ZKIZ Archives


【馮仁昭四圍超】黃心穎自嘲粗獷

1 : GS(14)@2016-10-28 06:24:23

屋企四姊妹當中排最細嘅黃心穎,同三個家姐感情好好,最近四姊妹幫服裝品牌代言「迷你兵團GO Bananas」系列。心穎話:「就好似套迷你兵團一樣,每個人有唔同性格,我覺得自己擁有迷你兵團其中一個主角嘅性格,百厭反叛,經常嘻嘻哈哈,有啲粗獷,又好『男仔頭』,同《學是學非》嘅我差唔多。」心穎話佢細個喺加拿大讀書,試過將全屋嘅被鋪喺樓梯上當滑梯玩。撰文:馮仁昭




來源: http://hk.apple.nextmedia.com/entertainment/art/20161028/19814242
馮仁 仁昭 四圍 黃心 心穎 自嘲 粗獷
PermaLink: https://articles.zkiz.com/?id=313857

拒接受姊弟戀黃心穎落閘 唔吼坤哥

1 : GS(14)@2016-11-20 23:52:10

黃心穎、蘇麗珊和吳業坤前晚在荃灣一商場主持聖誕燈飾亮燈儀式。在台上黃心穎開金口獻唱,她接受訪問時指這次並非首次公開演出,第一次是出席公司annual dinner時獻唱,她說:「我由細到大都鍾意唱歌,近排公司翻錄一啲經典金曲,所以有機會唱王菲同Sammi(鄭秀文)啲歌。」她笑言有跟老師學唱歌,但自知天份有限,不過就自讚有眼光,一早看好坤哥歌藝出色,當問到會否嘗試姊弟戀時,她即醒目回應說:「坤哥細過我,自己冇諗過呢樣嘢,佢好鍾意窒我。」


約女仔過聖誕

聖誕節將至,坤哥表示已安排好節目,當日會跟一班朋友外出,他說:「有男有女,其實我唔熱衷,都係出去感受吓節日氣氛。如果要約女仔,都喺boxing day嗰日約啦。」當問到會否約龔嘉欣外出時,坤哥沒有正面回應,只表示近兩個月都沒有在網上貼女孩子的照片,希望可減少點緋聞,暫時效果很好。但在出席無綫節目巡禮時,被宅男女神孫慧雪等捉着合照,孫慧雪將照片放上網,搞笑留言:「陷害坤哥圖之偽毒可恥,坤哥你死梗」,坤哥笑言:「有啲創新標語都幾好。」採訪、攝影:張俊銘


■孫慧雪(左)貼大合照,留言:「陷害坤哥圖之偽毒可恥」。互聯網圖片

■蘇麗珊前晚在荃灣主持聖誕燈飾亮燈儀式。



來源: http://hk.apple.nextmedia.com/entertainment/art/20161119/19838382
接受 姊弟 弟戀 戀黃 黃心 心穎 穎落 落閘 唔吼 吼坤 坤哥
PermaLink: https://articles.zkiz.com/?id=316285

【馮仁昭四圍超】黃心穎主動要求封胸

1 : GS(14)@2016-11-22 00:24:54

黃心穎同艾粒噚日去銅鑼灣為「港式奶茶日」做揭幕,心穎BB即場沖奶茶畀艾粒飲,艾粒當堂笑住話未飲都知正,仲透露今次代言酬勞係好可觀。前晚心穎BB封胸露背輸蝕,佢話:「件衫係我意思,着衫係舒服先有自信,唔係為露乜。」問佢試過做司儀講錯粉身碎骨未?佢話:「都可能會,嗰句成為話題都幾得意,唔會睇成為錯誤。」撰文:馮仁昭




來源: http://hk.apple.nextmedia.com/entertainment/art/20161121/19840281
馮仁 仁昭 四圍 黃心 心穎 主動 要求 封胸
PermaLink: https://articles.zkiz.com/?id=316555

馬國明笑談戀黃心穎

1 : GS(14)@2017-01-05 08:07:16

■馬國明和黃心穎傳出發展地下情已經一年。資料圖片



現年42歲的馬國明跟曾華倩、胡定欣拍拖後,一直自稱寡佬,不過他最近傳出暗交黃心穎。有周刊報道指心穎四年前選港姐已自爆是馬國明粉絲,一直恨與男方拍劇,終於二人合作拍攝《On Call36小時II》扮演醫生和病人,事後心穎開心得在網上表示將「第一次」奉獻給對方。



