生活模式，是用幾個月開工，然後休息一兩個月，跟兩個仔同步放假。「其實只要有計劃、有決心就得，好友陳小春就正正是這樣。」
平衡生活的最大目的，當然是多陪伴家人，不過他坦言仍在適應當中︰「有時在家太久會唔習慣、唔Enjoy、很易發脾氣。演戲對我來說才實在，其他工作如廣告、Event不能令我滿足。相信我仍在摸索中，有些東西要克服。」
需要黃浩然克服的，不止是新的工作與生活模式，還有現實中作為「爸爸」的角色。「最開心是漫無目的地玩，一係畀他們亂跑放電，一係三父子捉來捉去，其實我覺得幾無聊，但大家都很開心。」多了時間和兩個仔相處雖有好玩的時候，但面對剛升小一的大兒子，他則嘆辛苦︰「本來報了國際學校，但卻派到傳統名校，他又喜歡那學校，便讓他試試。不過，學習對小朋友來說，很易變苦差，如何令背默變得有趣？如何令溫習好玩過睇電視、玩iPad？如何督促孩子而自己又不勞氣？總之，我和太太都不催谷他，底綫是順利升班就可以了。」
流露嚴父一面
他自言是個嚴父︰「在兩個仔心目中，我是惡的，很怕我陪他們做功課。可能我跟了我爸爸那套舊派作風，很嚴，有甚麼不對會罵，我太太也說我不自覺流露嚴肅一面。不過父親是孩子的Model，我也要小心自己言行，不要嚇怕他們，現在的小孩子唔鬧得！」
他指為人父母就是不斷學習和適應，「每一次做父母都是新手，因為每個孩子的性格都不同，然後隨年齡漸長又會變化。就算我大仔四歲時，行為表現和現在四歲的細仔也不同。」最後他半開玩笑說，教仔難過做戲。
新劇做夾心人
《平安谷之詭谷傳說》是監製陳耀全和黃浩然的第五次合作，「他每次開劇都好Heavy，《師傅，明白了》很有信息，《愛我請留言》中我的角色背負包袱，今次算是輕鬆了，雖然我是夾心人，夾在封建的父親和洋化的太太之間，但父子、夫妻相處不失喜感。」他特別喜歡劇中和劉老師劉江的一段父子情。
「這個劇好多群戲、大場面，演村民的都是演員而非臨記，在現場要兼顧很多方面，要看大家反應、做法、導演指示，然後自己再回應，幾好玩，亦是頗大挑戰。」黃浩然又笑言，本劇雖是女人戲，但那些女人的事端都因他而起︰「好忙，要應付班女人，又要安撫阿爹，所有嘢都關我事，好多場口都有我份。」
髮型︰Dy
Styling︰KakA
Next Page