ZKIZ Archives


尾場騷吐心聲 表態撐學生子華:一隻雞蛋碎咗,我都冇心情做

1 : GS(14)@2014-10-18 23:05:17




■男神黃子華前晚尾場騷完結前以「扯B論」形容現在社會撕裂狀況。資料圖片



【雨傘革命】男神黃子華上周一在紅館的棟篤笑揭開序幕,轉眼11場便畫上句號,前晚尾場依然座無虛席,子華無懼敏感,晚晚大講雨傘革命,當中有笑有淚,隨着局勢變化作增刪,佔中導致社會出現撕裂現象,子華前晚台上力撐學生為愛而開始這場運動,直言「有一隻雞蛋碎咗,我都冇心情做」,擔心學生會受傷,呼籲大家要繼續滲入愛和智慧。



黃子華每次舉行棟篤笑必為觀眾發放笑彈,可是今次在紅館舉行的一連11場棟篤笑「唔黐線唔正常」卻撞正雨傘革命,身為港人的子華感慨萬分,自上周一晚首場騷開始,他每晚都因應局勢變化,上台時把內容作調整增刪。前晚尾場,劉青雲及黎耀祥一家三口撐場。子華更在完場前發表了「佔中感言」,貼題講及社會近日出現的撕裂情況,子華用「BB仔」比喻香港,呼籲大家要有愛,任何一方過度用力都會扯瓜他,全場拍掌和應。



■佔中和反佔中變得兩極化。資料圖片

■黃子華希望佔中問題可以用智慧解決。資料圖片


嘲鑊鑊新鮮鑊鑊甘

佔中和反佔中變得兩極,不單友人之間,連演藝界都爆出unfriend潮,子華卻說:「每晚我哋都有唔同意見,我哋呢度好民主,你放心,你隔籬嗰個係唔會即刻unfriend。」前晚最後一場,子華賣大包加送「安哥」,過去的棟篤笑,經歷過金融風暴及03年沙士等,輪到這次佔中,鑊鑊新鮮鑊鑊甘,子華坦言一度擔心佔領行動令棟篤笑胎死腹中:「自佔領開始,我每晚都預咗聽晚冇得做,呢個唔係一件好得意嘅事,因為每晚都有啲事發生,每晚件事都可以發生大到令我冇得做。好簡單嘅原因就做唔到,我一路講雞蛋、高牆。我當然企喺雞蛋嗰邊,如果有一晚,有一隻雞蛋碎咗,我就冇得做,我相信大家都冇興趣聽,我亦都冇心情做。」過去兩個多星期,佔中先後爆出連串清場行動,子華慶幸當中港人堅守愛香港精神,他說:「發生咗咁多日,冇碎過一粒雞蛋,係好唔容易。」子華用「BB仔」比喻香港,他說:「大家有個BB仔,一邊就扯住佢對手,一邊就扯住佢對腳,但
尾場 場騷 騷吐 心聲 表態 學生 子華 一隻 雞蛋 碎咗 我都 都冇 心情
PermaLink: https://articles.zkiz.com/?id=286133

G.E.M.演唱會尾場現5張假飛

1 : GS(14)@2015-01-19 08:21:25





■G.E.M.演唱會昨出現假門票。Gem Tang facebook專頁圖片


【本報訊】香港歌手鄧紫棋(G.E.M.)在紅館一連五場的「G.E.M.鄧紫棋X.X.X.Live香港站演唱會」昨晚最後一場演唱會出現假門票,兩批合共五人的歌迷持從拍賣網購來的門票入場時,被驗出為假門票。紅磡職員報警,警員到場調查後將買得假票的兩事主帶署助查。據悉該五張假門票像真度甚高,難以用肉眼識別,但假票上的座位不存在,故即時被紅館職員揭發。兩名買得假票的男子分別為廿九歲姓林及來自內地的廿八歲姓黃歌迷,兩人報稱早前在內地的拍賣網站,分別以一千四百元買得兩張及一千一百元買得三張G.E.M.演唱會的門票,並在紅館對開交收,其中姓黃事主向一名年約四十歲女子買得門票,林則向一對男女買得假票。



職員指像真度頗高


一連五場的G.EM.演唱會尾場昨晚假紅館舉行,惟開騷前約八時許,紅館工作人員發現有觀眾持假票入場,即時報警,警員到場帶走相關人士及假票調查。記者致電有份主辦G.E.M.演唱會的特高娛樂宣傳經理梁先生了解,他說:「紅館發現有五張假飛,兩批觀眾分別持兩張及三張入場,票價都係四百九十八元,因為假飛上嘅座位唔存在,紅館職員發現即報警,兩批觀眾都不能入場。」他續說:「其實過往嘅演唱會都有出現過假飛,紅館職員話今次假飛嘅像真度頗高,公司希望紅館同城市電腦售票網研究假飛問題。」至於G.E.M.的經理人公司發言人則表示:「唔係好清楚,了解吓先。」本月二日,歌星鄭秀文舉行個人演唱會的尾場亦出現假門票,有騙徒以假門票當黃牛飛在網上兜售,將票價提高一倍,兩名被騙女歌迷共花六千元向騙徒買了四張假門票,當晚持票入場時被揭發是假門票。鄭秀文演唱會是由去年十二月二十日至本年一月二日,票價分為三百元、四百八十元及六百八十元。■記者溫文學