■心穎被指去年和馬國明合演《為食神探》時主動埋身。電視圖片

報道又指去年心穎跟馬國明合演《為食神探》時主動埋身,最後戲假情真已拍拖一年,有傳心穎還送了一隻數萬元名錶予馬國明做生日禮物。心穎昨日受訪時說:「封面上嘅車相,係各人喺自己架車裏面,我同馬明係合作過多次嘅朋友。」馬國明則笑言:「笑吓喇!」採訪:何慧斯




來源: http://hk.apple.nextmedia.com/entertainment/art/20170104/19885370
國明 笑談 戀黃 黃心 心穎
PermaLink: https://articles.zkiz.com/?id=321369

【碩士港姐】心穎馬國明似假還真

1 : GS(14)@2017-02-09 23:44:15

十優的麥明詩吸引狂風浪蝶,歷屆港姐中的高學歷才女,擁碩士學位的黃心穎現更跟馬國明傳緋聞。


BB筍盤合眼緣

黃心穎BB出身中醫世家,6歲時舉家移民加拿大,她在英屬哥倫比亞大學修讀金融與國際商業碩士畢業,返港後於2012年參加港姐當選亞軍,現跟圈中筍盤馬國明傳緋聞。


千雪杏賢冇着落

2012年港姐季軍朱千雪,去年獲香港中文大學企業傳播社會科學系碩士學位,現修讀香港城市大學法律學院的法律博士課程,而同屆最上鏡小姐岑杏賢,參選時已有碩士學位,惜兩人現時都是單身。



藹明青雲結良緣

南加州大學機械工程學碩士畢業的郭藹明,為1991年港姐冠軍,於98年嫁給劉青雲,為愛情放棄被美國國家航空暨太空總署確認為正式工程師的機會。




來源: http://hk.apple.nextmedia.com/entertainment/art/20170209/19922056
碩士 港姐 心穎 穎馬 國明 似假 假還 還真
PermaLink: https://articles.zkiz.com/?id=326122

魚油一樽: 方俊傑 羨慕黃心穎 更羨慕馬國明 2017-02-24

1 : GS(14)@2017-02-26 19:51:43

https://www.am730.com.hk/column/ ... c%8b%e6%98%8e-67204

上星期的文章出街後,我被好友金星人臭罵了一餐:「喂呀,有冇搞錯呀,你連我鍾意《沖天火》張海報都寫埋出嚟,我瘀唔瘀先?」我用一個接近哀求的口吻抗辯:「體諒一下啦,諗題目,係好困難的一件事呀。單靠自己,不出賣朋友,頂唔到好耐。」金星人繼續攻擊:「你收到的稿費,至少要分一點給我。況且呀,金星人個名好難聽,你要用,都幫我改過另一個名啦!」我心諗:「我夠日日擺方太上枱啦,又唔見我阿媽問我收錢。」她像聽到我的心聲:「我又唔係方太!」


今個星期,焦點當然在二千呎高潮女身上。當人人也一臉不屑或者大道德家上身,忍不住指指點點之際,方太又發功:「好正常吖,人各有志,又無打劫又無強姦,有甚麼好怪罪?愛情比物質高尚,約定俗成啫,不是絕對不是必然喎。」好明顯,方太不會同情兒子沒有二千呎洋房,不會著緊我能否為他人帶來高潮。金星人a.k.a.金星妹向來浪漫至上,對男朋友或丈夫是否擁有二千呎物業,不以為然:「如果你唔鍾意嗰個人,佢再有錢,你都係死㗎。如果你鍾意一個人,一齊住屋邨或者住村屋,都唔會有問題喎。」我只能說,住屋邨,尤其新建成的,的確沒有問題;住村屋,上網慢,睇唔到Netflix,好大問題。


