ZKIZ Archives


廿八歲仔引「外援」追擊許留山

2014-09-02 NM
 
 

 

愛將頭髮gel得又直又挺的吳偉忠(Joe),做起生意來,亦十分進取。自言性格坐唔定,喜歡「四圍騰」,兩年前索性辭去廣告公司工作,和朋友聯手創業,代理台灣食品。第一個代表作,是拿到台灣雞蛋布丁品牌「查理布丁」的代理權。第二個代表作,就是引入台灣杧果冰專門店「MangoChaCha」。四月開店,天氣仍涼,位處尖沙咀偏僻橫街,最貴的一碟杧果冰,索價一百二十八元,仍一開即賺,上月盈利達八萬元,撒手鐧就是台灣土炮杧果——愛文杧。Joe視杧果甜品大佬許留山為假想敵,計劃儲夠彈藥再開多幾間分店。打大佬尚言之過早,他指現階段的目標是:「我想香港人諗起杧果甜品店,除咗許留山就係我哋!」

香港杧果甜品店大佬許留山,十多年前曾大張旗鼓進軍台灣市場,可惜幾年間便全線結業,鎩羽而回。在Joe眼中,台灣土炮甜品店噱頭十足,確有能力「打大佬」。去年十月,他和拍檔去台北參觀食品展銷會,閒時上網搵食,在台灣版食評網站OpenRice,發現一間杧果冰店長期在排行榜頭三位,於是走去試食。「去到鋪頭,見到一個染咗一大束橙色頭髮嘅中年阿叔喺度招呼客人,仲好熱情咁同我哋傾偈。佢嘅杧果冰好受歡迎,見到好多日本遊客幫襯。我就諗點解香港冇人識?覺得有得做。」開業僅四年的MangoChaCha,在台灣有五間分店,賣點是以台灣土炮杧果愛文杧製成的各式甜品。Joe有代理查理布丁的經驗,加上承諾只用對方提供的愛文杧果肉,成功拿到香港、澳門及廣東省的獨家經營權,深圳除外,因老闆有親戚計劃在深圳開店。「之前有香港人搵佢哋傾代理,貪平想用其他杧果,被老闆拒絕。」Joe笑指,他睇中的,卻正是愛文杧這個王牌。

賣點一愛文杧專門店

愛文杧是台南特產,果皮為紅色,果肉呈金黃色,深受台灣人歡迎,香港一些高級果檔亦有引入,但主流仍是菲律賓的呂宋杧果。「喺香港食開嘅呂宋杧,一時好酸一時好甜,愛文杧味道清甜,質素穩定。」根據合約,香港店的主要食材,全部向台灣總公司入貨,包括切好的急凍愛文杧果肉、杧果冰磚及雪糕等,他解釋:「合約為期三年,每年交十萬元加盟費,利潤不用再向台灣分成,可能佢哋覺得已賺埋入材料嘅錢。」香港店面積約八百呎,以橙色和白色做主題,門口及店內擺放兩部大電視,不停播放日韓台關於杧果冰的節目。現時,MangoChaCha主打淋上黑糖漿的棉花冰及杧果雪花冰,加上杧果雪糕等配料,毛利可達七成八。店內不少客人,都是為品嘗愛文杧而來。客人Angel試過杧果冰後表示:「愛文杧味道不太甜,好啱女仔食。」

