ZKIZ Archives


馮仁昭四圍超:小齊沖身誤中要害

1 : GS(14)@2016-05-21 17:49:45

任賢齊噚日喺新疆參加野外電單車比賽,佢喺facebook透露當地落大雨搞到賽道太爛,有60部四輪UTV車被困賽道,仲有電單車手斷腳,好彩小齊冇受傷,只係變咗泥人,但工作人員幫佢沖身時,強勁嘅水柱竟然誤中「小小齊」。小齊事後主動公開事件,佢笑住留言話:「這麼尷尬還一直被很多人圍觀拍照,讓你們公開,不如我自己公開讓大家笑笑算了!」撰文:馮仁昭





來源: http://hk.apple.nextmedia.com/entertainment/art/20160519/19617607
馮仁 仁昭 四圍 小齊 沖身 身誤 誤中 要害
PermaLink: https://articles.zkiz.com/?id=300744

小齊全家中環嘆牛腩麵

1 : GS(14)@2016-07-09 06:47:37

任賢齊出名是「愛妻號」,一對仔女更加是他心肝寶貝,大前日小齊趁開工前有時間,便與老婆Tina、11歲囡囡Rati及8歲囝囝Cody到中環開餐,囝囝見到記者影相,更表現得十分興奮。當日約下午5時許,小齊出動兩部車,一家四口到歌賦街食牛腩麵,因為落雨地下濕滑關係,小齊和老婆分別拖着一對仔女免他們跣倒受傷,離開時囝囝Cody見到記者影相,即時「嘩」一聲表現興奮,反而囡囡Rati就有點害羞。小齊安頓太太及一對仔女上車後,自己才駕另一部車離開。採訪、攝影:徐錦池、潘冠恩





來源: http://hk.apple.nextmedia.com/entertainment/art/20160708/19685633
小齊 全家 中環 牛腩
PermaLink: https://articles.zkiz.com/?id=303032

【馮仁昭四圍超】小齊備戰拉力賽狂操

1 : GS(14)@2016-11-23 07:53:27

任賢齊早排搵自己執導嘅電影《落跑吧愛情》班底拍新歌《朋友的酒》MV,仲借出珍藏嘅古董電單車拍攝。台灣藝人金士傑、邵雨薇分別演男女主角,小齊話:「冇同金士傑合作過,就唔算係好演員,演咗咁多年戲,終於圓夢。」另外,小齊下年會參加達卡拉力賽(Dakar Rally),呢個賽事少啲體力同耐力都唔得,所以小齊已經狂操體能。撰文:馮仁昭




來源: http://hk.apple.nextmedia.com/entertainment/art/20161123/19842373
馮仁 仁昭 四圍 小齊 備戰 拉力賽 拉力 狂操
PermaLink: https://articles.zkiz.com/?id=316684

【馮仁昭四圍超】小齊踩單車唔着底褲

1 : GS(14)@2016-12-07 08:01:08

任賢齊同陳嘉寶噚日以單車裝束現身尖沙嘴,為下年3月喺青衣舉行嘅單車百萬行做呼籲,因為謝安琪大肚關係,今次換上陳嘉寶拍小齊做宣傳,小齊分享踩單車心得時話:「唔可以着底褲,會磨損大髀。」旁邊嘅陳嘉寶即刻尷尬話會聽小齊建議盡量配合。講到蘇永康就嚟做老竇,小齊話會傳授湊仔心得。會唔會叫康仔唔好太多留言惹紛爭?佢就話康仔賬戶被入侵。撰文:馮仁昭




來源: http://hk.apple.nextmedia.com/entertainment/art/20161207/19857084
馮仁 仁昭 四圍 小齊 單車 唔著 著底 底褲
PermaLink: https://articles.zkiz.com/?id=318641