話題很快便轉到最近傳出緋聞的馬國明與黃心穎身上。根據金星妹與高潮妹的意見,黃心穎應該很值得被羨慕。不是嗎?說金星妹重視的愛情:據說黃心穎未入行已經是馬國明的粉絲,偶像變男友,簡直是少女漫畫的題材。再看看黃心穎接受記者查問時,甜絲絲的神態,直認對對方有感覺,大讚孝順好仔,連為人沉悶都變成「悶有悶好」,仲講清楚馬國明係目前唯一了解中的對象。係乜呀?咪係愛囉。說高潮妹著緊的物質:馬國明坐擁太古城價值千九幾萬的物業,就算實用面積未必夠二千呎,地段補數,黃心穎理應可輕易追求高潮。我更加羨慕馬國明。當以高潮女的條件,都夠膽開天殺價,又話要有二千呎又話要有花園可以BBQ,以黃心穎身為香港小姐亞軍的質素,當然有理由要求更多。何況,黃心穎比馬國明足足年輕十五歲,真係諗起都開心。在旁的金星妹推一推我:「乜鍾意一個人只係因為貪人夠後生咩?你好想好似馬國明咁追到黃心穎咩?」我說:「當然不是。我只是覺得,如果馬國明真的對黃心穎有意思,就不要浪貴時間扭扭擰擰了,應該單刀直入珍惜光陰好好相愛。因為,都不是十八廿二了,可能還有三十年,四十年,即使去到五十年,如果對方真是天造地設的一個,時間也不會足夠。」


你話,係咪先?
魚油 一樽 俊傑 羨慕 黃心 心穎 國明 2017 02 24
PermaLink: https://articles.zkiz.com/?id=327170

黃心穎公開認愛 直擊馬國明被催婚

1 : GS(14)@2017-03-05 23:01:41

2017-02-22 EW

年初,本刊率先爆「無綫筍盤」馬國明(馬明)與細十五歲的黃心穎(心穎BB)暗撻,雖然當事人例牌否認,但「馬黃戀」繼日前被發現在太古城中心看戲「洩蜜」後,跟着再被拍到食日本料理撐枱腳慶祝情人節。近日,心穎BB更公開直認對馬明:「有感覺!」

日前,本刊又發現四十三歲的馬明,與多位長輩茶敍,期間不停被催婚;而馬明亦積極回應,表示正努力儲老婆本,??得長輩眉開眼笑。他果然言出必行,不僅工作時加倍勤奮,吃午飯也選擇三、四十元的快餐,心穎BB做好心理準備未呀?

連環被撞破

今年一月初,本刊已經率先踢爆四十三歲的馬國明(馬明)與二十八歲的黃心穎(心穎BB),因合作劇集《為食神探》時已撻着,女方更主動出擊,正所謂:女追男隔層紗,天然呆的馬明迅速被融化。兩人暗交逾一年,心穎BB更做「柴可夫」偷運男友,返回位於油塘的香閨密會。

事後,縱使雙方都否認戀情,不過這對小情侶始終按捺不住,跳出寓所到外面走走。日前,兩人就被發現在太古城戲院看戲。雖然心穎BB不願公開戀情,但就直認了解中:「其實??家都係朋友,會睇戲、食飯。」

此外,在情人節前夕,馬明又被拍到開車接女友放工, 拍拖到銅鑼灣開平道食肆立林的Cubus大廈, 一家貴價壽司店撐枱腳。該店的賣點是由日本師傅發辦, 全部食材由日本直送,每位使費約一千八百元。為慶祝情人節兼男方的生日,絕對值得。其後,馬明更向大家預告:「我同佢嘅對手戲(《深宮計》)仲未拍到,但唔排除再約睇戲、食飯!唔通第一次約人就返屋企咩?當然係約睇戲、食飯啦! 」

近日,心穎BB出席活動時,又大讚馬明是「好仔」,還不怕對方沒情趣,她笑說:「悶有悶好。」一對男女能否相戀,最緊要有冇feel?她今次就直認說:「OK啦,有感覺!」講到出晒,馬明得米喇!

