ZKIZ Archives


引誘與我們同在 人在中環

http://manincentral.blogspot.hk/2012/11/blog-post.html
Terry知道我要到上海工幹幾天,我臨上機前既晚上,佢特登揸車到我屋企樓下,俾左一個用花紙包住既小長方型禮物盒我。

「乜料呀…」我認識Terry多年,我肯定呢份禮物唔係俾我既:「又有乜野好帶歇呀大哥?」

「iPhone 5黎架,大陸未出丫嘛!」Terry陰陰咀笑:「呢排我唔得閒飛上去,CK你順路遮,幫我帶俾我女朋友丫!最多返黎食飯我既。」

「順路?你冇野呀?」我怪叫:「你條女住浦東,我放工響office走要坐成粒鐘車先到佢屋企呀哥仔。」

「妖!唔係唔幫下話?」Terry一副賴皮既衰相:「到大陸有得賣果陣,份禮物就唔馨香架啦。」

「妖,識著你真係時運低…」我接下了那份禮物:「好心你甩左佢啦好嘛,你知我識Gloria架。我幫你做埋啲咁既『水貨客』,我見到Gloria果陣於心有愧呀。」

「超!愧你條命啦!」Terry說得理直氣壯:「你送貨之嘛,駛乜feel bad呀?我都未有愧你走黎有愧?」

*****

Terry同Gloria,兩公婆都係我朋友。我同老婆,跟Terry兩公婆時不時都會兩pair人一齊食飯。坊間成日話,男人有錢有事業就容易身痕,呢個講法見證左響Terry既身上。Terry事業發展得越黎越好之時,身邊既女仔,就越黎越多。

最初呢,呢條粉皮都係玩下one night,有時又會過下大海叫雞,總之開頭既時候,都仲只係限於一晚交易唔上身既「水平」。玩下玩下,唔知係佢覺得唔過癮定係俾人昆,開始同啲本來諗住「玩下」既女仔談起戀愛,由「唔上身」,變成老婆以外既「固定女友」。我勸佢咪玩火啦,俾Gloria知道既話,佢會輸咗頭家,唔諗個大既都諗下個細,佢個囡囡,今年先四歲咋。

返大陸工作,你又有啲事業有啲錢既話,有女仔埋身,其實都唔係啲乜野新鮮事。引誘基本上成日都有。正常既男人,響思考既過程當中,「細佬」總會有一定既「發言權」。引誘當前,總會有點心動。但係面對引誘,有人守得住,有人守唔住,原因除左多少同引誘既「質素」有關之外,我覺得「自信心」係一個決定性既factor。

你問任何一個出黎玩既男人,即使佢地講到自己老婆響屋企幾咁野蠻幾咁討厭都好,我就冇聽過會有人會話「唔介意」俾老婆知道自己有個情婦響出面。因為佢地都知道,自己單野萬一穿左出黎,分分鐘會家變。「家變」喎,邊個想呀?但佢地依然繼續出軌,除左響思考過程當中,「細佬」既聲音實在太雄壯太有力之外,佢地仲「有自信」地相信,以佢地既才智,佢地係有能力騙得過自己既老婆。佢地既事業越成功,自信心就越強,自信心越強,就越相信自己能夠騙得過太太,因為佢地認為老婆及不上自己聰明,冇能力去識破自己。

我認為Terry既心態正正係咁。Gloria其實係個幾唔錯既太太,溫柔賢淑,但Terry對佢既評價卻係「蠢蠢地」、「冇疑心」。Terry認為自己個「女朋友」遠在上海,以Gloria「蠢蠢地」既頭腦,應該唔會有能力識穿。

咁我心諗,就當Gloria真係蠢蠢地,唔會識穿你既謊言,咁你果位上海姑娘又係咪一樣都係蠢蠢地先?我見證過唔少「案例」,自信既麻甩佬以為自己好醒,用好多「完美」既大話,呃到香港既老婆貼貼服服。冷不防佢地同樣以為「蠢蠢地」,兼且堅稱「唔需要名份」既國內佳麗「女朋友」忽然發爛,主動「聯絡」遠在香港既果位「蠢」老婆,自以為聰明既男人就此「賴嘢」。

我就覺得,通常當你感覺到自己好聰明好叻既時候,你既智商其實正在急劇下降。

屋企係一個輸唔起既地方,不誰叻既人抑或蠢既人,都唔見得會有條件輸得起家庭。「細佬」有指揮腦袋既潛力,面對誘惑,心動難免。但守唔守得住,我諗多少在乎你以為自己有幾叻…又或者,你覺得自己叻過你老婆幾多。人有時總係會高估自己,以為老婆係死蠢而自己卻係天才。自以為可以騙得過人,二三四奶都能應付自如既「叻仔」,收場通常都係慘烈居多。

