📖 ZKIZ Archives

醒少少 艾薩Isaac Sofaer

2015-02-12  NM

世界變得愈來愈複雜，尤其是財經的世界。低質素的中國企業、慘不忍睹的業績，以及陰險的股權結構，總令我很驚訝。 買股票不只是一場遊戲，對很多人而言是倒錢入鹹水海。你們不僅是夢想豐厚的回報，更要保護資本。 除了中國的銀行業，下一個腐敗的行業是保險，股票經紀，資源生產商，物業公司還是玩弄小股東的基建商？ 滙源發盈警 我上期提及滙源果汁（1886），並指它是一個未爆的炸彈，巧合地它上週便發盈警。這是間荒謬的公司，沒有強勁收入，但成本不斷上升。若不能管理好核心經營利潤，為什麼要賣橙汁呢？持有滙源果汁63%的大股東朱新禮，在盈警後增持，他是否知道什麼內幕消息？全球央行一股勁兒在減息或實施量寬，彷彿除此之外別無他法。除了中國，似乎是所有銀行都以量寬為管理方式。上週人民銀行減銀行存款準備金率0.5%至19.5%，並不令人意外。銀行過去已透過影子銀行，貸出比規定更多的貸款，但銀行有否有效地貸出這些貸款？沒有的話，減存準金只淪為一個公關手段。中國充斥着債務，連消費者的債務亦有上升趨勢，減息或量寬只會令債務進一步上升。即使基建項目幾乎是100%獲融資，但我不知道中國4萬億外匯儲備發生什麼事，它們有沒有被使用？它們是否收支平衡？投資的項目是否真實？ 中國在走資 中國正在經歷自1998年以來，最大的走資，部分原因是海外投資上升，部分是匯款海外的記錄創新高。同時，環球貨幣貶值，令其他國家的出口產品更具競爭力。某些國家可能很快便比中國更具投資價值。中國的選擇很有限，其中一個方法是，貶值人民幣至1美元兌7.80元人民幣。若人民幣貶值，一方面令不少投機者、企業和消費者受到損失，但中國應評估對貶值經濟的整體利益。若人民幣沒有貶值，製造業將繼續受苦，即使是高端的生產者亦會因為成本高昂而撤資。總之不要胡亂買股票，要知道你買什麼、為什麼買？免得將來後悔，在新年期間亦要做好充分的準備。祝君好運！艾 薩[email protected] 艾薩Isaac Sofaer Tony Measor的好友及舊同事，本身是特許會計師，有逾三十年投資實戰經驗，現於力寶證券負責管理私人客戶的投資戶口，並在Quamnet撰寫艾薩日誌。其管理的環球投資組合，在91-00年間增長達十四倍。讀者對港股有任何疑問，歡迎致電郵本刊，中英亦可。[email protected]

MISSSHEEP 都係細我少少0者...七十後買樓???

1 : GS(14)@2010-08-14 16:55:17

http://hk.myblog.yahoo.com/skyknowbook/article?mid=4500


MISSSHEEP 都係細我少少0者...七十後買樓???
網誌分類：男主人隨想 |
重要
網誌日期：2010-08-07 03:30

http://hk.myblog.yahoo.com/misssheep-sheep/article?mid=4

呢個女子都夠經典, 唔係話佢好/唔好, 就係連TVB 都搵佢訪問, 其實呢篇野初係DISCUSS 個陣我都唔知係邊度見過. 個人感覺: "雖不全中但屬現實, 尤其對不幸的, 低收入的, 必需買樓的人0既一個好故事, 一點好意見"

咸魚青菜各有喜愛, 有人鐘意買樓, 有人鐘意租樓, 有人鐘意其他野, 話唔埋有人儲左5000 部 iphone4 係屋企什至五億個貓鑵頭都得...

睇到TVB 先發現, 佢就黎三十了, 男主人頂多都係大佢兩年, 無奈自己不能以八十後自居, 哈哈~

我D ABCDEF 血淚史....其實無乜, 個人正能量極多, 就當我無乜受過挫折啦. (如某騎劫巴菲特送錢佢駛果位青年, 佢童年咁慘, 真係I AM SO SORRY...)

不如我又學呢位MISSSHEEEP 自我起下低:

同佢一樣, 我當年(2001)都係大學生(重要唔係三大, 雖然我高考成績都唔錯), 奈何我唔鐘意本科, 我無做番應做0既專業, 我本係一位註冊物理治療師.

