ZKIZ Archives


結婚十一年帶仔女搬走老公廣州有密友黎瑞恩哭婚變

2014-01-16  NM
 
 

 

現年四十歲的黎瑞恩,○二年嫁給比她大七歲的金利來三少曾智明後全面退出娛圈,奉老爺之命趕造人的她,分別於○三年及○五年誕下現已十歲的長女凱栭及八歲幼子浩儒,三年抱兩湊成「好」字。

看似幸福少奶奶,原來黎瑞恩一直啞忍老公有內地密友的傷痛。據悉,近年曾智明冷待妻兒情況變本加厲,被穿透底線的黎瑞恩,數月前一度帶埋一對子女,搬離九龍塘大宅。

面對一段褪色婚姻,丈夫又無丁點補救之心,傷痛的黎瑞恩被追問婚變,觸動傷痛神經,強忍眼淚頂住。

搭上廣州妹

豪門新抱表面風光!入門十一年,作為金利來集團新抱的黎瑞恩,無豪宅揸手,生活跟一般家庭主婦無分別,與老公的感情也一年比一年冰凍。據悉,近年曾智明與黎瑞恩的夫妻關係已有名無實。兩個月前,黎瑞恩復出舉行兩場慈善個唱,另一半完全冇影;為顧夫家面子,黎瑞恩以老公要公幹作為掩飾,但實質二人婚姻已經破裂。為父親打理集團生意及履行內地公職的曾智明,數年前開始長駐廣州總公司。分隔兩地,初期仍會每星期返港一次,與家人共聚;但兩年前開始,有指他在廣州跟一名任職投資,在飯局認識的廿二歲姓陳內地女子過從甚密後,曾智明漸漸對自己的家庭愛理不理,之後有傳該女子索性辭去工作,並過住富泰生活。「嗰個女仔個樣生得幾清純,不過手段就好犀利,又會成日周圍同人講自己遲早會坐正,只係有人霸住個正印位唔放。」知情者爆。

02年個唱陪實

臨嫁前,黎瑞恩舉行告別演唱會,曾智明由個唱記招、開騷到慶功宴陪到足。可惜十一年後此情不再。

去年個唱冇影

去年11月隱瞞婚變復出開個唱的她,唱到首本名曲之《發誓》:「強忍心裡說話,就當作算吧!」便感觸落淚。輸掉婚姻,但贏到友情,其中不做其他個唱嘉賓的學友,破例撐她。

寶記小花

當年被稱寶麗金三小花之一的黎瑞恩,憑《一人有一個夢想》成名,九七年與富二代曾智明拍拖後,她為應男家要求,放棄仍盛的幕前事業轉做保險。○二年黎瑞恩舉行告別個唱,之後嫁入曾家,並三年抱兩;○七年她再接再厲,可惜懷孕四個月便小產。貴為億萬集團的豪門新抱,黎瑞恩僅於○七年以四百萬買入曼克頓山,四個月後便微賺轉手。十一年來以家為重,但換來只是婚變傷痛。

成個月唔見人

心不在家,縱使坐中港車由廣州回港,車程只需兩小時,但曾智明返屋企見妻兒的次數愈嚟愈疏落;一年前,更加變成每個月只返港一次,很多時還是即日來回,留家半天,就急住返廣州,敷衍了事。念及一對子女,黎瑞恩一直啞忍老公冷待;可惜對方反而變本加厲,有指剛過去的聖誕及除夕,他完全無蒲頭,不顧夫妻情分,也不放一對子女上心。一家四口三缺一的場面,近年司空慣見,她在微博放上的全家福,也是前年長女九歲生日時影的。據悉,夫婦二人曾於一年前為雙方關係攤牌。「傾完都冇用,個男人依然態度照舊,根本冇放老婆在眼內。小恩子好傷心,但睇在老爺份上,仲有一對仔女,佢一直撐住忍落去。有時出嚟做慈善活動仲要扮到冇事笑晒口,其實佢好辛苦。以前老公逢場作戲,所有人都知,得佢一個唔知,佢仲話兩公婆要互相信任。直到個老公放假都唔願返屋企,一切都太遲。」知情者爆。

