鼓勵單親婦女遇強越強羅霖獨立媽咪的一天
1 :
GS(14)@2016-05-08 14:53:59■羅霖昨日出席活動，收到Jonathan的自製相架做母親節禮物。
【母親節專題】為人母親是一門莫問回報的終生事業，不論易行難行都要行，羅霖與楊思琦同樣踏上單親媽媽的崎嶇路，以柔弱的身軀獨力照顧子女，絕對是擔起成片天的堅毅的女超人。「Mark嫂」梁家玉則為了患有阿氏保加症的囝囝有更好的溝通方法，學懂由兒子角色出發，令家庭更加團結。撰文：梁錦雯年屆50歲的美魔女羅霖憑着「都應該要獨立」一句成為亞視遺言，更被網民封為「獨立女神」，現實生活中她絕對是獨立的單親媽媽。今日母親節，本報早前跟羅霖過了緊湊一天，由裝身出活動、撐好友鄭明明、為投資生意開會、接囝囝放學、買餸及跟功課，體驗鐵人般的生活。
10:00am【執正靚樣】■單親媽媽羅霖化身女超人，一大早就忙開工，將下晝騰空全心照顧囝囝。
12:30pm【祝賀好友】
2:00pm【齊人開會】
六點起身湊仔
羅霖EQ高，總是面帶笑容，可能出於空姐出身的本能反應，對着囝囝時流露的笑容，最為真切投入，亦最為享受。與富商之子劉坤銘結婚16年，生了三名兒子才離婚收場，肩負照顧他們的生活重擔，去年更以高齡出寫真搏到盡，絕不能輕視單身媽媽的爆炸力。拍攝當日，羅霖盡顯母愛，她指平日朝早6點就要起床，與10歲細仔Jonathan準備返學；工作再忙也會準時到學校接放學，兩母子之後齊齊去買餸，二人有商有量拖到實，怕羞的Jonathan更會提點母親動作大驚她走光，極為細心，大讚媽媽是100分的tough woman。三子之中，羅霖與細仔Jonathan關係最密切，會一齊煲韓劇《夜行書生》，齊齊打TsumTsum手機遊戲，回想離婚後細仔的一席話，羅霖不禁流淚：「當時離婚，我同細仔搬返媽咪度住，我哋要瞓埋同一張床，頭半年晚晚佢瞓咗，我就背住佢喊，覺得好對佢唔住，佢會問『點解兩個哥哥可以住大屋？點解我同你住咁細地方？』我同佢講唔好擔心，我會努力做嘢，三年後買唔到屋，都會租屋一齊住，我真係做到。」
3:33pm【最冧時間】■羅霖盡顯母愛偉大，再忙碌都強調接仔放學不能遲到，有如此滿分媽媽，細仔Jonathan當然錫錫。攝影：陳志嵐
4:10pm【買餸煮飯】■兩母子連買餸煮晚飯都有傾有講。
■羅霖在亞視熄機前的「獨立宣言」，猶如她的人生寫照。電視圖片
安全感自己搵
回想離婚陰霾，羅霖表示因信仰及家人才能克服：「差啲要睇心理醫生，我堅持唔睇，唔想長期食藥，想畀三個仔睇到我呢個年紀都會撐落去，要做佢哋榜樣，我自己會睇呢個係人生挫折，人生冇一帆風順，人生條路好長，最重要盡快企番起身，我唔單止鼓勵單身女性、單身媽媽，希望身邊所有人都盡快起身。」環境所迫令羅霖發憤做女強人，她坦言私下亦想小鳥依人，近年亦有追求者：「實在太忙，同埋而家唔係要一個伴侶，依靠人唔可以令到我有安全感，一個人安全感同自信唔係人哋畀你，係自己畀自己，所以更加要經濟獨立，好多人一世人願望嫁個有錢人，嫁個好老公，唔係包你一世，愛情亦都唔係永恆，但我仍然相信愛情，愛情個個都需要，而家未有就親情先。」
來源:
http://hk.apple.nextmedia.com/entertainment/art/20160508/19602305
祥仔攬媽咪爆喊
1 :
