ZKIZ Archives


中環在線:大陸紅底股全線淪陷香港剩番五隻 李華華

2008-10-20  AppleDaily


上 兩個月華華先講過,大陸得番一隻紅底股,就係剩低上海掛牌嘅貴州茅台單天保至尊。估唔到兩個月後,貴州茅台亦喺金融海嘯巨浪下慘遭淹沒,上個禮拜五,股價 跌穿100蚊人仔,收報97.89蚊。亦即係話大陸紅底股抗戰失敗,終於全告淪陷。全球股災爆發前,內地股市全盛期一度有超過10隻紅底股,貴州茅台作為 內地基金愛股,股價屢創新高,不知幾咁風光,去年尾及今年1月初曾經兩度急升至230蚊人仔。可惜花無百日紅,全球大冧市,大陸股市亦受重創,茅台股價先 後失守兩百同百五蚊關口,上個禮拜五最終失守100蚊,年初至今股價累積插水近六成。至於港股方面,雖然仲有一隻手數得晒嘅5隻紅底股,包括重磅藍籌滙控 (005)、恒生(011)、永隆(096)、渣打(2888)同埋宏利(945),不過相信唔使好耐,紅底股就會篩剩3隻。家吓滙控同恒生兩父子股價跌 至百零蚊,只係掹車邊,美國或歐洲是但爆單壞消息,佢哋就隨時紅底不保。

滙控恒生危危乎

滙控同恒生兩父子近排真係黑氣纏身, 老竇滙控上月9號俾大摩追魂索命,發表「戰略研究報告」,預言滙控未來60日跑輸大市,結果滙控股價每況愈下,加埋金融海嘯衝擊,股價個半月下跌15%至 105.2蚊。阿仔恒生又唔生性,投資失誤,可能要為投資華盛頓互惠銀行嘅債券作出大筆撥備,消息引發市場恐慌,股價短短1個月插水50蚊,跌至106 蚊。唔通黑開真係有條路?

香港紅底股

‧宏利(945)股價*:179.1元今年高位:317.6元今年變幅:-43.6%

‧永隆(096)股價*:155.7元今年高位:156.0元今年變幅:+63.0%

‧渣打(2888)股價*:140.0元今年高位:291.0元今年變幅:-51.7%

‧恒生(011)股價*:106.0元今年高位:168.0元今年變幅:-34.1%

‧滙控(005)股價*:105.2元今年高位:137.2元今年變幅:-20.1%

*上周五收市

資料來源:彭博資訊
中環 在線 大陸 紅底 底股 全線 淪陷 香港 剩番 番五 五隻 華華
PermaLink: https://articles.zkiz.com/?id=2723

撈底股小小補充同修正 PARTIPRAL 派得好

http://partipral-hk.blogspot.com/2011/03/blog-post_19.html

亞倫國際 (0684.HK)

早前都有約略研究過呢隻股, 詳見舊文. 整體來講係一間幾唔錯既公司, 當時股價處$4水平屬歷史新高, 以小型工業股來講7倍P/E唔算好貴, 但5.7%左右既股息率就明顯不甚吸引. 至於後來大升至$4.5以上, 或多或少全靠商台骷髏會拎左黎做焦點擊股, 到依家市況不穩慢慢回落至$3.5水平, 又開始有返少少吸引力. 大家可以睇返佢上年11月公佈既中期業績, 營業額增長兩成但因為原材料價格開始回復正常而令毛利率下跌, 結果盈利如果撇除物業公允值變動的話其實係輕微下跌. 雖然係咁, 集團惠州市兩間新廠今年2月已經開始運作, 預期對產能同成本控制方面會有多少幫助, 縱然下半年業績唔會有太大驚喜, 甚至可能比上年度出現倒退, 前景都未至於睇得太淡. 個人預計如果全年每股盈利撇除物業重估倒退1成的話, 即大約每股賺$0.51, 全年派息維持不變. 以P/E 6 計目標買入價為 $3.06; 以息率 7%計目標買入價為$3.28.


聯亞集團 (0458.HK)

有關聯亞既簡單分析可以參考舊文, 此股最大賣點係上年既非現金流虧損或許會影響市場對其既估值, 而今年度業績好大可能扭虧為盈, 屆時獲市場重新估計既機會頗大. 當然大家如果參考圖表, 都可以感受到其實重估過程已經在中期業績公佈後不斷進行中, 現價比高位回落約1成但比起公佈中期業績當日已經上升左超過3成. 近日回得比較急既其中一個原因可能係唔知算唔算同業既永嘉(3322)剛公佈一份令人頗失望既全年業績, 但同永嘉唔同既係: 1. 聯亞零售業務係賺緊錢而永嘉蝕緊過億; 2. 聯亞主要市場於美國而永嘉主要市場於歐洲, 當然兩者未必可以直接比較, 但永嘉來自美國既收入增長近倍或許對聯亞有多少啟示所用. 整體來講我預期聯亞今年至少可以賺1億以上, 保守估計當佢賺1億即每股盈利約$0.38, 派息率4成的話即係全年派$0.16. 以P/E 6計目標買入價為$2.28; 以息率7%計目標買入價為$2.28.


