小方激讚美國「水神」摘21金強國網民又鬧
1 :
GS(14)@2016-08-11 06:08:31話說喺遠在巴西嘅奧運，美國泳壇名將「水神」費斯（Michael Phelps）連奪兩金，佢累積奧運金牌紀錄已經去到第21面。而喺香港，曾經係香港代表嘅方力申亦都係喺微博開post表示對「水神」嘅敬仰，留言話：「8年前北京奧運時我形容他是匪夷所思的菲比斯，當時被指是爛gag，甚至今屆奧運開始前也被重提為歷屆爛之一，哈哈，但今天應該沒有人會否認這位31歲，『暫時』擁有21面奧運金牌得主了。」點知就係咁又搞到大陸網民一地都係......玻璃心！仲有大陸網民離譜到話：「為甚麼沒見你關心過中國！喜歡你這麼久了！看來你們香港人的確是不把大陸當回事！懂得歷史嗎？當年那個小島上的人也是從大陸過去的！懂嗎！太失望了！方力申人都不會做！難怪最後人家離開了你！」講緊嘅係咪鄧麗欣？嘩！罪不及家人，暗示到咁嘅地步都未夠，同一位網民仲補hit：「我相信你的粉絲都會像她一樣，離你而去！不是我小題大做！Alex方力申國家面前無偶像！取關！拜拜！」不過好在都有唔少眼睛雪亮嘅網民支援小方：「評論需不需要這麼偏激」、「又一大群人開始道德綁架了，游泳運動員致敬泳壇傳奇有何不可？」對於上述網民千奇百怪留言，方力申以短訊回覆《蘋果》；「Nth to comment... Thx」
來源:
http://hk.apple.nextmedia.com/entertainment/art/20160811/19731353