ZKIZ Archives


中環在線:黃偉常拉埋彤叔北上 李華華


2009-01-29  AppleDaily


 

俗 語話同行如敵國,之不過,世界上沒有永遠嘅敵人,自從03年CEPA落實後,幾間香江品牌嘅珠寶金飾公司揼本到大陸插旗,加埋開咗過千間零售店,有份飲頭 啖湯嘅六福集團(590)CEO黃偉常話,其實行內競爭對手都係好朋友,平時佢一搵到靚舖位,會叫埋彤叔嘅周大福,同埋周生生等行家,一齊開喺隔籬左右, 帶旺人流,實行齊齊北上搵真銀。今年香江零售業境況係好係壞冇人知,無論神州能否「保八」,話晒都叫做有增長啦,所以黃偉常話未來一年唔會改變大陸開店步 伐,每年差唔多開10間自營店,相信祖國可以容納上千間六福o忝(舊年9月底有384間零售店)﹗

六福CEO後繼有人

另外,黃偉常位公子黃浩龍,同埋千金黃蘭詩喺六福都打滾咗幾年,終於喺舊年「開學日」獲委任為執行董事,阿爸話希望啲仔女可以乜嘢都學吓,不過佢本人就冇諗住因為後繼有人而退休,打算學到老做到老喎!
中環 在線 黃偉 常拉 拉埋 埋彤 彤叔 北上 華華
PermaLink: https://articles.zkiz.com/?id=5561

中環在線:TOM拉埋阿媽搞NBA網 李華華


2009-04-28  AppleDaily





 

TOM 集團(2383)同NBA(美國職業籃球)日前重新推出NBA.com/HongKong網站,等香港球迷可以上網睇直播。TOM仔首席執行官楊國猛同 NBA中國首席執行官Tim陳永正話,雙方其實舊年10月已經行埋,喺中港台三地營運3個NBA官方網,o依家因應手機上網潮流,實行搞埋手機互聯網一體 化。今次係用埋TOM仔阿媽和黃(013)個3香港平台,24小時以唔同終端無間updateNBA最新消息,仲可以玩遊戲同球星互動。商機有幾 大?

Tim話香港九成人口知道NBA係乜,當中76%仲話係粉絲,猛哥就補充,香港有二、三百萬年輕人,3香港有過百萬3G用戶,要培育100萬粉絲唔 難,希望當中一半會用佢哋個網站。中國為推廣籃球,更落力到喺每條村外面起個籃球場,畀小朋友強身健體之餘兼發掘吓明日之星,唔知特區政府會唔會做啲嘢, 培育番個香港小姚明為港爭光呢?



中環 在線 TOM 拉埋 阿媽 NBA 華華
PermaLink: https://articles.zkiz.com/?id=7660

英雄哥拒拉埋天窗 陳淑莊甩拖另有原因

1 : GS(14)@2010-11-06 15:33:53

http://www.eastweek.com.hk/index.php?aid=9229

陳淑莊同尖沙咀京菜館仙宮樓老細叢鐵飛(綽號「英雄哥」)拍拖八年,英雄與美人(在芸芸女議員中,算唔錯啦)本是絕配,奈何情海多變,世事無常,上周傳來消息話兩人已平靜地分手,回復自由身,一段情緣畫上句號。
陳淑莊與英雄哥(右圖)平靜分手,表面泰然,卻難掩內心黯然。她說分手原因是工作太忙,這並非故事的全部。

莊姐被記者追問,笑笑口證實此事,全冇沮喪神色。佢話甩拖皆因自己太忙,開會由朝到晚,禮拜六日又要出席居民大會、地區活動,就算抽到時間食餐飯,都要不停手覆電郵、回電話,講唔到幾句嘢,咁樣拍拖好難有情趣,但食得鹹魚抵得渴,議員生涯就係咁,惟有忍痛斬纜。
對英雄哥為人,莊姐評價十分正面,話佢好人到極,對自己無微不至,一直默默在背後支持,所以大家分手仍是好友,以後會繼續來往。
莊姐這個版本都有幾分真實,但並非故事的全部,一位同佢熟絡嘅人士,向小弟透露箇中另一原因,值得向各位補充。
該位人士指,兩人今次分手早在五、六月時開始醞釀,到八月間協議分手,為免畀人大做文章,大家「夾」過統一口徑,話做議員工作忙,相處時間少,所以感情轉淡,冇第三者亦冇其他問題。實情係:莊姐覺得大家已拍咗八年拖,自己年紀亦唔細(今年三十九歲啦),繼續「拖」落去始終唔踏實,所以提出不如正式拉埋天窗,給女孩子一個「家」。但英雄哥講到婚姻大事,就十分猶豫,好唔想從此被困,莊姐知道情花冇希望結果,冇名冇份拖落去都唔係辦法,不如各行各路算了。