來源: http://hk.apple.nextmedia.com/news/art/20150119/19007690
G.E.M. 演唱會 演唱 尾場 場現 張假 假飛
PermaLink: https://articles.zkiz.com/?id=287344

尾場做紅娘 上演求婚騷G.E.M.拉黑布遮贊助商

1 : GS(14)@2015-01-20 08:59:26





■G.E.M.前晚在台上拿出手機拍下歌迷揮動螢光手帶的畫面。


鄧紫棋(G.E.M.)一連五場「G.E.M. X.X.X.Live世界巡迴演唱會」香港站前晚於紅館結束,連日來少見有歌手朋友捧場。尾場G.E.M.表現不捨,識做地感激一班「米飯班主」說:「多謝你哋(fans),我嘅快樂係由你哋帶畀我。」



■演唱會執行導演Calvin跪地求婚,大會為免幫贊助商宣傳,竟拉起黑布封字。

■求婚期間黑布蝦碌掉落,贊助商橫額才可重見天日。



希望有浪漫求婚

G.E.M.自從在內地竄紅後,即被指態度變囂及要求有巨星級待遇,首場演唱會疑不想幫杜莎夫人蠟像館免費做宣傳,拒站在自己蠟像前接受訪問。前晚又發生類似事件,G.E.M.借出場地做紅娘,讓其演唱會執行導演Calvin向女友求婚,但現場工作人員突然拉起黑布,將身後大會贊助商之一的銀行廣告橫額封掉。而求婚過程相當浪漫,Calvin手執玫瑰花向女友Candy下跪,哭成淚人的卻是G.E.M.,直言好羨慕說:「希望將來我嘅男朋友求婚,起碼都要咁樣先得。」



■G.E.M.整個演唱會不時以普通話冧內地「米飯班主」。

■張丹指周杰倫同樣要求避香港傳媒,但事實並非如此。



認怕提佔中話題

G.E.M.的尾場個唱繼續玩大細超,堅持不讓文字記者訪問,僅安排有線及內地網站樂視採訪。G.E.M.的經理人張丹於昨日凌晨十二時許走出紅館後台,要求在門口等待的逾百歌迷做訪問讚偶像,張丹直言擔心G.E.M.被人寫衰,還自行列舉好多藝人都避開香港傳媒,他說:「王力宏、周杰倫、五月天,佢哋知道你哋(傳媒)嚟都要避開,預晒、夾晒所有主辦單位唔好畀我咁多時間見到佢哋,畀我講兩句就快啲走。」事實上,周杰倫去年十一月來港開演唱會,完結後仍大方逐一接受中、港、台傳媒訪問,似乎與張丹所言有出入。張丹亦擔心有人會發問有關佔中等政治敏感問題,故演唱會記招堅持媒體一致採訪,另假門票問題則交由主辦商跟進。約半小時後,G.E.M.步出紅館後台跟fans簽名道別後離開。採訪、攝影:馬建華





來源: http://hk.apple.nextmedia.com/entertainment/art/20150120/19008344
尾場 場做 紅娘 上演 求婚 G.E.M. 黑布 贊助商 贊助
PermaLink: https://articles.zkiz.com/?id=287377

千嬅尾場丁子高伴舞 喪笑甩嘴

1 : GS(14)@2015-02-03 00:35:08





■丁子高鬼馬上台畀驚喜老婆,千嬅甩嘴他就幫口唱。


楊千嬅七場紅館演唱會,前晚在歡呼聲、笑聲及淚水下圓滿結束,原本十一時五十分唱完,但觀眾不肯離場,結果千嬅清唱《煉金術》至凌晨十二時完場。千嬅每場都請不同嘉賓,前晚尾場星光熠熠,除有陳奕迅、梁漢文與她組成華星三寶合唱《大激想》,林海峰(Jan)、黃偉文(Wyman)及老公丁子高突然現身上台,都令她驚喜萬分。



Jan放假送上門

曾與千嬅不和的Wyman上台送花,千嬅喊爆,場面感人。不過,前晚最令千嬅驚喜還是老公丁子高,當千嬅唱《抬起我的頭來》時,丁子高上台混入舞蹈員中並站在千嬅背後,當千嬅轉身見到老公站在台上時,即嚇到甩嘴,千嬅笑說:「你做乜嘢呀!着VRF件衫呀!」另一位神秘嘉賓Jan上台都嚇了千嬅一跳,千嬅見到Jan由台底升上台即說:「嚇死我喇,我以為你放緊生日假。」Jan則搞笑說:「我好想睇你演唱會,問工作人員有冇飛,工作人員話爆晒,咁我嚟到,就推咗我上嚟。」有指千嬅似乎想趁演唱會跟嘉賓泯恩仇,但沒有請與她傳不和的黎明,在台上又沒有多謝他,千嬅在慶功宴上表示:「我有一場有講,今晚(前晚)大大個林生(林建岳)喺度,佢包括咗成個集團,我公司有好多部門、同事,多謝佢就實冇死,仲會財源廣進,如果我淨係講黎生都有事。」



