ZKIZ Archives


全港獨家 手造貓山王榴槤冰皮月餅

1 : GS(14)@2014-08-27 13:37:53

人手造的冰皮貓山王月餅,全是榴槤肉,沒有添加劑。



上星期六去旺角廣華街,本來想與朋友去模型舖,卻反被一陣榴槤味吸引住,有店舖大賣冰皮貓山王月餅!貓山王榴槤,未必是最好吃的榴槤,但是被賣到最貴的榴槤,香港生果舖賣到每磅$150,一個至少四至五磅,成千港元才吃到!幸好朋友們也是「槤粉」,大家齊齊入內八卦。一名高頭大馬男「夥計」遞上餐牌:「我們的冰皮月餅用馬來西亞貓山王做,新鮮,即訂即做,今日訂,明日取貨!」槤粉一號問:「除貓山王,冰皮內還有甚麼?」夥計曰:「沒有,只有果肉!冰皮除了糯米粉,我加了少少檸檬汁,吃下不會太「陋」!」槤粉二號:「你今日有無貨?」夥計:「無,今日推出,昨晚的訂單全部賣晒,散裝都無剩。我剛好有個貓山王在舖,即場整吧。」二話不說,當我們還吃榴槤千層糕時,他已準備好糯米糰、月餅模和貓山王!他起黃色果肉,攪爛,搓皮,放入果肉,包好,印模,過程不用20分鐘,已完成10個。「就算在工場,都是全手造,我上星期開始接受訂貨,昨天做了10小時,足足做了500個。」大家想伸手一拿,夥計急道:「未吃得,要放入急凍,等皮硬一點才吃,如現在吃,你會話似糯米磁!」槤粉三號:「你老闆一定都是榴槤友!」怎知,其他穿同一製服的女生急講:「佢就係老細,沛公。」哦,失覺。



把搓好及煮熟的糯米糰弄成圓形

放入貓山王榴槤肉



再包邊和搓成圓形,壓上月餅模

完成

「我不吃榴槤,正因為我不吃,才想出變化多端榴槤甜品。早幾年開始用D24榴槤做甜品時,已想以貓山王做月餅,但來貨不多,價錢又貴;直到今年初,多了幾個供應商,來貨才穩定,價錢更平了三分之一。」所以,他店內所有貓山王榴槤甜品可以一律半價供應。說,過了十五分鐘,冰皮貓山王月餅登場。模落,冰皮是硬,但入口不需開山鑿石的力氣,未咬到榴槤肉,已嗅到香味,入口,比新鮮的果肉,味道稍淡,甜味適中,吃罷一分鐘後,貓山王招牌式「回甘」慢慢從喉嚨撲上來。奇怪是,當吃第二個時,味道又不一樣,果肉甘味多於清甜,香味仍在。槤粉二號:「同一個榴槤都不會件件一樣味,這才顯得這個月餅真是用榴槤肉做,不是用味精加味道呢!」咁又係,可惜,一盒月餅得四件,真是雜誌未掀到一半就KO晒!記者、攝影:梁佩芬



老闆沛公,不吃榴槤,但偏賣榴槤甜品打出名堂。

店內食客,大部份是槤粉。

一盒四個禮盒裝,可以散買,預至少24小時前需訂,即訂即做。


冰皮貓山王月餅

價錢:每個$38(散件袋)/每盒$168(禮盒袋共四個),加$10有保溫袋,需要至少24小時前預訂。地址:旺角廣華街3號百利達廣場地下1號舖電話:27711114(沛公甜品)




來源: http://hk.apple.nextmedia.com/su ... t/20140827/18845537
2 : roadman(34674)@2014-08-27 16:44:32

少時吃過一次榴槤, 之後一直很害怕. 到了某一年, 喜歡的人偏偏大愛, 那時我鼓起最大勇氣叫了一個榴槤西米露, 到今天還記得畢起時, 隻手驚到震個不停
全港 獨家 手造 造貓 山王 榴槤 冰皮 月餅
PermaLink: https://articles.zkiz.com/?id=285235

【有骨氣靠自己】癱而不廢包山王照爬獅子山毋忘初衷

1 : GS(14)@2017-01-14 07:54:34

志偉嘅囝囝十足爸爸一樣咁活躍!