為人好玩 唔想從此被困為何英雄哥抗拒結婚?知情人士分析,佢老哥接老竇間京菜館經營二十幾年,在娛樂圈中交遊廣闊,同唔少大明星稔熟玩埋一齊,而他性格豪邁,為人好玩,經常在菜館甚至屋企共敍把酒共歡,有時亦會去楊其龍的 dragon-i之類蒲點蒲吓,如果同莊姐結婚再度成家立室,呢種生活方式好難繼續,都仲係做番孤家寡人好啲,可能基於呢個顧慮,英雄哥最後對莊姐之提議婉而拒之。
英雄哥結過婚,早與太太離異,個仔都廿幾歲,或者曾經滄海難為水,唔想重複不快經歷,所以對結婚有保留。對莊姐嚟講,女仔到呢個年紀想settle,亦是人之常情,奈何對方另有想法,冇計啦!
雖然感情遇挫折,莊姐近日未見低沉,依然忙到隻狗咁埋首議員工作,睇嚟唔算係重傷。佢私下同好友講,暫時放下心情,唔想即刻搵另一男友替代,反正緣去緣來,緣份要嚟就嚟,毋須強求。
人生如戲,戲如人生,想不到愛做戲的陳淑莊,在現實中成為「情變」的主角。
2 : 龍生(798)@2010-11-07 15:04:59

狠角色!
坐艇8年, 毅然止蝕!
英雄 哥拒 拒拉 拉埋 天窗 陳淑 淑莊 莊甩 甩拖 另有 原因
PermaLink: https://articles.zkiz.com/?id=271448

嘉玲想拉埋偉仔行山

1 : GS(14)@2015-03-05 19:26:46





劉嘉玲昨晚在灣仔出席「國際珠寶設計大獎頒獎禮」,擔任評判的嘉玲表示,個人評審準則是簡單與誠意。問嘉玲最具紀念價值的珠寶飾物是否結婚戒指?她說:「唔係,係媽咪送嘅手錶,其實唔同階段收都有唔同紀念價值。」提到最近多次和周潤發結伴行山,嘉玲高興謂:「發哥好照顧人,每次都帶埋番薯香蕉,又叫我哋飲多啲水,行完四個鐘又請我哋食飯,每餐都唔同,好感動,發哥真係好平易近人,見到途人就打招呼,有要求就影相,連山上士多老闆,佢都知人姓乜有幾多個仔女,值得人學習。我廿幾年冇坐過小巴,佢話下次帶我坐地鐵。」嘉玲希望下一次行山時梁朝偉可加入。採訪:盧妹攝影:陳俊強





來源: http://hk.apple.nextmedia.com/entertainment/art/20150305/19063646
嘉玲 玲想 想拉 拉埋 埋偉 偉仔 仔行 行山
PermaLink: https://articles.zkiz.com/?id=288229

肯亞徐拉埋Eason減肥錢嘉樂賽車捧唔少盃

1 : GS(14)@2016-11-06 15:49:10

Kary吳雨霏上年同青梅好馬洪立熙(Brian)喺美國結婚, Brian除咗係Kary初戀男友,仲係一位網球王子。娛圈入面,其實都有好多藝人嘅另一半,係出咗名好動嘅運動健將。徐濠縈陳奕迅(Eason)老婆「A餐」徐濠縈,成日被網民指指點點,不過其實呢位陳太好錫老公,除咗自己愛上跑步,獲得成就「肯亞徐」之外,仲成功叫郁老公跑步,改變生活習慣,保持健康,絕對係位滿分嘅太太。錢嘉樂12年娶咗湯盈盈嘅錢嘉樂,係龍虎武師出身,除咗係替身之外,亦係一位賽車手,落場揸跑車比賽都有贏過冠軍。上個月Formula E首次喺香港舉行,錢嘉樂都有份參賽,仲係藝人組嘅冠軍。鄭伊健鄭伊健同蒙嘉慧最鍾意打羽毛球,仲因此定情,成功一路走到底,由波友到男女朋友,甚至結埋婚,佢哋就算係婚後,都仍然好鍾意一齊打波。鄭嘉穎鄭嘉穎由歌手轉型到大台做視帝,原來都係靠打網球減壓,佢小學就已經參加網球暑期班,自此愛上呢項運動。嘉穎喺球場上嘅英姿,就成功吸引到女友陳凱琳,試過獲女方讚佢打網球有型。王浩信喺大台上緊位嘅王浩信,有位靚靚太太陳自瑤YoYo同4歲女。要努力搵錢養家當然要keep住健康。佢日前就同老婆去咗北角買咗部貴價單車,實行踩單車返電視城開工,把握時間做運動。