【伸脷扮鬼臉】■丁子高混在舞蹈員間,準備嚇千嬅。

【大叫後狂笑】



請黎明要有因

問到可有請黎明做嘉賓?千嬅說:「咁講成個娛樂圈好多人都冇請,我跟住自己個心想請嘅人,冇特別原因,請佢又要諗個原因,上次同佢喺澳門做回歸騷都有傾偈,之後有一齊食飯同飲嘢,只係冇將呢啲嘢擺上枱講。」明日是千嬅四十一歲生日,她表示生日願望是身體健康:「因為紅館好多人都病,我都中咗招,
千嬅 嬅尾 尾場 丁子 伴舞 喪笑 笑甩 甩嘴
PermaLink: https://articles.zkiz.com/?id=287603

尾場又喊又笑攬華仔Fans拆天Kay哭別自己

1 : GS(14)@2016-04-18 12:11:39

■Kay在個唱尾聲唱《囍帖街》時,忍不住用手遮眼爆喊。


入行十年的人妻謝安琪(Kay),前晚假紅館舉行尾場「拾回謝安琪數愛世界巡迴演唱會」後,正式暫別樂壇了!甫開場Kay即high爆說:「我今晚唔留力㗎喇,我想分享過去十年音樂路程冇枉過,令我驕傲!」為了有一個完美暫別,Kay請到偶像劉德華做尾場嘉賓,兩人又跳又唱《我恨我痴心》,Kay肉緊抱抱又用手掃華仔心口,觀眾尖叫拆天,唱完後華仔反客為主笑說:「再一次畀掌聲安琪!」還攬着Kay的腰落台令她冧爆。另一嘉賓樂隊Supper Moment就大讚Kay是香港女神,前晚她再唱《雞蛋與羔羊》和《家明》,觀眾鼓掌大叫:「謝安琪!我愛你!」



做好家庭崗位


尾聲時臨別依依,Kay唱《拾回》喊着多謝作曲的馮家俊,之後唱《The One and Only》再度眼濕濕,到《囍帖街》更用手遮眼哭着說:「有一個人,我從來都冇多謝佢,我今晚想多謝佢。佢其實好細膽,唔算係好有自信心嘅人,唔係好識交際應酬,所以佢唔係好多朋友。佢經歷好難頂嘅時候,佢就嚟死㗎喇,但佢都捱過咗。呢個人,就係十年前嘅自己。」最後Kay唱完《山林道》完場,在觀眾安歌下再出場唱《跟我走》。之後Kay出席慶功宴,否認與經理人夏森美不和才暫別,她說:「呢啲係外太空消息,我哋一路都係好友,我今次休息佢都好體諒,係佢提醒我嫁人後要好好照顧屋企。」之後會否自組公司?她說:「我真係休息嘅,要做番好家庭崗位。」問為何不多謝老公張繼聰?她笑說:「我成個人都返屋企喇喎,佢應該多謝我先。我為咗佢放低工作,都有所犧牲㗎!」至於夏森美亦否認跟Kay不和:「呢啲係juicy嘅講法啫,如果鬧翻好多公司會玩雪藏,你見我哋做嘢都係盡心盡力。」採訪:盧妹攝影:陳俊強



■前晚尾場個唱,Kay邀得偶像華仔任嘉賓,她更用手掃華仔心口。

■獲台下fans支持的Kay,以一曲《山林道》完場。

■張繼聰前晚現身Kay個唱慶功宴力撐老婆。



來源: http://hk.apple.nextmedia.com/entertainment/art/20160418/19575265
尾場 場又 又喊 喊又 又笑 笑攬 攬華 華仔 Fans 拆天 Kay 哭別 自己
PermaLink: https://articles.zkiz.com/?id=299471

黎明尾場騷三千人逼爆核心外圍

1 : GS(14)@2016-05-08 14:53:58

■黎明昨晚舉行尾場騷,他呼籲逼爆核心外圍的朋友要注意安全。


黎明(Leon)的4D演唱會昨晚在中環海濱活動空間舉行尾場,同樣先在7時接待四名粉絲玩摩天輪,終極騷吸引大量圈中人捧場,當中包括鍾楚紅、梁詠琪、周柏豪、連詩雅、劉家豪梅小菁夫婦、林德信、鄭希怡、關智斌、馬天佑,衛蘭與衛詩姊妹也前來撐舊老闆場,紅姑以性感露肩造型睇騷,而馬天佑笑言已如廁才到現場。核心外圍估計有三千人逼爆海旁,碼頭、連帳篷入口都堆滿人,準備食物狂歡。另外,Leon前晚在演唱會尾聲表示會為今次演唱會出碟,將會在fb售賣,他笑言:「價錢一定比出面平,盡量安排送去大家地址。」他表示會為每隻碟簽名及捐錢到他服務多年的Unicef及公益金。採訪:曹家誠、卓寶花攝影:仇志德、葉君海



【捧舊老闆】■衛蘭(左)與衛詩昨晚到場捧舊老闆Leon開騷。

■紅姑一身露肩性感上衣睇騷,由男助手陪同下捧場,更接到黎明的玫瑰花。



來源: http://hk.apple.nextmedia.com/entertainment/art/20160508/19602358
黎明 尾場 場騷 騷三 三千 千人 人逼 逼爆 核心 外圍
PermaLink: https://articles.zkiz.com/?id=300072