「呢一樣嘢可能好多daddy都做到,但係呢一樣嘢,到我個仔依家4歲幾喇,我都仲未做到。我係好想第一個動作就做到呢一樣野,抱住個仔企起身,轉幾個圈。」黎志偉,曾經係一名全職運動員;2008年更以10秒極速爬上長洲太平清醮嘅包山頂,成為「包山王」。自認係運動都啱嘅志偉,亦係首位奪得亞洲極限運動錦標賽冠軍嘅香港人。不過好不幸,一場交通意外,令佢從此連企都企唔到:「5年前喺屯門公路遇上咗一個交通意外,導致到我嗰個脊椎第11節第12節嘅神經線撕裂晒,斷開晒,完全一個半身癱瘓人士。」



爬獅子山當日,正正就係意外的5周年(受訪者提供圖片)

訪問當日,志偉即場示範只靠雙手去攀石

點解個天要咁玩我?發生不幸事,我哋最鍾意問個天;但係志偉冇諗過呢個問題,佢只係諗到當時懷住8個月新孕嘅太太同埋即將出世嘅小生命:「我有好頹,當其時真係好似一個廢人一樣。以前我成日爬得好高,睇嘅嘢基本上都係喺人地頭頂嘅,依家係坐住喺輪椅,甚至乎講嘢都抬高個頭同人哋講。正正當其時就係我太太都有左8個月嘅新孕,當其時唯一一個生存動力就係好想見到個仔。」一個小生命嘅來臨,令志偉決定唔再頹!佢開始做番運動,Boxing﹑劍撃﹑攀石……甚至只靠一雙手去爬上獅子山山頂。



志偉憑住堅持同鬥志,終於成功登上獅子山山頂!(受訪者提供圖片)

雖然下半身癱瘓,但志偉冇放棄運動,連boxing都玩埋(受訪者提供圖片)

「我爬獅子山就正正係交通意外5周年,成個過程係難處理o架,亦都有諗過不停問自己嘩咁辛苦做咩呢搞呢壇嘢?但又諗到起碼都有30幾40人去撐我,支持呢件事,咁就真係認認真真去做靚啲件事。」呢次壯舉,終於感動到外國廠商,願意出售機械腳,但經費最少要2﹑3百萬港幣。唔少熱心網民都好想幫助志偉企番起身,發起眾籌。不過志偉決定要繼續靠自己:「捐款或者眾籌,我都唔係第一個考慮。雖然係半身癱瘓啫..但係其實都仲有少少能力嘅,咁我就唔想就咁樣接受人哋啲捐款,幫我完成企番起身一個個人嘅心願。」靠自己講talk同出書,鼓勵到人又幫自己,或者呢種鬥志就係香港人。獅子山精神係咩?黎志偉話:「點解我要爬獅子山呢?想提提大家,乜嘢叫做獅子山精神。新獅子山精神係代表無論外在環境因素點樣影響都好,其實你都要毋忘初衷,排除萬難,做番自己做人嘅嘢,或者係活出你人生嘅態度。」採訪:植詠珊(Cathy)攝影:Kaman﹑Meng剪接:Roy編審:Kaman




來源: http://hk.apple.nextmedia.com/entertainment/art/20170113/19894818
骨氣 自己 癱而 而不 不廢 廢包 山王 照爬 獅子山 獅子 毋忘 初衷
PermaLink: https://articles.zkiz.com/?id=322524

【專題籽】百米崖底游繩而上 輪椅包山王爬獅子山解心結

1 : GS(14)@2017-10-09 03:41:06

去年12月9日,黎志偉再登獅子山,用一雙手,兩個多小時由100米下的崖底向上爬達崖頂。



【文化籽:果籽人話】「不要小看自己也不要自大。『學無前後達者為先』,有些事情你不付出,是未必有收穫的。但若你做都不做,就連等待收穫的機會都沒有。」2011年12月9日,亞洲攀石冠軍、2008年長洲太平清醮包山王黎志偉(黎Sir)遇車禍半身傷殘;2016年同日,他與40名義工登上獅子山,連輪椅一起從百米下的獅頭攀岩而上。兩年的準備與壯舉給拍成92分鐘的紀錄片《結CRUX》,把他這兩年的故事娓娓道來,並於今年10月6日舉行首映禮,收益會捐予樂善堂。