「老友,我真係唔幫你送啦。」我將禮物盒交回Terry手中:「最多我幫你call速遞啦。順豐好冇?」

我肯定,現在再唔抽身既話,不久既將來,Terry一定輸得好慘。

祝大家有個愉快既週末。

引誘 我們 同在 人在 中環
PermaLink: https://articles.zkiz.com/?id=39402

衍生工具的引誘 巴黎的價值投資

來源: http://parisvalueinvesting.blogspot.hk/2014/10/blog-post_16.html

巴黎:



筆者掘作「大學沒有教的股票價值投資」最後幾章記載了個人對衍生工具的經驗,很多朋友回應說很難明白,自己一直也想寫點補充,剛好止凡兄今期有說及兩個衍生工具例子,筆者便決定下筆補充一點。

過去筆者很羨慕一些數學好的朋友,並一直認為他們應能以數學輕易了解衍生工具,並可以舉一反十,不像自己對這方面的知識大部份來自以血實踐和檢視,但經過彼此討論時才發現事實並不如想象,即使數學很好,衍生工具仍並不如想象的易明白,尤其涉及不同策略交差運用。

有一些特殊兒童因為某種原因,寫字會把M寫成W,6寫成9,q寫成p,「我要去」寫成「去要我」,大階變細,總之就調轉放大縮細混合,一段文之後,像拼字遊戲,即使你懂得每一個左右上下反轉、大小不一的字的原初字,這衍生文都是難以了解,這也就是衍生工具最好的比喻。

最簡單的衍生工具是反轉一個字,一句詞。。。。。至最複雜殺傷力強大並要超級電腦才能明白的一本書。

而想了解這兒童寫的衍生文不只是先要懂字,而是要先了解這個兒童,也就是說了解衍生工具並不只是看自己買或賣了什麼,原生股票是什麼,還要能反轉來看對手賣或買了什麼,他獲得的好處,一如沒有人知原來Michael Burry* 設計的是對賭次級債的衍生工具,所以他才能通殺。能反轉來想衍生工具才能知自己在做什麼。如果不能,就不應做這交易,因為由始至終閣下也不該踏進這個較原生股票市場更易死的地方。

筆者過去常呼籲朋友不要買衍生工具。但當朋友己能像筆者能一眼看出多支不同點數的Call Put,摣或沽(自已vs對手)的組合策略結果時,你根本不會再對它們感興趣,並發現相對正正經經的價值投資,衍生工具更難賺大錢。

正正經經寫文章,必然較倒轉,反轉,大小不一的字句更好和不容易錯,道理很簡單。

下篇文會以對手角度看止反兄本期說的Accumulator 和Stock Warrant。


*Michael Burry,在08年金融海嘯前幾年,創了一個市場從來沒有的衍生工具(目的是賭次級債公司Default),並向多間投行要賣,成爲第一人。

衍生 工具 引誘 巴黎 價值 投資
PermaLink: https://articles.zkiz.com/?id=115463

寧等港視發牌 不肯解約陳錦鴻拒TVB引誘回巢

1 : GS(14)@2014-09-09 12:10:11

■陳錦鴻日前在中環受訪,坦認被邀回巢無綫,但他拒與港視解約,認為要尊重合約精神。



無綫人才流失情況嚴重,尤其一線小生個個搵路走,連親生仔林峯都心灰意冷離娘家往外闖。如今能出得大場面,撈得起做男一簽無綫經理人合約的演員,只剩下鄭嘉穎、陳豪、陳展鵬、郭晉安、馬國明和黃宗澤,十隻手指數得晒。不想演員重複又重複,無綫亦需急謀對策,早前便主動邀請已過檔港視的陳錦鴻回巢拍劇,但被婉拒。陳錦鴻和林嘉華日前在中環一棟商業大廈拍攝信貸公司廣告,錦鴻在去年12月跟港視簽了四年合約,是最後一位合約藝人,他笑言好想簽長一些:「我想簽夠十年㖭!但人哋梗係唔肯。而家港視發唔到牌,做演員惟有等,平時喺屋企照顧患有自閉症囝囝、買餸煮飯,星期日就同老婆主持港台《訴心事家庭》節目。」



■王維基力爭港視發牌,可惜仍然未有好消息。資料圖片

■陳錦鴻為分配更多時間照顧患有自閉症的兒子,放棄返大陸發展。資料圖片

■港視發牌落空,陳錦鴻(右)和林嘉華合作拍廣告,但暫無緣在港視劇合作。


尊重合約精神

錦鴻曾在無綫拍過《創世紀》、《天地豪情》等高收視劇集,他直認無綫早前主動邀回巢,他說:「佢哋曾經搵過我去傾,了解咗我同王維基張約係點,而家工作情況點?探討點樣可以再合作。探討完就問我可唔可以解咗張約,然後再簽番無綫,咁我梗係話唔得啦!」錦鴻直認擔心四年後生活,但現在仍希望尊重合約精神,他說:「其實同王生張合約,去無綫拍劇都冇問題。但我唔想解約,連錢都冇講,做人應該要有原則。」