屋企係我一畢業就全部失業(其實算係半年老退休), 幸好我媽媽都無嘈我快d 搵工, 完全比自由我去揀去諗(可能我媽媽對我有信心, 其他媽媽覺得個仔唔係材料啦~ 嘿~), 而我有糧出都比番一半屋企0既.

當年一畢業科網爆破, 情況都唔好得幾多, 男主人極hea send 左唔知幾多百封信都無回音, 得個見字, 最後都係做一份得8000 蚊0既工, 可惜佢要用我專業黎做sales, 非我所願, 正值家中陪伴十一年貓兒過身, 做左九日就辭工~

之後又做過兩個幾月freight forwarder, 中資中小型公司, 因老細出爾反爾話加人工又唔加(再加上唔夠屋企駛), 又走了.

最霉個陣, 就係做爛代教育個d 播帶人, 簡直同搵個道友去賣老翻無分別, 加上佢呢間pk 野拖足成個幾月糧, 令我曾經有一個星期得番一百蚊係身, 好玩0既係, 比我識到好多一樣落難0既同年大學畢業生HKU, CUHK, UST 讀 PURE SCIENCE 大把. 老實講, 有大部份都係廢柴黎(而家見番面, 佢地都係做緊廢工...), 當然, 亦都係識到一位大我十幾年個陣剛比人某大報館裁員0既拍檔.

當時我d 大學同學, 都係為左入HA (醫管局)做, 搵萬七蚊人工已經係當時0既夢想. 平均都係萬三蚊左右. (專業人士喎....都係咁之ma....各位搵幾千0既畢業生, 唔好太灰)

之後我自己搵錢越黎越多, 我有進修, 不過只為興趣 (HKU教育文憑, CUHK教育碩士對我工作無影響), 同MISSSHEEP 唔同, 進修對我黎講真係去學野, 同搵工作升職完全無關.

講錢....

第一個一萬, 係我中六(1997)個陣已經有. 都係幫d 中學生補習(中學補中學, 我好夠膽的, 中七補中六我都試過). 不過係我幾年大學唔知點樣洗哂~

第一個十萬就真係好遲先黎....都成2005 年年頭. 個陣我同時做自己檔野又教書 (教書唔係目的地, 因為我番母校教書係我其中一個心願, 幾好玩架!)

第一個一百萬反而唔算太遲, 07 年年中就有(六年儲一百萬, 唔算難事.), 因為05 年中學玩股票, 咁0岩市升卦....其實我無計過現金流係點, 不過個陣自己收入都已經過哂督察級, 過哂一般老師頂薪, 過哂個班成日想開診所又唔敢開可能做死一世無得升0既二級物理治療師, 仲要有排都未頂薪...

噢! 無提到買樓! 其實人買樓我買樓, 我都係想同女主人學習下一齊生活而買, 並非為投資亦非為需要. 都係07 年買, 我無做九成(其實做唔到), 我做七成按, 利用smart mortgage 同埋short option, 變相免費供樓! 當然後尾海嘯會有點麻煩, 但係一路有強勁現金流+累積期權金, 已足夠渡過.

第一個一千萬, 應該係可見三年左右遇見, 或許更早(次次我都估遲左....)

我想講, 我都只係一個住係d 好舊好舊0既公屋, 每月都唔過一千蚊租0既公屋仔黎. 都係玩四驅車, 高達, 超級任天堂, newway, 小一入機鋪, 小三入機鋪比飛仔"豆", 無得補習無學興趣班長大的. 但係我小三個陣會為左想打機改金手指而學識點計16 進制, 其實, 即使玩, 只要你有真係用腦process 過每一件野, 你都會學到好多.

至於消費, 自小媽媽都慳家, 自己都唔太花費(雖則會花成個星期零用訂高達買漫畫), 反而大個左無乜物質欲. 都係行街睇戲食飯等正常開支.

有咩同年青人講? 我想講, 我心境可能年青(幼稚)過哂佢地, 長期樂觀放出正能量, 每一件事都用下個腦, d 錢就會自然黎搵你. 打工? 打得工你都預左係吊命, 你唔係諗住升你做亞太區總行政總裁, 比個靚title 你, 人工會多得過自力更生下話??? 如果政府出手幫你地, 你地0既在上者一定會用更聰明諗方法從中奪走部份利益. 因為, 我地無太多金錢束縛, 平時食開腦, 真係睇住你地黎食架喎....

