ZKIZ Archives


【動畫】BB越叫越甜 肥妹嗌得多真係會肥

1 : GS(14)@2016-09-13 08:05:00

臨床心理學博士萬家輝指出,暱稱和親密對話等言語,心理學角度稱為Verbal Hug,即語言擁抱。



時下男女喜歡用暱稱稱呼另一半,BB前豬豬後,說會越叫越甜蜜,到底有沒有根據?



美國有調查顯示,76%感情好的情侶會互取親密暱稱,感情更會日益增加。臨床心理學博士萬家輝指出,暱稱和親密對話等言語,心理學角度稱為Verbal Hug,即語言擁抱。「當我們聽到這些稱呼和說話時,腦部會分泌出一些物質,如多巴胺和催產素,的而且確會令人感到被愛護。」因此,當你用暱稱叫另一半時,例如BB、寶寶,對方當然會覺得sweet啦!我們做街訪時,也問過不少年輕人,他們都笑說聽到另一半叫自己「BB」或「寶寶」時,真的感覺親密又sweet呢!不過讓我提醒你,甜蜜還甜蜜,千萬別亂叫「肥妹」、「肥仔」。萬博士指出,曾有研究顯示,叫得多真的會越來越肥。記者:黃凱婷


腦部會分泌出一些物質,如多巴胺和催產素,的而且確會令人感到被愛護。

萬博士提醒大家,千萬別亂叫「肥妹」、「肥仔」。有研究顯示,叫得多真的會越來越肥。



來源: http://hk.apple.nextmedia.com/su ... t/20160913/19768802
動畫 BB 越叫 叫越 越甜 肥妹 妹嗌 嗌得 得多 多真 真係 係會 會肥
PermaLink: https://articles.zkiz.com/?id=308946

【港韓姊弟戀】為聽韓妹嗌「Oppa」港男涉虛報年齡或被判「終身」

1 : GS(14)@2016-10-20 08:05:36

韓國老婆關心問「忙唔忙?」日本老公就覺得佢問「多唔多客?搵幾錢?」(《我們結婚了》截圖)



【三個粉絲追韓劇】嫁娶外國人或者係出走香港嘅好方法,不過要維繫異國情緣都唔容易,好似《我們結婚了》嘅曹曹夫婦(現已下車)早前探一對日韓夫妻,日本老公娶咗韓國老婆,只係因為一句說話就上火!情況係老公收工返屋企,老婆咪關心咁話:「辛苦喇,今日忙唔忙呀?」原本係純粹出於關心,點知老公就聽到弦外之音,好嬲咁話:「你係咪想問我今日賺到幾多錢?」原來日本人係唔會問人「忙唔忙」!兩國嘅文化差異容易令夫婦之間產生誤會,有兩位港男都經歷過相同嘅事,一位Gary娶咗韓國老婆十年,另一位Kay就同韓女Chloe拍拖四年。



港男Gary(左)和Kay嘅另一半都係韓國人,都試過因為文化差異嗌交。

Chloe話Kay最初講大話,比真實年齡報大3歲!

Kay解釋話都只不過係想聽Chloe嗌佢「Oppa」,又話當Chloe知道自己大啲,就變得惡起上嚟。

韓女Chloe一講到文化差異,就大鬧Kay為咗「Oppa」(韓文:哥哥)呢個字講大話!佢好勞氣咁話:「曖昧嗰陣我問過佢幾多歲,我係89年出世嘅,佢就話自己係88年,咁我咪認為佢係Oppa囉!」點知拍拖幾個月之後,Chloe睇到Kay本護照先揭發,原來Kay係91年出世,Chloe話簡直無言:「點解要講大話?年紀都可以講大話嘅咩?萬一我發現唔到咁點算呀?」
Chloe邊鬧邊「睥住」Kay,Kay就邊聽邊笑,佢解釋話:「嗰時好奇吖嘛,想聽佢嗌我Oppa!」雖然出發點係甜蜜嘅,但畀Chloe篤爆咗之後,o依家就嗌佢「喂」或者「傻瓜」。韓國人好重視年齡,後輩一定要聽前輩嘅說話,所以Kay話當Chloe知道自己年紀大啲,就惡到o依家!不過有時惡,先係真正愛一個人,連講大話都可以原諒,Kay畀Chloe判終身...照顧佢都抵啦!至於Gary就好享受老婆對佢惡,佢話:「講得上真正愛一個人,就係由太太開始,唯獨佢會對我好嚴苛。」Gary開始話當年,講返十年前識老婆嗰陣,當時得二十幾歲,Gary就有部兩門跑車,仲覺得自己好型添!點知,佢老婆(當時女朋友)竟然話佢:「唉!你都廿幾歲人啦,點解仲揸埋啲死飛仔車呢?」Gary話嗰吓嬲得嚟又有啲甜,覺得佢個人夠真,就認定佢係老婆喇!



Gary就話鍾意老婆惡,好似佢啱啱識老婆嗰陣有部兩門跑車,個個都話型,得佢老婆話:「唉!你都廿幾歲人啦,點解仲揸埋啲死飛仔車呢?」Gary話又嬲又有啲甜喎!

仲有個文化差異係「黐線」兩個字,香港人當口頭嬋,韓國人真係用嚟鬧人,所以Gary老婆和Chloe初初聽都好唔慣,以為人哋鬧佢哋。

至於文化差異,Gary話試過衰喺「黐線」兩個字。佢話教過老婆講「黐線」,有一次同屋企人食飯,Gary妹妹就對住佢老婆笑住講「黐線」,老婆就成晚唔出聲喇。佢問老婆發生咩事,老婆就話:「你阿妹做咩話我黐線?」「黐線」對於香港人嚟講只係口頭嬋,但係對於韓國人嚟講就真係鬧人嘅說話,Kay女朋友Chloe都話有同感。佢話成日聽到Kay啲朋友講「黐線」,都會諗「係咪講緊我?」,後嚟先明白「黐線」係香港人嘅日用語。兩位港男Gary同Kay都已經講得一口流利韓文,希望盡量減少語言上嘅誤會,不過始終唔係母語,未必事事能夠解釋清楚。Gary話韓國人太有禮貌,有好多語言偽術,例如如果女仔問:「我今日靚唔靚呀?」男仔答:「幾可愛吖!」咁即係話個女仔唔靚。又例如男仔約女仔去街,女仔唔會直接拒絕,會話:「睇吓點先啦!」咁其實即係唔去。場地提供:平昌 By BBQ7080地址:佐敦莊士倫敦廣場5樓電話:59017080主持:動主播阿仙、viu韓劇導賞員Ruby記者及繙譯:卓惠媛(Joyce)攝影:陳家文、李錦鏵《我們結婚了》片段由Viu提供:
https://goo.gl/Yx13PE【三個粉絲追韓劇】
http://hk.apple.nextmedia.com/enews/animation/kfans/




來源: http://hk.apple.nextmedia.com/entertainment/art/20161020/19805995
港韓 韓姊 姊弟 弟戀 為聽 聽韓 韓妹 妹嗌 Oppa 港男 男涉 虛報 年齡 或被 被判 終身
PermaLink: https://articles.zkiz.com/?id=312884

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019