老爺出面苦勸

容忍有底線!據悉數月前黎瑞恩終於爆發,帶埋一對子女搬離與老爺奶奶同住的九龍塘大宅,入住方便子女上學的沙田凱悅酒店幾近一個月。老婆擺出分居姿態,但曾智明對家變照舊無動於衷。至於早已把生意交曾智明打理的七十九歲曾憲梓,唯有親自出馬,勸新抱保住頭家。「小恩子對呢段婚姻已經心淡,但老爺奶奶年紀大又錫對孫,佢唔想老人家傷心,到最後都答應老爺搬返九龍塘;所以早排小恩子舉行復出個唱,老爺奶奶都有去撐場。」

愛國家族

現為金利來集團行政總裁的曾智明,是富二代亦是官二代,職銜包括全國政協委員、中華全國青年聯合會成員之一,並擔任社會和法制委員會專委。其父是曾任港區全國人大代表及常委的曾憲梓,也是金利來集團的創辦人。92年開始至今,曾憲梓多番捐出億元給國內建立教育基金、中國航天發展,08年又以億元設立「曾憲梓體育基金」,獎勵北京奧運會中國金牌運動員。打正愛國旗號的曾家,96年集團北上發展多個項目包括香煙及眼鏡等產品,並在廣州設立集團總部,估計市值身家近百億。曾憲梓育有三子,曾智謀、曾智雄及幼子曾智明。有傳79歲的曾憲梓近年已欽點幼子曾智明為接班人。次子曾智雄於06年跟妻子吳嘉寶分居,女方在香港報章刊登一篇「分居啟事」,指丈夫與一位楊姓女藝人有婚外情,令18年的婚姻破裂。

辭公職搬英國

老父出手保住頭家,但曾智明並無珍惜,繼續不聞不問。哀莫大於心死,隱退十一年的黎瑞恩,去年忽然復出開個唱,雖然是做慈善,歌酬及百萬收益全數捐到兩個慈善機構,但黎瑞恩其實是為將來隨時復出養家試水溫。據了解,近日黎瑞恩已辭去所有慈善公職,準備隨時帶埋子女遠走英國,早前她為個唱接受訪問,也曾透露為子女學業着想,打算定居英國;甚至提到在當地搞小生意,自給自足。「一旦要分開,小恩子唔會要任何嘢,只係要對仔女,佢唔想留喺香港,搬去英國一來陪仔女讀書,二來俾自己重新開始。」知情者說。

提婚變眼紅紅

老公變了心,一對子女是黎瑞恩最後防線。上週六、日(一月十一、十二日),一連兩天她都揸車外出,先與一對仔女到尖沙咀午膳,之後再送他們返課外活動,親力親為。本週一(十三日)送完細路返學,黎瑞恩過中環約老友林漪娸午飯,離開時,本刊記者上前求證她與丈夫關係有變一事,婚變、是否忍得好辛苦等問題觸動黎瑞恩的傷痛,只見她拳頭緊握,強忍眼淚。記者追問她老公是否有第三者及長期唔願返屋企,眼都紅埋的黎瑞恩沒有否認,只拋下一句:「唔好問我!」接着黎瑞恩急call司機盡快到場,並與林漪娸去了跑馬地一間美容院,留至傍晚六時許才離開。

手尾長

女人夢想嫁個有錢人!但豪門少奶並非人人啱做,尤其當婚姻亮紅燈也大把手尾,唔似得尋常人可以快手解決,話走就走!