買唔到樓, 不如反省下點解人工咁低, 爸爸媽媽捱得咁辛苦養大你, 你比番呢d 咁垃圾不如0既成績比佢, 點面對祖宗十八代呀!?

話時話, 層樓我賣左...係咪無樓係手唔講得呢d 野? um....我諗我按股剩番個d 錢都夠一砲過(no mortgage)買層百幾萬樓仔0既....

若然我講左d 咩唔同意0既野, 我都係個句, 咸魚青菜, 各有所好啦~

(半夜打日記, 正因我等緊同我一樣, 為興趣讀書0既女主人做埋份PAPER先訓)

---

2 : 自動波人(1313)@2010-08-15 17:19:49

其實果位女教師既事我無乜點睇佢

不過社會上總有極端例子,例如fresh grad可以搵七萬,又可以搵七千,但這代表甚麼?
今天的自己,是代表將來的我嗎?正如blogger所講...

"我想講, 我都只係一個住係d 好舊好舊0既公屋, 每月都唔過一千蚊租0既公屋仔黎. 都係玩四驅車, 高達, 超級任天堂, newway, 小一入機鋪, 小三入機鋪比飛仔"豆", 無得補習無學興趣班長大的. 但係我小三個陣會為左想打機改金手指而學識點計16 進制, 其實, 即使玩, 只要你有真係用腦process 過每一件野, 你都會學到好多."

現在我擁有的東西,可保証將來還會擁有嗎?我相信除了知識,腦筋外,包括手手腳腳,都不保證明天還可擁有
很同意blogger所講,知識並不一定來自課本,老師,不同途徑也可令自己的增加知識

---

3 : passport(1491)@2010-08-15 20:30:22

2樓提及

---

其實果位女教師既事我無乜點睇佢

不過社會上總有極端例子,例如fresh grad可以搵七萬,又可以搵七千,但這代表甚麼?
今天的自己,是代表將來的我嗎?正如blogger所講...

"我想講, 我都只係一個住係d 好舊好舊0既公屋, 每月都唔過一千蚊租0既公屋仔黎. 都係玩四驅車, 高達, 超級任天堂, newway, 小一入機鋪, 小三入機鋪比飛仔"豆", 無得補習無學興趣班長大的. 但係我小三個陣會為左想打機改金手指而學識點計16 進制, 其實, 即使玩, 只要你有真係用腦process 過每一件野, 你都會學到好多."

現在我擁有的東西,可保証將來還會擁有嗎?我相信除了知識,腦筋外,包括手手腳腳,都不保證明天還可擁有
很同意blogger所講,知識並不一定來自課本,老師,不同途徑也可令自己的增加知識

同意~每個人追求既野唔同
有d人買樓會滿足
有d人覺得人生目標係環遊世界
我個人認為
只要你搵清楚自己想點
無論係買樓,環遊世界都唔係咩問題
因為你已經搵到你自己人生既路

---

4 : 學習者(1436)@2010-08-16 14:42:59

1997-->1萬(容易做到)
2005->10萬(不難)
2007-->100萬 (05到07年邊有六年呀!)(帶有運氣)
201x -->1000萬 如果唔靠炒股,炒樓,一般蟻民可以嗎?水能載舟也能覆舟!

---

5 : GS(14)@2010-10-30 08:57:55

5樓提及

---

其實六年係指畢業後六年。

其實我做九五按一定買到百零萬的平樓...味皇大人這樣計只是用了三四年

---

6 : qbbsclassic(33468)@2013-12-31 01:23:29

故仔睇完就算啦

我淨係講呢句
都係07 年買, 我無做九成(其實做唔到), 我做七成按, 利用smart mortgage 同埋short option, 變相免費供樓
07、08果2年波幅咁大
你走去short option好易hii野
如果你咁都唔hi
應該都係股神級

---

7 : qbbsclassic(33468)@2013-12-31 01:37:30

呢d股仔股票類我都寫得出啦

我96年得1萬蚊
趁紅籌熱狂抽新股如上實、北控之流
點知真係好好彩
隻隻都抽到
之後變左做5、6萬蚊

等到2000年科網熱
我6蚊買1萬股盈動
升到24蚊我放晒變24萬

再用呢24萬買15萬股中石油
到07年升到15蚊放晒
變成2百幾萬

然後再用呢2百幾萬買晒騰訊
你估依家值幾錢


如果你再誇d咪話你碌卡玩埋孖展囉
再話知道見頂時沽期指

---

投名匯首頁blog 個part有下D 人ge icon 加篇文ge 一小部分 zkiz.com realblog 得文字 好似難少少睇有乜人發新文之類

1 : GS(14)@2011-01-19 07:27:16

其實zkiz.com ge 功能都齊全
我覺得面板美化下可能好D, D 配色+圖像可以改下


唯一分別...投名匯首頁blog 個part有下D 人ge icon 加篇文ge 一小部分
zkiz.com realblog 得文字 好似難少少睇有乜人發新文之類