小齊撞車飛跌落潭

1 : GS(14)@2017-01-06 02:07:53

任賢齊近日到阿根廷參加DAKAR世界級越野車大賽,賽事由前日開始至下周六結束,全程九千公里,怎知小齊於香港時間前日,在第二賽段連環發生意外,先因前面的車手突然煞車引致相撞,之後去到爛泥地,小齊的車又撞到樹,整個人飛出去再跌落水潭,扭傷了腰部,醫生指暫不能行房。事後小齊在電話中報平安說:「本來我想繼續比賽,但當時流咗太多汗,感覺虛脫無力,頭又好暈,終於由直升機送我到阿根廷嘅大本營。醫生好幽默同我講,好好彩我除咗腰傷冇大礙,?家只係唔能夠搬重物,唔能夠行房。」撰文:皓騫




來源: http://hk.apple.nextmedia.com/entertainment/art/20170105/19886492
小齊 撞車 跌落
PermaLink: https://articles.zkiz.com/?id=321515

小齊傷腰返港攬老婆

1 : GS(14)@2017-01-14 07:54:35

任賢齊日前到阿根廷參加越野車大賽發生意外,在爛泥地撞樹整個人飛跌落水潭扭傷腰,他前日負傷返港,老婆Tina親往接機,讀者陳女士透過本報「爆相爆片」分享兩夫婦重逢時刻,她在電話中說:「3點幾喺機場見到任賢齊返嚟,佢見到老婆即刻行埋去,兩人開心到攬埋一嚿,傾咗一陣先行去停車場。」



任賢齊、Tina資料圖片

由於小齊傷勢未癒,行路時要用手支撐腰部,兩夫婦拖手慢行。據知,小齊昨到醫院再檢查,年三十晚他要到外地做騷,醫生指不會影響唱歌,但跳舞不可大動作。採訪:皓騫




來源: http://hk.apple.nextmedia.com/entertainment/art/20170113/19894845
小齊 傷腰 腰返 返港 港攬 老婆
PermaLink: https://articles.zkiz.com/?id=322526

小齊動作似行房惹誤會

1 : GS(14)@2017-01-22 02:17:17

林家棟、任賢齊和杜琪峯等昨日率電影《樹大招風》台前幕後在觀塘慶功,此片日前獲香港評論學會大獎選為最佳電影,林家棟又獲得最佳男演員,家棟說:「大家睇住我大,由電視睇到我條路點行,一攞獎三十年前畫面出晒嚟,冇白費食白果階段。」



■杜琪峯亦有現身《樹大招風》慶功。

任賢齊早前到南美洲參加電單車越野賽遇險,他透露炒車三次,最後撞入樹林被直升機救出,小齊說:「前十名車手幾位都斷骨、內出血,我算比較完整。」小齊拉傷腰部不能大動作,在當地留醫期間鬧出笑話,他說:「醫生係法國人要用法文溝通,我做動作問醫生仲可唔可以玩賽事,醫生話No,原來佢誤會我講行房。」採訪:卓寶花攝影:仇志德




來源: http://hk.apple.nextmedia.com/entertainment/art/20170121/19903786
小齊 動作 行房 誤會
PermaLink: https://articles.zkiz.com/?id=323570

小齊派利是惹混亂

1 : GS(14)@2017-02-02 02:34:14

男人幫於美國時間年初二假拉斯維加斯開騷,任賢齊、黃家強、梁漢文和蘇永康反傳統落台大派利是,觀眾瘋狂搶奪,小齊被迫到寸步難行,甚至一整排座椅都被掃下,不少觀眾被撞跌地上,幸好沒人受傷。事後小齊說:「我都嚇親,根本連手都伸唔到去派,手上嘅利是已經被搶光。」今次小齊和家強的老婆仔女都有同行,蘇永康老婆因懷胎近8個月留港安胎,完騷後即頻撲返港見老婆,之後再飛到華盛頓繼續巡唱,而梁漢文在拉斯維加期間發了新年財,在賭場贏了五百多元美金。適逢老闆林建岳帶家人在當地過年,於年初一宴請大家食飯。撰文:皓騫




來源: http://hk.apple.nextmedia.com/entertainment/art/20170201/19913909
小齊 派利 是惹 混亂
PermaLink: https://articles.zkiz.com/?id=324974