賣點二冷門杧果產品

許留山並非獨沽一味賣杧果甜品,另有其他水果甜品,以及咖喱魚蛋等小食。Joe坦言香港人對杧果冰的興趣不及台灣或日本人,但堅持不會用其他水果,「我哋嘅特色就係杧果專門店,最多喺雪糕上面花心思,如賣吓曲奇味。」為增加甜品種類及應付冬天淡季,Joe向台灣總店力爭,加入一系列台灣店沒有的熱食。「最後台灣老闆答應,俾我哋自行研製新產品,唯一要求是要用愛文杧。」現時,店內已有杧果雪糕窩夫餅,杧果「厚多士」、杧果梳乎厘等熱食,Joe表示:「就算係夏天,熱食類都佔生意額達五成,所以唔怕冬天冇生意,嚟緊仲會推出杧果湯圓。」 另外,Joe還向台灣總店,購入一批以杧果為主題的副產品,如杧果香皂、杧果甜酒、杧果醋、杧果面膜及杧果醬等。臨近中秋,他曾想推出杧果月餅,但來不及調製味道,因此便推出杧果酥禮盒,配以網上團購形式發售,共賣出三百多盒。Joe表示,代理查理布丁的經驗,令他知道開鋪不能靠單一產品,「查理布丁生意冇乜增長,就係因為款式太單一。」

隱憂一產期短影響質素

呂宋杧全年都有供應,但愛文杧當造期只得兩個月,為每年五至六月。上週訪問期間,記者找遍油麻地果欄,都沒有愛文杧,最後於九龍城一間專門賣空運水果的鋪頭才買到,每隻要六十八元。為了應付全年所需,台灣杧果商會將杧果採摘後,去皮再以零下四十度雪藏。急凍果肉儲藏到冬天才用,質素難免下滑。MangoChaCha四月開鋪時,曾有客人吃後,指果肉味淡及有渣。Joe承認:「部分杧果肉質素可能會差咗,惟有盡量製作成熱食補救。」

隱憂二價錢貴難入內地市場

一個呂宋杧售價約十元左右,但愛文杧最平亦要二、三十元,較好的品種,甚至要六十至八十元。「我哋用嘅就係六十蚊嗰隻。」Joe指因材料貴,一碟配以杧果肉的黑糖冰,售四十八元,杧果冰最便宜要五十八元,最貴的「兩溝」冰底再加雪糕及果肉,售一百二十八元。初時,Joe打算香港及廣州同時開店,最終因定價方面同拍檔出現分歧而告吹。Joe無奈道:「我哋想行高檔路線,佢想平民化,而且大陸食品入境好多要求,我哋要從台灣入貨,比較麻煩。」

隱憂三鋪位偏僻

香港店選址尖沙咀赫德道,附近有不少酒吧及糖水鋪,但由於MangoChaCha位置近漆咸道南,人流明顯不及寶勒巷一帶。Joe坦言,目前主要靠早前傳媒報導及口碑吸引客人,「Walk-in嘅客人不多,希望用專門店嘅噱頭,吸引客人專程來食。」Joe在開店前,曾找來一些略有名氣的僆模造勢,如邦民財務廣告的「邦女郎」陳嘉寶,以及「高登女神」黃美琪等。最近,他又計劃和近期流行的3D照相館及「逃出香港」等公司合作宣傳,「例如可以喺3D照相館加啲杧果嘅立體畫嚟影相,或者我喺鋪頭就劃一個區域俾客人影相,互相宣傳。」開店四個月,天氣仍炎熱,晚飯後的黃金時段,鋪頭外約有十多人等位。Joe指目前生意增長空間不大,但對前景信心十足:「第一間鋪最緊要打響名堂,希望儲到口碑同彈藥,開多幾間分店,透過大量入貨來壓低食材成本,才可以提升利潤。」

開業資料(4/14)

租金:$40萬*裝修:$60萬入貨:$15萬雜費:$5萬特許經營合約費:$10萬總投資額:$130萬

營業資料(7/14)