寶光實業 (0084.HK)

另一隻我有曾經簡單研究過既公司, 過去3年寶光總盈利為1.87億, 而總已繳稅項為1.54億, 呢個係一個乜野既數字呢? 寶光既弊處在於存貨週轉速度慢, 資金需求較市面上有售既零售同業為高導致負債較多而且派息較少, 而好處在於業績已經衰到貼地, 但事實上又未必係咁差, 形成將來一好一壞既對比可以好大, 可以搏下到時市場會出現過敏症. 保守估計寶光全年可賺1億即每股盈利約為$0.105, 以P/E 8.5計目標買入價為$0.89; 以息率6%計目標買入價為$0.83.


龍記集團 (0255.HK)

有關龍記既簡析可以參考舊文, 主要想補充既係估值方面. 舊文提過佢全年每股可賺$0.48算係一個頗基本既要求, 而另一個賣點在於派息方面, 上市公司一般來講除非下半年賺少左好多, 否則都好少會下半年派息少過上半年, 而且龍記財政比幾年前大幅改善, 響派息上絕對有疏爽條件, 以下半年派$0.18計, 即全年派$0.36, 當然當中有特別息因素, 但若果撇除特別息, 6成左右既派息率每股仍可以派到$0.3. 以P/E 10計目標買入價為$5.0; 以息率6%計目標買入價亦係$5.0.


震雄集團 (0057.HK)

有關震雄既簡析可以參考舊文, 以中期業績黎睇若果撇除近億元既其他收益, 半年亦賺近1.3億即每股賺$0.21, 觀乎過去幾年既表現同埋行內龍頭海天(1882)最近公佈既業績, 震雄全年非常大可能賺2.6億以上, 而個人覺得就算賺到3億都唔出奇, 即每股可賺$0.47而派息率5成即每股派$0.235. 以P/E 9計目標買入價為$4.23; 以息率6%計目標買入價為$3.92.


慕詩國際 (0130.HK)

個人冇深入研究過呢間野, 對佢既認識比較流於表面, 例如 現金流不錯, 現有1.7億現金而0負債; 存貨週轉速度理想; 過去5年有穩定交稅; 派息比率穩定等等...上年公佈既中期業績公司純利1千7百萬即每股賺$0.06, 以過去幾年一般來講下半年都比上半年多賺2倍以上去推算, 全年能夠賺6千萬都唔應該覺得奇怪. 純利6千萬即每股盈利約為$0.21, 但由於此股盈利可測性較低, 估值或許應該向下調多少, 以P/E 8.5計目標買入價為$1.79; 以息率7%計目標買入價為$1.80.


佐丹奴國際 (0709.HK)

雖然個人冇深入研究過呢間野, 但如果純以中期業績推算, 半年賺2億即每股賺$0.135, 若然全年能夠保持相若表現, 即每股可賺約$0.27, 8成派息率計即每股派$0.216, 由於GIORDANO都算係比較名牌既本地零售股, 以P/E 13計目標買入價為$3.5; 以息率6%計目標買入價為$3.6.


經濟日報 (0423.HK)

經濟日報係其中一隻幾值得留意既傳媒股, 尤其係當南華早報(583)同才庫(550)都相應交出唔錯既成績時, 就更突顯經濟日報既投資/投機價值. 始終如果講到廣告收益令盈利提高的話理應人人都可以受惠, 半年已經賺到7千萬, 當佢全年賺1.4億的話即每股賺約$0.32, 派息率5成的話即每股派$0.16, 以P/E 8計目標買入價為$2.56; 以息率6%計目標買入價為$2.67.


信星集團 (1170.HK)

上市超過15年既鞋廠一間, 10年前集團既盈利高峰期應該在04年, 當時全年可賺過億. 但自從失去大客TIMBERLAND之後盈利節節敗退, 股價亦江河日下, 久而久之形成多少估值上既低估, 直至去年公佈業績, 全年再次賺過億後終於獲得市場重新注視, 股價開始回復正常估值. 今年半年賺6千5百萬, 若然佢下半年仍可交到相若表現, 全年可賺1.3億左右即每股賺$0.195, 5成派息率即係每股派$0.0975. 以P/E 8計目標買入價為$1.56; 以息率6.5%計目標買入價為$1.5. 當然呢個係好表面既睇法, 比較實際既係佢交稅交得果3百萬唔夠, 擺明同過億既純利不符, 呢點就要再小心考慮了.


金界控股 (3918.HK)

將金界放於最後一隻講係因為相對來講佢係最冇懸念既一隻. 全年業績已經公佈而且表現不俗, 績後我都有曾經寫過段簡評, 可以參考舊文. 除左核數師令人不放心外, 獨市經營, 派息率高, 財政健康等等條件都頗吸引. 但個人感覺呢隻股總係有多少陰陽怪氣, 尤其係現價$1.49 即P/E 只得9倍而息率高達7.7%實在平得太明顯. 除左透明度較低外, 究竟佢仲有D咩不足之處係我搵唔到呢? 定係一句市場錯價就可以解釋哂?

