ZKIZ Archives


夏蕙BB「醒」呂麗君

2016-11-24  NNM

曾被大劉封為「殯儀之星」的夏蕙BB,絕對有資格以過來人身份評論呂麗君被飛事件,夏蕙BB後生時以葫蘆身材自居,與已婚律師兼行政立法局議員胡百全邂逅,誕下六名子女,全部都姓胡,但愛人胡百全坐鎮立法局時提出私人草案,廢除大清律例即冇得納妾,搞到夏蕙BB連妾侍身份都冇,但昔日胡百全作為馬會遴選會員,有兩個馬牌,一個是給配偶(Spouse Badge),另一個給予女朋友(Lady's Badge),憶起往時攞住個馬牌恍如「胡夫人」般身份陪住胡百全拉頭馬,夏蕙BB顯得十分雀躍,仲話:「嗰陣唔係人人都可以入馬會,所以馬牌物以罕為貴,不過我又唔覺得攞住入去好威水,因為識佢(胡百全)嗰陣已可以入馬會。」

夏蕙BB話胡生好錫佢,但自己唔重視物質,胡生買俾佢先要咋,唔會開口話要咩,夏蕙BB仲話:「呂麗君係事實婚姻,家醜不應外傳,唔好打官司,費事益咗啲律師,正所謂,係你就係你嘅!人要知足,和平解決咪算囉。」今年八十六歲的夏蕙BB果然去咗另一層次,當日與胡百全元配子女,在醫院都曾有一番角力!如今以過來人身份,與呂麗君共勉之。

英皇楊•四太最豪爽

啲「泊車仔」聽到大劉爆響口曾差遣呂麗君喺福臨門俾兩、三千蚊「貼士」,口痕咁話,其實如果宴請親朋擺兩、三圍花幾皮,兩三千蚊貼士算係加一咁啫,泊車仔記憶當中,最豪爽嘅原來係英皇楊受成同埋四太梁安琪,佢哋試過俾泊車仔一千蚊貼士o架,唔少食肆代客泊車服務皆由「社團」中人承包,莫非英皇楊以及四太皆有江湖兒女氣概,對泊車仔都特別眷顧?

中環寸嘴去China Tang踩場

岳少間「唐人館」China Tang,喺海港城開咗幾個月,啲食經又係有讚冇彈,一於坐程天星小輪過海去踩吓場先。一坐低,個氣場唔錯吖,有啲天然光滲入嚟,話晒有海景,唐人館同中環間「好酒好蔡」都係英國style,唐人館呢度多啲青春氣息。我老友話似乎比起「好酒好蔡」實際啲(註:「好酒好蔡」同為林建岳旗下食肆),我即刻話唔好咁快下結論!侍應服務態度同「好酒好蔡」就有天淵之別,「好酒好蔡」嗰度啲高層踎喺出面顧住同後生女知客打牙骹,都唔同客仔打個招呼,唔好以為我唔認得呀,以前喺酒店做busboy王,顧住過年封利是餡,你就知價錢!雖知我都照過鏡冇劉德華咁靚仔,但今時今日咁嘅服務態度點得o架。唐人館招呼我個企堂醒目好多,識得推介吓有乜時令菜,介紹咗個菜乾炆豬手,講到啲菜乾索晒啲味,再叫埋少爺焗豬扒飯;仲好落力同我推介萬幾蚊一圍嘅盛宴,嚟食餐飯都要吸收吓市場資訊,呢個企堂話以前喺The One入面間火鍋酒樓做,由一日二三十萬生意額,跌到得番兩、三萬,想唔執笠都幾難,你話生意幾難做吖。擦完呢餐晏,老實講啲菜式仲未入味,環境裝修冧女就好介紹!埋單時醒些少貼士俾位企堂阿姐,佢都識得講句:「唔好咁客氣。」我話:「唔好客氣咁少呀?」

楊國佳工廈大王楊耀松長子,八十年代往北美洲開山劈石,做一帶一路先頭部隊,自比為星仔變星爺前冇人懂欣賞其無厘頭文化,廿年後終於領略當中奧妙,與粉絲分享在北美洲各路人士交手經歷,絕不老點。

大鴻輝多得阿媽慳$1.3億

大鴻輝老細梁紹鴻斥資12億掃山頂樓王Mount Nicholson三個單位,最叻係以「首置」身份置業,只係俾4.25%印花稅,足足慳$1.3億。大鴻輝身家數百億,何解連自己名下物業都冇呀?只因多得阿媽。其自住物業梅道May Tower單位,九二年以$1,480萬買入,係以海外公司Cathay Britannia登記,簽名人就係佢阿媽陳鳳儀,梁紹鴻母親為怡和買辦及置地董事梁顯利的庶室,但二奶仔大鴻輝總算威過大房,由梅道搬上山頂,延續梁顯利家族威望。