營業額:$32萬租金:$10萬入貨:$7萬雜費:$1萬人工:$6萬盈利:$8萬

一點意見

以杧果千層班戟起家的沛公甜品,十月份將於銅鑼灣開設第四間分店,老闆曹捷沛認為,MangoChaCha以台灣杧果冰做主題夠gimmick,但卻有三個地方要留意:1.愛文杧果做甜品不及呂宋杧出色,因為呂宋杧當造季節較長,杧果味亦較香濃,愛文杧果只得甜味沒有香味。「呂宋杧成本較平,一般五至十五蚊一個,愛文杧動輒要數十元。」2.許留山分店多,Joe單做杧果類甜品風險高。「沛公尖沙咀店就喺佢哋附近,該店杧果產品所佔生意額由七成跌到三成,要增加榴槤甜品。」3.MangoChaCha鋪位人流較少卻要十萬租金,沛公尖沙咀店人流較多卻只需十三萬租金,「赫德道同寶勒巷做旺咗,但人流都分唔到佢那邊,做唔到walk-in客,生意額差好遠。」

 
廿八 八歲 歲仔 仔引 外援 追擊 許留 留山
PermaLink: https://articles.zkiz.com/?id=110746

馨馨細語:廿八蚊後遺症

1 : GS(14)@2012-05-11 00:06:12

http://www.sharpdaily.hk/article/sup/20120510/88248
有線電視報道,深水埗的舊樓,最近治安變差,多了爆竊案,究其原因,係因為最低工資實行之後,保安員薪水大大提升,每月過萬蚊,舊樓業主難以負擔,唯有兩更變一更,夜晚不設防,賊人如入無人之境,好容易做世界。
我有個朋友,開了間麪店,生意本來做得不錯,點知廿八蚊出現之後,班夥計走了一大半,個個走咗去做看更,我朋友呻到樹葉落,跟住請嚟嘅人,唔係捧住碗麪儍笑,就係用粗口鬧客,有個仲話佢:「點解唔畀我飲水吧啲嘢呀?」一言蔽之,新嚟嘅人本來係水準之下嘅,廿八蚊一出現,就出嚟博博。我朋友間麪店o依家已經執咗嘞,佢話咁激氣不如不做。我話佢連累其他夥計失業噃,佢話叫佢哋去問李卓人啦!
咁我就唔知李卓人當日大力促成最低工資時,有冇諗到會發生以上嘅情況。

最近仲話要加到三十三蚊㖭!話香港實施咗最低工資都成年咯,冇乜事發生呀!但據做飲食業嘅朋友講,其實暗湧係有嘅,舊年三一一日本海嘯後,日本食肆間間喊救命,食客去晒其他食肆,酒樓快餐店西餐廳大旺,做成個假象啫。一句講晒,經濟好時可以消化,經濟差時廿八蚊都啃唔落,何況三十三蚊?
尊貴嘅議員們,唔該諗清楚呀!

葉潔馨
2 : ngsw(26385)@2012-05-11 01:02:10

28蚊你請到伙記嗎?請到嘅都只是老弱殘兵有心無力,或偷呃拐騙蹾波鐘。
今年請暑期工都要33蚊啦!
到33蚊立法時,無38蚊你都唔使指意請到人,除非阿CY出招極速隊倒冧個樓市和經濟,咁就可以條理一下。
3 : kwuntl(19490)@2012-05-11 01:32:21

28蚊係不歸路~~ 但係李卓人都會好快失勢玩完~~
4 : Ar Yan(11362)@2012-05-11 06:53:16

3樓提及
28蚊係不歸路~~ 但係李卓人都會好快失勢玩完~~

我反而從上次區議會睇到市民點表態
李卓人去天水圍,我猜佢諗住佢搞左最低工資,天水圍班人會選佢,結果當然係输
陳淑莊在富豪區搞連任,結果俾個連咩水都自未知架搞店左(唔好同我講個區會有種票)

兩個階別,對佢地大義架政策,都唔領情
5 : GS(14)@2012-05-11 22:54:29

其實人工加D野照樣加...無甚麼幫忙..
6 : barryruger(14987)@2012-05-11 23:27:49

我覺得純粹係人口質素下降...番工D人真係一個廢過一個, 咁公司點都要有人用, 明知低能都要請住先

以前洗碗3/4K, 而家講緊8/9/10k, 原本洗緊碗果D去左邊?
7 : GS(14)@2012-05-11 23:30:41

6樓提及
我覺得純粹係人口質素下降...番工D人真係一個廢過一個, 咁公司點都要有人用, 明知低能都要請住先

以前洗碗3/4K, 而家講緊8/9/10k, 原本洗緊碗果D去左邊?