朱玲玲

有「最美麗的港姐」之稱的朱玲玲,77年當選香港小姐冠軍後,翌年便與霍英東長子霍震霆閃婚並誕下三名兒子。自九十年代起,屢傳二人婚變,直到06年老爺霍英東病逝前一個月,朱玲玲才讓好友葉蒨文向外公布自己早在04年已離婚及於97年已搬離霍家,九年來守住婚變事實,全為了顧全霍英東面子。

羅霖

生了三個仔的羅霖於96年嫁給香港富商劉坤銘後淡出娛樂圈,二人結婚17年,傳出婚變多年,但二人極力否認。12年,羅霖終於承認與丈夫已分居,並透露結婚以來一直強忍對方的行為,更試過被動粗。去年羅霖與劉坤銘上演一幕爭仔風波,並暗示收到恐嚇訊息,希望前夫給她一條生路。

結婚 十一 一年 年帶 帶仔 仔女 搬走 老公 廣州 密友 瑞恩 婚變
PermaLink: https://articles.zkiz.com/?id=89346

栢芝帶仔返港長住「碌昆」九月開學

1 : GS(14)@2015-08-06 08:46:21

栢芝自從2011年同前夫謝霆鋒離婚,一直帶住兩個仔謝振軒(Lucas)及謝振南(Quintus)過住「遊牧民族」嘅生活,前年傳佢同仔仔移居加拿大,又真係生活咗一排嘅,跟住上年就同仔仔再去新加坡住兼喺當地讀書,更不時被網民捕獲野生栢芝,成日帶埋啲仔仔去行街街買嘢,昨日有周刊指,栢芝今次同啲仔返嚟香港停留,係因為栢芝決定由新加坡回流香港,Lucas同Quintus亦順利考入同一學校。據周刊報道表示,栢芝早年曾幫大仔Lucas報讀沙田ICS國際學校,當時張堅庭同鄧萃雯幫手,搵牧師幫Lucas寫推薦信,Lucas都有去面試,最終都PASS唔到,不過今次栢芝想留喺香港長住,又要仔仔Lucas入ICS,今次搵咗鄭明明幫手,Lucas終於成功入讀,與同Quintus喺今年9月正式開學,到時一家三口會搬番香港,據知,呢間學校唔止學費唔平,要入讀都唔係咁易。其實栢芝同霆鋒離婚初期,Lucas當時考到入香港仔加拿大國際學校,不過嗰陣栢芝心情低落,成日帶住兩個仔周圍飛,就連去拍內地外景都要帶住啲仔,2013年喺加拿大國際學校開學日就缺席,校方要求家長解釋,兼落最後報到限期,點知栢芝仲潛埋水,Lucas最後被取消入學資格。目前Lucas同Quintus順利考入ICS,栢芝都決定同仔仔搬番去舊居世紀大廈嗰個過億元單位住,出入安排司機接送仔仔,周刊又指,栢芝一直想搬返嚟,因為家人都喺香港,起碼有咩事都有照應,得閒又可以見下佢教會朋友,返內地做嘢,都可以返嚟見個仔。話晒早前有傳栢芝同大佢12年嘅內地富商孫東海過從甚密,今年初更被內地傳媒影到栢芝喺北京工作,喺對方豪宅住咗2晚,據悉男方係為咗方便栢芝喺北京及新加坡往返,先專程喺機場邊買豪宅,依家搬咗返香港,返嚟似乎更加快。另外,栢芝今年三月仲用咗佢個姓氏,加兩個仔個名嘅單字,成立「張南軒」慈善基金添!





來源: http://hk.apple.nextmedia.com/entertainment/art/20150806/19244934
芝帶 帶仔 仔返 返港 長住 碌昆 九月 開學
PermaLink: https://articles.zkiz.com/?id=291962

雷頌德帶仔去睇雪

1 : GS(14)@2016-02-08 03:00:17

雷頌德(Mark)、李樂詩(Joyce)昨日在尖沙嘴出席慈善步行活動記者會,提到好拍檔黎明最近終於開設facebook專頁,日前更上載一條他邊揸車邊rap的搞笑短片,Mark稱自己不單止看過「天王Rap」,更替對方開心:「我覺得佢啲fans會仲開心啲,因為多咗個渠道去溝通。」新年將至,Mark透露將會全家出國旅行去看雪。採訪、攝影:曹家誠





來源: http://hk.apple.nextmedia.com/entertainment/art/20160205/19479796
頌德 帶仔 仔去 去睇 睇雪
PermaLink: https://articles.zkiz.com/?id=295419