來源: http://hk.apple.nextmedia.com/entertainment/art/20161106/19824494
肯亞 亞徐 徐拉 拉埋 Eason 減肥 嘉樂 賽車 捧唔 唔少 少盃
PermaLink: https://articles.zkiz.com/?id=314255

9月拉埋天窗朴有天攬富家女放閃

1 : GS(14)@2017-05-18 02:08:27

韓國男團JYJ的30歲成員朴有天,將於今年9月跟年輕三歲的韓國南陽乳業家族的外孫女黃荷娜結婚,立即令一眾粉絲大呼心碎。不過朴有天就愛情至上,目前仍在當兵的他,上周就抽空跟未婚妻見面,二人更不避嫌於公眾場合摸臉及攬攬,大晒恩愛。去年捲入性侵風波的朴有天,目前於首爾江南區廳服役,並將於8月退伍,不過當兵期間他亦不忘拍拖,上周四就跟未婚妻黃荷娜約會。據韓媒《Dispatch》報道,當晚朴有天帶黃荷娜出席跟同事於江南區三成洞舉行的聚會,似是要於婚禮舉行前正式向同事及朋友介紹未婚妻,而黃荷娜現身時更獲在場人士歡呼歡迎。



【甜蜜摸臉】■黃荷娜深情地摸朴有天的臉,表現癡纏。Viu《K1頭條》提供

【依依不捨】■聚會結束後,朴有天親自送未婚妻上車。Viu《K1頭條》提供

■黃荷娜(左)自爆暴肥15磅,引來網民猜測她未婚懷孕。


暴肥疑有餡

可能因為朴有天煙癮起,他跟黃荷娜偶爾於聚會途中離座,去餐廳外進行只有兩人的約會。雖然是公眾場合,不過二人形影不離,黃荷娜更不時擁抱及摸朴有天的臉,朴有天更一邊叼煙一邊攬女方的腰,極為癡纏。聚會結束後,朴有天親自送黃荷娜坐車離開,更一直在車窗前跟未婚妻對話,又不停揮手,非常依依不捨。另外,黃荷娜爆出婚訊後依舊活躍於社交網站,於Instagram狂晒生活照,近期她又頻頻留言自爆短期內暴肥15磅,笑言變得像豬一樣,昨日又公開自己穿鬆身連身裙的短片,因而引來網民猜測她疑是未婚懷孕而急急嫁朴有天。不過黃荷娜未有正面回應奉子成婚的傳聞,昨日留言解釋自己太貪吃,所以體重一直上升。撰文:梁展雯




來源: http://hk.apple.nextmedia.com/entertainment/art/20170516/20022329
月拉 拉埋 天窗 樸有 有天 天攬 富家 女放 放閃
PermaLink: https://articles.zkiz.com/?id=333300

【今日笑一笑】按摩銼甲拉埋筋 星級狗b入定享受

1 : GS(14)@2017-08-06 11:38:40

「做人不如做狗」這句說話,形容片段中的狗狗最貼切不過。狗狗四腳朝天臥在軟綿綿的毛巾上,由專人先為十隻粉嫩肉掌塗上潤膚油,再輕輕按摩,然後銼甲,跟著再以潤膚油輕擦鼻頭,之後再為前肢拉筋按摩,狗狗全情閉上眼動也不動,看似非常享受。
Petlovers




來源: http://hk.apple.nextmedia.com/international/art/20170805/20112491
今日 笑一 一笑 按摩 銼甲 甲拉 拉埋 埋筋 星級 入定 享受
PermaLink: https://articles.zkiz.com/?id=339767

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019