吳岱融夫婦宣傳防愛滋
1 :
GS(14)@2016-11-10 07:39:55吳岱融最近因《巨輪II》一劇帶挈，跟太太鍾淑慧人氣反彈。兩夫婦昨到無綫接受節目訪問，鍾淑慧表示首次踏足將軍澳電視城，心情緊張又開心：「見返好多舊同事，我對呢度係有份情意結，因為17歲第一份工就喺呢度，最開心嘅日子喺呢度，無憂無慮。」問是否想復出？她說：「興趣一定有，自己好鍾意拍戲，隨緣啦，有啱嘅都好想㗎！」吳岱融直認工作量增加，目前有多套電影及網劇拍攝中，問會否跟無綫傾合作？他說：「好難講，呢啲係講天時、地利、人和，我太太都有興趣嘅。」又指將一齊夫妻檔宣傳防止愛滋病。撰文：栐仁
來源:
http://hk.apple.nextmedia.com/entertainment/art/20161109/19827196
「獸父」吳岱融出手余文樂扮小雙俠等千嬅救
1 :
GS(14)@2016-12-21 23:41:59【造型搶鏡】■余文樂日前一身粉紅look造型在海旁拍《春嬌3》，夠晒搶鏡。
【中環】由彭浩翔執導，楊千嬅及余文樂主演的電影《春嬌救志明》連日都要趕戲，最近傳暗撻台灣「皮帶大王」索千金王棠云（Sarah）的樂仔，日前與千嬅、吳岱融及秦沛在中環海旁拍外景。當晚穿了全套粉紅色衫褲現身的樂仔，頭上還戴了一頂小紅帽，造型搞笑又搶鏡，由於海旁大風，千嬅未埋位時則全程用披肩包到冚，避免冷傷風。採訪、攝影：鍾國仁、梁繼光、朱志聰
【有講有笑】■未埋位時吳岱融（左）及秦沛與劇組人員傾偈。
【翻睇片段】■一眾《春嬌3》演員與導演彭浩翔一齊翻看拍攝片段。
來源:
http://hk.apple.nextmedia.com/entertainment/art/20161221/19871865
溫哥華晚宴重振靚聲王吳岱融揀歌出碟
1 :
GS(14)@2017-02-06 07:28:02■吳岱融與太太鍾淑慧早前到溫哥華開騷，趁機跟李婉華（中）敍舊。
吳岱融去年憑《巨輪II》的角色「高天鷲」奸出位，原來他演技好之餘更是靚聲王！大前日他大開金口，在溫哥華為一新春晚宴擔任表演嘉賓，先後獻唱《My Way》、《皇后大道東》、《愛拼才會贏》和《新鴛鴦蝴蝶夢》等金曲，其聲線甚有磁性魅力，唱功幾乎拍得住張學友！而吳岱融獻唱期間不少人埋身集郵，場面熱鬧。
同偉仔錄過黑膠
此行鍾淑慧專程陪老公吳岱融做騷，她昨說：「今次係一個私人晚會活動，因為過節，個個都好開心，反應好好。」對於丈夫吳岱融被指唱功了得，她聞言也大讚：「OK㗎，因為佢以前唱歌出身，佢喺新加坡電視台做之前都係唱歌，後尾亦都喺台灣出過兩張碟，所以唱歌對佢嚟講冇問題。」
■演唱期間吳岱融頻頻被集郵。DV圖片
■大前日吳岱融在新春晚宴上開金口，被發現原來是靚聲王。DV圖片
■吳岱融其實是歌手出身，92年曾推出唱片《緣迴》。
鍾淑慧更指吳岱融當年曾跟梁朝偉推出《絕代雙驕》劇集歌曲黑膠碟，問到吳岱融會否出山再推出唱片時，鍾淑慧透露有人正接觸：「有㗎，有傾緊嘅，但?家一路揀緊歌，有啲製作人都有畀歌佢聽緊，睇吓有冇乜嘢適合同啱嘅，?家都係揀緊階段。」未知吳岱融可有唱情歌冧老婆？鍾淑慧笑謂：「以前有囉。」
■此行吳岱融夫婦亦有跟移居加國的前無綫藝人周國麟（左）及其妻吳凱珊（右）見面。
