【奉子女神】茵媺三年抱三 最生得
1 :
GS(14)@2016-07-06 08:11:27先結婚後生仔屬中國傳統習俗，不過時移世易，不少港、台女藝人都改為奉子成婚，當中陳茵媺更三年抱三。
JC
去年和安志杰火速撻着的Jessica C.（JC），今年3月於美國誕下愛情結晶品Tessa，兩人將在今年10月補辦婚禮，地點選擇香港或美國，更透露有意再追多個。
陳茵媺
大前年6月跟陳豪遠赴巴黎舉行婚禮，當時陳豪默認老婆奉子成婚。茵媺於同年年底誕下大仔梓燁，去年12月誕次子浩鋒，今年4月再誕細女Camilla，三年抱三。
曾愷玹
當年夥拍周杰倫演出《不能說的秘密》一炮而紅，大前年她突然在微博上宣佈結婚及懷孕的消息。
朱茵
跟黃貫中（Paul）拍拖十年，2012年傳出未婚懷孕三個月，當時Paul默認與朱茵意外懷孕，囡囡叉燒包同年10月出世。
來源:
http://hk.apple.nextmedia.com/entertainment/art/20160706/19682719
愛妻陳豪三年抱三 張繼聰時光倒流都要娶Kay
1 :
GS(14)@2017-01-24 03:00:16黎諾懿前日(21日)就拖住腹大便便嘅老婆李潔瑩，去到中環睇BB床，為呢個雞年BB做好一切準備，愛妻之情表露無遺。而其實圈中亦有唔少出名嘅「愛妻號」藝人。
張繼聰
07年1月20日，張繼聰同謝安琪奉子成婚，當時好多人都話男方襯唔起女方，仲叫佢做謝繼聰，但日前係佢哋結婚十周年，張繼聰就喺fb到再發愛的宣言，留言話：「就算時光倒流幾多次，我都會娶你做老婆。我愛你。」冧死人咩！
陳豪
陳豪同陳茵媺13年結婚，之後三年抱三，誕下梓燁、浩鋒同凱婷，兩仔一女，一家五口好幸福咁生活，陳豪呢個多個公，仲不時咁做埋湊仔公，咁帶埋老婆仔女去行街Shopping。
杜汶澤
阿澤同田蕊妮結婚多年，兩夫婦不斷互相扶持，阿澤患上香港極罕有病症米勒費雪症候群時，阿田對老公不離棄。而阿澤亦大讚老婆，所以周不時都會送啲驚喜俾佢，好似阿田36歲生日時，阿澤就親自下廚，煮九大簋冧老婆同宴請朋友。
胡諾言
胡仔同陳琪結婚多年，婚後先後誕下兩女，但喺14年，陳琪不幸流產，差啲連子宮都要切掉。幸好陳琪之後養好身體，去年成功懷有第三胎，當時記者問陳琪，佢老公係咪錫晒佢，陳琪答得好開心：「梗係啦！我話晒喺屋企都好重㗎。」日前佢哋仲為小王子搞咗個百日宴㖭，認真Sweet爆！
來源:
http://hk.apple.nextmedia.com/entertainment/art/20170123/19906229
極抗拒生B點知五年抱三 劉曉彤認「少少怪獸」
1 :
GS(14)@2017-04-04 08:59:24劉曉彤予人活潑好動形象，於澳洲長大嘅佢，表面好似好open，但內裏卻係另一回事。睇番劉曉彤喺01年嘅一篇舊訪問，佢透露自己18歲嗰年失身，詳情佢冇講太多，只係話當時對方自稱係處子之身，佢自己又係，所以「豬」對「豬」、覺得自己冇蝕底咁話。劉曉彤話自己係無意同對方有將來先獻身，仲話生兒育女對佢嚟講真係怕怕，仲形容到好似患絕症咁。不過，世事如棋，事隔3年，劉曉彤低調嫁畀嚴姓男友，到06年更傳出佢懷孕消息，當時劉曉彤正拍攝大台劇《搜神傳》，但佢都冇同劇組人員透露，只係拒絕咗導演吊威吔嘅要求，導演醒目估到，劉曉彤其後陸續向身邊嘅朋友報喜，只係對外佢保持低調，冇人問就唔公佈。原以為既然劉曉彤講到生仔等如患世紀絕症咁滯，所以生一個就封肚？No喇！佢一係唔生，一生開就話要五年抱三，07年1月誕下長子後，翌年4月再誕下第二胎（係囡囡），揚言09年要唞一唞嘅佢，結果喺3年後再添1女，成功完成佢五年抱三嘅大計。劉曉彤喺13年現身童裝店開幕時，曾表示自己冇乜戲癮，反而好投入做媽媽，自認係少少怪獸家長嘅佢仲話會教小朋友自理能力，要佢哋自己沖涼同執書包等。
來源:
http://hk.apple.nextmedia.com/entertainment/art/20170403/19978782
Next Page