撰文:宗菁華

centralman@nextdigital.com.hk

夏蕙 BB 呂麗 麗君
PermaLink: https://articles.zkiz.com/?id=226145

馮仁昭四圍超:夏蕙BB:我是媚忍魚

1 : GS(14)@2014-09-22 22:20:59




■日前夏蕙BB特別買咗件七彩泳裝影「水着相」,坐喺池邊踢水。





【夏日終結者】秋天話咁快就殺到,趁住仲有燦爛陽光,當然要捉緊夏日嘅尾巴。現年82歲嘅黃夏蕙都話要爭取時間吸睛,懶理季尾,佢日前仲特登北上深圳羅湖城買咗件七彩泳裝,襯埋洋妞金色假髮,夏蕙BB最索似乎係一對幼腳,望落去唔輸蝕畀班
馮仁 仁昭 四圍 夏蕙 BB 我是 是媚 媚忍 忍魚
PermaLink: https://articles.zkiz.com/?id=285692

生前喪禮夏蕙姨預演瞓棺材

1 : GS(14)@2015-03-16 08:47:27





生離死別對中國人來說是件嚴肅事,但隨着時代變遷,不少人已可樂觀面對,甚至有人更會於在世時先預演喪禮。黃夏蕙去年經歷過大病後,夏蕙姨決定為自己舉行生前喪禮,她除了穿上水晶壽衣外,更瞓進水晶棺材內,接受嘉賓三鞠躬及瞻仰「芳」容等。陳奕迅陳奕迅曾表示希望親友能笑着出席自己的葬禮,其歌曲《最後派對》的MV,正是以此作主題。他更邀得老婆徐濠縈、好友房祖名、黃偉文、郭偉亮等演出,MV講述一眾好友以派對形式出席自己的追思會。陳偉霖患上黑色素瘤皮膚癌的陳偉霖,大前年曾為自己預演過喪禮,除有live band表演外,掛於靈堂中央的橫匾更是「死不足惜」四個大字,他指此是寓意死亡本不可怕,而當儀式完成後,橫匾即轉成了「走得招積」四個大字,玩味極濃。





來源: http://hk.apple.nextmedia.com/entertainment/art/20150316/19078281
生前 喪禮 夏蕙 蕙姨 預演 棺材
PermaLink: https://articles.zkiz.com/?id=288518

美猴夏蕙BB揮棒上頭炷香

1 : GS(14)@2016-02-04 17:24:30

【扮悟空】■黃夏蕙日前變身美猴王孫悟空,到黃大仙祈福。攝影:陳順禎


黃夏蕙每年風雨不改在年三十晚往黃大仙廟上香祈福,祈求來年平安大吉,為了搶鏡成頭炷香焦點,夏蕙BB年年都有新招數,別出心裁設計獨特造型出位。為迎接猴年,她索性化身孫悟空拜黃大仙,她日前預演上頭炷香時,老孫look搶先曝光。拍攝當日下雨,氣溫急降,夏蕙BB一早約好造型師替她變身孫悟空,大約20分鐘,她就戴好毛毛頭套和穿上黃色的馬騮夾乸衣,cosplay變「美猴王」,美中不足是頭上欠了金剛箍,現年83歲的夏蕙BB更揮動金剛棒,動作敏捷,其間還擺出左頴右頴的鬼馬動作,細細粒的夏蕙BB入型入格,途人見狀紛紛舉手機拍照。今年沒有年三十,所以夏蕙BB會在大後日年廿九去黃大仙上頭炷香。夏蕙BB金猴上身後,大搖大擺進入黃大仙廟內參拜,她不但做齊上香和添香油,還替香港求籤,她求得第九十三籤「古人孔子聞衛樂」,夏蕙BB即往解籤,相士解說:「呢支籤麻麻哋,香港來年會多是非小人,多麻煩。」夏蕙BB即關心可有催吉避凶方法?相士說:「唔好太衝動,唔好太嘈吵,萬事以和為貴。」夏蕙BB事後接受訪問,寄語港人:「我希望國泰民安,大家平平安安,和氣生財,唔好咁多民怨。」