儲定老婆本

日前,本刊又發現感情穩定的馬明,約下午一時與幾位長輩在太古城酒樓茶敍。期間,聽見馬明被長輩們催婚,而他也積極回應:「都買咗樓啦!??家儲緊老婆本呀!」令在座的長輩眉開眼笑。而他一邊說時,還一邊把玩手上疑似是女友送的名表。

言猶在耳,記者到無綫新劇《降魔的》拍攝現場探班時,就發現馬明工作時加倍勤奮,導演要求他來回狂跑,他不僅沒有半句怨言,反而更加落力。cut機後,體力透支的馬明,便立刻上的士唞一唞。另外,他雖然帶女友吃貴價日本料理,但自己的午餐就相當求其,三、四十元的平價快餐,醫好肚就開工。知慳識儉的馬明,慳自己、 豪心穎BB,好男人嫁得過!

撰文☆武儀 設計☆美術組
黃心 心穎 公開 認愛 直擊 擊馬 國明 被催 催婚
PermaLink: https://articles.zkiz.com/?id=327921

心穎向馬國明唱歌表白

1 : GS(14)@2017-03-26 15:38:20

■心穎指自己不會煮飯,馬國明表示不介意。



馬國明和黃心穎被本報踢爆在又一城拍拖睇戲之後,一段開始發酵的感情,迅速浮上水面,異口同聲表示了解中的密友,轉眼就有機會一齊出席活動搵真銀。昨日二人以情侶檔身份出席尖沙嘴The ONE「夢幻時光遊樂園」揭幕禮,一對緋聞情侶被擺上枱,馬國明和黃心穎一開始表現緊張,後來兩個人之間的距離拉得越來越近。大會安排二人用棉花做手工,做一對卡通狗耳朵,馬國明和心穎BB互相幫對方戴上棉花耳仔,棉花散落在馬國明身上,心穎即刻細心為對方整理。



■馬國明細心為心穎戴上棉花卡通狗耳。

接受無飯女友

現場心穎大展歌喉,唱了一首《勇氣》,莫非是要向慢熱的馬國明表白?但馬國明唱《友情歲月》作回應,心穎即刻為馬國明解圍,她說:「佢成日唱,冇時間練歌。」問馬國明聽不聽到心穎「愛的表白」,他即刻尷尬扮儍說:「我啲國語好差。」然後續說:「原本我係邀請心穎合唱一首我主唱嘅電視主題曲《心暖》,點知佢話冇聽過,我塊面都唔知去咗邊。」上次被撞破後,馬國明和黃心穎都未有時間再約會,馬國明說:「要了解一個女生不外乎逛街、吃飯。」黃心穎指自己不識煮飯,馬國明和應指不介意未來另一半不會烹飪,只要自己喜歡就可以。採訪:盧妹 攝影:沈健程




來源: http://hk.apple.nextmedia.com/entertainment/art/20170326/19969931
心穎 穎向 向馬 國明 唱歌 表白
PermaLink: https://articles.zkiz.com/?id=328896

【馮仁昭四圍超】馬國明約心穎認有進展

1 : GS(14)@2017-04-12 22:42:37

馬國明、蔡思貝噚日喺荔枝角出席宣傳活動,呢排拍劇忙到冇覺好瞓嘅馬國明,都有爭取時間相約緋聞女友黃心穎食飯見面,佢話:「食過一次日本菜,我哋都鍾意食日本菜。」仲大方承認二人關係有進展。另外,蔡思貝日前又撞車,佢話當日天雨路滑,因為車胎比較舊,所以跣胎撞爛泵把,已經換咗新胎,不過就俾同事笑揸車技術渣。撰文:馮仁昭




來源: http://hk.apple.nextmedia.com/entertainment/art/20170411/19986178
馮仁 仁昭 四圍 國明 約心 心穎 穎認 認有 進展
PermaLink: https://articles.zkiz.com/?id=330143

