ZKIZ Archives


馮仁昭四圍超:姚子羚闊少男友 3580萬賣舖攻的士

1 : GS(14)@2016-05-25 10:03:48

■鄭子邦呢間東大街地舖,6年升值兩倍,淨賺超過1,700萬。攝影:程俊華








香港進入零售寒冬,唔少喺核心地段嘅地舖一路跌價,不過根據公司註冊處資料顯示,一間叫栢益國際有限公司喺2010年用1,794萬元購入筲箕灣東大街185至189號地下A至B舖,就啱啱以3,580萬元易手,賬面大賺1,786萬元,而呢間公司嘅董事就係姚子羚嘅的士闊少男友鄭子邦喇!



■姚子羚話唔識財經嘢,男友鄭子邦就話想單交易傾得成。資料圖片

■姚子羚前日素顏跑步,畀李施嬅喺fb直播。



放棄齋舖生意

噚日馮仁昭打過畀姚子羚,佢就話財經嘅嘢完全唔識,而鄭子邦回覆時就笑住話:「其實未成交,唔知點解咁快寫咗出嚟,都唔知會唔會撻定㗎,咁都希望順利啦!」鄭子邦又話,呢幾年都冇買入舖,佢喺買賣舖呢方面亦唔係專家:「我唔知而家走貨係好定唔好㗎,但本身主要都係做的士,而家的士牌價回落咗啲,所以想買番啲的士,最重要係想集中資源去改變的士業質素。」提到佢喺登龍街開嘅齋舖,鄭子邦話嗰個舖係租嘅,嚟近間舖都會轉手,佢話:「飲食始終都唔係我在行嘅嘢,當初開係想多啲人食齋,嚟近都會將多啲時間擺番喺的士生意度。」撰文:馮仁昭





來源: http://hk.apple.nextmedia.com/entertainment/art/20160525/19625804
馮仁 仁昭 四圍 姚子 子羚 闊少 男友 3580 萬賣 賣舖 舖攻 的士
PermaLink: https://articles.zkiz.com/?id=301455

姚子羚認歐遊見家長

1 : GS(14)@2016-07-09 06:47:31

■姚子羚早前跟男友一行十四人歐遊。互聯網圖片


姚子羚覓得如意郎君,跟鄭子邦「的士邦」公開戀情之後,近日頻傳出婚訊,姚子羚最近跟男友和其家人一行十四人歐遊,有報道指她成功博取「的士邦」的家人認同,有望逼婚成功。姚子羚接受傳媒訪問,回應逼婚一事時說:「冇逼婚,感情嘅事係冇得逼,就算逼番嚟都唔會幸福,亦都唔會開心,所以而家我哋拍得好順其自然,隨緣亦都好開心,多謝大家關心,成日想了解我哋結婚消息,真係暫時未,總之有好消息會話畀大家知囉!」鄭氏歐遊團姚子羚是得到男友邀請,她說:「呢個trip其實佢同屋企人定咗好耐,之前係我去唔到因為要開工,之後因為套劇個期遲咗,我就有期一齊去,係佢叫埋我一齊去嘅!同埋唔係得佢屋企人,有其他人㗎,今次好開心,佢屋企人好好,都見過。」採訪:非非





來源: http://hk.apple.nextmedia.com/entertainment/art/20160708/19685631
姚子 子羚 羚認 認歐 歐遊 遊見 家長
PermaLink: https://articles.zkiz.com/?id=303012

姚子羚爆龔嘉欣多人追

1 : GS(14)@2016-10-14 06:52:20

姚子羚昨日在將軍澳拍攝劇集外景,對於有報道指其好姊妹龔嘉欣是吳業坤和前港姐王卓淇的第三者,姚子羚一臉狐疑地說:「吳業坤都冇拍拖點做佢小三,佢同坤哥係姊弟,絕對冇咁嘅事,好難成立。」



龔嘉欣(資料圖片)

最近龔嘉欣多次捲入別人的關係,被誤認是小三,姚子羚為好友澄清,指嘉欣追求者眾:「佢不嬲有追求者,咁靚女,又識煮飯,咁識照顧人,有人追好正常,佢咁大個女,要搵個人拍拖,搵個適合對象都係時候。」姚子羚曾被指介紹富二代給李施嬅,問她有否介紹給嘉欣,她說:「又冇喎,我嘅年齡層未必啱佢,都要啱眼緣。」撰文:非非




