ZKIZ Archives


中環在線:似有大水喉成報棄將唔使走 李華華

2011-8-1  AD




 

伯明翰由英超變英冠,據英國傳媒報道,伯明翰隨時可能因為「缺水」要賣球員。另一邊廂,班主楊家誠喺香港就涉嫌洗黑錢俾警方拘捕,獲准保釋之後,變得非常低調。球隊傳要賣人,上市公司又搞到停牌,楊家誠都算運滯。

帶兩大款巡視總壇

不 過,據聞佢近日搵到兩條大陸「水喉」,運氣似有轉機喇。上星期四就有人見佢同埋兩個疑似內地大款嘅人,去到佢有份做榮譽主席嘅筲箕灣《成報》總壇,視察業 務。華華收到風,楊家誠同緊內地有名嘅地產大款傾偈,據講斟緊嘅內地地產商級數同復地有得揮。如果傳聞屬實,斟盤雙方落實合作,伯明翰有望變身為具內地背 景嘅首支英冠球隊。

球隊班到水,咁《成報》又點?據講先前被裁嘅員工,原本返到8月5號就last day,但近日陸續接到復職通知,舊嘅唔使走之餘,仲請番啲新嘅人,似有新水喉入嚟,而新水源據聞係嚟自廣東省某大南方城市嘅傳媒機構,仲話短期內會有公 佈。雖然話唔使執包袱住,但好多《成報》員工仍然半信半疑,部份之前要食無情雞嘅人,就算接到復職通知都索性唔做,可能見過鬼怕黑啩!

李華華


中環 在線 似有 大水 成報 棄將 將唔 唔使 使走 華華
PermaLink: https://articles.zkiz.com/?id=26768

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019