GS(14)@2016-05-24 10:27:41阮兆祥一連三場在灣仔伊館上演的「硬食放題棟篤笑」，前晚圓滿結束，在尾聲大會安排了一隻乳豬為祥仔預祝昨日49歲生日，二十多名祥仔好友一擁而上到台上跟祥仔賀壽，祥仔媽媽擁抱祥仔激動落淚，祥仔台上說：「生日對我來講唔係好大件事，最重要係媽咪喺我身邊，佢生我，最辛苦係我媽咪，所以一切榮耀歸於媽咪，同埋我嘅團隊都好錫我。」之後連祥仔都忍不住喊了出來。祥仔完騷後接受訪問，被問到會不會結婚讓媽咪更開心，他說：「媽咪畀我自由度好大，其實我成日同大家講，日子揀好，但年份未定。」祥仔女友Crystal怕醜不敢上台，他說：「佢唔係圈中人唔想上鏡。」採訪：卓寶花攝影：陳順禎
來源:
http://hk.apple.nextmedia.com/entertainment/art/20160524/19624545
肥姐冥壽欣宜自揭嬲錯媽咪：由細俾妳打大
1 :
GS(14)@2016-07-06 08:11:30歌都有得唱：「世上只有媽媽好，有媽的孩子像個寶」，萬一好不幸咁冇咗媽媽，好似鄭欣宜咁，又會變成點呢？昨日欣宜喺Instagram度貼咗張相，入面係一張佢媽咪「肥姐」沈殿霞嘅黑白照，然後佢以《給她的道歉書》為題，寫咗篇約700字嘅長文，回憶起往事，去懷念，以及祝肥姐嘅71歲冥壽生日快樂。節錄部分內容，欣宜話記得16歲嗰年，佢可以喺溫哥華一個慈善表演中演出，肥姐做大會司儀，到咗一個難得嘅綵排日子，點知欣宜發高燒、失聲，仲鼻塞，抱恙上陣嘅佢照去綵排，點知跳極都學唔好啲舞步，一飛返當地就趕去睇囡囡綵排嘅肥姐睇唔過眼，鬧爆欣宜，話佢：「你做乜跳極都跳唔到o架？我坐喺側邊睇都已經識跳喇。你根本唔用心。」欣宜話好hurt、好嬲，事後佢知肥姐好戥自己開心，又將自己啲表演係咁播畀啲uncle auntie睇，事後欣宜終於對肥姐講出心底感受，先知原來肥姐係用心良苦，想激勵自己，等自己表演得好啲，欣宜到嗰陣時先知道自己嬲錯媽咪。所以欣宜就趁住媽咪生忌（註：肥姐生於1945年，農曆六月初一）嚟提番起呢件舊事，感激媽咪養成佢份不死心之餘，亦順便祝媽咪生日快樂。欣宜，肥姐見你咁生性，o依家又咁有成就，一定會好戥你高興，在天之靈都會感到安慰。加油啊！欣宜Ig全文：由細到大都俾妳打大。因為我實在太曵喇。但喺我過咗16歲生日之後妳就再冇打我了。那年16歲。喺溫哥華有個慈善表演我要唱歌、跳舞的。妳當然就係會做大會司儀啦。呢啲表演通常唔會俾好多時間我哋彩排o架，有機會今日排聽日表演，我心諗：冇問題！咁啱唔洗返學又可以做我最鍾意嘅野。我不知幾期待！排舞日來臨了！……………我卻發高燒。無奈程度超過一百。失聲、鼻塞、頭輕輕。但我知道我幾病都要做，因為我不能失場。排舞嗰日，妳搭完長途機由香港飛去溫哥華，其實妳可以選擇好好休息。但妳選擇坐喺排舞室內睇我跳。其實我好辛苦…但我知道答應咗唔可以唔做。所以我繼續跳跳跳，但跳咗好多次都記唔到啲Step。妳突然站起來走來我身邊。「你做乜跳極都跳唔到o架？我坐喺側邊睇都已經識跳喇。你根本唔用心。」當時妳這句話傷得我有幾痛妳知唔知？我心裡好嬲。妳係咪忘記咗我係發緊燒o架？我已經盡咗力o架喇！但我冇講到出來。嗰日返到屋企我匿埋喺房到一路重複再重複地睇嗰日排舞嘅片段。第二日雖然依然失聲仲要咪嘴跳，但都總算係演出成功！