■錦鴻坦言不介意放下身段為港視網上平台做模特兒。

「港視絕對優先」

問可擔心無綫小器?錦鴻說﹕「三年半後再諗啦!人生有好多個可能性,我要處理好呢三年半嘅事先,演員要調節好自己心態,等待(拍劇)我都好盡力,每日保持最佳狀態,總之你聽日叫我開工我就開工,我唔排除返大陸或有其他工作,但港視絕對優先。」早前港視藝人黃芷晴、李雨陽等要為網上平台做模特兒,錦鴻亦願放下身段,笑說:「唔介意,人哋每個月出緊糧畀我㗎!」已為港視拍過五部劇的林嘉華,原本都期待與錦鴻在港視劇碰頭,嘉華說:「因為我哋都係好鍾意不停口講嘢,錦鴻花名叫花灑哥,我就完全唔停嘴。」問劇集播映無期,可會失望?他說:「大家喺呢年幾裏面付出咁多血汗、辛勞,梗係希望觀眾睇得到啦!」採訪:嵐山攝影:仇志德




來源: http://hk.apple.nextmedia.com/entertainment/art/20140908/18858922
寧等 等港 港視 發牌 不肯 解約 陳錦 錦鴻 鴻拒 TVB 引誘 回巢
PermaLink: https://articles.zkiz.com/?id=285466

女友派艷星引誘男友被試探嬲到分手

1 : GS(14)@2016-10-22 22:28:47

互相信任是情侶間維繫感情的基礎,外國卻有女友請來網絡達人及艷星,佈下美人計來測試男友會否出軌,男方知道真相後怒不可遏,立即與女方分手並掛斷電話。
YouTube頻道「To Catch a Cheater」專門為網民設局測試他們的另一半會不會偷食,今次一位女性就拜訪節目,節目再請來艷星懷特(Valerie White)出面勾引她的男友。片中先見男方正要走入書店,懷特便上前打招呼,但他沒說太多就逕自走入書店。懷特在他走出來後再接再厲,更向他要電話,又要他載自己回家。男方向她坦承已有女友,卻建議日後約3、4位朋友出來見見面。懷特後來索性直接說自己是一名三級片女星,正想找人「練習」,男方便慌張地離開,懷特一直尾隨,直至節目組致電給她示意停止。女友在房內看着這一切,主持人直言「他過關了」,但女友形容自己「感覺複雜」,她仍故作大方地說:「好的好的,我不會與他分手,但我不喜歡他說出自己電話號碼,又說他會約出去見面。」她最後打電話給男友坦白這個「美人計」,男友知道後不滿女方懷疑他,甚至公開質疑他的誠信,他憤怒得立即提出分手,更掛斷電話。女友卻一臉難以置信:「你xx的在開玩笑?我們xx的在一起一年後他就這樣分手?」網民直指這名女友行為愚蠢,更有人挖苦說:「恭喜你自食其果。」亦有人說男方其實表現得很好了,「那名艷星都死纏爛打了,是真漢子才可以像他那樣拒絕她。」英國《每日鏡報》




來源: http://hk.apple.nextmedia.com/international/art/20161022/19808917
女友 派艷 艷星 引誘 男友 試探 嬲到 分手
PermaLink: https://articles.zkiz.com/?id=313129

【今日笑一笑】零食引誘唔畀食 雪橇發狂落主人面

1 : GS(14)@2017-01-02 11:51:09

想知主人在狗狗面前有沒有尊嚴,其中一個方法是用零食來測試。有微博紅人為了向網友顯示自己得到狗狗尊重,特意拍片證明,但最終遭狗狗落面,反證他才是狗奴!微博紅人國民老岳父公最近在微博上載片段,片中他放了大量零食在三隻雪橇狗面前,並對牠們說:「面對美食不動搖,就是對我的尊重!」,並將零食慢慢從牠們面前移開「就算我把它一點一點拿走,牠們也不會動搖。」。豈料,其中一隻叫「獨苗」的雪橇,抵受不住引誘,伸出一隻手,想留住零食。主人立即問道「你在幹甚麼?過份了!」,「獨苗」聽到後,乖乖收回手,主人得戚地說「看見沒有?」。但他開心得太快,因為「獨苗」最終受不了美食誘惑,盡情地大朵快頤,令主人顏面盡失。微博




來源: http://hk.apple.nextmedia.com/international/art/20170102/19884233
今日 笑一 一笑 零食 引誘 唔畀 畀食 雪橇 發狂 主人
PermaLink: https://articles.zkiz.com/?id=321047

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019