何雁詩IG呻受網絡欺凌心穎籲好友堅強

1 : GS(14)@2017-04-16 14:41:12

被麥明詩喻為「TVB首席男歌手」嘅鄭俊弘,被指背住未婚妻Beebs暗撻何雁詩,最終鄭何喺機楊拖手公開戀情,男方仲(好似好man咁)話「我要企出嚟」,加埋早排何雁詩以有情緒病為由辭演《跨世代》,點知佢冇乖乖哋休養,反而一個屈尾十走咗去旅行,又被人「媽媽叉叉」。到大前晚,何雁詩約埋班姊妹陳瀅同劉佩玥出去飲飲食食散個心,好啦,以為佢有男友有姊妹,應該對病情好有幫助啦……昨日,何雁詩更新Instagram,張相係開心相嚟嘅,擘大口笑,應該係攝於鐵塔下,但佢段英文留言就「圖文不符」,內容大致係:「有時我上網尋找愛,有時會看到一些難聽的說話,很難去重提。有些人覺得我活該被網上欺凌,或許我是或不是,但我也有感覺,而且很傷我。」個post一出,短短4分鐘,274個「讚好」,14個留言,撐佢同鼓勵佢嘅佔多,但亦有人留言指「有冇諗過冇咗未婚夫都好Hurt?」另一邊廂,亦有人企出嚟講句公道說話,指「沒有人抵被欺凌」。之後,盛傳同馬國明蜜運嘅黃心穎就現身留言,又係用英文講,大致意思係「網絡欺凌是一個怯懦的行為,要不面對面地說,否則不要說出來。要堅強。」何雁詩亦有向佢致謝。




來源: http://hk.apple.nextmedia.com/entertainment/art/20170416/19991769
何雁 雁詩 IG 呻受 網絡 欺淩 淩心 心穎 穎籲 好友 堅強
PermaLink: https://articles.zkiz.com/?id=330754

心穎馬國明 睇戲促進感情戥唐詩詠可憐

1 : GS(14)@2017-05-19 05:43:46

3.【又孖咇】■馬國明與心穎非首次約睇戲,但心穎依然表示並非拍拖。





【觀塘】馬國明契妹唐詩詠與洪永城拍拖兩年半分手收場,被指與周焯華(洗米華)愛將盧啟邦暗撻一個月,前晚她接受記者訪問時落淚否認,同時呼籲外界不要將契哥馬國明擺入她的感情世界。馬國明前晚亦有外出,與黃心穎去觀塘apm睇戲,當晚10時許,馬國明與戴住口罩的心穎離開,二人邊行邊玩電話,其間更有密斟,馬國明更想拖她的手。



1.【密密斟】■心穎化淡妝戴上黑口罩,而馬國明離開時邊行邊玩電話。

2.【周圍望】■心穎BB全程相當高警覺性,去完廁所離開時不時周圍望。

4.【做司機】■馬國明做柴可夫,先送心穎返她位於鯉魚門的寓所。


相處舒服

搭電梯去攞車時,心穎提高警覺四圍望,更眼利發現傳媒,即企圖避開鏡頭左閃右避,記者問到馬國明是否有留意詩詠的新聞,他表示:「已經回應咗,唔再講。」再問心穎是否睇戲拍拖?馬國明護花代答:「已經影過好多次睇戲,冇乜特別。」之後,他先送心穎返家,然後離開。心穎昨日在中環出席香港小姐宣傳活動,表示兩人是普通正常約會,提到與馬國明關係時,她表示:「未正式一齊,現時仍然係朋友,相處舒服。」問到馬國明心思思想拖她手,她說:「應該冇!冇手拉手、冇牽手,只係行路行得好埋,因為環境好嘈,同埋我又戴咗口罩,所以講嘢嗰陣會近一啲聽。」


唔會過問

問到詩詠分手一事,心穎表示:「佢哋係好朋友,但係我唔會問,都想詩詠可以心情平復,睇到報道覺得佢喊得好可憐,女生喺呢一行成日被人咁寫。」對於網民想撮合馬國明追詩詠,心穎說:「我又唔會唔開心!其實我細個都有呢個諗法,好鍾意嘅男演員同女演員,好想呢個同呢個一齊,大個咗就知大家有各自生活,現實同想像係兩樣嘢,我唔會因為呢件事唔開心。」採訪、攝影:梁繼光、羅德光




來源: http://hk.apple.nextmedia.com/entertainment/art/20170519/20025715
心穎 穎馬 國明 睇戲 促進 感情 唐詩 可憐
PermaLink: https://articles.zkiz.com/?id=333654

