ZKIZ Archives


小甜甜前密友驚世報料

2013-1-17  NM
 
 

 

上週五中午時分,小宗收到一個神秘電話:「王禮泉一陣會去ICAC報案,快啲去影相啦!」此王禮泉,正是已故華懋主席龔如心的貼身助手、現為華懋集團顧問。既然有人預先報料,小宗當然即刻派人前去恭候,果然下午三時,佢現身廉署總部,並一支箭入咗去報案,逗留咗兩個半鐘,出返嚟就只係講咗兩個字——「唔該」,咁就坐上七人車絕塵而去。

王禮泉一直係龔如心嘅「私人助理」,背景複雜,專幫手處理娛樂事業,如華懋喺尖東租俾夜總會嘅鋪位等,黑白兩道都吃得開。佢早前已經放過聲氣,話有新證據,證明龔如心手持、由王德輝喺90年寫嘅「one life one love」遺囑,根本係假o架;佢又抨擊華懋慈善基金有人失職、腐敗及賬目不清,仲話會喺適當時候採取行動,捍衞王德輝家族嘅資產!鬼咩,同樣係千億女富豪嘅密友,王禮泉現時手持紅磡都會軒及元朗加州花園等單位,市值約二千萬,而咁多年炒樓亦只係賺千幾萬。相對於小甜甜嘅知己陳振聰,呀,又真係少咗啲喎!

Give me a break插住嚟減壓

中環返工,有邊個唔大壓力?小宗聽聞有唔少白領,都會去上環太平山街的Tallensia Floral Art,玩Floral Jamming減吓壓、輕鬆吓。呢門嘢外國興咗好耐,而家該花店就係每逢星期六搞即興插花,花款四十多種,任君選擇;三小時內慢慢插,傑作可以攞埋返屋企,細心欣賞,盛惠三百八十。喺中環返工嘅公關李小姐就話抵玩,平日買紮花都唔只呢個價錢,又唔使次次放假都係行街睇戲食飯咁話。有唔少大公司會包場俾員工,會德豐更加厲害到搞「到會」,將活動移師到自己的Gallery,實行齊齊減壓。負責的花藝設計師Lowdi Kwan就話,插花可以睇到一個人的性格,插出來顏色簡單統一嘅,就係好有目標,太豐富呢,就可能心大心細,唔知自己想點。相信啲公司高層,就係藉此睇住班員工諗咩,大家醒目啲啦!

本週廣告

你有某財團嘅黑幕想爆?你知邊間上市公司造假?你仲想舉報地產霸權嘅不公?歡迎你將財金界嘅寃屈或過癮八卦事,爆俾《壹仔》財經組知,一切報料,均會保密!爆料熱線 / whatsapp:6829 5929。

彤叔一家「親戚相」

去開中環新世界大廈,小宗每次都喺lobby間Starbucks飲番杯咖啡hea一hea,不過呢間Starbucks已經結業,隨之而來嘅係另一間同樣賣咖啡嘅餐廳Classified。Classified由彤叔孫女鄭志雯之老公、亦即鋼鐵大王孫兒龐建貽創辦;餐廳開埋入新世界總部,一家人也。而最有「一家人」感覺者,莫如龐建貽之相貌,竟然與鄭志雯嘅細佬、亦即佢舅仔鄭志明有九成九相似(如圖)!大家都戴住粗框黑眼鏡,相貌忠誠,唔通親戚相見都會愈來愈似?

長毛窮風流

一月十一日星期五,晨早六時剛過,「尊貴的議員」長毛‧梁國雄喺金鐘海富Canteen開餐 —— 食三文治啫。長毛告特首梁振英選舉造假,輸官司;終審庭兼判佢賠堂費及對方律師費。長毛話如果破產就冇議員做,故此會設法籌款作賠償。咁嘅環境,仲學乜人去金鐘食卅幾蚊份早餐呢,又?

求諸海南

一樓一乃有港英特色之行業,有個時期幾為北姑壟斷。強國人富起來後,北姑一詞已然褪色矣。不經意,北角七姊妹道平地一聲雷出現「一流一海南雞專門店」。菲傭、印傭短缺,就話改求於孟加拉啫,海南雞替代北姑,得唔得o架?

金牙大狀講嘢共產黨格外襟撈

中聯辦新主任張曉明貌似開明,但臭罌出臭草;共產黨就必定假、大、空,講大話,即使嚟到香港亦戒唔甩。故此一抵埗,佢就揚言「西環不治港」。講得咁口響,夠膽就同契仔謝偉俊公開對質,睇吓邊個講大話。「西環治港」當又不只於插手地區選舉而已,冇西環發功,你估689又做唔做得成特首呢?至於西環點樣干預特區之政改進程,留番張曉明同劉慧卿撐枱腳慢慢回味啦!納粹黨宣傳部長戈培爾話,謊言說上一千次就係真理,可見佢老哥起碼都知乜嘢叫謊言。張曉明啲咁嘅共產黨就連真話同謊言都分唔開,而只知黨性服從;阿爺話咗「一國兩制」、「港人治港」,咁唔理西環做過啲乜,都肯定唔係治港。納粹黨識得乜嘢叫做謊言,共產黨唔使識,難怪佢哋襟撈咁多啦!

