ZKIZ Archives


阿Lam驚踩親小鳳姐

1 : GS(14)@2016-02-02 15:57:35

■阿Lam前晚舉行尾場個唱,嘉賓小鳳姐大搞爛gag。


林子祥(阿Lam)一連四場的「林子祥佐治地球40周年演唱會」前晚在紅館舉行尾場,擔任嘉賓的徐小鳳在台上表示自己與大家一樣來賀阿Lam,不過阿Lam看到小鳳姐身上的白色長披肩時,直言怕「踩污糟」,小鳳姐笑說:「我俾人踩慣,唔怕俾人踩,香港人特別經得起風浪,香港係全世界最大方,最包容地方,唔會理你幾有錢有幾窮都一一收晒你,心胸闊好多,所以我好愛香港,因為我係香港人,我係地道嘅香港小姐。」小鳳姐亦大爆阿Lam生命中最重要的三個女人:「佢身邊啲人打畀我,話阿Lam人生中有三個女人係好重要,一個係媽媽,一個係沙麗(葉蒨文),一個係……你知喇,佢講到好鬼懸疑,咁我咪惟有埋位囉!」採訪:盧妹攝影:葉君海





來源: http://hk.apple.nextmedia.com/entertainment/art/20160202/19475416
Lam 驚踩 踩親 小鳳
PermaLink: https://articles.zkiz.com/?id=295070

【馮仁昭四圍超】歐陽妙芝小鳳姐上身

1 : GS(14)@2016-08-07 01:48:26

歐陽妙芝、Kevin Boy(KB李健宏)同Sammy Ko會喺下個月演出音樂劇《尋找快樂時代》,噚日佢哋齊集喺觀塘宣傳,各人以八十年代懷舊歌星造型現身,最突出嘅係歐陽妙芝扮小鳳姐同埋KB扮Blue Jeans。歐陽妙芝喺劇中飾演經常去酒廊玩樂嘅顧客,佢話:「好老實講我唱live唔得㗎,我要練習吓,唱一小段都應付到,而且做顧客去玩嘅角色,唔使驚走音。」撰文:馮仁昭





來源: http://hk.apple.nextmedia.com/entertainment/art/20160804/19721640
馮仁 仁昭 四圍 歐陽 妙芝 小鳳 上身
PermaLink: https://articles.zkiz.com/?id=304496

【馮仁昭四圍超】尾場送鹽花 小鳳姐大講胸圍

1 : GS(14)@2016-08-09 07:10:49

■小鳳姐拎起把做咗手腳嘅軟尺幫家燕姐度腰。








徐小鳳一連8場演唱會前晚喺紅館圓滿結束,小鳳姐連環發放笑彈。演唱會中途有男粉絲對住小鳳姐大叫「我愛你」,小鳳姐話:「咁肉麻,呢啲私下講,唔好大庭廣眾講,如果係咁,你騷畀我睇,show me your love,呢個係中文,即係粟米肉粒。」



■(左起)薛家燕、小鳳姐同黃淑儀識咗好耐。

■有粉絲着波點裝到場,襯番小鳳姐。



出術度22吋腰

尾場嘉賓係杜德偉,仲有黃淑儀同薛家燕,幾個阿姐話大家識咗好耐,講起小鳳姐條22吋纖腰,佢話:「當時話我22吋,其實可能係18吋,未發育,而家先至係叫做正式發育。」小鳳姐即場幫家燕姐度腰,仲以為佢笑家燕有水桶腰,原來係一齊搞笑,因為軟尺做咗手腳,成把尺都寫住22吋。小鳳姐又寸家燕姐件衫,話佢件粉紅底藍色花紋衫:「遠睇以為你着胸圍。」家燕姐笑笑口話:「咁着睇瘦啲。」講起胸圍,小鳳姐即場分享一件陳年舊事:「好耐之前有個朋友同我講,話行女人街,內衣檔口個哥哥叫人買胸圍,佢大叫話『嚟買啦!徐小鳳都着過。』嗰時知道嬲到我死,成日想落去鬧鬼佢,嗰次之後唔敢落去女人街嗰度。」撰文:馮仁昭





來源: http://hk.apple.nextmedia.com/entertainment/art/20160808/19726879
馮仁 仁昭 四圍 尾場 場送 鹽花 小鳳 姐大 大講 胸圍
PermaLink: https://articles.zkiz.com/?id=304991