聞帶仔探入院前夫呆晒林雅詩行騷強顏歡笑

1 : GS(14)@2016-03-14 01:43:51

■林雅詩離婚後密密工作,昨日為婚紗騷披嫁衣,百般滋味在心頭。


林雅詩(Grace)自去年與老公離婚後,密密工作搵銀,昨日在灣仔會展為婚紗騷活動行騷,其10歲囝囝及媽媽也有前來撐場,不過二人都低調戴上口罩,當傳媒邀請他們與Grace合照但遭拒絕。
Grace提到帶兒子看她工作,問到之前她前夫入院,她帶兒子探望時她即呆了,並強顏歡笑,臉部更現抽搐:「係,佢OK嘅,普通身體檢查,因為年紀大,之前太忙,有幾個月冇見。」記者問到囝囝會否掛念爸爸?會否有復合機會?她表示:「佢冇刻意講,知佢哋有WhatsApp聯絡。應該唔會,我呢邊嘅手續已經搞晒,差佢嗰邊未搞,我控制唔到。」



■徐淑敏表示結婚10周年會再着婚紗慶祝。

■已有三女的徐淑敏,與小女孩行婚紗騷駕輕就熟。

■蔣怡昨與小女孩行騷,她透露白色情人節會與囡囡過二人世界。



Suki婚紗留給囡囡

另外,兩位媽咪徐淑敏(Suki)及蔣怡則在鑽石山,為以紙巾做物料的婚紗活動行騷,大會安排了小朋友與她們一齊表演。已是三女之母的Suki更露背真空上陣,她表示:「有六、七年冇着婚紗,我希望將件婚紗留畀囡囡,將來可以加啲嘢畀佢用,自己就計劃結婚十周年再着婚紗。」Suki透露已約定老公四年後的11月15日再披嫁衣。問到蔣怡會否覺得紙巾製的婚紗不環保?她說:「唔覺得喎,因為佢哋本來都係用多出嚟嘅物料做嘅,同埋知道會去啲比較窮困嘅地方,畀啲將會結婚嘅女仔再着嘅,覺得好有意義。」採訪:王連連攝影:陳俊強、陳慧安





來源: http://hk.apple.nextmedia.com/entertainment/art/20160313/19527138
聞帶 帶仔 仔探 入院 前夫 呆曬 曬林 林雅 詩行 強顏 歡笑
PermaLink: https://articles.zkiz.com/?id=297812

【爆相爆片】帶仔女遊美國環球影城徐子淇甜啜老公 賀結婚十周年

1 : GS(14)@2016-07-13 05:15:43

【恩愛互咀】■子淇被本報讀者影到與老公在美國環球影城咀嘴,見枱下有幾對鞋仔,估計仔女去了玩機動遊戲。讀者提供圖片



嫁個有錢人做了千億新抱的徐子淇,現年才33歲的她已是4子女之母,今年是子淇和老公恒基二少李家誠結婚十周年紀念,上周六兩夫婦趁放暑假,帶子女遊美國環球影城慶祝錫婚,索爆人妻徐子淇當眾連環甜啜老公,兩夫婦於光天化日下表演激情和甜蜜兩種吻法,浪漫滿瀉!


徐子淇於2006年與李家誠假澳洲舉行世紀婚禮,榮升千億新抱的她婚後嫁雞隨雞,退出娛樂圈專心相夫做人妻,兩人的首名愛情結晶品於翌年出生,長女李晞彤於下周日滿9歲,之後子淇再為李家誕下現年7歲二女晞兒、5歲三子俊熹及9月大的四子建熹,9年生齊四子女的子淇,終於完成為李家繼後香燈的重任,今年可以輕輕鬆鬆跟老公慶祝結婚十周年。