小甜甜 密友 驚世 世報 報料
PermaLink: https://articles.zkiz.com/?id=42862

【壹錘】小甜甜遺產梁振英有份分?市民要睇實監管人選

1 : GS(14)@2015-05-21 08:44:16

華懋集團已故主席龔如心830億元遺產案,隨着終審法院作出終極判決後,是否代表這筆遺產以後就能平安大吉,可以正正經經做善事呢?《壹錘定音》主持李慧玲提醒各位香港人要留心,「知不知這800多億以後由誰作主?如果我告訴你是梁振英,你擔不擔心?」根據法庭裁決,律政司會參與成立一個凌駕於基金董事局的獨立監管機構,日後如何動用資金來做慈善,隨時由這個獨立監管機構來決定。律政司有最大的發言權,去決定誰在這個獨立監管機構裡。慧玲說︰「不過律政司司長袁國強的老闆名字叫梁振英,如果由袁國強委任一些人加入這個獨立監管機構,大家猜想袁國強會否不聽梁振英的話呢?」她又指出梁振英自上任以來,行事為人有三大特點︰一是說謊,好聽點叫「語言偽術」;二是四處點火頭,製造社會分化;三便是委任一些奇形怪狀的人幫他做事,例如找高靜芝入政府,監察所有的政府任命;找馮煒光去做新聞統籌專員;找曾經涉及利益衝突的譚惠珠,擔任廉署審查貪污舉報諮詢委員會主席。慧玲表示梁振英自上任以來,沒有一次委任是獲得掌聲。如果由梁振英作主,他只會委任「梁粉」加入這個獨立監管機構,那小甜甜800多億身家隨時泡湯,淪為梁振英的小金庫,永遠只會資助「梁粉」團體。幸而今次法庭有指引,表示由於整件事涉及巨大公眾利益,所以要求監管機構成員要德高望重。慧玲強調︰「香港人一定要監察日後委任的監管構成員,逐一品評是否真的德高望重,不要讓梁振英混水摸魚!」





來源: http://hk.apple.nextmedia.com/news/art/20150521/19155473
壹錘 小甜甜 遺產 梁振英 有份 份分 市民 要睇 睇實 監管 人選
PermaLink: https://articles.zkiz.com/?id=290521

蔡英文御廚「三重小甜甜」月薪1.47萬

1 : GS(14)@2016-10-27 06:02:22

總統蔡英文上任後自掏腰包以月薪台幣6萬元(約1.47萬元港幣)聘請一位女廚師,負責總統和相關人員的三餐及外賓餐宴。近日台媒披露這位從未曝光的神秘主廚,就是有「三重小甜甜」外號的廚師許名慧,出身餐飲世家,做事謹慎細心成為總統御廚。今年30歲、畢業於台北市開平餐飲學校的許名慧,有中西餐和甜點證書,擅做中西餐、泰式料理等,曾在喜來登飯店、亞都麗緻飯店、麗緻天香樓、禾苑酒店等任職。父親許財旺是知名藥膳師,在三重開設「禦生坊藥膳餐廳」,她自高中起就進飯店實習。年紀輕輕成為御廚,但許名慧相當低調,facebook對新工三緘其口,僅在她9月生日當天寫下:「今年最棒的禮物,就是有一個我最愛的工作。」此次曝光,是台媒偶然在政府電子採購網發現由總統府登錄的「膳食業務勞務採購案」決標公告,註明得標人為許名慧,意外揭露總統御廚身份,亦已經府方證實。總統府發言人黃重諺說,許多外賓都讚她廚藝很好。總統府過去因安全考量以及訪客需求,編制有廚師,但馬英九任總統後都是跟特勤人員搭夥,吃總統官邸的伙食「中興便當」,宴請外賓時就請到會。蔡英文上任後,考量到總統和相關人員飲食安全,長期到會所費不菲,故自掏腰包聘請廚師。總統府表示,這位廚師除協助準備蔡總統三餐,如果有外賓在府內餐宴,也由這位廚師負責,食材費用則由府方支付。


全台共33個「蔡英文」

此外,內政部昨公佈兩年一度的《全國姓名統計分析》,其中與蔡英文總統同名同姓者共33人(包括總統本人),但全國「馬英九」僅有1人。中央社




來源: http://hk.apple.nextmedia.com/international/art/20161027/19813526
英文 禦廚 三重 小甜甜 月薪 1.47
PermaLink: https://articles.zkiz.com/?id=313646

小甜甜系安寧1億沽中華汽車

1 : GS(14)@2016-12-29 08:10:32

【明報專訊】人稱「小甜甜」嘅已故華懋前主席龔如心遺產,近期靜靜雞開始減磅套現,以佢名義揸近35%股權嘅安寧控股(0128),終於落實以每股88.8蚊,向Argyle Street Management出售116.68萬股中華汽車(0026)股份,大嗱嗱套現超過1.03億元,仲預計今年底前確認收益約1260萬元,又講明之後續持有29.16萬股中華汽車。

講開安寧,「小甜甜」長期持有嘅丹楓(0271)畀聯合系提出收購後,到最近亦不再見到龔如心在該公司持股23.18%嘅紀錄,大家都估計,龔如心手貨已經轉手畀聯合系。市場內一般估計,佢呢鋪賣丹楓,最少套現7.92億元。

早排賣丹楓套近8億

唔聲唔聲,「小甜甜」唔覺意沽出中華汽車同丹楓套現8.95億,咪話唔犀利。至於個個之前傳「小甜甜」嗰系公司注入華懋系資產,暫時都係得個講字。

[小琴密語]


來源: http://www.mpfinance.com/fin/dai ... 6864&issue=20161229
小甜甜 安寧 億沽 中華 汽車
PermaLink: https://articles.zkiz.com/?id=320393


ZKIZ Archives @ 2019