ZKIZ Archives


古惑佬澳門開騷 小春催伊健生仔

1 : GS(14)@2014-05-14 01:12:19

http://hk.apple.nextmedia.com/entertainment/art/20140512/18716995

                【澳門直擊】鄭伊健、陳小春、謝天華、錢嘉樂及林曉峰五位古惑佬,前晚又合體在澳門舉行「歲月友情演唱會」,今次澳門站與香港站的演出編排大致相同,五位古惑佬以一輪快歌為演唱會展開序幕。

應采兒蒙嘉慧冇現身

                錢嘉樂繼續以鋼琴自彈自唱《同一秒》,太太湯盈盈和囡囡亦有在台下支持,與錢嘉樂同一餅印的Alyssa,戴上headphone兼拍手的模樣認真可愛,錢嘉樂說:「阿囡今次系特登嚟捧場,呢首歌系送俾澳門所有母親,祝大家母親節快樂!」

                                                                                                                        
            ■今次澳門站與香港演出編排大致相同。            ■小春開騷,老婆應采兒自掏腰包買20張飛,以示支持。            ■雖然太太蒙嘉慧未有現身,不過未有影響伊健的演出!


                他們在台上透露為何以澳門作為巡迴演出的第一站,謝天華說:「我哋第一套《古惑仔》系喺澳門氹仔大橋度拍,所以對澳門特別有感情。」因為應采兒要開工的關係,所以未有現身,不過她自掏腰包買20張飛,以示對小春的支持,小春冧爆地說:「我真系好少訂飛,點知佢訂完飛先話自己唔得閒,好彩喺澳門都有朋友!」在旁的錢嘉樂笑說:「而家小春識得關心人,改變咗好多,系非常好嘅改變。」小春聞言後笑而不語。見到小春的身形消瘦,於是問他湊仔是否辛苦?他指一指天華和伊健說:「唔辛苦,好enjoy,系另外一樣嘢,佢哋唔明㗎,快啲拿拿臨返去喇!」因為蒙嘉慧腳傷未癒,所以未有現身,伊健笑說:「佢吞pop呀,見其他人唔嚟咪唔嚟!」
採訪:藍文浩
攝影:陳順禎                                                        
古惑 惑佬 澳門 開騷 小春 催伊 伊健 健生 生仔
PermaLink: https://articles.zkiz.com/?id=284540

古惑佬開戲要夠胸

1 : GS(14)@2016-02-11 10:21:54

古惑佬鄭伊健、陳小春、錢嘉樂、林曉峰和謝天華早前難得合體影賀年相,繼合體開演唱會後,他們有意合體再拍電影,雖然目前仍屬初步構思,不過他們已經滿肚密圈,由戲名、角色到女角cup數都要求多多。身為導演的錢嘉樂答應出埠拍外景後,伊健要求有動作戲、曉峰要有感情線、謝天華要有多些女角,嘉樂說:「講到女主角,好重要呀,我哋五個都有返咁上下級數,梗係要搵返咁上下cup數嘅女主角襯返啦!但係伊健好似唔鍾意大cup數喎!」伊健立即拉開話題:「我想反串呀!」最後又再討論故事內容和戲名,結果當然是繼續吹水。撰文:張悅





來源: http://hk.apple.nextmedia.com/entertainment/art/20160211/19486109
古惑 惑佬 開戲 要夠 夠胸
PermaLink: https://articles.zkiz.com/?id=295835

古惑佬李兆基中風:我冇環境冇入息

1 : GS(14)@2017-02-12 15:50:23

2017-02-12 NM

現年61歲的李兆基,15年出席過娛圈惡人之一何家駒喪禮後,再冇公開露面;結過婚又有紅顏知已並曾在大埔擁有物業,但老來一個人生活的他,兩年前輕微中風,要靠枴杖走動。年輕時吸毒坐監,做過社團刀手,在娛圈風光時,開電影公司並監製一系列票房大賣的《古惑仔》電影,失去工作能力後,李兆基自言是靠江湖兄弟接濟。「我冇環境,冇入息。」何家駒大傻都唔惡

九十年代江湖片盛行一時,後因盜版猖獗令電影市場萎縮,擅演江湖人角色的李兆基,食住《古惑仔》中「吹水基」一角,孖住「大咪」何家駒到內地登台賺生活費。不過,隨着好拍檔離世和自己行動不便,已經停工兩年多。滿面風霜,面上留有疤痕的李兆基一個人撐住枴杖在九龍城一間茶餐廳醫肚,記者上前訪問,他口齒不清地說自己兩年前曾中風。大部分時間獨來獨往的李兆基,憶起故友何家駒,有感而發。「佢份人冇所謂,真係好好,我以前成日同佢一齊登台。有次返大陸登台,嗰度冇嘢好食,佢叫咗碗即食麵,等咗好耐都冇時間食,佢話唔緊要,飲碗湯都好嘅,好好笑。其實佢同大傻都唔惡,不過要走就走,冇辦法。」