【親餵老婆】■李家誠與子淇共享一杯飲料,更親自餵老婆飲。

【捉住錫錫】■情到濃時,李家誠捉實子淇臉頰錫錫。

【手舞足蹈】■子淇與老公在露天餐廳不時打情罵俏。



捉實臉頰脷叠脷

前日本報收到讀者鍾小姐「爆相爆片」報料,指於香港時間上周六凌晨2時許(美國時間8日下午),在美國西岸的環球影城發現子淇和老公蹤影,李家誠當眾攬實索爆老婆脷叠脷狂啜,光天化日之下放閃晒恩愛。鍾小姐接受訪問說:「上星期五下午兩點左右,喺美國西岸環球影城一間露天快餐店,初時見到得徐子淇同老公,佢哋坐埋喺中間位嘅一張枱,見到佢哋好開心傾偈,傾到手舞足蹈,仲成日嘴對嘴錫,我見到起碼錫咗4、5次,我都影到兩次佢哋錫錫。」



■去年子淇33歲生日,獲老公攬攬慶祝。資料圖片

■子淇上年為李家再誕下兒子建熹,老爺李兆基非常高興。資料圖片

■徐子淇退出娛樂圈後,專心照顧仔女。資料圖片



親餵凍飲晒恩愛

從兩張咀嘴相片所見,兩人情到濃時,李家誠用雙手捉實老婆臉頰,肉緊地吸實子淇的嘴仔激情啜爆,雖然周圍有很多遊客,但兩人錫到進入忘我境界,連前面近在咫尺張枱,有工作人員正在清理,他們都可以完全無視,繼續投入地熱情親吻,癡纏肉緊到爆;另一張啜嘴相,就見到着背心裙的子淇,露出少少養眼的雪白胸口,雖然已是4子女之母,老婆依然又靚又索,難怪李家誠情難自禁,用右手搭在老婆的香肩上,兩人嘴對嘴變身接吻魚,今次明顯錫得輕柔甜蜜,慢慢享受接吻的美妙。可能李氏夫婦去到美國,心情都大解放不用避忌,當眾啜爆晒愛之餘,身為恒基二少的李家誠,更親自餵老婆飲凍飲,兩人面前只得一杯冰凍飲料,你一啖我一啖繼續玩交換口水,鍾小姐表示:「李家誠仲餵埋徐子淇飲嘢,我覺得佢哋好恩愛,好甜蜜。」今次子淇和老公帶同子女去環球影城,兩人坐在露天餐廳休息享受二人世界,他們所坐的那張枱,下面放了幾對兒童鞋,相信是子女脫鞋或換鞋去了玩耍,鍾小姐表示:「大約半小時後,有幾個小朋友返嚟,小朋友多數係玩完機動遊戲,仲有幾個男人同兩個女人,我估係保鑣,因為佢哋周圍望,見到我哋攞住相機都望咗好耐。」採訪:皓騫





來源: http://hk.apple.nextmedia.com/entertainment/art/20160713/19692057
爆相 相爆 爆片 帶仔 仔女 女遊 美國 環球 影城 徐子 子淇 淇甜 甜啜 老公 結婚 十周 周年
PermaLink: https://articles.zkiz.com/?id=303541

林雅詩帶仔見爹哋

1 : GS(14)@2016-12-09 00:03:46

林雅詩與分居老公溫文英為爭兒子撫養權鬧上法庭,不過日前一家三口竟然現身圓方商場行街,其間囝囝扭計,三人站在廣場中間傾了一陣,但有途人認出林雅詩,溫文英即避忌行開。擾攘一輪,林雅詩妥協說了句:「好啦!好啦!」之後三人便取車離開。林雅詩昨日在電話表示:「離婚官司對囝囝心情都有啲影響,爹哋有探視權。」她直言好難做:「要應付先生嗰邊,又要安撫小朋友,唔明白點解會搞成咁,所以囝囝盡量想我喺度。」採訪、攝影:畢紹基、唐琛悠




來源: http://hk.apple.nextmedia.com/entertainment/art/20161208/19858125
林雅 雅詩 詩帶 帶仔 仔見 見爹
PermaLink: https://articles.zkiz.com/?id=318775