你是老細?>
8 : barryruger(14987)@2012-05-11 23:36:54

7樓提及
6樓提及
我覺得純粹係人口質素下降...番工D人真係一個廢過一個, 咁公司點都要有人用, 明知低能都要請住先

以前洗碗3/4K, 而家講緊8/9/10k, 原本洗緊碗果D去左邊?


你是老細?>


細公司管理層姐...

洗碗保安侍仔呢D工種人工一向唔高但係又差不多, 咁大家都食28蚊, 點解個個而家先轉保安唔洗碗唔係一早就轉??
9 : tyan(27180)@2012-05-11 23:44:28

我話佢連累其他夥計失業噃,佢話叫佢哋去問李卓人啦!
1. <=到時係要求加綜援............
2. 綜援加完......33元都係唔足夠..........
3. 回到1.
10 : barryruger(14987)@2012-05-11 23:46:50

又或者咁睇, 筆者講既"新嚟嘅人本來係水準之下嘅,廿八蚊一出現,就出嚟博博。"我就唔同意, 博就個個都博, 唔博就一係食政府一係食屎...而家又唔係政府派個人要你請左佢, 自己IN自己請既, 請到廢人係HR方面有錯, 唔關28蚊事...用28蚊留唔低好人手, 就真係應該諗下邊度可以有效率D搾多DD比員工...咩價就請咩人, 遇到好人係好運, 當然要留低人幫自己手搵錢.
11 : tyan(27180)@2012-05-11 23:50:34

我係指李卓人動機........佢份工係有野要去做先掂..............
12 : GS(14)@2012-05-11 23:54:13

10樓提及
又或者咁睇, 筆者講既"新嚟嘅人本來係水準之下嘅,廿八蚊一出現,就出嚟博博。"我就唔同意, 博就個個都博, 唔博就一係食政府一係食屎...而家又唔係政府派個人要你請左佢, 自己IN自己請既, 請到廢人係HR方面有錯, 唔關28蚊事...用28蚊留唔低好人手, 就真係應該諗下邊度可以有效率D搾多DD比員工...咩價就請咩人, 遇到好人係好運, 當然要留低人幫自己手搵錢.


即是大家都睇價錢做野
13 : barryruger(14987)@2012-05-11 23:55:14

11樓提及
我係指李卓人動機........佢份工係有野要去做先掂..............



我講緊28蚊本身, 李卓人動機並不考慮, 萬勿誤會, 我打字慢post唔切姐
14 : barryruger(14987)@2012-05-12 00:03:39

12樓提及
10樓提及
又或者咁睇, 筆者講既"新嚟嘅人本來係水準之下嘅,廿八蚊一出現,就出嚟博博。"我就唔同意, 博就個個都博, 唔博就一係食政府一係食屎...而家又唔係政府派個人要你請左佢, 自己IN自己請既, 請到廢人係HR方面有錯, 唔關28蚊事...用28蚊留唔低好人手, 就真係應該諗下邊度可以有效率D搾多DD比員工...咩價就請咩人, 遇到好人係好運, 當然要留低人幫自己手搵錢.