五月天尾場擺明超時

1 : GS(14)@2016-06-06 02:54:44

五月天一連十場紅館演唱會完滿結束,之前有歌迷在中途求婚,令五月天超時罰錢。前晚五月天尾場,由於三次encore,最終11時40分完場,共超時十分鐘,最後被罰款五位數字,但是五月天一點也不介意,五子跟台下歌迷大合唱《牙關》的時候,阿信做了一個韓式「我愛你」的手勢,他打趣說:「其實這是『沒錢』動作,點解五月天罰錢你們這麼開心,是因為愛。」全晚粉絲們都特別興奮,五月天呼籲歌迷不要留力,冠佑跟粉絲說:「多謝大家陪伴,今日一定會超時,不多說。」在第一場開始已經病倒的石頭說:「因為香港歌迷好熱情,令我很快康復。」採訪:王連連攝影:陳順禎





來源: http://hk.apple.nextmedia.com/entertainment/art/20160603/19638644
五月天 五月 尾場 擺明 超時
PermaLink: https://articles.zkiz.com/?id=301807

林海峰尾場氹老婆 彭羚爆喊

1 : GS(14)@2016-07-15 05:16:32

■彭羚為了林海峰在家相夫教女,Jan在台上感謝她,令她激動落淚。


林海峰(Jan)「是但噏廣東話」棟篤笑前晚紅館完滿結束,阿Jan在尾場謝幕時,向現場過萬位觀眾借來的掌聲多謝伯樂俞琤、林若寧、爸爸媽媽,還有首次公開多謝老婆彭羚,但「彭羚」的名卻隻字不提,他說:「其實好多人都會喺演唱會做呢啲嘢,我會覺得好『娘』,但係今日都要做。」



提及我要真普選

感性的Jan想起當年第一眼見到彭羚的感覺說:「記得嗰陣時喺TVB化妝間,第一眼見到呢個人就覺得『呢個人就係喇』,我覺得自己嘅決定冇錯,因為有佢先有我。」此時此刻,台下的彭羚已感觸得淚流披面。感到中年危機的Jan除了玩感性,整個騷的大前提都是撐廣東話,Jan指如果30年後,真是沒有廣東話,大家在廣東道會大叫甚麼?其中提到「我要真普選」時,台下觀眾拍手歡呼。



■葛民輝(右)一口答應林海峰棟篤笑做嘉賓,緊接趕往兒子畢業禮。

■林海峰的尾場有不少圈中人捧場,包括張智霖夫婦、蔡一智夫婦等。



特別多謝葛民輝

完騷後,Jan後台接受訪問,他說:「寫劇本時,都係想大家笑吓,我啲笑話其實都係淚水堆積出嚟,因為個騷入面有講到父母揸車時,要不斷播兒歌畀啲小朋友聽,呢啲都係朋友講畀我聽,我覺得好恐怖,而我自己就連續聽咗六年囉!」他又澄清女兒有捧場,但是影到的不是細女,是大女的同學。問到彭羚被搞到激動爆喊,是不是平時缺少甜言蜜語?Jan說:「唔係,有時都會做嘅,不過唔會喺幾萬人面前做嘢,其實啲掌聲佢(太太)都有份嘅。」Jan又重申:「個騷真係唔止屬於一個人,背後係有好多人支持,好似屋企人、朋友、工作人員,要多謝葛民輝,當日一打畀佢,佢都冇問日期就應承做呢個騷,佢都冇講畀我聽原來撞咗佢阿仔畢業禮。」採訪:王連連攝影:仇志德





來源: http://hk.apple.nextmedia.com/entertainment/art/20160715/19695176
林海峰 林海 尾場 場氹 老婆 彭羚 羚爆 爆喊
PermaLink: https://articles.zkiz.com/?id=303827

【馮仁昭四圍超】尾場送鹽花 小鳳姐大講胸圍

1 : GS(14)@2016-08-09 07:10:49

■小鳳姐拎起把做咗手腳嘅軟尺幫家燕姐度腰。








徐小鳳一連8場演唱會前晚喺紅館圓滿結束,小鳳姐連環發放笑彈。演唱會中途有男粉絲對住小鳳姐大叫「我愛你」,小鳳姐話:「咁肉麻,呢啲私下講,唔好大庭廣眾講,如果係咁,你騷畀我睇,show me your love,呢個係中文,即係粟米肉粒。」



■(左起)薛家燕、小鳳姐同黃淑儀識咗好耐。

■有粉絲着波點裝到場,襯番小鳳姐。



出術度22吋腰

尾場嘉賓係杜德偉,仲有黃淑儀同薛家燕,幾個阿姐話大家識咗好耐,講起小鳳姐條22吋纖腰,佢話:「當時話我22吋,其實可能係18吋,未發育,而家先至係叫做正式發育。」小鳳姐即場幫家燕姐度腰,仲以為佢笑家燕有水桶腰,原來係一齊搞笑,因為軟尺做咗手腳,成把尺都寫住22吋。小鳳姐又寸家燕姐件衫,話佢件粉紅底藍色花紋衫:「遠睇以為你着胸圍。」家燕姐笑笑口話:「咁着睇瘦啲。」講起胸圍,小鳳姐即場分享一件陳年舊事:「好耐之前有個朋友同我講,話行女人街,內衣檔口個哥哥叫人買胸圍,佢大叫話『嚟買啦!徐小鳳都着過。』嗰時知道嬲到我死,成日想落去鬧鬼佢,嗰次之後唔敢落去女人街嗰度。」撰文:馮仁昭