曾醒明帶仔訪泰北

1 : GS(14)@2017-01-07 00:29:06

無綫前宣傳科副總監曾醒明昨日帶同紐約放假回港的大仔漢棟,到新城接受薛家燕的訪問。曾生日前正式離開服務42年的無綫,家燕姐說不捨得,她說:「好多謝曾生一直喺公司幫我哋手,同傳媒溝通了解,做事順利好多。個心好唔捨得,大大細細嘅事我都打畀曾生,幫我搞掂,喺我生日會,有一段文章好感人,寫低我每年做過啲乜,其實都係曾生幫我代筆,真係寫出晒我嘅心聲。」曾生今日跟大仔出發去泰北探訪,問到不用上班是否不習慣?他說:「冇,呢個禮拜都要償還對傳媒嘅人情債,接受訪問,好感恩同感激大家支持。」至於未來的工作,曾生表示目前想先休息。採訪、攝影:羅慧敏




來源: http://hk.apple.nextmedia.com/entertainment/art/20170106/19887695
曾醒 醒明 明帶 帶仔 仔訪 泰北
PermaLink: https://articles.zkiz.com/?id=321648

林雅詩鍾意帶仔行花巿

1 : GS(14)@2017-01-27 07:40:42

林雅詩(Grace)婚姻亮紅燈,仍然要堅強面對,努力賺錢養家,她表示新年盡量抽時間陪伴家人,食飯過節和拜年,她說:「一早已經約好晒,同媽咪、公公同囝囝食飯慶祝,鍾意帶囝囝行花巿。」
Grace習慣買新衫新鞋給小朋友過年,送舊迎新,她說:「願望係搞好自己家事,所有嘢順順利利,可以快啲同囝囝一齊冇煩惱咁生活。佢想去旅行,之前都同佢去咗東歐,希望新年都安排吓,同佢旅行相處好sweet,佢好快大個,希望keep住呢個記憶。」採訪:張俊銘攝影:陳俊強場地提供:繽紛園藝




來源: http://hk.apple.nextmedia.com/entertainment/art/20170127/19909909
林雅 雅詩 鍾意 帶仔 仔行 行花 花巿
PermaLink: https://articles.zkiz.com/?id=324443

【馮仁昭四圍超】漁翁撒網考國際學校陳豪請假 帶仔面試

1 : GS(14)@2017-02-02 02:34:10

■抱住細女嘅陳豪同抱住張嘉兒B女嘅陳茵媺,都好着緊子女嘅教育。資料圖片





陳豪同陳茵媺三年抱三,大仔陳梓燁(Aiden)轉眼已經3歲,又係入學嘅時候,早前陳豪用咗500萬買入名校哈羅香港國際學校資本證券兼畀Aiden讀學前班,都係為咗幫囝囝拎到張國際學校嘅入場券,之後再用世襲制,等細佬妹可以跟隊入呢間學校,真真正正為咗三兄妹嘅將來鋪路。



■陳茵媺嘅大仔最近為入學做準備,頻頻面試。

培養興趣

最新消息係陳豪原來仲搵緊學校,國際學校或本地學校都會考慮。噚日有報道指陳豪同陳茵媺又帶Aiden去加拿大國際學校面試,雖然?家陳豪忙拍劇,都專登同劇組請假幾個鐘,同學校老師見面,臨走嗰陣仲喺門口傾多10分鐘,真係好有心!陳豪講明唔做怪獸家長,想仔女可以喺輕鬆環境下學習,所以佢首選都係國際學校。兩公婆亦採取貼地嘅教學方式,好似Aiden對藝術方面有興趣,兩公婆就專注啟發呢方面嘅發展,一家五口經常出動周圍去,等小朋友過一啲正常生活,唔好因為爹哋媽咪係藝人,就以為自己與別不同。撰文:馮仁昭




來源: http://hk.apple.nextmedia.com/entertainment/art/20170201/19913861
馮仁 仁昭 四圍 漁翁 撒網 國際 學校 陳豪 請假 帶仔 面試
PermaLink: https://articles.zkiz.com/?id=324959

