骨妹孖住爭金像獎余香凝 廖子妤 女女咀「都OK嘅」
1 :
GS(14)@2017-02-11 18:58:03■余香凝(左)和拍檔廖子妤日前再到澳門,憶起不少拍攝《骨妹》的趣事。
【蘋果動搞作】余香凝(Jennifer)去年憑電影《骨妹》於第一屆澳門國際影展暨頒獎典禮中,贏得最佳新演員獎,最近再獲提名香港電影金像獎最佳新演員,而同片拍檔廖子妤(Fish)亦被提名最佳女配角。能夠取得佳績,皆因兩人都付出心機,為演好骨妹角色,特地跟按摩師傅學習,兩人都笑指現已身懷按摩絕技。
■余香凝(左)及廖子妤因飾演骨妹,學會按摩手藝。
■余香凝(中)表示戲中的糕餅店是搭景,因此帶拍檔去食冷糕。
重遊大炮台
重遊大炮台而Jennifer和Fish日前重遊澳門的拍攝場地,除了示範按摩手勢,更介紹澳門美食。其中一個重要拍攝場地是大炮台,Jennifer說:「戲入面Fish係孤兒,佢要跟孤兒院規矩一月一號生日,有場戲講我生日帶咗Fish上嚟,叫佢跟我同一日生日。」
■余香凝(右)及廖子妤演一對曖昧味濃的好姊妹。
■廖子妤憑《骨妹》獲金像獎提名最佳女配角。劇照
婚事hold住
原來現實中,Fish和黃貫中(Paul)同一天生日,Fish說:「我第一部電影就係同Paul合作,大家同一日生日,之後每年佢都會傳短訊同我講生日快樂,又試過彈住結他唱生日歌畀我聽,得我一個有咋!」戲中Jennifer和Fish是一對曖昧味濃的好姊妹,Jennifer大爆Fish經常都想錫錫她,Fish笑謂:「我錫過啦!都OK嘅。」演骨妹又玩曖昧,不過Fish覺得照顧BB一場戲最難忘,她笑說:「我本身好期待結婚生小朋友,但經過呢次之後,都要hold一hold先。」採訪:倩宜攝影:馮峰、卓振輝
廖子妤(左)與余香凝憑電影《骨妹》入圍金像獎最佳女配角及最佳新演員。
二人坦言拍攝前曾拜師學藝,故現時不論按摩還是推油功夫,她們都非常了得。
由模特兒躋身影壇,《骨妹》正是余香凝(Jennifer)的首部電影作品。
余香凝笑指現實中與廖子妤的感情,也如片中角色般,略帶點曖昧感覺。
戲中Jennifer飾演豪爽的靈靈,對好友詩詩(廖子妤飾)照顧有加。
拍攝完電影《骨妹》後,她們成為了無所不談的朋友。
動主播吉吉跟二人於戲中的重要場景中合照留念。
三人於冷糕店前承諾,要當一世的好朋友。
戲中二人共同照顧靈靈的BB。
「原來過得很快樂只我一人未發覺」
來源:
http://hk.apple.nextmedia.com/entertainment/art/20170211/19924410
【add】紅人主場:廖子妤余香凝 進擊之新人
1 :
GS(14)@2017-03-23 06:51:20On Jennifer:Maje黑色喱士裙Pedder Red高踭鞋On Fish:Camilla& Marc印花襯衫La Boutique黑色喇叭褲
香港娛圈出現斷層說了多年,今屆的香港電影金像獎提名名單上卻看見不少具潛力的90後新生代演員,26歲的廖子妤(Fish)與24歲的余香凝(Jennifer)憑《骨妹》分別入圍香港金像獎最佳女配角與最佳新演員,一剛一柔在影壇步步進擊!造型及撰文:趙潔恆攝影:郭賢興香港電影金像獎將於下月9日舉行,提名最佳新演員的余香凝早前卻遇上車禍,Jennifer鼻骨骨折兼臉上恐留疤,她說:「之前都好擔心去唔到金像獎,?家應該OK,好番好多,如果化妝cover唔到,睇吓服裝上點處理,最壞打算係結黑色焦我就搽黑色胭脂,我點都會去嘅。」