即是大家都睇價錢做野


當然, 所以話僱主比28蚊之後單方面小D工人好跳槽係非常唔公平, 倒不如諗下點保持商業競爭力/對僱員既吸引力...當大家都比咁多, 好人好姐當然做哂D舒服D前途好D既位, 果D死位打靶位一定係重賞先有勇夫, 否則請極都係白痴(唔白痴都唔揀你啦)...做生意都係啦, 好油水既都比最有能力既食哂, 唔通見你個樣可憐, 開條坑比你透氣咩...
馨馨 細語 廿八 八蚊 蚊後 後遺 遺癥
PermaLink: https://articles.zkiz.com/?id=279263

鄭家華:基金年廿八前先洗邋遢

1 : GS(14)@2013-01-31 00:02:51

http://news.on.cc/cnt/finance/20 ... 0128_00842_001.html
【on.cc 東方互動 專訊】 東方產經「搜財奴」專欄作者鄭家華:理論上,港股在向上試穿23,710點這19個月高位後,於上周五微跌不足19點,是個輕微不過、甚至幅度未夠的調整。但真正有入市搏鬥的讀者都知道,這絕對是表面平靜,其實內暗藏殺機的一日。因為以主板和創業板股份計,全日有逾千家錄得股價下跌,由內險股到太陽能板塊等熱炒股都有份。
曾經穩如定海神針的內險股忽然下跌,緣於中保監主席項俊波表示,中國保險業增速去年首次下降至單位數,而2013年可能是保險業最艱難的1年。項主席究竟是指內險公司的業務經營環境,還是以A股為主的內險公司投資環境,報道並沒有更詳細披露。若指後者,大家又是否應該把手上的各式A股交易所基金(ETF)拋售?若主席所指為業務經營環境,投資者則要考慮內險投資收入增長能否彌補,才決定是否撈底。
至於太陽能板塊被拋售,熟悉我言論的人,自然不會覺得太過驚訝!因為由始至終,中國的太陽能相關上市公司,皆屬中、上游原材料或產品生產企業。全球產業產能過剩,競爭環境激烈,而中國相關企業技術含量亦偏低,基本上沒有政府補貼的話,大部分早就活不下去。太陽能股炒過龍早前傳出,中央政府有可能會出政策扶持,同時股神巴菲特亦投資太陽能項目,加上相關股份價位低殘,曾令這個板塊炒得有點瘋。
但政策久久未見落實,卻見業內公司如卡姆丹克(00712)於個多月內兩度批股吸資,行業實際環境如何,不言而喻!至於股神所投資的太陽能項目,為最下游的太陽能發電場。這有點類似三一重工(00631)的集團公司,去年初想買入位於美國軍事基地附近的風電場一樣,屬有長期買電承諾的地區性公用事業項目。只要買入價廉宜,是有穩定回報的。股神寧買發電場而不買上游太陽能產品股,他看好的是甚麼,一目瞭然!
當然,近千隻股份下跌,跌的決不止兩個板塊,巨無霸中移(00941)固然被沽完再沽,近日風電板塊中追落後最力的中國高速傳動(00658),單日亦再跌近7.5%,年初起最多近三成的升幅,一筆勾銷。過去1個多月有復甦跡象的半新股板塊,亦見洗倉沽售痕跡,包括自己持股比例較重的中國機械工程(01829)和再次跌穿招股價的鄭煤機(00564)。
酒友前銀行司庫「威發」問我,會不會擔心大市有重大調整?我跟他說「不太擔心」,恆指2月底前,相信22,800點左右會有不俗支持。事實上,周五因應美國國際集團完全減持,將會增加在恆生指數比重的友邦保險(01299),以全日高位收市。我懷疑,近日唱淡內險股和中移的部署,很大機會是對沖基金偷步沽空比重將會降低的成分股,買入比重將上升的友邦所致。至於二、三線股大幅回調,則可能是基金大戶在農曆新年長期前,沽出估值太高或前景不明的概念股,換入質素相對穩定的中型股份的洗邋遢行為。君不見筆者年初較大路的推介,如中石化(00386)和創科(00669),上周五股價不跌反升嗎?
申銀萬國聯席董事 鄭家華(作者為註冊持牌人士,持有中國機械工程)
家華 基金 年廿 廿八 前先 邋遢
PermaLink: https://articles.zkiz.com/?id=282244

【六四廿八】田毛毛籲勿忘記 叫CY定叫你?