千嬅避TSA帶仔考國際學校

1 : GS(14)@2017-03-03 00:59:49

■楊千嬅同丁子高(右)陪囝囝考國際學校,表現好緊張。讀者提供圖片



【爆相爆片】虎媽楊千嬅嘅囝囝Torres已經4歲大,上月千嬅生日時,已經話最大願望係囝囝考到好嘅小學。日前千嬅同老公丁子高就帶咗Torres去加拿大國際學校面試,被讀者方小姐透過「爆相爆片」分享,方小姐喺電話表示:「千嬅同老公好留心聽校長講話,我見到千嬅個袋都放滿學校資料,之前應該備足課。」



■Torres似乎好有信心,面試完出嚟即攬住媽咪千嬅。

考完攬實媽咪

不過喺等候囝囝面試出嚟期間,見到千嬅個樣一面凝重,似乎心情都好緊張,而丁子高就戴咗副有框眼鏡,畀人穩重爸爸嘅感覺,佢哋又不時撳手機打發時間。方小姐話:「Torres面完試出嚟,仲同老師give me five,跟住就走去千嬅面前,攬實媽咪,千嬅見Torres個樣咁有信心,佢都笑得好開心。」由於Torres係龍年出世撞正嬰兒潮,要同好多學童爭學位,Torres讀緊K1時,千嬅已講明工作全部要坐歪,直到有心儀小學收Torres為止。雖然丁子高希望囝囝讀傳統學校,不過據知千嬅希望囝囝有愉快學校生活,唔想有類似TSA嘅壓力同麻木操練,最後兩公婆得到共識,為囝囝選擇最合適學校。




來源: http://hk.apple.nextmedia.com/entertainment/art/20170302/19944134
千嬅 嬅避 TSA 帶仔 仔考 國際 學校
PermaLink: https://articles.zkiz.com/?id=327455

【親子籽】容許帶仔女返工 老闆:預咗員工分心

1 : GS(14)@2017-04-28 00:55:20

皓欣(左二)已習慣抱着細女(右二)工作,大女兒(右一)也習慣乖乖的坐在旁邊等候。



【親子籽:一周突襲】美國每年四月第四個星期四(今年是4月27日),都是帶小孩上班日(Take Kids To Work Day),孩子可跟隨父母上班,了解他們工作的辛勞。在工作環境相對嚴肅的香港,父母想這樣做的話,簡直是天方夜譚,因為就算過到老闆那一關,都未必忍受得到其他同事的白眼。但有媽媽級的老闆,將公司打造成寶寶友善的工作環境,容許員工帶孩子上班,讓職場女性一邊湊仔,一邊發揮所長。



「女性是極有可能做人媽媽的動物,但很多時都會因為要餵奶、湊仔,而被迫放棄工作的機會。」育有一名十歲兒子的蘇如紅(Ivy)這樣說,她是一家美容培訓中心的負責人,這裏的員工有一項特別福利:可以帶同孩子上班,孩子更可在中心肆意遊走,甚至坐在媽媽的大髀,騷擾她工作。


常表揚湊仔員工

身為媽媽的Ivy明白在職女性要在湊仔和工作之間作出取捨,並不容易,加上公司的工作性質容許員工彈性上班,故決定跟隨美國母公司政策,讓員工帶孩子上班。「我覺得人是很重要,一間公司不是只有賺錢蝕錢,還要看員工能否享受工作,有些媽媽由細到大花好多心血讀書,只是因為結婚生仔而放下自己的專業,這年頭在香港生活壓力很大,樓價貴,生活指數又高,既然女士有心工作,難道要個BB都不可以嗎?」話雖如此,孩子在自己身旁走來走去,不時大喊媽媽,總有分心的時候,Ivy卻說:「絕對會,但我容許她們分心,我經常表揚這些帶孩子上班的媽媽,既要推着嬰兒車,又要拿着護膚品,如果我是她老公,會覺得老婆『好堅』,要買餸、煮飯、湊仔,仲要返工。」已在中心工作11年的Eunice是其中一位媽媽級員工,自四年前兒子出生後,便帶着他上班,直至他上幼稚園,她說:「每個媽媽都想自己照顧小朋友,特別是頭六年,無論是媽媽還是孩子都想黐着對方,但我覺得女性應全面一點,照顧家庭之外,也要出來工作與人溝通,這樣各方面都會有很大的提升。」每天都帶同兩名分別一歲多及三歲半女兒上班的年輕媽媽皓欣,昔日從事飲食業,因為工時長,難以照顧女兒,經朋友介紹轉到這裏工作,主要負責教授美容班,「我會抱着細女一起上課,大女則在旁聽我說話,有時做我的小助手。」她倆都慶幸公司文化及氣氛很好,加上有很多背景相近的媽媽,就算帶着孩子上班,其他人也會體諒包容,不致尷尬。