心穎指馬國明愛肉女

1 : GS(14)@2017-05-27 00:06:56

黃心穎昨日在銅鑼灣拍廣告,以sports bra騷事業和馬甲線,她指自己一向夏天肥冬天瘦,問到緋聞男友馬國明喜歡肥或瘦?她說:「佢in general係鍾意人有肉地。」難怪馬國明鍾意你?她說:「所以佢?家瘦咗變咗唔鍾意我!」即將要返內地拍外景的黃心穎,表示要準備執行李,問她會否幫同劇的馬國明執行李?她說:「佢應該唔需要我幫,都驚帶漏嘢,因為個半月裏面唔知有冇得返落嚟。」在內地拍劇期間兩人奉旨拍拖?她說:「我係去拍劇嘅,順便喺裏面拍拖,因為劇入面係一對!」何時會成為真正的一對?她說:「戲內係,戲外未知。」採訪:曹家誠攝影:陳順禎




來源: http://hk.apple.nextmedia.com/entertainment/art/20170526/20033609
心穎 穎指 馬國 明愛 肉女
PermaLink: https://articles.zkiz.com/?id=334075

加按息無礙銷情 天寰首輪近沽清藝人黃心穎逾800萬買兩房戶

1 : GS(14)@2017-05-28 10:33:27

■黃心穎(左)昨揀樓,與發展商建灝投資部經理鄭智荣合照。



【本報訊】按息調升之下,昨日開售首輪307伙的建灝地產啟德天寰,至昨晚約11時賣出約300伙,佔可售單位約97%,接近沽清。續有明星無懼加息入市,女藝員黃心穎現身啟德天寰售樓處,最終購入一伙兩房單位,估計涉資逾800萬元,強調是自己出錢,無靠家人。記者:黃嘉銘


■啟德天寰昨開售,多名準買家在售樓處排隊。 張志華攝

四間本地銀行過去兩日陸續調升按息,天寰成為加按息後首個賣樓的新盤,但全數單位有望沽清。當中早上大手A組時段,在售樓處觀塘一亞太中心現場所見,於早上9時開始,陸續有A組準買家到場登記,人龍由商場的一樓開始排隊,在場人數過百人。消息指該時段約有70伙獲認購,佔可售單位逾兩成。中原地產亞太區副主席兼住宅部總裁陳永傑表示,天寰錄得最大手買家購入4間一房戶,以定價計,涉資約3,000萬元。
B組時段則於下午2時半開始登記,人流比A組時段多,發展商不斷帶準買家到樓上售樓處,令商場未見太擠擁,售樓處人流最高峯料達500人。繼上周五羅仲謙到荃灣海之戀售樓處揀樓(最後未能買到),昨日天寰吸引到另一女藝員黃心穎於B組時段現身,她在場沒接受傳媒訪問,市場流傳她最終購入一伙兩房單位,估計涉資逾800萬元,聽聞已經睇樓和儲錢好一段日子,一直想買間1,000萬元內的兩房戶自住,今次覺得呎價吸引,且看好啟德發展所以入市,強調是自己出錢,無靠家人。其實黃心穎買樓經驗豐富,於2013年與家人豪擲千萬元,在油塘Ocean One買了一個單位。該單位由父母出錢,她負責供樓。至於其緋聞男友馬國明去年6月以1,960萬元買入鰂魚涌太古城頂層連天台二手單位,較當時匯豐銀行估價2,121萬元,低161萬元或8%。



海之戀加推 海景戶加價2%

昨有準買家稱已預了銀行會加息,個別買家更指「真係有實力就冇問題」,故不擔心政府辣招和金管局收緊按揭。長實(1113)地產投資董事郭子威昨就銀行調高按息回應指,措施令提供靈活按揭安排的新盤更有利,正研究其他優惠按揭安排。他指海之戀沽清首批496伙後,隨即加推的346伙折實平均呎價16,038元,部份優質海景戶加價2%,周三賣樓。美聯布少明表示,金管局近日再出招收緊樓宇按揭,對一手項目有利,主因發展商提供高成數按揭予客戶。他預期本月一手成交料有約2,000宗,較上月多400宗;中原陳永傑認為加按息對市況略有影響,令市場緊張按息趨勢,預計美國下半年有機會加息兩次。