1 : GS(14)@2017-06-10 12:17:21

自由黨榮譽主席田北俊6月4日凌晨約1時在facebook出post,分享接受《蘋果》專訪講特首梁振英即將下台的感受之報道,爆出一句「忘記他等於忘掉了一切」,並落hashtag「#識唱一齊唱#假使有日能忘記#呢排好唱口」。由於在6.4出po,「忘記」二字即令網民有聯想,有人留言:「毋忘六四」,更有人呼籲「六四,維園見!」有人更貼出梁特1989年登報譴責中共屠城的聲明贈慶。田北俊早年曾因高調倒梁,遭北京撤銷全國政協委員職務,他在訪問中說:「我對CY(梁振英)最大嘅意見,係佢做特首,忘記咗係為香港幾百萬人做嘢,行政長官係為市民服務,中央領導都叫你為香港人服務,你唔可以當自己係香港人老闆……」。他所說的「忘記」真的只指梁特抑或有其他意思,要大家自己領會了。網民留言:
Eric Cheung:毋忘六四
Wai Sim Chan:【六四】,維園見!袁翠珊:689從來都唔會為香港人着想啦,因為佢當自己係大陸奴才
Wong Patrick:總之,第日邊個部門逮捕你,你只需話....呢件事,我已經同中央交代咗,中央亦都好滿意。就乜事都冇啦,邊個夠膽上訪中央呀!



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/news/art/20170605/20045159
六四 四廿 廿八 田毛 毛毛 毛籲 籲勿 忘記 CY 定叫 叫你
PermaLink: https://articles.zkiz.com/?id=334523

【專題籽】大掃除最後直路 年廿八清潔工友的噩夢

1 : GS(14)@2018-02-20 21:06:22

清潔工友整理大垃圾站的紙皮時,街坊有時會說:「有得賺外快益咗你啦!」但其實整理兩天的紙皮盒,推15分鐘車仔,只賣得50元。

【專題籽:港情講趣】今日已經是年廿八,踏入大掃除的最後直路,大家丟垃圾丟得很爽吧?不過對一班清潔工友而言,是一年一度的噩夢。他們雖然都上了年紀,卻練就得一身銅皮鐵骨,超強臂力,手執自製或相伴已久的小道具,日日消滅我哋「包得唔好」、「危機四伏」、「丟錯地方」、堆積如山的垃圾。


雖然早前長沙灣海麗邨的市民齊心爭取到外判商加少少人工,但在這個垃圾飆升的日子,住客們如果細心一點,也許可減輕他們的負擔。

垃圾站管理員 標叔自備鐵鎚鉗仔丫叉

78歲的鄧英標(標叔)負責整理邨中大型垃圾站,防止太多垃圾丟在垃圾站範圍外,還要叠高垃圾方便垃圾車夾走。以前一個屋邨會有三、四人管理大型垃圾站,因縮減成本,走了的人不再請,兩年前開始,剩標叔一人管理。拍攝當天的垃圾較少,比人更高的神枱、大量電視櫃、三兩座梳化、沉甸甸的雙人床褥,地下滿是閃閃令的玻璃碎。他最大的煩惱是,「亂丟的!有啲人隨便擺下垃圾就走,有時擺到出行人路,就會被投訴。」執起自製的長丫叉在邨裏巡視,叉起花叢裏的零食袋、紙巾等垃圾,也收集被亂丟的大型垃圾。標叔四點下班,但大型垃圾好多時黃昏後才出現,就算見到對方亂丟或丟出站外,他也不敢出聲,「(住客)鬧你投訴你㗎!旨意你搬囉,我裝看不見,他走了我就自己搬過。」我們總是對垃圾站避之則吉,不想要的,快手丟了就劃清界線。標叔手上總帶着鎚與鉗仔,「鎚呀,太大件的傢俬就揼爛它,方便我搬動或叠高;鉗仔則用來箝走爛傢俬上的釘囉!周時都會看不見,一手摸下去刺傷,都是小事,貼了膠布就繼續做囉。」去年10月,標叔竟被馬桶壓傷,「那天垃圾堆到同我一樣高,有個瓷馬桶擺在上面,蓋着床單。我不知道拉下床單,馬桶由四呎多高掉下來,瓷片插入腳,深到見骨,最終縫了兩、三針,休息十天,現在走起路來還痛。」向來最辛苦的,是負責住宅垃圾槽,俗稱「倒樓」的清潔工友。不願出鏡的琴姐,工作時間是每日7時至12時,及傍晚7時至10時,一座樓高40層,一天兩轉即80層,不過最近數星期因怕趕不上進度,下午4時至5時半就出動執一次「前奏」,到7點晚飯後再出動,一般都做到12點,但沒有OT錢,「要倒乾淨嘛,隔朝還是我倒,懶不得!年三十晚最恐怖,有時垃圾房門都推不開,找子女來幫手囉!」