來源: http://hk.apple.nextmedia.com/entertainment/art/20160808/19726879
馮仁 仁昭 四圍 尾場 場送 鹽花 小鳳 姐大 大講 胸圍
PermaLink: https://articles.zkiz.com/?id=304991

尾場三講I Love You  慶功再放閃城城愛不完:多謝Moka

1 : GS(14)@2016-09-10 13:54:43

■城城大讚女友Moka善解人意,預計對方今次離港前,二人無機會見面。



舞林王者郭富城的15場演唱會前晚在紅館舉行尾場,28歲國產女友方媛(Moka)亦有到場支持。Moka看得投入,當城城唱《火熱動感La La La》要求大家站起來一齊打pom pom棒和跳舞時,Moka都聽話照做。之後城城唱《木偶襲地球》與歌迷握手,Moka亦有站起來,可惜她坐在較後位置,未能成就「世紀一拖」。


壓力最大

不過,城城唱《對你愛不完》仍不忘向女友施冧功,特地向Moka所坐的正台方向發表愛的宣言,他廣東話夾普通話說:「着住紋身衫行埋嚟講I love you,有甚麼感覺?係咪好能夠保護你?」之後再講多兩次「I love you」才唱出《I Love You So》,相信Moka已經全部收到。臨完場前,城城哽咽地說:「15場轉眼過去,今年係我做歌手25周年,係好值得紀念嘅日子。人生有幾多個25年呢?今次演唱會,係我做歌手以嚟最大壓力嘅一次。」



■Moka放低工作,前晚再度欣賞男友演出。

■城城昨日在銅鑼灣出席活動,避談會否帶Moka見家長。攝影:陳順禎


睇足8場

慶功宴上,城城透露為演唱會節食兩個多月,所以大會特別準備火鍋慰勞城城。提起女友Moka,城城一臉冧樣謂:「好多謝Moka飛嚟香港支持自己,佢都放低手頭上嘅工作嚟睇咗8場。」並大讚女友好乖兼善解人意,問是否因此而對Moka所坐的正台方向講三次我愛你?他說:「咁我表演都係為所有嘅人,唔係為個別嘅人。」城城透露與Moka一直沒有見面,因為Moka不想騷擾他,二人只靠短訊來往。城城昨晚在銅鑼灣出席活動,他指心情仍然忐忑,因平時該段時間已在紅館準備演出,問難忘原因是否因為Moka差不多晚晚捧場?他說:「我當咗佢係粉絲㗎啦。」又透露Moka仍在港,問會否一起過中秋?他說:「大家都有嘢做,中秋我最想同屋企人食飯,媽媽年紀大,想多啲時間陪佢。」採訪:盧妹攝影:葉君海


■城城(左二)透露為了今次演唱會而節食兩個多月。

■城城直言今次開騷是25年來最大壓力一次。



來源: http://hk.apple.nextmedia.com/entertainment/art/20160910/19765974
尾場 三講 Love You 慶功 再放 放閃 閃城 城城 城愛 愛不 不完 多謝 Moka
PermaLink: https://articles.zkiz.com/?id=308503

Sammi尾場以為Selfie過骨古仔唱歌 譏鎮宇學錯師

1 : GS(14)@2016-09-27 08:02:17

■Sammi前晚尾場請來古天樂任嘉賓,更成功游說古仔開金口唱歌。



鄭秀文(Sammi)前晚在紅館舉行第八場亦即最後一場演唱會,請來古天樂擔任神秘嘉賓。除許志安、陳敏之、蔡少芬與老公張晉外,還有張栢芝和張文慈等捧場。Sammi在台上踢爆古仔向她取了八張個唱飛,所以前晚上台「還飛債」。古仔就取笑日前為Sammi做嘉賓的吳鎮宇說:「佢(鎮宇)話為咗上台搵老師上咗六堂,我心諗個老師個名一定係杜琪峯,如果唔係點會唱到咁。」



■古仔初時拒絕唱歌,只肯跟台下觀眾互動玩selfie,並揀中甘比媽(右圖)。

■Sammi表現落力,唱到趴在台上。


唱《當年情》

Sammi不斷叫古仔唱歌,但被古仔拒絕:「我係唔會睬你,不過我想澄清一件事。喺facebook有人post咗張poster話我2018年開演唱會,我可以好肯定話畀大家知,冇啲咁嘅事!」古仔表示跟台下觀眾selfie取代唱歌,並揀了甘比母親上台selfie,但幾經Sammi游說下,古仔終肯開金口唱了小部份《當年情》,全場觀眾歡呼。



■在頭場失聲的Sammi,前晚在慶功宴上感激觀眾的包容。

■(右起)許志安跟外父外母再次捧場,在台下為Sammi打氣。


喉頭被封

完騷後Sammi於紅磡都會海逸酒店舉行慶功宴,問是否病癒時,她笑謂:「七成啦!我覺得咁樣都能夠康復,其實都唔係太容易。演唱會係一個經歷,估唔到啲觀眾真係咁錫我,對我嘅愛令我好感動。」她指頭場觀眾的反應給她許多正能量,令她可以再做落去。Sammi說:「其實自己講一句cancel係好容易,但我覺得如果我講取消,之後有五十到一百人(指工作人員),好多人都要跟手尾,都要顧及好多人。」
Sammi表示首場真的落淚,但回家後覺得沒時間再崩潰落去,她說:「信仰畀我嘅力量真係好大,喺呢個騷真係好深深體會到,四個字,恩典夠用。」更憶述唱歌途中喉頭被封住的慘痛經歷,感激朋友和教友為她祈禱,令她倍感溫暖,而稍後她計劃去旅行休息養聲。採訪:王連連攝影:仇志德