【馮仁昭四圍超】小齊踩單輪車失平衡

1 : GS(14)@2017-02-18 09:51:54

任賢齊昨日在旺角一所自閉症特殊學校做探訪,在小食部買零食又與學生唱歌,兼向同學請教學單輪單車,令一班學生很開心。作為賽車高手的小齊,遇單輪車即被考起兼失平衡。之前小齊在台灣曾探訪自閉學生,覺得大人要與小孩多溝通。已為人父的小齊,覺得學習和遊玩要取得平衡,他說:「小朋友都要學競爭先適應到將來社會,但玩同學習都要平衡。」撰文:馮仁昭




來源: http://hk.apple.nextmedia.com/entertainment/art/20170218/19931749
馮仁 仁昭 四圍 小齊 踩單 單輪 輪車 車失 平衡
PermaLink: https://articles.zkiz.com/?id=326906

小齊遇甘比被嚇窒

1 : GS(14)@2017-03-23 06:27:22

■任賢齊昨獲邀與甘比(左)及林寶賢合照時,表現驚訝。



林建岳與紅顏知己林寶賢(Michelle)引入的日本運動品牌Dance with Dragon昨日於中環舉行開幕禮,任賢齊、水原希子、林建岳女兒心兒與甘比均有到場。昨日甘比盛裝現身活動時,恰巧碰到小齊,記者拉攏一同合照,小齊即愕然地反問:「真係得㗎?」之後小齊企正中間與甘比及林寶賢合照,笑言自己左擁右抱,甘比則表示不接受訪問。



■水原希子穿上短裙晒長腿。

同場的林心兒透露現時仍然單身,談到擇偶條件,她說:「要令到我開心,係一個叻嘅人,可以教我唔同嘅嘢。唔好大好多,8至10年都OK嘅,順其自然。」採訪:羅慧敏攝影:陳俊強




來源: http://hk.apple.nextmedia.com/entertainment/art/20170322/19965711
小齊 甘比 被嚇 嚇窒
PermaLink: https://articles.zkiz.com/?id=328383

《樹大招風》與小齊鬥陰沉家棟今搶影帝:見證一個儍仔成長

1 : GS(14)@2017-04-09 10:49:40

■林家棟(左)與任賢齊同入圍爭獎,誰是影帝今晚自有分曉。攝影:陳慧安



【第36屆香港電影金像獎之今晚舉行】香港電影金像獎頒獎典禮今晚於尖沙嘴文化中心大劇院舉行,去年因內地禁片《十年》得最佳電影獎搞到滿城風雨,同樣今年的最佳電影大熱《樹大招風》,因故事涉及有內地高官貪污情節遭內地禁映,再加上該片導演歐文傑曾執導《十年》,有傳若《樹》片得獎,內地轉播機構會封殺。



■在《樹大招風》中,林家棟(左)和任賢齊(中)演賊王。劇照

■有傳若《樹大招風》奪獎會遭內地封殺,林家棟認為觀眾自然有方法睇戲。


最佳電影呼聲高

本報問過幾位擔任第二輪評審的影人,一般看好《樹》片得最佳電影、周星馳憑《美人魚》得最佳導演、最佳男主角就較多人看好林家棟,女主角認為是惠英紅與周冬雨之爭。大熱林家棟與任賢齊同時憑《樹》片爭今屆影帝,家棟在戲中演陰沉得來令人不寒而慄大賊季正雄,先為他攻下電影評論學會及香港電影導演會年度大獎最佳男演員。回想當時獲獎感覺,家棟說:「呼一口(氣),再吸番。但係咪因為(攞獎)更有充足信心,我又覺得唔係,真係冇諗。」家棟不諱言得獎當然開心,卻不存在遲與早的問題。他笑言:「由電視台訓練班開始,見證一個儍仔嘅成長。」可喜的是評審亦看到及認同他的成長。