來源: http://hk.apple.nextmedia.com/entertainment/art/20161014/19799878
姚子 子羚 羚爆 爆龔 龔嘉 嘉欣 多人
PermaLink: https://articles.zkiz.com/?id=312024

曉明帶父母來港見Baby姚子羚同「的士邦」家人歐遊

1 : GS(14)@2016-12-30 02:58:06

賭王何鴻燊四房公子何猷啟自從公開認戀,女子少女標本成員之一袁紫僑(CoCo)後,佢哋都愛得好高調吓,不時喺社交網絡晒愛之餘,日前猷啟就帶咗女友CoCo見媽媽梁安琪,相信佢哋感情都幾穩定吓!而過去好多藝人帶同另一半見家長後,都好快有喜事,唔知幾時會到猷啟同CoCo呢。黃曉明 Angelababy去年結婚嘅曉明大哥同Baby,其實早喺13年,佢哋拍咗拖三年嘅時候,曉明大哥就帶住父母嚟香港,同Baby去灣仔嘆日本菜,咁黃爸爸同黃媽媽當然對呢個新抱仔好滿意,而佢哋仲好快會有抱孫添喇!周柏豪柏豪上月被爆同拍拖10年嘅女友Stephanie,秘密喺布吉結婚,13年,《蘋果》都影到佢帶住o依家嘅老婆仔Stephanie同爸爸、媽媽喺冬至嗰日食飯。李彩華轉戰大陸賺到盆滿砵滿,身家八千萬嘅富婆李彩華,去年就帶住過氣「新五虎」男友何遠恒,返佢大坑嘅屋企,同佢家人一齊食團年飯。姚子羚「見家長」除咗食飯,原來去旅行都係一個好好嘅選擇,今年7月,35歲姚子羚就同男友「的士邦」鄭子邦舉家14人組團歐遊,睇嚟子羚已順利過咗的士邦父母嗰關!




來源: http://hk.apple.nextmedia.com/entertainment/art/20161229/19880329
曉明 父母 來港 港見 Baby 姚子 子羚 羚同 士邦 家人 歐遊
PermaLink: https://articles.zkiz.com/?id=320510

子羚想家人見證婚事

1 : GS(14)@2017-01-14 07:54:32

■姚子羚跟男友鄭子邦感情穩定,但否認計劃結婚。資料圖片



姚子羚跟「的士邦」鄭子邦拍拖一年後公開戀情,昨日有周刊指兩人已到談婚論嫁階段,有報道指姚子羚找朋友問贊助,又請「胡說八道」好友度期做姊妹。對於忽傳婚訊,姚子羚短訊回覆傳媒:「真係冇plan呀!拍劇都有排拍。(會唔會閃婚?)突發事即係冇plan啦!如果去外地,個男仔plan咗,咁唔通say no咩。但我都想有計劃,都想家人喺度見證,咁我哋都好穩定,係朝住呢個目標進發。」男主角的士邦對於傳出婚訊,並不抗拒:「我哋都幾穩定,我好信緣份,係啱嘅我都唔想浪費人哋時間,我自己都35歲,都係時候要諗吓,今年真係冇plan,如果我結婚一定會同大家講。」採訪:嵐山




來源: http://hk.apple.nextmedia.com/entertainment/art/20170113/19894868
子羚 羚想 家人 見證 婚事
PermaLink: https://articles.zkiz.com/?id=322517

杏兒恨做姚子羚姊妹團

1 : GS(14)@2017-01-14 12:25:37

胡杏兒、周秀娜、張智霖及黃百鳴等昨晚現身尖沙嘴香格里拉酒店,出席hmv數碼中國的周年晚宴,眾人以黑幫打扮示人,杏兒穿紅色晚裝裙,她自言是大家姐打扮。對於好姊妹姚子羚與男友鄭子邦傳婚訊,杏兒表示:「我都好想佢結婚,想做吓姊妹,我一定祝福同撐佢,阿邦唔可以蝦佢,不過唔會,佢好錫佢,希望佢哋可以走到呢一步!」另外,日前有指何佩瑜(Jeana)有感公司資源偏重周秀娜,故約滿不續約,周秀娜昨晚表示:「公司資源係平均分畀所有人,老闆都希望所有人好,冇聽過Jeana講過唔續約,如果佢轉公司有新目標係好事,祝福佢順順利利。」而周焯華亦有現身,於場內與黃百鳴及蕭定一密密傾。採訪:曹家誠攝影:仇志德