■造型師為黃夏蕙戴毛毛頭套,她笠上馬騮夾乸衣變身美猴王。

■夏蕙姨誠心為港求支好籤,結果求得第九十三籤,相士坦言麻麻地。

【先上香】■黃夏蕙上香,祈求猴年平安大吉。



大葫蘆收是非

問到夏蕙BB可覺相士指的小人是特首梁振英?她答:「唔知,小人化為財就冇事,我係唔怕是非嘅,我覺得做人心地好就可以逢凶化吉,我年年嚟拜黃大仙都會買個大葫蘆,因為葫蘆可以收晒啲是非。」夏蕙BB拜完黃大仙便開心捧着大葫蘆回家。採訪:比華利





來源: http://hk.apple.nextmedia.com/entertainment/art/20160204/19478170
美猴 猴夏 夏蕙 BB 揮棒 上頭 炷香
PermaLink: https://articles.zkiz.com/?id=295274

夏蕙BB夜遊旺角被圍

1 : GS(14)@2016-02-11 10:21:37

■夏蕙BB前晚到旺角地磚被掘起的地段視察,不過已被警方用藍白條帶包圍。








【旺角】年屆85歲的黃夏蕙一向緊貼時事,對大年初一旺角黑夜發生的騷亂事件也不例外,前日她在facebook出post撐警:「其實槍向天打,唔打得死人,可能佢哋冇準備胡椒噴霧。」更爆粗預告會唔化妝夜訪旺角:「有膽你班友仔對準我嚟拋磚。」夏蕙BB前晚約9時45分與契女Amy現身砵蘭街,之後行到西洋菜街一帶,沿途周圍拍片,亦有途人上前向她集郵。一身紅噹噹打扮的夏蕙BB,行到事發當晚被掘起地磚附近,地上已被藍帶圍住,市面相當平靜,她亦幫襯街檔商販買咕
夏蕙 BB 夜遊 旺角 被圍
PermaLink: https://articles.zkiz.com/?id=295830

夏蕙BB誤頂型男下體

1 : GS(14)@2016-03-15 16:07:57

■夏蕙BB指着和服好辛苦,花了5小時裝身。


黃夏蕙昨日以和服藝伎造型現身銅鑼灣鬧市,為旅遊手機app宣傳,大會安排兩位肌肉男充當夏蕙BB的護法,不過兩男站於她兩旁時,她的左手疑似觸碰到身邊的型男下體。夏蕙BB表示為了今次的造型,總共花了5小時裝身:「着和服好辛苦,要一層一層咁着。」問到有肌肉型男作伴的感覺?她笑說:「見過啦?梗係搵型男,唔係點配呀!」夏蕙BB並透露本月23日啟程到美國出席孫兒的婚宴:「去飲孫新抱茶,我大女個仔結婚喇!好快四代同堂,不過而家未有BB,之後我喺美國有三個騷,最快6月先返香港。」採訪:黃曉妍攝影:陳慧安





來源: http://hk.apple.nextmedia.com/entertainment/art/20160314/19528079
夏蕙 BB 誤頂 頂型 型男 下體
PermaLink: https://articles.zkiz.com/?id=298033

夏蕙姨撐真髮長過假髮

1 : GS(14)@2016-05-24 10:27:44

王喜、黃夏蕙及艾美琦(Amy)等,前晚在圓方戲院出席電影《夢想合伙人》謝票場活動,夏蕙姨透露最近接了幾個廣告,有日本旅遊、大型連鎖公司及染髮用品,她說:「個染髮產品我代理,好用,唔會甩頭髮,我會做代言拍廣告。」向來戴假髮的她做代言人似欠說服力,對此她說:「其實我頭髮好多,平時懶又冇時間打理,我啲真髮仲長過假髮。」此外,王喜透露7月會參加一個遊學團,帶學生到青海體驗喇嘛生活,他說:「今次旅遊之餘,仲會體驗一吓高原地帶生活,當地寺廟已經有幾百年歷史,其他城市同香港都冇辦法接觸到,去到亦冇網絡世界,冇得沖涼,係一種好好嘅體驗。」採訪:張俊銘攝影:沈健程





來源: http://hk.apple.nextmedia.com/entertainment/art/20160524/19624552
夏蕙 蕙姨 姨撐 撐真 真髮 髮長 長過 假髮
PermaLink: https://articles.zkiz.com/?id=301280