來源: http://hk.apple.nextmedia.com/entertainment/art/20160927/19782840
Sammi 尾場 以為 Selfie 過骨 骨古 古仔 唱歌 譏鎮 鎮宇 宇學 學錯 錯師
PermaLink: https://articles.zkiz.com/?id=310268

尾場辯論希拉莉拆彈成焦點

1 : GS(14)@2016-10-17 08:09:12

美國民主黨候選人希拉莉形勢大好,但入主白宮之路還未十拿九穩,後日第三場、也是最後一場全國電視辯論中,她面對最大的挑戰不再是共和黨對手特朗普,而是她自己。《華盛頓郵報》首席記者鮑爾澤直言,跟首兩場辯論以削弱特朗普為主不同,希拉莉在周三必須向選民交代清楚,究竟外洩電郵的內容,抑或是公開場合的講話,才是她的真正立場,預料當日霍士新聞的主持人華萊士會為此和其他問題對她窮追猛打。另外,希拉莉亦要提出為何要選她做總統的具信服力正面理據。


避談女權話題


正當指控特朗普性侵的案件日日新鮮,美國刮起了一股討論女權熱潮,偏偏有望成為美國首位女總統的希拉莉,卻在這話題上保持沉默,分析相信是希拉莉的低調取態是過精心計算,擔心加入指控特朗普性侵,丈夫克林頓的醜聞會再被挖出,當中又牽涉她被指控參與抹黑丈夫情婦的角色。而希拉莉創造美國婦女參政歷史這張牌,年輕女選民不大受落。近日曝光電郵中揭示她在訪談中指女性議題對她是雞肋,「做了會被人鬧,不做也會被人鬧」,無怪乎她寧願在領先的情況下,選擇少做少錯的策略。《華盛頓郵報》/《紐約時報》




來源: http://hk.apple.nextmedia.com/international/art/20161017/19803453
尾場 辯論 希拉 莉拆 拆彈 彈成 焦點
PermaLink: https://articles.zkiz.com/?id=312395

學而尾場騷再喊靚靚送花打氣

1 : GS(14)@2016-11-16 05:47:58

趙學而在九龍灣展貿舉行的兩場處女騷前晚圓滿結束,除了老公繼續現身撐場,好友袁詠儀(靚靚)更在台下送花為她打氣。學而前晚唱第一首歌時支咪沒有聲,差不多唱了一分鐘才回復正常,唱《輸給戀愛的女人》時則發台瘟失準,她即自嘲謂:「好嬲呀!呢句係真㗎!好一個輸給戀愛的女人,今次真係輸晒喇!」其後唱《你是你本身的傳奇》唱到中段時又喊,最後在邊喊邊唱的情況下完成。



■趙學而前晚舉行處女騷尾場,再度感動爆喊。

完騷後,學而以「一身鬆晒」來形容心情,問可有計劃殺入紅館?她說:「最緊要係製作同啲歌配合,我啲歌比較靜,紅館有啲party氣氛啲,冇合適構思,所以未開始。」採訪:馬建華攝影:陳俊強




來源: http://hk.apple.nextmedia.com/entertainment/art/20161116/19834862
學而 而尾 尾場 場騷 騷再 再喊 喊靚 靚靚 送花 打氣
PermaLink: https://articles.zkiz.com/?id=315826

【馮仁昭四圍超】鄭中基再加初三尾場

1 : GS(14)@2016-12-07 07:41:15

鄭中基喺明年農曆檔會喺紅館舉行個唱,本來只開兩場,但可能太耐冇開演唱會,群情相當洶湧,之前已經加開一場,由年三十晚唱到年初二,噚日大會再公佈喜訊,就係初三會加多場,成為「終極尾場」。鄭中基話要多謝初七開騷的「咪咪姐」朱咪咪,因為唔係咪咪姐遷就,根本唔能夠成事加場。佢又話有睇歌迷嘅留言,之前知道佢哋買唔到門票都好心痛。撰文:馮仁昭




來源: http://hk.apple.nextmedia.com/entertainment/art/20161206/19856072
馮仁 仁昭 四圍 鄭中基 鄭中 再加 初三 尾場
PermaLink: https://articles.zkiz.com/?id=318514

【馮仁昭四圍超】尾場台下捧場周董話昆凌黐身 

1 : GS(14)@2017-01-19 08:08:04

■周杰倫前晚喺生日前夕完成演唱會,話想買一幅畫慶祝生日。





周杰倫嘅「周杰倫地表最強世界巡迴演唱會─香港站」前晚尾場,周太昆凌終於現身,坐喺控制台下面第一行,當佢見到鏡頭即好避忌,唔知係咪自然反應呢!有理由相信周太出現,係因為周董噚日38歲生日。完騷後,周董話想買一幅畫慶祝生日:「近年多看畫,少買跑車,買畫同媽媽說比較容易,因媽媽都是藝術家嘛,興趣都比較跟她一樣。現在未知買甚麼類型,只是想房間內放一幅畫。」主人房唔係放結婚相咩?佢好型咁話:「房間一般人都放結婚相,對不對?但我跟別人不一樣。」