我知道妳還替我高興，錄低咗我嘅演出DVD妳都成日會攞出來睇番。朋友來到屋企妳又一定要播俾妳啲朋友睇。我諗起個時白痴嘅我仲要發妳脾氣，我記得我同妳講，喺排舞室裡面妳同我講既說話好Hurt我。之後妳話我知「BB，呢啲係叫激勵！唔係你點跳落去呀？」今日係妳冥壽，亦係Alfred出新MV嘅一日。喺呢個MV入面鮑姐個角色令我好掛住妳。我發現我以前嬲錯妳，我唔識企係妳個角度去睇。多謝妳嘅激勵。讓我練成不死嘅心。讓我面對困境時都能把它化為力量去追尋我嘅夢想，達成#我的志願。媽咪，生日快樂！
來源:
http://hk.apple.nextmedia.com/entertainment/art/20160706/19683271
吳鎮宇囝囝 陪媽咪買餸
1 :
GS(14)@2016-07-13 05:15:44九龍城一向都是不少藝人出入搵食的地方，早年有美食家蔡瀾推廣，近年有周潤發接力，經常在區內搵食被野生捕獲，二人都特別鍾情該區的室內街市，事實上街市內，有不少專賣「好嘢」的店舖。前日下午5時多，吳鎮宇太太王麗萍帶同今年8歲兒子Feynman，由司機接載到九龍城買餸，之後王麗萍獨自入九龍城街市，去到一檔生果店選購水果。她似乎是生果店的熟客，老闆一見面非常熱情招呼，王麗萍先試吃了車厘子，老闆還細心先用水沖洗乾淨才讓她試吃。之後老闆又推介蜜瓜等生果，最後王麗萍買了兩大袋由老闆代送到門外交與七人車司機，她再去了菜檔買菜後才上車離開。採訪、攝影：王曉程、羅德光
■吳太在街市內揀生果，更先試過才買。
■吳鎮宇非常疼錫Feynman，早前還父子檔北上拍節目。資料圖片
來源:
http://hk.apple.nextmedia.com/entertainment/art/20160713/19692079
10年整容15次 辣妹：因為唔想似媽咪
1 :
GS(14)@2016-08-07 02:03:40英國伯明翰一名女子，因為不想長得像母親，竟花5萬英鎊（約52萬港元）全身整容，直言有時甚至不認得自己。然而她不想與媽媽像樣，背後其實有苦衷－－因為對方曾拋棄她，「改頭換面」是因不想記起痛苦往事。30歲的施塔爾（Star）表示，17歲那年被媽媽逐出家門，令她流落旅館，自此她捨棄本來的名字，也捨棄本來的樣貌。望著自己有如媽媽的分身，令施塔爾心生厭惡，「我一點都不想似她。爸爸以往總是說：『你長得像你媽媽』，我本來的臉代表我所有過去、惡運及負面事物。」多年來施塔爾先後15次動刀，包括隆鼻、隆唇、隆胸及隆面頰，儘管隆鼻失敗令她難以呼吸，但她仍認為一切值得。施塔爾說：「當我跑步甚麼的，有時我難以呼吸。我可以呼吸，只是不像以前一樣，因為那時我鼻孔大多了。新鼻看來很好，這才是我在乎的。」男友沙姆（Sham）希望施塔爾能停下來，他說：「她在全身上下動刀，這根本不需要，她本來就是個美麗的女人。」只是施塔爾並無計劃停下，下一步想隆下巴，並在35歲之前拉面皮、抽脂及再隆胸。她說：「我對她多麼的憎恨，我一點都不想似她。我已達到目標了，無人認為我似媽媽了。我想繼續改變，我從未快樂過。」英國《每日郵報》
來源:
http://hk.apple.nextmedia.com/international/art/20160805/19724064
甩開媽咪四圍逛梁詠琪囡囡 超市當樂園
1 :