■張智霖透露會拍驚慄片《常陪你左右》,當中有殺人及肢解情節。

■黃百鳴昨晚有份出席周年晚宴。

■周秀娜祝福Jeana轉公司有新目標。



來源: http://hk.apple.nextmedia.com/entertainment/art/20170114/19896279
杏兒 兒恨 恨做 做姚 姚子 子羚 姊妹
PermaLink: https://articles.zkiz.com/?id=322640

姚子羚泰國度歲趁機騷身材

1 : GS(14)@2017-02-03 03:10:30

姚子羚早前趁住農曆新年假期,同一班朋友去泰國度假,佢昨日喺社交網站貼出喺當地玩嗰啲相:「農曆新年的充電假期很快就結束啦,和一班那些(老)年...的朋友玩得很開心!笑住過年,下次再玩過!明天初六啟市。」喺相中,姚子羚喺耳鬢插花,好有泰國女子味道,但佢就自嘲「中女情懷總是詩」,而最有睇頭嘅,應該係佢着住bikini top,等開餐嗰張托頭相,笑容燦爛不是重點,而係佢平日唔多攞出嚟晒嘅好身材!見佢個留言,有tag到胡定欣,仲話「找咗數」,咦?有咩瓜葛咁呢?姚子羚接受傳媒訪問時透露:「因為大家想一班人住villa玩,可以方便啲,同埋都成十幾年冇去過芭堤雅,所以今次冇去布吉,揀咗去芭堤雅。」姚子羚同的士邦最近傳婚訊,問佢係咪避年,怕被人追問婚事?姚子羚否認:「唔係避年!聽(今)日開工都會派利是!同今年繼續同人拜年逗利是。」




來源: http://hk.apple.nextmedia.com/entertainment/art/20170202/19914995
姚子 子羚 泰國 度歲 趁機 身材
PermaLink: https://articles.zkiz.com/?id=325130

魚油一樽: 方俊傑 愛上姚子羚的理由 2017-02-03

1 : GS(14)@2017-02-06 12:13:07

https://www.am730.com.hk/column/ ... 0%86%E7%94%B1-16296
先來一則道歉聲明。上個星期,在文章發表對香港再沒有三級片給性感女星發揮的不滿,指出袁嘉敏曾在《鴨王》三點盡露,經當事人指正,原來並非屬實。袁嘉敏事實從未在幕前露出性器官。對此出錯,我深感抱歉,並作出鄭重澄清。很明顯,我看三級片時,並不算太專心。我注重情節多於畫面吧。


搞清真相好重要,未露過就係未露過,未露過,神秘感才得以保存,才有價值。想當年,周慧敏是玉女掌門人的年代,件件衫拉到上頸,遮住整個心口,比中學生校服更密實。保守好幾年後,拍攝《感情的分禮》MV,突然穿上一件緊身低胸宮廷服,澎湃身材嚇人一跳,夠意想不到,才造就出一個經典。當時MV劇照固然橫掃信和賣相小店,即使到今日,仍然是不少我輩香港人的集體回憶。敢說印象深刻程度直逼李嘉欣的「我真係恭喜你呀」,而必定遠超葉玉卿的一系列性感封面。因為,物以罕為貴。

在剛過去的農曆年長假期,不少女星都在網上發放福利照。我只愛姚子羚。不錯,高海寧是首先掟出三張於馬爾代夫取景的生活照,風景最美,照片構圖配合模特兒神態,甚有藝術感。可惜,奧斯卡頒獎禮也未必追求藝術感啊。比堅尼不再,即使高海寧招牌貨的深長事業線仍不缺,難免缺乏驚喜。算高海寧掌握到好時機啦,成名前,靠在越南泥漿浴拍攝旅遊節目出人頭地,在同類對手未太雲集的情況下,搶飲到頭啖湯,上位成功。不如看看往後日子?同樣穿上比堅尼在旅遊節目中力爭上游的高級數佳麗,越出越多,個個咁高咁大,競爭程度真係大幾倍呀!要她們似高海寧,單靠勁爆身材突圍而出,已完全不足夠。老老實實,要你將她們的樣貌和名字串連起,都有極高難度吧!換句說話,大,已經被貶值了。