拒聯絡娛樂圈人

入娛圈前,十幾歲開始加入社團的李兆基食白粉,多次出入監獄,被家人遺棄的他試過在電錶房毒癮發作,凍到要套麻包袋取暖,生活潦倒。七七年,在母親幫助下靠信仰走回正軌,因為熟悉古惑仔題材,在電影中演繹惡人「吹水基」而成名,對於古惑仔電影的四大惡人,走剩自己跟吳志雄,他自言睇得好開。「有邊個唔使走(死),秦始皇都要走。」是虔誠基督徒,但李兆基說話,仍帶點江湖味。

張文慈經理人

人在人情在,當年跟人稱志雄哥的吳志雄,一齊開電影公司搞電影做顧問,好景時,甚至做過張文慈經理人。如今與舊拍檔再無聯絡,「佢(吳志雄)周身唔得閒!」事實是,自從病後,李兆基便逐漸拒跟娛圈人來往。「我冇搵過娛樂圈啲朋友,去搵人,人哋以為我同佢哋借錢,冇好帶挈。以前做監製關照過好多人,而家冇晒能力,你搵人哋做咩?不過佢哋唔係咁(反應)就唔正常。「由?仔出嚟做嘢咁多年,咩嘢未見過,同你幾friend都反骨,而家自己都冇作用,人哋睬我都傻!可能我係古惑仔出身,娛樂圈啲人都當我係古惑仔,依家搵我食飯,俾錢我都係班古惑仔(社團舊兄弟)。」

陳慎芝俾錢使

問李兆基有冇結婚,他避重就輕說:「有。」他隨即轉話題。在娛圈也曾風光一時,到頭來,李兆基依然無依靠。「我依家冇環境冇入息,你去搵人唔知你想賒定借,年紀大咩都睇得好開,所以聽到啲人話搵到好多錢,我一啲都唔恨。」李兆基說。於九十年代初,為李兆基鋪路入電視台工作的陳慎芝表示有在經濟方面支持他。「我新年前見過佢(李兆基),有俾錢佢使,我對佢係又愛又恨,以前咁巴閉,你話佢啲錢去咗邊?」陳慎芝說。

「慈雲山十三太保」最狠打手

外號「高飛」的李兆基,出身草根,在慈雲山公屋長大。十幾歲與陳慎芝等童黨終日打交、收?,得到「慈雲山十三太保」的稱號。當年,陳慎芝是大佬,而李兆基則是最狠的打手,被其時香港最大的黑幫「14K」吸納,靠收保護費維生,終日為爭地盤打打殺殺,後來李兆基更染上毒癮,由江湖大佬變成喪家犬。76年,李父突然逝世,但他無面目見家人,未有出席喪禮。李兆基講見證時憶述︰「家人還在殯儀館等我……我沒有去……那個時間最痛苦,跑上天台想跳下來,卻沒勇氣。」77年,因盜竊再入獄,李母不離不棄,為他找牧師,勸他福音戒毒,想不到,這個牧師正是當年的大佬陳慎芝。李兆基成功戒毒後,離開黑道,轉投娛樂圈發展。

星爺御用笑匠

八十年代,成功戒毒的李兆基,被《監獄風雲》導演林嶺東邀請拍電影,進身影壇,拍過四十多部電影,代表作是《古惑仔》的「吹水基」,亦因此多了「基哥」的稱號。李兆基亦拍過不少周星馳電影,包括《食神》、《算死草》及《行運一條龍》,講惡、搞笑都得。之後與吳志雄成立了江湖人電影公司,開始擔任電影監製,題材多與黑社會有關,其中電影《黑獄斷腸歌》中兩首獄歌,就是出自李兆基之手。讀書不多的他,試過花半年時間寫鬼古出書,但最終作品未能完成。94年李兆基簽約無綫,拍劇集《烈火狂奔》,99年至2010年間,也曾為亞視拍過幾部電視劇,包括《縱橫四海》、《影城大亨》等。

惡人買少見少

李兆基跟長得惡形惡相的黃光亮、何家駒、成奎安、吳志雄合作電影《監獄風雲》後,並列「影圈五大惡煞」,是黑幫電影不可缺少的人物;成奎安及何家駒先後離世,圈中「惡人」買少見少。

何家駒《監獄風雲》中做「大咪」的何家駒,後期轉做幕後,偶會到內地登台,一直受糖尿病困擾的他,15年1月因肺炎併發症致器官衰竭病逝。

成奎安「大傻」成奎安是西貢南圍地膽,其實,經常為圈中友尋找失車,09年因鼻咽癌逝世,終年54歲。

黃光亮在《監獄風雲》做老大「傻標」的黃光亮,九十年代中已淡出影圈,先後在深圳、東莞經營木材生意,又開設日本冰鮮食品批發公司「優質堂」俾老婆打理。近年簽大台拍劇,在王祖藍的「老表」系列改邪歸正。

吳志雄入行前曾是江湖人的志雄哥,在《古惑仔》系列的「大佬B」形象深入民心,十多年前由「揸刀」變成揸咪,走勻珠三角登台唱歌,成功翻身賺大桶金,在國內開西餐廳做得有聲有色,分店愈開愈多,近年搞埋健康湯包。

撰文、攝影、攝錄:娛樂組
古惑 惑佬 李兆基 中風 我冇 環境 冇入 入息
PermaLink: https://articles.zkiz.com/?id=326606


ZKIZ Archives @ 2019