暫時係呢樣

---

2 : GS(14)@2011-01-19 21:07:34

不如在zkiz.com重建主頁吧

---

個屋頂不如拉長少少

1 : GS(14)@2011-09-11 12:39:53

照番以前咁放番晒各主站連結啦
好唔順手

---

搣少少 撇大台吸千萬 胡杏兒60萬排洪

1 : GS(14)@2015-06-11 12:48:57

2015-05-28 NM




鐵定不再續約大台的胡杏兒，頻頻推公司job，留番啲心機、時間拍拖同返內地掘金；商演、綜藝節目、拍劇冇停手，唔夠一年，已經進賬過千萬人仔。荷包脹！胡杏兒決定「排洪」，搣少少出嚟買嘢獎勵自己。上週三（五月二十日），胡杏兒到銅鑼灣試Land Rover Discovery Sport 2015版，夠「飛士」的她更在幾百個訂購名單中獲優先出車，將六十萬新玩具，快人一步到手。驗屍咁驗

試車當日，一身白衫的胡杏兒在友人陪同下現身Land Rover位於銅鑼灣的陳列室。一到埗，胡杏兒雙眼便未有離開過新鮮到港的Discovery Sport 2015版新車，聽過sales講解，便立即跳上司機位試坐，之後環繞車身走兩圈，再擒高踎低，天窗車頭尾燈包圍，逐一驗屍咁驗。「呢架Discovery Sport結構源於Evoque，外形亦有八成似，但車價差成廿幾萬，性能同質素都好好，所以一開賣，已經收超過三百張訂單。」一名車行的經紀說。胡杏兒睇到入晒神，直至sales通風報訊表示有記者，她才左穿右插避開鏡頭。在停車場試完車，胡杏兒決定揸出街進一步測試性能。據了解，車行優先讓胡杏兒插隊，所以不消半小時，她便拍板買入六十萬有找的白色Land Rover Discovery Sport，新玩具下星期便到手。

拍劇廿萬一集

同Philip Lee拍拖後，胡杏兒頻頻推大台job，連新劇《EU超時任務》都拱手相讓予朱千雪，其實大雞唔食細米，過去一年，胡杏兒有份演出的《奇妙的朋友》，在全國同一時段收視No.1，帶挈她商演密密接，賺到笑！之後胡杏兒會同袁詠儀合演四十集內地劇《領養》（劇酬每集二十萬），唔夠一年，已賺過千萬人仔。大台「雞碎咁多」，既然已決定離巢，胡杏兒當然唔使俾面！

抵玩

今年三月登陸香港的Land Rover Discovery Sport，其中SE為頂級版，售價$559,000，一面世已接過300張訂單。價錢吸引外，馬力有240匹，波箱配搭是ZF九前速自動波，扭力高達34.7kgm，車廂設有中控台8吋輕觸式屏幕，與泊車鏡頭連線，還有導航、四個電源插座及六個USB充電插頭，同時亦用上最高級別的Perforated Grained皮革。至於車架方面結構源於Evoque，但車價卻平二十多萬。Discovery Sport具有五座位及七座位，五座位後座空間闊落，座椅可根據需要收摺，行李箱正常容量高達981公升，亦可將後座翻低，增至1,698公升。

---

孫慧雪33C少少肥

1 : GS(14)@2016-07-06 07:58:58

■孫慧雪加入寫真戰，大賣「笑女」feel。


宅男女神孫慧雪下周一34歲生日，近日在大台劇《純熟意外》彈出，她乘勢狙擊，為紀念入行10周年，會在生日前夕推出處女寫真集《Once》，雪雪邀得YouTube司徒夾帶操刀影相，寫真成本約6位數字，會推出數千本。


