林夏薇停工一年做專屬model人釘人
1 :
GS(14)@2017-01-19 08:08:0529歲林夏薇同45歲金融才子莫贊生(Jason)前年拉埋天窗，婚後打理飲食生意，主力陪老公兼努力造人，昨日有周刊爆林夏薇願意為老公放棄幕前演出，做跟得夫人係因為老公之前鍾意媾o靚模，而好多女人搵機會黐埋佢老公身，林夏薇先想多啲時間陪老公。據報道講，林夏薇喺《乘勝狙擊》擔正做女主角後，之後就冇再拍劇，有指佢決定停工，一段時間暫別幕前，據知情者講林夏薇仲好鍾意做戲，之前拍幾部劇都成功入屋，不過佢喺事業同老公兩者之間，揀咗老公，一來想多啲時間陪老公，二來想生B，平時主要陪老公行街四圍去，日前兩公婆去中環買嘢，林夏薇陪老公去睇褸，成程做形象指導，買完就到林夏薇去睇手袋，有時林夏薇出外，仲見佢手戴超過五卡巨鑽。報道又指林夏薇為咗箍住個老公，花咗唔少心思執靚個樣，近年越嚟越靚，同2011年初入大台嘅感覺好唔同，冇咗陣娘味，每日做運動，亦知老公鍾意影相，keep得靚啲、fit啲做老公專屬model!
來源:
http://hk.apple.nextmedia.com/entertainment/art/20170119/19901999
黃子恆不甘被離婚 擄走林夏薇兼強姦
1 :
GS(14)@2017-02-05 10:48:30大台嘅賀歲劇《乘勝狙擊》，劇情都已經去到白熱化階段，之前就大曬鹽花，好重口味咁連續三集都有陳山聰同莊思敏嘅床上激戰，昨日更有周刊爆出《乘勝狙擊》嘅大結局，講到陳展鵬飾演嘅翟冠一同林夏薇嘅何正花，最後都有情人終成眷屬，至於由忠變奸嘅陳山聰，最後當然好似「BBQ」大結局一樣，壞人係冇好下場，死於陳展鵬槍下。陳展鵬之前為父報仇，所以就犧牲咗自己同林夏薇嘅感情，後來林夏薇就同黃子恆飾演嘅周兆良結婚，但係林夏薇同黃子恆結婚冇耐，女方就發現咗陳展鵬原來係要向單立文報仇，唔想連累佢先分手。雖已為人妻，對陳展鵬念念不忘嘅林夏薇，就喺噚晚一集同黃子恆講離婚，仲走埋去澳門照顧受咗槍傷嘅陳展鵬。昨日周刊就話被拋棄嘅黃子恆，受到陳山聰嘅教唆，擄走咗林夏薇嚟要脅陳展鵬，黃子恆仲強姦埋前妻，好在最後林夏薇都成功走甩，但黃子恆就俾陳山聰殺死。成功逃脫嘅林夏薇最後都可以同陳展鵬終成眷屬。至於被網民形容衰過《幕後玩家》黃宗澤嘅陳山聰，佢除咗殺死黃子恆外，佢仲會殺埋莊思敏同師傅潘志文，仲同曾經出生入死嘅好兄弟陳展鵬反目，咁衰人當然係冇好下場啦，陳山聰最後死係陳展鵬槍下。黃子恆接受傳媒訪問時，被問及可擔心觀眾覺你太癲呢？佢就話：「其實好難遇到起伏咁大嘅角色，對演員來說是幸運的，是有挑戰的，只不過在拍攝上比較傷神，演類角色需要很大精神和體力。而周sir本來是一個幹探，只是他的遭遇把他逼瘋了，希望播出的時候觀眾可以感受到角色上的喜怒哀樂。」
來源:
http://hk.apple.nextmedia.com/entertainment/art/20170204/19917725
老公生日人妻林夏薇跳扭腰舞慶祝
1 :
GS(14)@2017-03-23 06:27:21今年29歲林夏薇，前年閃嫁身家逾20億嘅金融才俊莫贊生，自此升呢為億萬闊太，家住山頂獨立屋，得閒坐遊艇出海過寫意生活。20億「闊太」生活唔易做，早前有報道指林夏薇勤力執靚自己，多年來個樣進化唔少，連身材亦越嚟越有睇頭，不時喺Ig大方着三點式騷事業線，Keep好body箍實老公仔。日前老公生日，做老婆嘅，梗係要施展渾身解數，昨日林夏薇就喺Ig貼咗一段短片，見佢着住超短運動褲，起勢咁扭，跳到大汗疊細汗咁，夠晒火辣誘人，唔知老公仔對呢份禮物，滿唔滿意呢？
來源:
http://hk.apple.nextmedia.com/entertainment/art/20170322/19966337
Next Page