撈底 底股 小小 補充 修正 PARTIPRAL 派得 得好
PermaLink: https://articles.zkiz.com/?id=23269

智取大市:圓底股破位炒重估

1 : GS(14)@2016-04-13 17:00:21

宏觀形勢無大改變,美滙指數正在下試93左右嘅過去1年低位,有機會形成支持,而喺美滙指數尋獲支持並回升之前,保持短線睇好港股,蜜月期暫時唔理係長係短,炒住先,等美滙明顯轉跌為升、港股由強轉弱之際,先選擇轉軚。上一期講過圓底股特別受歡迎,近期有中海物業(2669)呈圓底兼守穩保歷加通道中軸,股價由3月中開始一路大漲小回,剛剛突破1.2元頸線,走勢靚仔兼成交增,雖然出現三連陽,但突破頸線後阻力大減,相信唔會升一棍就罷休,加上波幅甚大,單日有本事大成交配合下,升超過一成甚至兩成,相比噚日提及慢升嘅中海發展(1138)作比較,短線或許係更值得入手嘅選擇。中海物業喺3月14日出現超大陽燭,原因係中海外(688)公佈以310億元人民幣吞併中信嘅地產業務,成為轉捩點。完成交易後,中海外大有機會將今次收購嘅中信旗下2,400萬平方米地產項目,全線交予中海物業管理,呢個規模已相當於中海物業所管理建築面積嘅三成。再加上中海外不斷向中海物業繼續注入新項目,雙引擎催谷業務,預計中海物業將可由穩定增長,變為高速增長,可見將來業績肯定較舊年純利增幅20.6%為高,令股價進入重估潮。晉佳
https://www.facebook.com/advanceguy1/





來源: http://hk.apple.nextmedia.com/financeestate/art/20160413/19568485
智取 大市 圓底 底股 股破 破位 位炒 炒重 重估
PermaLink: https://articles.zkiz.com/?id=299183

恒指三連跌 強勢股照升瑞聲昨變紅底股 吉利騰訊炒上

1 : GS(14)@2017-04-22 10:19:42

【本報訊】強股越強,瑞聲躋身紅底股。恒指3連跌再創一個月低,但騰訊(700)、吉利(175)及瑞聲(2018)等今年強勢股逆市受捧,後者狂飆半成至100.3元收市。基金指在缺乏新炒作概念下,港股有強股越強、弱股越弱情況,並不排除會沽出近日轉弱的內房、內銀,待大市調整至23500點時換馬越升越有的科技及手機股,意味強弱股差距或續擴大。記者:余倩敏



恒指昨早段挫200點,低見23723點,但收市跌幅收窄至98點或0.4%,收報23825點,3天累積調整488點。H指跌99點或0.6%,收報9983點,失守萬關並創差不多兩個半月低。昨有近千股向下,主板成交722億元,沽空率連續兩日維持13%。3隻今年的強勢藍籌是昨日大市跌幅收窄功臣,包括吉利推新款車獲大行唱好,昨升逾6%成表現最好藍籌,累計今年已狂飆52%;瑞聲受惠蘋果今秋推3部新手機傳聞,收市大升5.8%破頂,今年暫累升42%,首次晉身紅底股,為藍籌股中第五隻;騰訊昨則進賬近1%,單隻股份已將恒指跌幅收窄25點。


專家倡吼23500點換馬

事實上,港股近期有強股越強、弱股越弱趨向,除吉利及瑞聲外,舜宇(2382)、恒大(3333)、金隅(2009)及雅居樂(3383)累計今年至少升五成,昨齊齊逆市升約2%至3%;相反,年初起報跌或升幅稍為落後的弱勢股,如中石化(857)、金沙(1928)及旺旺(151)等昨表現遜色,跌幅介乎1%至3%,跑輸大市。持有騰訊、舜宇及耐世特(1316)等強股的豐盛金融資產管理董事黃國英,同意資金存在追強股現象。他解釋強股如騰訊「沽咗都唔知買唔買得番,不如唔好沽」,因而造成了強者越強、弱者越弱的局面。東驥基金管理董事總經理龐寶林表示,大型強勢股派息不俗,故獲基金垂青,至於弱勢股要遇上旺市及故事,才有機會獲資金如北水短線炒起。不過基金暫未急於撈貨,龐寶林表示大市弱勢未完,本月餘下時間仍然看淡,會先沽出內房股及內銀股一類弱勢股,換成現金後,再部署於大市調整至約23500點水平時伺機換入強股。中投傲揚基金經理溫鋼城透露,現手持六成現金等買貨,惟要待大市跌至23500點才考慮入市,中長線較睇好科技股、手機設備股及基建股,另內銀股因價殘亦可博短線反彈。




來源: http://hk.apple.nextmedia.com/financeestate/art/20170420/19995289
三連 強勢 股照 照升 升瑞 瑞聲 聲昨 昨變 變紅 紅底 底股 吉利 騰訊 炒上
PermaLink: https://articles.zkiz.com/?id=330985

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019