鄭國江食小鳳姐檸檬

1 : GS(14)@2016-10-29 13:20:35

為了紀念名填詞人鄭國江入行45年,前晚在灣仔伊館舉行「45周年名曲.巨星演唱會2016」,不少歌手遠道返港,包括盧業瑂、陳松伶、露雲娜、林志美等。而鍾鎮濤和區瑞強上台為鄭Sir送上蛋糕祝賀。鄭Sir接受訪問時,被問有哪位嘉賓請不到:「小鳳姐囉!佢之前開咗演唱會,不過對我好好,同佢合作過好多隻歌,我攞榮譽院士佢都會捧場。」被問到在二千首歌中揀歌是否有難度?他說:「今次揀咗50隻演出,其實好多歌手想嚟,好似馬浚偉同張敬軒,不過排咗期有工作在身所以嚟唔到。」鍾鎮濤被問到有冇酬勞?他直說:「買衫都買唔到。」採訪:張俊銘攝影:陳慧安




來源: http://hk.apple.nextmedia.com/entertainment/art/20161029/19815558
鄭國 江食 小鳳 檸檬
PermaLink: https://articles.zkiz.com/?id=314005

【飲食籽】燒味檔老闆 豪花百萬玩Hi-Fi落場聽小鳳姐

1 : GS(14)@2017-02-18 00:51:52

燒味檔老闆黃仲倫落場就會回家飲住紅酒聽Hi-Fi。



【飲食籽:追源尋味】燒味檔老闆黃仲倫,人稱燒味倫,今年53歲,1995年已在塘尾道擺檔,檔口播着強勁音樂,不是為了招徠,只因他是Hi-Fi發燒友,家藏過百萬元音響設備。他,是非一般街市佬!「我不是一般街市佬,一般燒味佬有空會到澳門賭錢賭馬,我十幾年前已經戒煙,我好乖啊!收工便會返屋企,平時只會飲杯紅酒、玩Hi-Fi聽音樂。」倫哥說。他個子高高,身形瘦削,穿着白色圍裙,終日坐鎮切檔,拿着大刀斬叉燒、燒肉,忙個不停。「做燒味舖不會蝕錢,點會蝕錢!做得好食,自然會有人來,不會蝕錢,好快翻本的。」他自信地說。他16歲出來工作,笑說甚麼行業都做過,最後入行做燒味,做過廿間以上的酒樓及燒味檔,間中和太太擺滷味走鬼檔為生,由於經常過着擔驚受怕生活,最後決定入舖賣燒味。「以前後生覺得自己有料,想將燒味做得好味給人吃,一展抱負。最初好多人話我好夠膽,我自己得三萬,問朋友借了幾萬元,再問外母借少少錢,籌夠十幾廿萬就膽粗粗開始。」

十多萬裝隔音牆 坐大班椅飲紅酒聽音樂

店開朝八晚八,工場設在在隔籬,只有百多呎,卻有18種出品。兩夫婦和四名員工要密密做、密密燒,才能應付出品。儲到錢後,看準機會便投資房地產,買下現時燒味檔舖位,雖然做得辛苦,生活總算無憂。「最初生意不像現在般多,經過自己多年努力,生意一年比一年好,我將配方改良很多次,自己親力親為,不假手於人,不是的話,如何得到世間財!」由於家在附近,他每逢中午落場便回家聽音樂,放鬆一下。來到他家中,廳的角落有一個CD櫃,本地歌手徐小鳳、鄧麗君、呂方等等,甚至古典音樂及外國歌手都是他的收藏。「碟買來不是收藏,是用來聽的,不是等他升值。一隻要幾千元,十隻都要幾萬元,自己不捨得,買時很肉赤,但都要買隻來聽。」他特意花了十多萬為客廳裝厚身隔音牆,最愛坐在大班椅飲着紅酒聽音樂,視為一種享受。「我聽音樂計一計都有廿年歷史,曾經換過的喇叭不計其數,現在這組牌子是Goldmund及EMM Labs,都用了兩年,整組音響設備便要百多萬元。」表面風光,他說賺的都是血汗錢,一身油煙味,手腕關節又勞損,背後辛酸無人明白。「做燒味佬賺這些錢很辛苦,如果有下一世,我都不想做燒味佬!」他苦笑說。



這組牌子是Goldmund及EMM Labs,都用了兩年,整組音響設備便要百多萬元。

蔡楓華的CD亦是倫哥收藏,當時買入價為2,000元。

1981年徐小鳳三洋頭版,俗稱徐小鳳「鹹蛋黃」,當時買入價為5,500元。

齒留香旺角塘尾道22號地下



記者:何嘉茵攝影:伍慶泉、許先煜編輯:梁浩維美術:孔文彬




來源: http://hk.apple.nextmedia.com/su ... t/20170217/19930302
飲食 燒味 味檔 老闆 豪花 花百 百萬 萬玩 Hi-Fi 落場 場聽 小鳳
PermaLink: https://articles.zkiz.com/?id=326776

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019