當一個大字也不再是必殺技,還可以怎樣炮製驚喜?應該參考姚子羚。同樣發放福利照,姚子羚上載一張身在泰國度假的三點式照片,很隨心,無打燈。驚喜一來在於姚子羚甚少泳裝登場,無厘頭話為滿足胡定欣對脫衣的要求,便找數,夠估你唔到。更大驚喜,是甚少人會估計到姚子羚原來如此豐滿。現時情況,有點似你在工作環境認識了一名不太打扮的女漢子,被她的內在美吸引,本來不太在意她的身材究竟怎樣,無都無所謂,點知一次親密擁抱後,發現當她挺直腰肢不再寒背時,身材原來是想像不到的優異。那份喜出望外,跟你一開始只因為美女的樣靚身材正而被吸引,熟絡後,反而要慢慢接受對方落妝後的真樣子與真性情,是天堂和地獄的分野。偶一為之,才容易做到百看不厭。做人真的最重要學懂收放。
魚油 一樽 俊傑 愛上 姚子 子羚 羚的 理由 2017 02 03
PermaLink: https://articles.zkiz.com/?id=325730

晉海累沽763伙吸金50億姚子羚逾930萬買三房戶

1 : GS(14)@2017-10-09 02:42:50

■大批準買家昨到晉海售樓處外排隊入場抽籤。洪業銘攝



【本報訊】股樓大時代重臨,二手樓價屢創紀錄,新盤賣個滿堂紅。新地(016)將軍澳日出康城晉海高價開盤仍掀搶購潮,只花三輪銷售便沽出763伙,佔單位總數逾七成,估計套現約50億元。藝人姚子羚亦與家人夾錢入市,以逾930萬元買入一伙三房戶。記者:朱連峰



施政報告周三公佈前夕,樓市仍不斷升溫,政府擬推出的首置上車盤亦似乎對私樓市場未造成衝擊。晉海即使首兩輪已消化435伙購買力,惟後勁持續凌厲,昨進行第三輪銷售仍收逾7,900票,以開賣的328伙計算,超額認購23倍。美聯物業住宅部行政總裁布少明表示,復活票佔九成,餘下一成屬新票。有意買兩伙人士共8組,其中一組客擬斥1,400萬元買兩伙兩房,1伙自住1伙投資。



■藝人姚子羚昨現身售樓處,以逾930萬元買入一個單位。

百枱準買家搶「甩貨」

消息指,至晚上未夠7時,328伙全數獲認購,即使有約22伙「甩單」(認購後未有簽訂買賣合約),現場仍至少有100枱準買家不願離開位於九龍站環球貿易廣場(ICC)的售樓處,新地即場重新抽籤搶「甩貨」,最終亦順利沽清。上月底開售首日有近20伙「甩貨」亦獲逾百買家搶購。該盤於上月30日開售,首日403伙沽清,上周四次輪賣32伙大戶又沽清,至昨天又沽清,即三個售樓日共沽763伙,佔全盤1,040伙的73%,料吸金約50億元。藝人亦趁熱鬧入市。消息指,藝人姚子羚上周四曾戴口罩到售樓處參觀,但當時未能抽中,至昨天第三輪才抽到。市傳姚子羚以折實價約933萬元買入1B座高層B室三房戶,實用面積622方呎,呎價1.5萬元。姚子羚昨以短訊回覆傳媒,承認和家人夾份買樓,被問男友有冇份?她說:「冇呀!(唔擔心現時樓價太貴?)咁樓都保值。(幾時結婚,係咪新婚愛巢?)冇呀,真係未呀!所以要更加努力做嘢。」今年新地已推出5個全新盤,包括晉海、元朗Grand Yoho2期、Park Yoho Genova、西南九龍南昌站匯璽及屯門珀御,連同其他貨尾共售出逾2,800伙,套現約350億元。資本策略(497)旗下尚家生活的沙田九肚洋房項目九肚山峰,麗坪路53號洋房以8,625萬元售出,洋房實用面積2,624方呎,呎價32,870元,傳聞代理佣金高達兩成,涉及佣金1,725萬元,相當於晉海3伙一房戶。布少明表示,施政報告下周公佈,對樓市未見影響,有能力的市民繼續入市,加上首置上車盤傳有轉售限制,10年內不准轉售,市民買樓都希望升值,若入息足夠寧買私樓,預計首置盤對私人市場影響不大。他預測本月缺乏大盤支撐下,一手成交量料回落至約1,200完水平,較上月2,000宗減少四成;本月整體樓價料升1%,第四季升幅約3%。




來源: http://hk.apple.nextmedia.com/financeestate/art/20171008/20176108
晉海 累沽 763 夥吸 吸金 50 億姚 姚子 子羚 羚逾 930 萬買 三房
PermaLink: https://articles.zkiz.com/?id=341843

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019