■李太

【買家心聲】

李太:「天寰area好所以入市,唔擔心政府辣招和金管局收緊按揭,真係有實力就冇問題。」



■莊女士

莊女士:「啟德區域前景好,預算用2,000萬以上買兩伙,單位戶型大小通吃。」



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/financeestate/art/20170528/20036140
加按 按息 無礙 銷情 天寰 首輪 近沽 沽清 藝人 黃心 心穎 穎逾 800 萬買 買兩 房戶
PermaLink: https://articles.zkiz.com/?id=334273

馬國明大床冇預黃心穎

1 : GS(14)@2017-07-29 03:23:57

馬國明昨日在上環出席商場活動,在現場跟公仔自拍時,顯得手勢生硬,他自認平時很少自拍。問到其緋聞女友黃心穎有否嫌他影相技術差?馬國明坦言:「有,我揸機好渣,成日用指甲㩒掣。」提到日前再被影到與黃心穎拍拖,馬國明直言從內地拍完劇回來後,首次約會食飯已被影到,而雙方各有各忙,自己最近忙於搬屋,會與家人同住。問到會否預留房間和大床給黃心穎?馬國明說:「冇,佢都買咗屋。」他指拍拖也不會想先同居,要看感情進展,也沒想過要試婚:「試唔啱女仔咪好蝕?要諗清楚先,好多嘢唔係拍散拖,?家係了解中,唔係幾個月了解到。」採訪、攝影:王連連




來源: http://hk.apple.nextmedia.com/entertainment/art/20170727/20102421
國明 大床 床冇 冇預 預黃 黃心 心穎
PermaLink: https://articles.zkiz.com/?id=338929

心穎BB同家姐打對台曹敏莉妹妹做Hi-Fi碟歌手

1 : GS(14)@2017-08-02 05:59:40

曾幾何時港姐被視為香港一年一度嘅盛事,而脫穎而出嘅佳麗就被認為係「美貌與智慧並重」。除咗佳麗本人之外,其實有唔少佳麗嘅姊妹都非常出眾。李嘉明1988年嘅港姐冠軍李嘉欣,2010年嫁許晉亨,之後生活幸福就唔使講啦。而佢家姐李嘉明一啲都唔輸蝕,經嘉欣介紹認識身家估計達10億嘅上市公司主席顧毅勇,而佢哋仲喺2010年奉子成婚。黃心美黃心穎喺大台上緊位,而佢家姐黃心美講美貌真係同阿妹有番咁上下,黃心美現時喺ViuTV做緊「一姐」,曾經結過婚嘅佢,年前同台灣籍老公離婚後仲一蚊贍養費都唔要,實行靠自己。曹敏寶曹敏莉喺2003年參選港姐,成為「五料冠軍」,2010年就同金融才俊男友結婚,仲生咗兩子一女。佢妹妹曹敏寶就07年參加有線主辦嘅歌唱比賽入行,做過節目主持,喺11年出道做歌手,近年做出咗多隻Hi-Fi碟。




來源: http://hk.apple.nextmedia.com/entertainment/art/20170802/20108716
心穎 BB 同家 家姐 姐打 打對 對臺 臺曹 曹敏 敏莉 妹妹 Hi-Fi 歌手
PermaLink: https://articles.zkiz.com/?id=339263

黃心穎唔靠馬國明養

1 : GS(14)@2017-08-17 08:12:12

陳柏宇昨日應邀到中環出席德國設計品牌手錶活動,黃心穎擔任活動司儀。近日要供樓的心穎,要學習更多技能養活自己,故司儀、主持工作及拍劇通殺。提到緋聞男友馬國明穩重有擔帶,可考慮作後盾,黃心穎笑言:「趁我未被人養時候要自己養自己先,我好驕傲自己賺到錢,買嘢畀自己嘅感覺,好享受,將來另一半都應該一定要養埋我,但我唔會依賴另一半,呢個係女人保障。」問到馬明有否許下承諾?她說:「我好大使,佢養唔起我,我理念係唔知人生有幾長,鍾意嘅嘢就會買,好活在當下。」採訪:卓寶花攝影:陳順禎




來源: http://hk.apple.nextmedia.com/entertainment/art/20170817/20123540
黃心 心穎 穎唔 唔靠 靠馬 國明
PermaLink: https://articles.zkiz.com/?id=340064

