ZKIZ Archives


舒淇中環嘆茶等老公馮德倫慰妻 笑談生B

1 : GS(14)@2016-09-17 17:33:01

■舒淇昨午趁馮德倫未返抵香港時,約友人在中環嘆茶。互聯網圖片



中秋節是人月兩團圓的好日子,對於新婚的馮德倫和舒淇、下月榮升父母的杜德偉和李曉冰(Ice),以及去年5月結婚、最近傳成功造人的黃曉明與Angelababy(楊穎),今年中秋節可謂更加不一樣。



■戴上婚戒(小圖)的馮德倫機場出閘時笑笑口,然後坐車回家。

聞蜜月笑而不答

剛宣佈嫁馮德倫做馮太的舒淇,前日賣甩老公由捷克先返港,昨午趁馮德倫未返抵香港時,更約友人在中環四季酒店嘆茶,並將照片放上Instagram。而昨午近4時趕回來慰妻的馮德倫,到埗時兩手揈揈,發現記者在場雙手插袋,問他是否會減產趕生B?他則笑說:「得㗎喇!得㗎喇!中秋節快樂!」至於是否刻意趕回港陪舒淇過中秋?之後會到哪裏度蜜月?馮德倫笑而不答,問他當日如何求婚?他才開腔:「已經出晒聲明,唔再回應喇。」據知,馮德倫本來直飛愛爾蘭拍好友吳彥祖新劇,惟他與舒淇向來重視節日,加上今年是二人婚後首個中秋節,故決定先返港過節,而他昨日抵港後,跟舒淇一樣坐七人車直駛淺水灣酒店服務式住宅。採訪、攝影:黃曉程、羅德光




來源: http://hk.apple.nextmedia.com/entertainment/art/20160916/19771979
舒淇 中環 嘆茶 茶等 老公 德倫 慰妻 笑談
PermaLink: https://articles.zkiz.com/?id=309381

大陸飯碗緊要鍾漢良鬼祟返台灣慰妻

1 : GS(14)@2016-12-30 02:58:07

來自香港嘅「不老男神」鍾漢良,多年前已被爆佢同台灣嘅造型師謝易樺(Rita)結婚,兼生咗一個女,但佢就一直避談,去年鍾漢良喺泰國同李敏鎬拍攝《賞金獵人》時,就有大陸傳媒就影到佢老婆帶住阿女去咗泰國探班兼同佢慶祝生日。昨日大陸傳媒「全明星探」又再影到鍾漢良飛返台灣,陪愛妻同囡囡做冬。近年鍾漢良都長駐大陸拍戲賺人仔養家。冬至當日,鍾漢良見冇通告,即刻低調飛往台灣,翌日清早就見到素顏鍾太同街坊look嘅鍾漢良現身台灣嘅寓所,仲見到謝易樺親自用鎖匙開門出入。之後鍾太將車泊喺門外嘅停車位,繼而再折返入屋,再捧住一大堆衫,仲拉住一個行李篋,原來呢啲行李都係鍾漢良嘅。未幾「全副武裝」嘅鍾漢良終於出現,戴住cap帽、口罩、長褸,唔知佢係怕凍定係驚人認到。鍾漢良一現身即上車離開,直駛至其位於台灣嘅公司,甫落車就一支箭衝入去,由得妻子一個人將行李攞入公司,但之後兩公婆都係一齊走嘅。平安夜當日,鍾漢良就要飛返大陸工作,未能陪伴妻女過聖誕。搵食艱難…




來源: http://hk.apple.nextmedia.com/entertainment/art/20161229/19880328
大陸 飯碗 緊要 鍾漢 漢良 鬼祟 返臺 臺灣 灣慰 慰妻
PermaLink: https://articles.zkiz.com/?id=320515


ZKIZ Archives @ 2019