On Fish:RedValentino彩色knit背心On Jennifer:J. Crew格紋tube top藍色皺邊裙
Sea NY粉紅色單肩衫
Claudie Pierlot紅色西裝外套
爭獎有信心
Jennifer與Fish二人較早前接受訪問提到入圍金像獎,Jennifer都表現出後生可畏的精神,「做人就一定要有信心嘅,好相信吸引力法則,但係入咗圍我都當贏!」由馬來西亞來港發展的Fish在今個月初的大阪電影節也憑《骨妹》奪得傑出才能獎,對她來說很大鼓舞,「因為係我演藝生涯第一個獎項,我一路都以做好演員為目標,至於金像獎都未敢諗太多,怕希望越大失望越大。」二人笑說已想好頒獎禮後要去吃雞煲,「我哋最鍾意食雞煲,如果兩個都有獎,就公司請,如果兩個都冇獎就自己畀番錢啦!」
■廖子妤於大阪電影節奪得傑出才能獎。
■余香凝在去年尾舉行的澳門國際影展奪得最佳新演員。
■二人因《骨妹》而成為好姊妹。
不抗拒裸露
Fish兩年前在《同班同學》有裸露演出,新人來說絕對是大膽去到盡,提到為演戲還會再挑戰底線嗎?「似乎都冇乜嘢比全裸更底線,我唔敢講實將來唔會再咁做,但係如果同《同班同學》題材太似都未必,可能到我下個階段、大個啲,演媽媽嘅有需要都會考慮。」至於第一次拍電影就要學吸煙、學講粗口的Jennifer,對赤裸演出都抱開放態度,「如果劇本係好都唔會介意,睇過阿Fish做過嘅,都唔係色情,最緊要係劇本。」兩個女仔一齊拍戲好易惹爭風是非,不過二人如戲中一樣成為好友,Jennifer話:「我哋識咗五年,不過都係拍完呢套戲先至好friend。」二人本來準備要互爆對方秘密,最後變了互數優點,認真好姊妹,Fish舉手要先講:「Jennifer學嘢好快,工作又準時,人哋一嗌佢就九秒九飛埋去,做乜都會話OK。」Jennifer就形容Fish是個高質素朋友:「佢會好認真分析一件事,成日有好多message同錄音彈出嚟。」
傾感情煩惱
Fish與Jennifer分別同演員周祉君與陳家樂拍拖,兩姊妹更會分享感情煩惱,Fish話:「我哋呢啲青春少艾梗係會講吓啦,都會兩pair出嚟一齊食飯傾偈,大家都係做呢行,會傾電影嘅嘢。」
子華神與嘉玲姐
廖子妤在馬來西亞讀書時已視黃子華為偶像,即席唱出子華神所創的《不灰鞋》,又說:「覺得住喺香港最開心就係可以睇佢嘅舞台劇,我最鍾意就係佢一套內地電視劇叫《非常公民》,覺得佢好有魅力。」余香凝拍《骨妹》時看了很多劉嘉玲的電影學做大家姐,但她最想合作的女演員卻是林嘉欣,「佢係我女神,如果可以喺佢身上學到少少嘢就好喇。」
更多精采時尚內容,盡在
http://add.appledaily.com。
來源:
http://hk.apple.nextmedia.com/entertainment/art/20170323/19966656
廖子妤爆余香凝留瘀傷
1 :