設哺乳間方便媽媽

中心面積不大,但Ivy都特別設立一個小房間,讓媽媽餵奶,或給小朋友睡覺,「空間雖然小,但我覺得都可協調,做些人道的事,給媽媽空間,有尊嚴地做事,多點體諒,員工真是會為你仆心仆命的。婦女是有種特別的韌力,可以為家庭、為子女、為生活,而自願放棄很多事的。」



育有十歲兒子的蘇如紅也是過來人,明白在職媽媽要在湊仔與上班之間作出取捨不容易。

Eunice自兒子出生後便帶着他上班,她慶幸公司同事很包容體諒。

中心還設有一個小房間,讓媽媽餵奶,或給小朋友睡覺。

記者:黃子配攝影:蕭志南編輯:梁浩維美術:利英豪



難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/su ... t/20170427/20002434
親子 容許 帶仔 仔女 返工 老闆 預咗 員工 分心
PermaLink: https://articles.zkiz.com/?id=331608

官恩娜帶仔街頭賣唱

1 : GS(14)@2017-04-28 02:10:59

■Ella在新加坡見有人街頭賣藝,一時技癢,借場玩樂一番。互聯網圖片



官恩娜(Ella)前年10月誕下混血囝囝Gabriel-Antonio Maurellet(BéBé G),自從當了媽媽之後,Ella專心照顧小朋友,已經淡出幕前多時,偶爾在Instagram分享一些近況,昨日她就在ig貼了一張似是街頭賣藝的照片,留言﹕「G was sleeping the whole time...(G一直喺度瞓)。」相中的Ella手持結他,自彈自唱,結他盒放上寫有:「Support Local Artists.(支持本地歌手)」的紙牌,還有零碎硬幣,而最重要是BéBé G一直安靜地在嬰兒車內睡覺,乖乖的沒有打擾媽咪雅興。據悉Ella母子去了新加坡旅行,途經見有人街頭賣藝表演,一時興起,借場玩樂一番。撰文:葉綠悠



難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170426/20001432
官恩 恩娜 娜帶 帶仔 街頭 賣唱
PermaLink: https://articles.zkiz.com/?id=331688

周家蔚帶仔上少林

1 : GS(14)@2017-08-17 08:12:03

周家蔚昨日與大仔洪大仁(TJ)在鑽石山出席War Game活動,同場還有「新美心妹妹」胡梓盈。出場時,TJ大擺揸槍和功夫甫士。下周五是家蔚生日,TJ特意向媽媽唱生日歌和獻吻,家蔚冧爆說:「佢好sweet㗎!」家蔚指TJ喜歡擺功夫甫士,原來是受爺爺洪金寶影響:「天明播過老爺以前打斛斗好勁嘅片段,佢好留心咁睇,《特攻爺爺》都有睇晒。」她指洪金寶曾提議TJ到少林寺學功夫:「我最聽老人家話,都想TJ過一啲平淡生活,下年或者後年嘅暑假啦,到時我會陪佢去,因為佢太細。」採訪:黃曉妍攝影:葉君海




來源: http://hk.apple.nextmedia.com/entertainment/art/20170817/20123538
周家 蔚帶 帶仔 仔上 少林
PermaLink: https://articles.zkiz.com/?id=340056


ZKIZ Archives @ 2019