■寫真集中孫慧雪亦有性感晒身材照。


33C、25、35三圍的雪雪早前到台灣墾丁取景，20個造型中最激是半裸，全書盡顯「笑女」真面目，因為雪雪表示最滿意自己笑容，至於身材？她昨說：「我對自己身形唔係咁有自信，成日覺有少少肥。」為了令寫真拍出感覺，雪雪表示：「兩日我睇咗100本寫真攞感覺，綜合嚟講，我最鍾意係日本嗰啲。」採訪：陳杰





來源: http://hk.apple.nextmedia.com/entertainment/art/20160705/19681181

---

許廷鏗三車相撞少少驚

1 : GS(14)@2016-08-08 00:17:10

■許廷鏗昨日遇車禍幸沒有受傷，司機則輕傷。攝影：翁鈺輝


許廷鏗昨日遇上交通意外，下午約2時，一輛私家車沿3號幹線向西隧方向行駛，至南昌站附近時，疑閃避一輛切線寶馬不及，私家車失控撞壆再打白鴿轉，其間許廷鏗乘坐的七人車駛至，釀成三車相撞。許廷鏗沒有受傷，司機則受輕傷。警方到場封鎖現場調查，許廷鏗很快便由友人駕車接載離開。


許廷鏗


許廷鏗於Instagram報平安，貼出一張紅色的「出入平安」圖，寫道：「剛發生了一點小意外，發現『出入平安』的重要性，放心，人沒事就好。報個平安再開工！」被問有沒有受驚？他在電話中說：「少少啦！但冇事。」採訪：嵐山





來源: http://hk.apple.nextmedia.com/entertainment/art/20160807/19725873

---

三藩市水上的士重新上路乘客：貴少少好過逼車

1 : GS(14)@2016-10-15 12:11:44

不想在上班途中塞車？現在美國三藩市灣區市民有新選擇！數個灣區城市包括三藩市、柏克萊（Berkeley）、愛莫利維爾（ Emeryville）和紅木城（Redwood City），最快於本月中新增「水上的士」（Water Taxi）的交通選擇。這種曾被時代巨輪淘汰的代步工具，竟在全球頂尖科技重鎮三藩市捲土重生﹗駐三藩市記者：唐芷瑩「科技熱潮」（Tech boom）讓三藩市市區樓價暴漲，不少人需搬到市郊甚至離工作或上學地點很遠的地區，才能負擔屋租。每天要「跨海」往來三藩市和東灣的市民，在繁忙時間就要忍受海灣大橋上的嚴重塞車，或逼入捷運（BART）車廂，這種情況讓渡輪的需求又重新出現。加州政府公共事業委員會（CPUC）月初終於對兩間現時採預約制的私人水上的士公司，Tideline Marine Group和PROP開綠燈，准許他們擴展營運灣區過海渡輪服務。據兩間公司網站資料，Tideline主要提供往返三藩市15號碼頭（Pier15）至柏克萊海灣碼頭（Berkeley Marina）的航線，船程僅20分鐘，單程票價8美元（約62.4港元），每艘載客40人。公司一獲政府批准，已宣佈最快10月中能向公眾提供服務。另一公司PROP的水上的士服務，則選取柏克萊鄰近的愛莫利維爾碼頭作東灣的上落點連接三藩市，雖然10美元（約78港元）票價比Tideline貴一點，而且最快要等到出年1月才有得搭，但就聲稱可以確保船程只需12分鐘，而且可以載客99人！據指，該公司正密鑼緊鼓準備日後加推兩地連接柏克萊和紅木城的航線。兩間公司的船種均提供Wi-Fi服務，但存放單車、攜帶寵物上船就有額外收費。到底水上的士能否為灣區的交通帶來新一番新景像？《蘋果》向一些常駕車或搭捷運過海的市民了解過，發現公眾大致期待。加大（UC Berkeley）陳同學（音譯，Chandler Chen）說可以在船上上網這一點很吸引：「因現在乘捷運太吵，根本沒可能集中精神處理功課！」不過他就指8至10美元一程的話對他這種沒收入的學生哥來說有點貴，可能考慮在假日才會搭。《蘋果》觀察，這種交通工具能否吸引日常客源的確存在變數。東灣兩個碼頭的地理位置都稍微偏遠，記者到愛莫利維爾的海灣碼頭視察，發現目前是遊艇碼頭的該處人煙稀少，缺乏接駁交通到市區，也沒有平價餐飲設施。不過，即使如此，在附近上班的傑克遜（Liz Jackson）還是表示會搭，「還可落船後踩單車到公司，我還是很感興趣，因為捷運現時太逼了！」話你知：渡輪時間及售票詳情1) Tideline Marine Group
https://tidelinetickets.com/2) PROP
http://www.propsf.net/ferryschedule/