標叔推着戰車,巡視公園執垃圾。「長假期多人落公園玩,或者食嘢聊天,零食袋、紙巾雜物都多呢。」

身為一個大型垃圾站管理員,身上有個鎚都係好合理的。

標叔自製的長叉,叉起小花圃圍欄內的垃圾。


壞了的傢俬,凸出來的釘或螺絲,會傷到清潔工友。

有時看到要兩人搬的大件傢俬,標叔都一個人獨力搬好叠好。


日行80層 「倒樓」琴姐OT冇停手

許多人沒留意,每個屋苑的垃圾槽大小不一,像海麗邨的垃圾槽口只得34乘26厘米闊,只為丟像廚餘等小型垃圾而設。看着她左手拉着垃圾槽門,彎身用右手不停抓起垃圾用力往槽口塞,強而有力的右手,晚晚都發痛。她最害怕是垃圾沒紮好,散得一地都是。「有些是亂丟的,有些是垃圾袋穿了,湯渣湯汁倒滿一地,最怕有人來拆開垃圾翻得一地都是,我要逐件彎腰執,40層,腰痛死了啦!」這兩年少了人丟大型垃圾在垃圾房,不過摺凳、拆散了的茶几、厚砧板、儲物膠箱、甚至微波爐紙盒,還有可回收的膠樽、報紙雜誌與書籍,還是得人肉搬落樓,「長形的東西,好似瑜伽席捲起小小的,但十次有九次會卡住管道,要拿長竹上上下下通渠,仲麻煩!」40層樓,每次最少載滿五至七個紅白藍袋,記者嘗試由35樓執到落15樓,已經腳軟,推開門又見地下有個吊燈,粗口衝口而出,琴姐笑說:「哈哈哈係咁㗎!我成日鬧住做,但都要做㗎啦。」其實受訪的兩名清潔工友都不約而同地讚近兩年大家丟垃圾情況好轉,但我們仍可多留心點,易碎品別放太高,包好或貼張告示;大件傢俬放穩當點;凸出的釘或破損的地方用膠紙包好,減輕街坊工友的危機。不要因為大意、沒留意垃圾槽大小,丟棄「還可以」的小廢物,給清潔工友帶來麻煩。今年大掃除,或者大家可以行多一步,別唔覺意做無情的「垃圾外判商」。


琴姐每日拖住紅白藍,把塞不下垃圾槽的垃圾人肉搬運到地下。

今日垃圾量算少,都搬了五大袋垃圾回地下垃圾站。

看似平平無奇的微波爐盒,原來都塞不下,要搬下樓了。



記者:陳慧敏攝影:蕭志南編輯:彭錦明



來源: https://hk.lifestyle.appledaily. ... e/20180213/20303456
專題 大掃除 最後 直路 年廿 廿八 清潔 工友 噩夢
PermaLink: https://articles.zkiz.com/?id=348603

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019