■林家棟、許學文及任賢齊均憑電影《樹大招風》入圍香港電影金像獎。

■兩位大賊聚埋一齊傾金像獎當日着乜好。

■小齊指曾經有人同佢講,由於佢廣東話講符唔純正,所以喺金像獎肯定會輸蝕。


■家棟呢個陰森樣,係片場嚇倒唔少人。

■許學文笑言喺片場見到任何一個演員都會感到心寒。

■小齊於戲內扮演大賊。


內地隨時Cut感言

近年本土電影受到重視,家棟、小齊由菲林電影年代,過度到數碼片,家棟對本土電影的定義,他認為拍的就是「我的生活」,與市民息息相關、貼身有共鳴;小齊覺得是本土的「頂硬上嘅精神」。上年《十年》得獎,被內地轉播機構硬cut得獎感言,以及在內地大小網站得獎名單獨缺《十年》,今年《樹》片有傳會遭內地封殺,在片中演陰沉大賊葉國歡的小齊說:「雖然尺度同題材限制,但係我哋唔係抹黑惡意攻擊去鬧人呀,所以我諗應該OK嘅。」家棟就認為不可以改變別人的看法,但深信想要看的觀眾,自然有他們的方法,重點是都能看到。採訪:何永寧、鍾國仁



■導演許學文話戲中馬會外呢幕戲,家棟俾咗唔少有用嘅意見。

■家棟笑言自己初初入行係一個儍仔,係觀眾見證住自己嘅成長。

■問到小齊點解堅持用廣東話拍港產片?小齊話唔係佢想嘅,一切都係導演要求。

梁家輝(左)

最佳男主角提名名單

余文樂《一念無明》吳鎮宇《脫皮爸爸》梁家輝《寒戰2》任賢齊《樹大招風》林家棟《樹大招風》




來源: http://hk.apple.nextmedia.com/entertainment/art/20170409/19984250
樹大 招風 小齊 鬥陰 陰沈 沈家 家棟 棟今 今搶 影帝 見證 一個 成長
PermaLink: https://articles.zkiz.com/?id=329824

【馮仁昭四圍超】小齊北京撐春嬌

1 : GS(14)@2017-04-28 02:11:06

楊千嬅、余文樂、彭浩翔導演、蔣夢婕噚日喺北京出席《春嬌救志明》宣傳活動,任賢齊驚喜現身撐場。千嬅被問如果遇溺點自救,佢即刻拎起水泡套喺樂仔同彭導身上,自己就扮水中暢泳。戲中有幕余春嬌玩護士制服誘惑張志明,現場千嬅拎住針筒同聽筒道具,同樂仔打情罵俏,樂仔又後抱住千嬅放閃,大晒恩愛,之後再重演地震一幕,仲拉埋彭導匿喺枱底。撰文:馮仁昭



難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170426/20001368
馮仁 仁昭 四圍 小齊 北京 春嬌
PermaLink: https://articles.zkiz.com/?id=331707

小齊生日捐錢助電影業

1 : GS(14)@2017-06-25 09:31:29

任賢齊(小齊)昨日51歲生日,老闆林建岳、杜琪峯及古天樂前晚特地為他舉行生日飯局預祝,齊唱生日歌、切蛋糕兼食壽包,小齊更收到經理人成吋厚的大利是,透露會全數捐給「鮮浪潮」,以行動支持香港電影創作人才。身為「鮮浪潮」發起人兼主席的杜Sir,送了一支限量版「杜琪峯酒」給小齊做生日禮物,小齊說:「我好少飲酒,呢支酒咁有紀念價值,我會好好珍藏,好快就成為全球唯一一支!」小齊全晚聲沙沙,原來早前在加拿大舉行演唱會時太high導致失聲,又指自己剛回港未適應時差有點頭暈,笑言要祝自己身體健康。撰文:小米




來源: http://hk.apple.nextmedia.com/entertainment/art/20170624/20066588
小齊 生日 捐錢 電影業 電影
PermaLink: https://articles.zkiz.com/?id=336786

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019