心穎等馬國明搬屋見家長

1 : GS(14)@2017-08-19 19:10:37

■黃心穎表示未想到送甚麼禮物賀馬國明新居入伙。



黃心穎和陳智燊昨日在紅磡出席活動,稍後心穎到英國拍旅遊節目,差不多時間男友馬國明亦會在北歐工作,不過兩人未有時間見面,只可以留待返港再見。馬國明新居快將入伙,問到心穎會否擺放私人物品到對方家?她說:「唔會喇,到時先諗送乜禮物。」她表示仍未見過男方家長:「唔會特別見家長,到時睇佢搞唔搞入伙派對。」陳智燊帶太太宋熙年到馬爾代夫旅行慶祝生日,花了6位數字,兩人在當地更試過四手按摩,問到有沒有把握時間造人?他說:「一向做乜都努力,但應該未有,太太話就算冇,將來都會去baby moon。」採訪:王連連攝影:沈健程




來源: http://hk.apple.nextmedia.com/entertainment/art/20170819/20125803
心穎 穎等 等馬 國明 搬屋 家長
PermaLink: https://articles.zkiz.com/?id=340304

黃心穎 X C君 喜劇唔易做

1 : GS(14)@2017-11-12 18:11:24

https://skypost.ulifestyle.com.h ... 4%E6%98%93%E5%81%9A
黃心穎和C君同樣兼顧主持、演戲等工作,但合作拍劇卻是第一次。他們在周日晚播映的《雜警奇兵》中扮演情侶,而私底下相識已久,心穎大讚C君轉數快,後者即笑指每天膜拜家中的「心穎像」來祈求演技進步。二人戲裏戲外都火花四濺,十分㜺鬼。

在喜劇《雜警奇兵》中,C君飾演一個過氣臥底,工作失去鬥心,變成hea做;心穎則因仰慕C君而加入警隊,經常扮鬼扮馬查案。別以為輕鬆搞笑的戲很容易拍,C君至今仍難忘一場在斜路上追賊的戲分,「我已經跑到認為是人生中跑得最快的了,結果我看剪輯的片段時,見到自己好像行路似的,唉,原來是這麼難。」心穎則覺得喜劇雖比現實誇張,但也不能完全無根據,「要拿捏你想有幾搞笑、幾離地和幾實淨,我剛演出的時候是比較難(拿捏)的,但大家磨合了,有個共識,同監製或者對手後來就知道(分寸),變得順利多了。」

來自Rapper組合農夫的C君,首次成為劇集的第二男主角,但想不到他直言拍電視劇十分疲累,「好像告訴你有份工,連續四個月沒得睡,每日都是07(早上7時)開到27、28(凌晨三、四時),第二日又接回07,你要收幾多錢才肯做這份工?」拍檔心穎就認為,其實拍綜藝節目也不簡單,「因為你要爆發開心,要長期保持住情緒好高漲,其實是最累的。例如通常拍完《學是學非》,我就好像餓了幾日似的,但拍劇,通常是拍幾個月,就會習慣了可以幾個月睡得少,我覺得反而這個模式令我較容易調整。」兩人對戲劇、綜藝各有所好,正如在C君眼中拍劇是很辛苦的「追、走、跳、躲、爬、跌」,心穎卻認為非常好玩,令C君不禁嘆謂:「(她)肯定有咁上下過度活躍症。」

心穎想做嚴肅角色

港姐出身的心穎自言,很多不同種類型角色都做過,未來希望做多一點嚴肅正經的角色,「我給別人的感覺就是太開心,但其實我不是百分百經常都咁活躍,我都可以好正經,覺得可以嘗試一下。做開心的角色對我來說會容易一點,所以想挑戰難一點的。」

問到C君有沒有想挑戰的角色時,他不忘發揮搞笑本色,一臉認真地說:「我想挑戰一些可以買到樓的角色。」他笑言現實中無法置業,故希望在劇中滿足心願,之後更揶揄心穎指:「她就不是(這樣想),因為現實中買到了。」逗得眾人哈哈大笑。

撰文︰邱巧嵐

攝影︰林良明
黃心 心穎 喜劇 唔易 易做
PermaLink: https://articles.zkiz.com/?id=344037


ZKIZ Archives @ 2019