探李婉華兼度假
今次到溫哥華，鍾淑慧透露做騷、探親兼度假，一舉三得，她說：「Hugo（吳岱融）妹妹住喺溫哥華，我哋咪去探吓佢哋，呢邊落住雪個景真係好靚好浪漫，如果唔係咁順便一齊去旅行，真係好難度到時間。」兩公婆更在溫哥華跟移居多年的老友李婉華，以及昔日無綫《新婚夫婦大賽》得主周國麟及吳凱珊夫婦見面敍舊，她說：「婉華第一部拍嘅TVB劇，就係同Hugo合作嘅《玉面飛狐》，而我同周國麟以前合作過《K-100》，大家好熟絡，見番面真係好開心。」採訪：魯吉
來源:
http://hk.apple.nextmedia.com/entertainment/art/20170206/19918974
老公吳岱融姦出位52歲白滑鍾淑慧買透視裙
1 :
GS(14)@2017-02-12 15:37:322017-02-02 NM
憑《巨輪II》姦出位的鷲哥吳岱融，鹹魚翻生，一口氣接了五部電影，就連老婆鍾淑慧，亦被重溫曾夫妻檔拍三級片。老公奸得嚟型英帥，難得52歲鍾淑慧亦唔失禮，皮膚白滑零皺紋，保養得宜。食住老公個勢，近月狂跑內地騷賺人仔，更密謀復出拍劇。貼地睇平衫
八七年環球小姐香港區冠軍出身的鍾淑慧，因老公吳岱融再度受人關注外，亦帶挈她在內地狂接騷，甚至被?復出。吳岱融忙拍電影，鍾淑慧反而偷閒約友人行街。在又一城的Apple Store買手機配件，鍾淑慧同個朋友捉住sales問完又問，搞了大約半個鐘，終於有收穫，買了部外置充電器，仲要即拆即用。手機不可缺電，女人唔買衫買化妝品就假！不過鍾淑慧好貼地，揀去H&M睇衫，對其中一條黑色透視裙表現好有興趣，攞上手睇完又睇。雖然已經五十二歲，但以她身形苗條，皮膚睇落又白又滑，絕對有本錢著透視裝。
提起老公冧晒
睇完衫再去掃化妝品，鍾淑慧主攻唇膏，攞起試用品畫上手睇顏色，除了色澤，她更注重唇膏的成分，睇住個盒研究好一陣，才扑槌買了兩支。離開時，記者上前訪問，太耐冇面對傳媒，一見記者埋身，鍾淑慧表現得有點緊張，對是否復出拍戲，她說：「我隨時都想！」之後提到老公吳岱融，鍾淑慧更加成個冧晒，仲忍唔住掩嘴偷笑，「佢喺大陸拍緊戲，所以我先有時間出嚟！佢好忙呀，有成四、五部戲喺手，我就一路喺大陸做嘢！」擁有家庭和事業，一臉滿足的鍾淑慧說。
撰文、攝影、攝錄：娛樂組
晒三代同堂相 吳岱融同爸爸勁似樣
1 :
GS(14)@2017-06-23 01:44:35■吳岱融父親扶着孫仔政樺騎膊馬，驟眼看還以為是吳岱融。互聯網圖片
至於吳岱融昨日在微博貼了多張家庭照，其中一張是吳岱融父親與孫仔政樺騎膊馬合照，吳岱融與吳爸爸似足九成，驟眼看還誤以為是他本人。記者昨致電吳岱融太太鍾淑慧時，她亦認同老公跟老爺似樣，她說：「佢兩仔爺似得好緊要，連牙齒嘅形狀都一樣，我差啲錫錯老爺㖭呀！」4月榮升爸爸的黎諾懿，昨日在Ig分享幫囝囝黎峰睿（小春雞）洗白白照片。
此外，方中信昨晚與太太莫可欣及囡囡一家三口，聯同方平和太太鮑起靜到銅鑼灣食飯過節。採訪：王連連攝影：仇志德
吳岱融
■方中信帶同妻女到銅鑼灣食飯慶祝父親節。
來源:
http://hk.apple.nextmedia.com/entertainment/art/20170619/20061256
Next Page