GS(14)@2016-09-13 00:19:17【金鐘 店內亂跑】■Sofia無王管四圍亂跑。DV圖片
梁詠琪（GiGi）去年為西班牙籍老公Sergio誕下愛女Sofia，一眨眼Sofia已經歲半大，GiGi可以放心再投入工作，監製電影又開演唱會，不過忙裏也要偷閒。
GiGi從後睇實
前日下午3時許，GiGi一家三口去金鐘一家超級市場shopping。入到超市，Sergio獨自行開購買日用品，GiGi則抱住Sofia買花，之後人流減少，GiGi便將Sofia放落地自由行。束住兩條孖辮的Sofia，難得有機會四圍走當然開心，對所有事件都覺得好奇，不時行去不同貨架見識，而GiGi一直在身邊貼身保護。當Sergio推住日用品前來會合，Sofia仍不願走，要GiGi邊氹邊抱，才可以順利排隊付錢。一家三口買完所需用品便直接去停車場，Sergio由湊女、摺BB車一腳踢，極有風度讓GiGi先上車休息，真是一位好老公！此外，東亞銀行主席李國寶太太潘金翠前日下午4時多亦於太子大廈行超市，李太穿上一身粉紅色套裝顯得精神奕奕，她推住購物車在超市內先行一圈，之後主攻蔬菜和水果，似乎對牛油果特別感興趣，吃得如此清淡，相信是她的健康之道。
【金鐘 老公湊女】■GiGi老公Sergio右手拎袋，左手抱囡囡，好man。DV圖片
■靚媽梁詠琪昨晚擔任港姐評判，盡顯修長身形。
潘金翠買Chanel
李太不消五分鐘，便到收銀處埋單，店員拿了某牌子的代糖叫李太買，但她研究一會都沒有購買，付款後便由司機拿走食物，而她返回東亞銀行總行。當李太經過Chanel門口時，忍不住入內與店員打招呼，好快又買多一個手袋。採訪、攝影：羅德光、黃曉程、朱志聰
【中環 健康食材】■李國寶太太細心揀選牛油果。DV圖片
【中環 順便買袋】■李國寶太太途經名店，順手買了個手袋。DV圖片
來源:
http://hk.apple.nextmedia.com/entertainment/art/20160912/19767803
【明星二代】魔童餅印靚媽咪
1 :
GS(14)@2016-09-14 05:52:12張智霖（左）、張慕童（中）、袁詠儀（右）
Baby為黃曉明陀B仔，BB勢挾父母良好基因，成娛圈星二代接班人。近年有不少星二代冒起，他們都擁一副明星相，但究竟他們貌似爸爸，抑或是媽媽呢？
張慕童
張智霖、袁詠儀兒子90%似媽咪張慕童（魔童）有個男神爹哋張智霖，媽咪就是美貌與智慧並重的港姐冠軍袁詠儀，9歲魔童深得父母遺傳因子，眼大大，相信將來一定是可口的小鮮肉。
王躍穎
王敏德、馬詩慧兒子50%似媽咪型男王敏德和名模馬詩慧的16歲細仔王躍穎，得到父母優良遺傳，外形高大，今年7月他更被影到一拖四名美少女在蘭桂坊夜蒲，魅力沒法擋。
苗彤
苗僑偉、戚美珍女兒70%似爹哋戚美珍和苗僑偉的25歲女兒苗彤，黝黑的膚色和外貌，似足爹哋苗僑偉，被讚是索爆星二代的她，連父母的藝術細胞亦照單全收。
謝婷婷
謝賢、狄波拉女兒75%似媽咪現年34歲的謝婷婷是謝賢和狄波拉的愛女，出道時曾被指是女版謝霆鋒，其實婷婷樣貌偏向似媽媽狄波拉，我行我素爽朗有型的性格，則酷似爸爸謝賢。
來源:
http://hk.apple.nextmedia.com/entertainment/art/20160914/19769883
Next Page