「坐輪椅後基本上你講得出的輪椅運動我都試過,如輪椅拳擊、輪椅乒乓球、輪椅籃球、輪椅馬拉松、輪椅帆船、甚至輪椅攀石攀樹我都做過了!」記者都知黎Sir好傳奇,意外後各樣運動樣樣得,但沒想過條list水蛇春咁長。決定去攀「以前常爬」的獅子山,他說:「每次望到座山,都覺得隻獅子在呼喚我。」他一個人,同時是整個計劃的總監,「計劃、聯絡、找隊友、找支援、部署、找攝影隊,我真係諗晒㗎!」隊裏都是各界別的頂級運動員,要忙工作、訓練和學習。「過程其實是有想過縮沙的(笑)。在WhatsApp約開會,約三個星期都開不到!我都係行動嗰日先見齊四十人大隊咋!」嘩,諗起都頭爆。兩年來,不少好朋友與義工陪他研究輕身的背椅、計劃路線,揹他上山的人也得操練。行動那天,做攀山繩索拯救的人還早一晚上獅子山,看守繩索,等大家在日出一到就可以落山行動,「你知道12月份凌晨時間上獅子山,是等如你上雪山似的!得幾度又好大風,還要得兩三人,好慘的!」


40義工冒寒支持 陪下山大風到搖搖吓

大家摸黑揹他上山時,他坐在隊友背後,雙臂用力抓住同伴,抱着自己無力、吊吊揈的雙腳,聽着大家的喘氣聲,看着平常人都要手腳並用才上得了的崎嶇山路;或者吊在100米斷崖中間,靠一雙手以每下六至八吋的距離上升兩個多小時,爬了一半雙手累到沒知覺之時,都想過「我做緊乜呢?還好今次我不是為了鬥快或拿甚麼紀錄的,純粹想解開心結,重新站起來。也想坐着輪椅,看看後面維港現在變成甚麼景色。」一想起這次所有的事都係靠自己一手一腳弄出來,「若我說放棄,就會好對不起大家。所以必須要盡力做好,如何都要爬上去,最終順利完成了。」 黎Sir思前想後,但其實由頭陪伴在則的40個朋友,倒沒多想。19歲的劉澄鋒天生聽障,13歲起跟黎Sir學攀石至今。回想意外前的黎Sir,佢忍不住說:「嘩!好恐怖㗎!」那時的世界冠軍,對人對己要求高,「有時爬不到,佢嬲㗎!」現在多了份溫柔體諒,二人還成了好好的朋友。這是一個極辛苦,準備時間長,又極大可能半途而廢的行動,所以當初阿Sir找他幫忙時,他是拒絕的,原因不是怕辛苦或覺得Mission impossible,「我……第一次上獅子山咋!驚累街坊!」最後他變成陪伴在側的協助人員。「因為感到他(黎Sir)很相信我、相信我們。我又見佢一步步解決問題,咁真係冇乜問題吖?」12月的獅子山,黎Sir形容似雪山。半夜冒寒,不單要在獅頭走上走落揹工具,他還要陪黎Sir游繩下山,「望落去山崖,嘩!真係好驚㗎!又大風,吹到阿Sir搖搖吓,『真係好癲!』。爬完又覺得試咗先知自己好多嘢都得。」回首繼續走下去的運動員人生,精采到黎志偉自己都驚,當中也讓他重新看到好多事,「好人壞人都遇過。」做慣訪問,對答行雲流水的他這才苦笑道:「真的叫歷盡一切啊,學懂甚麼是人生,及如何做回自己。」「望着石牆,5年前的我覺得好難,好艱巨。那時若你說我怎會做傑青,又出書又拍電影,講你都不信啦。坦白講梗係想再走路,但這事是未必有可能的,若我下下逼到自己要站起來、要康復的,這只會逼死自己,現在要學懂釋懷。」真正走過高山低谷,放下,其實是要看清自己,看清想要的路。用更適合的步伐,一步又一步。然後你會發現終點原來有好多個;從前一人獨步登頂,現在,原來是大夥同行,那風景,更廣闊吸引。



學生劉澄鋒(左)要陪伴黎Sir游繩。

兩年來研究了幾張輕身穩固的椅子,讓隊友揹黎志偉上山。

黎志偉:「其實那刻,我已把我的生死交託給隊友,因為途中隨時有失誤,如跣腳掉下山,而我感覺到他們是100分地支持我。」


12月的獅子山,山頂有同伴冒寒守着繩索,山下同伴們揮汗如雨協力上山。

天氣由幾度寒冷到白天日正當中,40人終於完成壯舉。

記者:陳慧敏 (劇照由《結CRUX》提供)編輯:施明慧



2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170928/20165830
專題 百米 崖底 底遊 遊繩 繩而 而上 輪椅 山王 獅子山 獅子 心結
PermaLink: https://articles.zkiz.com/?id=342264

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019