■周太昆凌(箭嘴示)終於現身捧老公場。

■譚詠麟(左)和周董喺演唱會上合唱《一生中最愛》。


阿倫笑似唱俄文

尾場亦係周董同昆凌嘅結婚紀念日,周董話想送一條頸鏈畀老婆:「未選,忙演唱會,但是當年兩人的婚戒在香港買的,當時也是開演唱會,趁空檔的一天偷偷跑出去買,沒有人知道。今次沒有時間,買禮物要很秘密,老婆常常都跟着,很難給她驚喜。」周董喺演唱會上唱《一生中最愛》,問佢係咪送畀太太:「只是報紙寫的,選這首歌是因為這是一首經典老歌,剛好樂手中有香港人,他教我怎樣唱。報紙都這樣寫,所以就順水推舟跟老婆說『是送給你的!』」校長譚詠麟喺台上話聽到周董唱歌似俄文?周董講笑話:「在綵排唱《千里之外》時,校長說只聽到這首歌唱甚麼,但不是聽懂他,而是聽懂和他合唱這首歌的費玉清所唱的。」周董又恭喜Angelababy生B,指佢生之前睇佢演唱會係好好嘅胎教。撰文:馮仁昭




來源: http://hk.apple.nextmedia.com/entertainment/art/20170119/19901130
馮仁 仁昭 四圍 尾場 場臺 臺下 捧場 周董 董話 話昆 昆淩 淩黐 黐身
PermaLink: https://articles.zkiz.com/?id=323252

千嬅頭場企到腰痛阿Sa:睇得最辛苦BIGBANG尾場 500人核心外圍免費睇

1 : GS(14)@2017-01-24 03:00:12

■BIGBANG昨晚尾場騷大會安排有改善,開騷前觀眾已順利進場。



韓國天團BIGBANG旋風襲港舉行兩場戶外騷,由於前晚首場大會安排超亂捱轟,昨晚尾場情況有所改善,更有約500粉絲在核心外圍睇免費騷,分佈鐵欄、碼頭天台、鐵絲網偷?;而兩晚吸引眾星朝聖,楊千嬅自嘲年紀大企到腰骨痛,蔡卓妍見暈提早撇:「有史以嚟睇得最辛苦嘅一場演唱會。」



啟德郵輪碼頭舉行的一連兩場「BIGBANG10 THE CONCERT“0.TO.10”FINAL IN HONG KONG」演唱會,票價最高為2,188元,其餘是1,588、988及688元,前晚首場安排混亂,入場和離場都要呆等幾小時,觀眾狂插是史上安排最差的演唱會,事後大會表示前晚跟警方、保安各部門開會檢討,昨日尾場會加派人手改善措施。



■昨晚兩萬人朝聖睇BIGBANG,氣氛high爆,勝利更講廣東話冧觀眾。攝影:馬建華

GD:好回憶

昨午1時許,已有近200位觀眾在九龍灣排隊搭小巴,等了45分鐘才上車,沿途沒塞車,會場入口採分流措施,1至1,500號粉絲先進場,至4時不再採分流方法,觀眾排隊慢慢入場,情況尚算流暢,不過有女觀眾扭傷腳,開騷前被救護車送走,錯過睇偶像機會。昨晚尾場於6時30分開始,有500粉絲於核心外圍睇免費騷,分佈於鐵欄後、碼頭天台和鐵絲網後擔凳仔偷贒BIGBANG,情況墟冚;而昨晚rundown有改動,開場時BIGBANG坐巡演車出場,不但核心內圍兩萬粉絲興奮,核心外圍的粉絲見到偶像繞圈一周,也興奮到尖叫拆天,之後勝利講廣東話,GD派飛吻冧觀眾。不過開騷後一小時,保安阻止外圍粉絲坐欄杆,並於鐵絲網前架鐵馬阻粉絲揭布幕睇免費騷。



【天台】

【擔凳】■買不到飛的粉絲在核心外圍睇免費騷,離遠感受氣氛。

【拉布】

其後GD表示:「今晚是好精采的一晚,是好好的回憶,多謝大家支持,講大家記得VIP made BIGBANG,thank you!」T.O.P說:「I will be back soon,這十年有很多回憶,過了十年好好的時光。」勝利就表示:「我們會再見,唔好喊!」而BIGBANG的兩場騷吸引眾星朝聖,睇頭場的楊千嬅自嘲年紀大,昨在電話說:「我未試過企位睇兩個鐘頭,我又有番咁上下年紀,所以我條腰骨好痛。」周秀娜說:「覺得好渴,除咗飢渴之外,亦都係頸渴,由4點半至夜晚9點鐘呢段時間,我係一滴水都冇飲過。」



■千嬅前晚企足兩粒鐘睇騷,自嘲年紀大企到腰骨痛。

■阿Sa前晚早走,苦笑:「有史以嚟睇得最辛苦嘅一場演唱會。」

■連詩雅搭shuttle bus走,見到現場情況好擠塞。


阿Sa冇車錢

死忠粉絲連詩雅則說:「噚晚我最鍾意GD嘅solo,第二個就係T.O.P,知道佢就嚟入伍,心情有少少忐忑、酸嘅感覺。」而前晚睇騷途中見暈,要搭小巴早走的蔡卓妍(阿Sa),事後在社交網留言:「有史以嚟睇得最辛苦嘅一場演唱會!」昨日阿Sa到清水灣出席電影開鏡,皺眉說:「我噚日屙咗十幾次,去到又要等,企又凍,完騷前提早離場,沿途行去小巴站已經見幾個人暈低,上到小巴發現冇錢,好在有人豪11蚊幫我畀車資。」採訪:文凱靈、馬建華攝影:陳順禎


