ZKIZ Archives


【香港20年】陳太憶英殖最後48小時 嘆50年不變走樣

1 : GS(14)@2017-06-10 13:42:45

■時任布政司陳方安生獲安排坐在中英國旗之間見證過渡。



【本報訊】20年前香港主權交接,其中一位最受矚目的人是首位華人布政司陳方安生。一張20年前的新聞相,這位香港鐵娘子安坐五星旗及米字旗下中央見證過渡。陳太感嘆「短短20年,港人治港、高度自治正不斷削弱」。回望主權移交關鍵48小時,當年的不捨、忐忑、50年不變的願景,恍如隔世。記者:呂麗嬋 林俊謙



凝視着一幅20年前主權移交一刻的老照片,「全部仍然係朋友」,陳太看得仔細。除了前律政司馬富善返回英國老家及已病逝的前房屋局長黃星華,她說那些年,相中過渡團隊儘管各散東西,大部份仍留守香港,如前衞生福利局長霍羅兆貞及前規劃環境地政局長蕭烔柱,不時有聚會;與正保釋等候上訴的前特首曾蔭權更定期每月聚餐。就算是政見不同的梁愛詩,她說再見亦是朋友,多年來仍互相尊重。至於當晚獲安排坐正中央,陳太說是順理成章。



陳方安生

「想人心回歸應履行承諾」


「我冇過問座位安排,嗰時係政務司長(布政司),領導同事過渡回歸,左右都係我嘅團隊成員,我自然喺中間」,她笑指感覺矚目或與身穿紅衣有關。「我覺得回歸係一個歷史性、值得慶祝嘅大日子,所以着紅色」,紅外套下是一襲富東方色彩的紅色旗袍。這套戰衣,陳太謂早於7、8年前已捐給香港歷史博物館。「佢哋話有個旗袍展覽,咁我有啲比較獨特嘅旗袍,就捐咗幾套畀佢哋」,陳太直言感不捨。1997年6月30日晚,軍號響起,英國旗降下,象徵150多年的殖民地統治結束。中英談判、主權移交,曾幾何時,50年不變是未走樣的願景,「正如鄧小平先生講,應該一切都冇變,除了換咗支國旗,同埋有個行政長官取替港督,其他樣樣都照常運作」。「當時我哋對一國兩制、鄧小平呢個高瞻遠矚嘅構思,抱有好大期望,但短短20年,你可以見到一國兩制、港人治港同高度自治,日日喺度削弱,近期中央嘅表現,越嚟越罔顧香港人嘅睇法同感受,大家都關心再咁持續去削弱,係咪唔使去到2047年,香港已經冇咗兩制?」面對當前香港,陳太直言感到不開心,社會撕裂、前景晦暗未明,但她寄語港人要繼續站出來,為香港發聲。「我佩服年輕人有勇氣行出嚟,係要好大勇氣同好大犧牲」,陳太重申不支持港獨,但希望中央明白有人鼓吹獨立,是因中央持續干預及特區政府表現令人失望,「如果想香港人嘅心回歸祖國,最好就係中央履行承諾,重回正軌,好好咁落實一國兩制、港人治港、高度自治」。



■港督府告別儀式,英國國旗徐徐降下,象徵殖民地統治結束。

■末代港督彭定康從儀仗隊員手中接過英國國旗。



■彭定康車隊離開港督府,大批市民冒雨送別。

■皇儲查理斯(左)與港督彭定康在添馬艦出席英方告別儀式。



■登上不列顛尼亞號告別香港,彭定康千金哭成淚人。

■由於立法局議員不能過渡到回歸後的立法會,6月30日晚多名民主派議員在立法局大樓露台抗議被迫「落車」。

■回歸前夕大批外籍人士湧到灣仔一帶慶祝。



■接近凌晨零時,工人拆下中區政府合署的龍獅徽號(右圖),換上中國國徽(左圖)。

■董建華宣誓就任首屆香港特區行政長官。



■解放軍部隊經上水進入香港,沿途有市民揮舞中國國旗和特區旗。

■1997年7月1日凌晨,維多利亞港舉行煙花匯演慶祝香港回歸。

97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/news/art/20170610/20050808
香港 20 陳太 太憶 憶英 英殖 最後 48 小時 50 不變 走樣
PermaLink: https://articles.zkiz.com/?id=335157

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019