GS(14)@2017-03-24 17:08:07廖子妤昨日與簡淑兒及Super Girls現身將軍澳出席卡通人物Bunny King活動,大會安排她們製作復活蛋。廖子妤自爆家中收藏近20隻公仔:「我第一次嚟香港都係攬住隻兔仔嚟,我會幫佢哋改名,同佢哋傾偈、喊會攬住佢哋。」提到好友余香凝的康復進度,廖子妤指對方的傷已開始脫皮:「都有啲瘀,暫時唔係好化得妝,但佢最近食多咗嘢,話自己肥咗。過兩個星期啦,應該可以扮靚靚一齊去金像獎。」同場的簡淑兒再被網友質疑整容?她謂不會刻意澄清:「冇用㗎,Angelababy都拎過醫生紙出嚟,我唔想大家專注呢樣嘢。」採訪、攝影:盧妹
來源:
http://hk.apple.nextmedia.com/entertainment/art/20170324/19967803
34歲阿Yu演27歲廖子妤母
1 :
GS(14)@2017-04-09 10:49:41趙頌茹(阿Yu)、廖子妤(Fish)、談善言、布志綸同薛國斌等昨日到紅磡為懸疑電影《鱷魚談》舉行發佈會。前動新聞主播薛國斌為大會擔任司儀,亦有份為電影演出,他說:「我最大嘅挑戰係要辱罵布志綸,自己都係細細個聽佢嘅歌,?家無啦啦要鬧我嘅偶像,都係一個挑戰。」
■前動新聞主播薛國斌拍《鱷魚談》的最大挑戰是辱罵偶像布志綸。
阿Yu與Fish飾演兩母女,阿Yu說:「我今年34歲,不過演戲係咁,咁先有挑戰。我人生都經歷咗好多嘢、好成熟㗎喇。」上月底剛過27歲生日的Fish,指電影較陰沉,擔心會有情緒病,她說:「因為我好易投入同相信,但演戲係技術,要學點去抽身。」採訪:盧妹攝影:仇志德
來源:
http://hk.apple.nextmedia.com/entertainment/art/20170409/19984226
余香凝攬廖子妤慰藉
1 :
GS(14)@2017-04-12 22:42:36《西遊記之孫悟空三打白骨精》前晚在金像獎贏得最佳服裝造型設計和視覺效果兩獎,身在無錫為第三集《西遊記之女兒國》趕戲的導演鄭保瑞,聽到這喜訊感到開心,更多謝老闆王海峰支持。有份拍《女兒國》的梁詠琪亦替鄭保瑞開心,其有份參演的《骨妹》,兩位女主角廖子妤及余香凝分別提名最佳女配角及新演員獎,但前晚兩人都輸了,梁詠琪感惋惜:「其實佢兩個都好努力去演,輸咗唔緊要,仲有好多機會。」廖子妤與余香凝前晚出席慰勞宴時攬攬安慰,廖子妤表示:「當日知道入圍已經好開心。」撰文:鍾國仁
來源:
http://hk.apple.nextmedia.com/entertainment/art/20170411/19986228
余香凝廖子妤 獲家棟鼓勵
1 :
GS(14)@2017-04-15 23:27:58余香凝和廖子妤昨日在荷里活廣場出席台南街頭小食節,二人打算相約去旅行,可惜正為電影拍攝,未能抽到時間,余香凝說:「?家日夜顛倒,但我哋約好咗,無論點樣,拍兩套戲之後一齊去旅行。」余香凝之前受傷正康復中,不用戒口。早前參與香港金像獎頒獎禮的余香凝和廖子妤,感恩因電影《骨妹》而被人認識,雖沒得獎但不失望,並透露除現在拍攝的新戲外,還有其他電影斟洽中。她們覺得香港電影人好愛錫新人,出席《骨妹》慶功時,廖子妤說:「林家棟有過嚟,仲畀佢個獎我哋拎,佢話電影業要靠我哋新一輩,都覺得有壓力,但感覺到所有人都好努力。」採訪、攝影:王連連
來源:
http://hk.apple.nextmedia.com/entertainment/art/20170415/19990538
Next Page