來源: http://hk.apple.nextmedia.com/international/art/20161015/19801744

---

成品全方位檢閱！戶主：少少失望

1 : GS(14)@2016-10-30 14:34:25

【睡房】■窗戶原本被大衣櫃擋住半邊窗，裝地台床後窗戶完整重現，但衣櫃只能容納一人服飾。

睡房做地台床及趟門

經一輪格價之後，年初Johnny終於扑槌揀選了一間裝修公司，負責的設計師Nic稱，單位面積不大，但居住人數預計4個，設計上甚具挑戰性，「好彩單位樓底高，有近9呎。樓底多一呎差好遠，可以用地下同上面做空間轉移」。裝修工程4月中旬開始，最初協訂三個月交樓，惟進度一波三折，最終要延至8月底方完成。9月1日入伙前一晚，本報為單位作全方位拍攝，對比裝修前後狀態。寢區方面，兩間睡房均轉用趟門並訂做地台床，樓梯亦有櫃桶貯物，毋須再側身進出睡房。其中一間睡房用衣櫃間牆，「呢間房個衣櫃我就最滿意，夠兩、三個人擺嘢」。



【浴室】■浴室30年前的裝潢已經十分老舊，瓷磚褪色，浴屏鏡櫃殘破，翻新後乾淨企理。

【貯物】■另一間睡房用衣櫃間牆，貯物空間倍增。

【廚房】■廚房裝吊櫃放砂煲罌罉，其且新增抽油煙機及假天花。


部份地方無地腳線

全屋木地板鏟起重鋪木紋磚，客飯廳安裝數組訂做的通頂大櫃及吊櫃，顏色統一米白色，整體觀感較昔日企理。浴室告別80年代風格，瓷磚、鏡櫃、浴屏一律換新，再加裝假天花及多功能浴室寶，衞生情況有改善。廚房曲尺形工作枱上方裝設大型吊櫃，煮食用具及調味料終有地方安置，外觀型格的三門雪櫃移往大門旁新做大櫃內，成為大廳的時尚亮點。若果以10分為滿分，Johnny對裝修評分只介乎6至7分，「對裝修少少失望」。例如他認為有些陳列櫃的深度不似預期，擺放物品有難度。揭開睡床邊罅位木板，地磚收口唔齊，牆角似未完工亦無地腳線，裝修埋尾馬虎，而多處櫃桶路軌不順。扣分位還包括用料，例如地台床只用金屬鉸，無油壓，收納取物每次都要全塊板往上揭，開合床板不便。客飯廳有一組櫃設揭板式餐枱，惟開合設計同樣有待改進，而且餐枱面積細，全家數人難一同用膳。




來源: http://hk.apple.nextmedia.com/financeestate/art/20161030/19816912

---

受惠婆婆：可以鬆動少少

1 : GS(14)@2017-01-19 08:04:10

【本報訊】「可以唔使錢睇醫生，好事！」只靠每月2,495元長者生活津貼生活的張婆婆，現年75歲，患有高血壓等多種長期疾病，要定期到不同公立醫院覆診，每次診症60元，另每種藥物收費10元，動輒已近百元，為慳錢會叫醫生「唔好開咁多藥」，更曾嘗試行路去覆診。施政報告建議領取長生津的75歲以上長者，資產又符合當局規定，可免費使用公立醫院及診所服務，張婆婆將可受惠。


曾叫醫生少開藥物


張婆婆頑疾纏身，有肺病要到九龍醫院看胸肺科，心跳過快要廣華醫院心臟科跟進，又在廣華骨科看膝頭痛症，加上明愛眼科等，在不同醫院正看7個不同專科，部份藥物更要自費購買。只領取長生津的她坦言，交租已需千餘元，加上生活雜費，醫療費用為沉重負擔，但病不能不醫，平日只能死慳死抵，「麵包買2送1，頂到1日3餐」，連返教會也不乘車，步行1小時15分鐘，只為省回兩元車費。她表示，為省回醫藥費，曾叫醫生少開數種藥物，又曾叫醫生寫紙連同其他科一起覆診，令她只要付一次掛號費。對於施政報告建議長生津長者可以免費看專科門診，她指能減輕生活負擔，「錢可以鬆動少少」。■記者嚴敏慧




來源: http://hk.apple.nextmedia.com/news/art/20170119/19901872

---