ZKIZ Archives


中聯辦「攬錯人」最大責任

1 : GS(14)@2016-10-13 08:02:40

【特稿】今屆立法會主席選舉搞出大混亂,歸根究柢是中聯辦失職,要建制派力撐梁君彥做立會主席,但事前又忽略梁擁有英國籍可能引發的政治風波,令梁及建制派亦難理直氣壯反擊。有民主派人士估計,當中或涉經民聯與中聯辦有政治交易。


或涉與經民聯政治交易


有民主派中人指,今次立會選主席引發政治風波,罪魁禍首正是中聯辦,「唔係得梁君彥一個可以做(主席),謝偉俊、田北辰兩個都想做,佢哋都係建制派、又係直選議員,一定冇外國國籍,能力又唔會差過梁君彥,但西環夾硬要撐梁君彥」。該民主派人士估計,中聯辦明知梁有英國籍,無理由不知支持他做立會主席,必定會被民主派議員攻擊其國籍問題,演變成政治風波,中聯辦仍堅持撐梁,當中或涉與經民聯政治交易,「可能答應(中聯辦)日後強硬剪布、又或者答應日後完全受西環控制、配合梁振英打壓民主派,甚至支持梁振英連任」。曾有意角逐立法會主席、其後退選的謝偉俊被問到中聯辦是否「攬錯人」、錯誤支持梁君彥做立會主席時,未有正面回應,只說今次事件是不必要的風波,至於中聯辦是否要對事件負責,謝不想評論,「呢個唔係單一單位決定,我相信係建制派議員集體決定,係啱定錯,大家需要負責」,若建制支持他選主席是否更好?謝只說:「我唔評論,呢個係我哋集體決定。」■記者莫劍弦




來源: http://hk.apple.nextmedia.com/news/art/20161013/19799471
中聯辦 中聯 攬錯 錯人 最大 責任
PermaLink: https://articles.zkiz.com/?id=311761


ZKIZ Archives @ 2019