■內地觀眾林小姐帶六歲小朋友睇騷:「今日等了兩小時,覺得天氣還好,安排都還好。」

■昨日有女觀眾於開騷前扭傷,被救護車送走。



來源: http://hk.apple.nextmedia.com/entertainment/art/20170123/19905623
千嬅 嬅頭 頭場 場企 企到 腰痛 Sa 睇得 得最 辛苦 BIGBANG 尾場 500 核心 外圍 免費
PermaLink: https://articles.zkiz.com/?id=323803

尾場騷三代同台賣溫情子華撐中基場 合唱狂走音

1 : GS(14)@2017-02-02 02:34:08

【大放笑彈】■男神黃子華前晚踩入紅館,為鄭中基個唱任嘉賓,即場上演棟篤笑。



鄭中基一連四場「PLAY IT AGAIN世界巡迴」演唱會,前晚圓滿結束。闊別紅館十年的鄭中基今次碌盡人情卡,繼大年初二請來分手十八年的舊愛楊千嬅上台合唱,尾場嘉賓亦好有睇頭,除有索爆天后陳慧琳,男神黃子華亦於安哥時現身,尖叫聲震爆紅館。子華上台後即時開talk,之後跟鄭中基合唱《風的季節》,可惜全首歌錯key,走音走到尾。最溫情是鄭家三代同台,鄭中基更在台上啜爆愛妻余思敏。



鄭中基闊別紅館十年,今年成功爭取到紅館農曆年檔期,由年三十晚唱到年初三,場場爆滿。嘉賓陣容亦好鼎盛,除杜汶澤、薛凱琪、LMF、吳君如、林敏驄、梁詠琪及舊愛楊千嬅,前晚尾場嘉賓亦具睇頭,有天后陳慧琳及男神黃子華。男神子華駕到,除了上演棟篤笑,還跟鄭中基合唱一曲《風的季節》,唱歌前他自爆試過在張國榮面前唱歌,唱完被電影監製問他可否有一句不走音,全場觀眾即拍掌大笑。子華又叫鄭中基要忍讓他,因他多數會走音,鄭中基雖安慰他指「冇咁嘅事」,但子華開口即錯key,結果走音走到尾。



【深情咀嘴】■鄭中基和老婆余思敏在台上深情擁吻。

【仔女上台】■鄭中基囡囡晚晚都有到紅館,前晚與爺爺及弟弟一齊上台。


台上咀老婆

子華在台上大放笑彈,笑鄭中基食過牛歡喜還能唱情歌,又說:「我一向對唱歌嘅人有個好大好奇心,點解成日唱歌就走埋去握手『掗』時間?我自己從來未試過,好想去試吓。我想做一個實驗,我?家同你握,你嗰邊啲人係咪覺得好討厭?握到極咪握廿個,呢個仲唔握嘅㖭,花晒時間喺呢一邊,你後面嗰啲覺得討唔討厭呀呢個行為?但係新年要做㗎,有利是㗎嘛,但點解Kelly有,我就冇?」要數前晚最溫馨場面,是鄭中基三代同台,鄭中基囡囡Emma及囝囝Evan都有上台,Emma唱賀年歌,鄭東漢就抱孫仔Evan錫鄭中基一啖。鄭中基老婆余思敏於安哥前上台,兩公婆在台上情深一吻,余思敏罕有開腔:「大家好!我好緊張呀!我好耐冇揸住支咪喺大家面前講嘢,好多謝大家咁支持佢。」她指老公鍾意唱歌,要面對好大壓力:「我可以做到嘅嘢好少,只能夠喺佢後面畀佢最強大嘅後盾同支持,等佢可以冇任何後顧之憂,做佢鍾意同需做嘅嘢。」鄭中基聽罷即哽咽說:「導演你咁樣想搞喊我,係冇好結果㗎!」



■黃子華(左)與鄭中基合唱《風的季節》,結果全首唱錯key。

■鄭中基瞓身收譚詠麟的利是。

■譚詠麟和胡楓前晚穿上紅衣現身撐場。

■陳浩民與老婆拍拖到紅館睇騷。

鄭中基完騷後於慶功宴受訪,問他打算如何「還債」?他說:「冇呀,預咗㗎喇,總之同佢哋講有乜需要我一定幫手。」記者笑指子華唱歌走音,鄭中基說:「冇事喎!可能喺我ear mon聽佢把聲好細聲。」問為何找千嬅,卻不找前妻蔡卓妍(阿Sa)任嘉賓?他謂:「搵千嬅係因為佢翻唱咗《閉目入神》。」是否與阿Sa少聯絡?他承認很少,但指找千嬅做嘉賓有問過太太。採訪:黃曉妍攝影:陳慧安




來源: http://hk.apple.nextmedia.com/entertainment/art/20170201/19913966
尾場 場騷 三代 同臺 臺賣 溫情 子華 中基 合唱 狂走 走音
PermaLink: https://articles.zkiz.com/?id=324955

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019