ZKIZ Archives


【洛杉磯直擊】萬聖節唔想撞衫?今年最好唔好扮小丑女!

1 : GS(14)@2016-10-20 08:05:31

「Ha!Ha!Halloween, we are waiting for your scream!」喂喂喂又到10月,一年一度哈囉喂又黎喇!唔少人都開始籌備到底萬聖節今年扮咩好,《蘋果》記者今日走訪一家美國萬聖節服裝專賣店,睇下今年最興咩服飾!駐洛杉磯記者:張紫茵、陳志豪記者到訪位於蒙特貝洛(Montebello)的萬聖節服飾店,各式各樣服飾、假髮、配件一應俱全,要扮公主,有!要扮Minions,又有!想做任何超級英雄、卡通人物、神魔鬼怪、女神勇士,總之你講得出都有。要數到美國今年最熱賣的,一定是《自殺特攻:超能暴隊》(Suicide Squad)的小丑女(Harley Quiin)!店員表示,儘管已經大量入貨,但小丑女的假髮很快賣晒,補貨又再賣清!服裝方面雖然有兩款,但大碼及加大碼都已經賣完了,中碼亦只有一兩套。男士當然要襯返,所以戲內角色小丑(Joker)服飾亦都勁受歡迎。13歲美少女Ashley接受訪問時表示,她今年要扮小丑女,因為好喜歡這個角色,已經在另一家店買好上衣,只欠短短的熱褲就搞掂;而她的朋友今年都是扮小丑女,所以到萬聖節就會好似有成隊小丑女!她媽媽表示,小時候Ashley都是扮公主的,如今長大了就會扮一些電影角色。成人組今年由小丑女最受歡迎,而兒童組方面,今年荷里活卻缺乏爆紅動畫之作。根據店員表示,小朋友最潮的打扮爆冷,竟是可愛到爆小恐龍!記者發現店內有很多購買恐龍裝的小朋友;爸爸Jack就帶兩位女兒來到買小恐龍衫,他表示唔知道原來而家最HIT的就是小恐龍,只是因為女兒喜歡小恐龍,也很喜歡顏色配搭;鏡頭背後小女兒亦都對恐龍衫超喜歡,超興奮!萬聖節當天若一大群小朋友都扮小恐龍,可愛指數十顆星!不過,小朋友其實穿甚麼也一樣很可愛,大人如果又要潮又要威,今年小丑女及小丑咁受歡迎,分分鐘一街都係,如果唔想同人撞衫,建議都係考慮扮第二樣啦!緊貼選情即睇【美國大選】專頁:
http://hk.apple.nextmedia.com/uselection2016




來源: http://hk.apple.nextmedia.com/international/art/20161020/19806873
洛杉磯 直擊 萬聖節 萬聖 唔想 想撞 撞衫 今年 最好 唔好 好扮 扮小 醜女
PermaLink: https://articles.zkiz.com/?id=312870

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019