夏蕙姨激讚契女演妓女

1 : GS(14)@2016-09-24 23:30:53

電影《男極探射燈》原本以行政長官梁振英女兒梁齊昕擔任主角,最後齊昕角色換角,《男》片亦於前日上映。前晚黃夏蕙、艾美琦及楊子瑤在旺角出席謝票活動,夏蕙姨大讚契女艾美琦演得好,她說:「因為佢演妓女,係一個好難演嘅角色,佢第一次做,有咁好嘅表現,覺得好唔錯。」替代齊昕做女主角的楊子瑤透露上映時曾經出現問題,她說:「唔知係唔係套戲涉及政治題材,原先係上年年尾上映,但有啲阻滯,延遲到而家,可能會影響上映及票房。」另外,《男》片前日上映票房為2萬元,同日上映的《屍殺前傳:首爾站》動畫單日票房只有10萬,相對仍在上映、截至前日累計票房已達6,405萬元的《屍殺列車》,顯然有很大落差。攝影:張俊銘攝影:陳慧安




來源: http://hk.apple.nextmedia.com/entertainment/art/20160924/19779999
夏蕙 蕙姨 姨激 激讚 讚契 契女 女演 妓女
PermaLink: https://articles.zkiz.com/?id=309880

夏蕙姨做鬼唔使除衫

1 : GS(14)@2016-10-16 08:20:10

黃夏蕙(左)昨日在中環出席一間燒鵝店開幕,提到萬聖節快到,夏蕙姨表示如往年一樣,都會扮鬼扮馬應節,更以鬼裝look巡遊蘭桂坊。問夏蕙姨有否試過嚇親人?她說:「有年我扮得好醜樣,結果嚇親細路哥,之後我扮鬼都好靚,係嚇唔到人,好可愛,梗係做靚鬼。」做艷鬼?她笑說:「鬼唔使除衫,除衫留畀契女Amy(艾美琦),佢青春貌美。」




來源: http://hk.apple.nextmedia.com/entertainment/art/20161016/19802049
夏蕙 蕙姨 做鬼 唔使 使除 除衫
PermaLink: https://articles.zkiz.com/?id=312288

【馮仁昭四圍超】Amy飛釘賀夏蕙姨大壽

1 : GS(14)@2016-12-07 08:01:09

黃夏蕙(右)前晚喺九龍灣開100圍賀83歲大壽,兼宣佈成立慈善基金,契女艾美琦(Amy)性感低胸裙現身就唔小心飛釘。夏蕙姨話:「我好幸福,有屋住有飯食有人養,但有啲老人家居冇定所,成立基金就係為佢哋生養死葬。冇特別要乜嘢資格,獨居長者就得,不過香港真係樣樣都太貴,我揀咗中山買地起老人院,暫時起一間先,因為買埋塊地都要幾千萬。」撰文:馮仁昭




來源: http://hk.apple.nextmedia.com/entertainment/art/20161207/19857093
馮仁 仁昭 四圍 Amy 飛釘 釘賀 賀夏 夏蕙 蕙姨 大壽
PermaLink: https://articles.zkiz.com/?id=318643

80圍唔夠坐 夏蕙姨「肉償」道歉

1 : GS(14)@2016-12-10 13:30:11

黃夏蕙上個月擺大壽,83歲生日依然老當益壯,梗係要廣邀親朋賀一賀佢啦。不過呢啲時候,總係好難預人數,阿邊個突然得閒出席,又或者阿邊個又突然有事忙現唔到身,真係頭都爆都計唔掂要預幾多圍。好似今年1月,夏蕙姨老公潘炳烈80大壽,夏蕙姨就喺九龍灣筵開80席,計番條數,差唔多有成1,000人!不過原來80席係唔夠架,連預備俾記者同fans嘅8席都被坐滿,最後出現咗有賓客冇位坐嘅尷尬情況。嗰次之後,夏蕙姨「肉償」向賓客道歉,喺facebook貼咗張扮Tony Jaa《拳霸》嘅舊造型相,仲話唔知自己咁有號召力,比預算多咗兩圍!其實夏蕙姨又唔使咁愁嘅,始終生日係開心事嚟,大家見到壽星公壽星女高高興興其實都夠晒啦!




來源: http://hk.apple.nextmedia.com/entertainment/art/20161210/19861153
80 圍唔 唔夠 夠坐 夏蕙 蕙姨 肉償 道歉
PermaLink: https://articles.zkiz.com/?id=319074

為港人求上上籤夏蕙姨扮雞教上頭炷香

1 : GS(14)@2017-01-27 07:40:36

■夏蕙姨每年都cosplay生肖造型,今年輪到扮雞。



現年83歲的黃夏蕙每年的年三十晚都會到黃大仙排隊上頭炷香,自07年豬年開始她更會以cosplay打扮到場,除了牛年停了一年,加上尚欠狗造型便扮齊十二生肖。其實自去年猴年開始,她的打扮越來越仔細,從以往只是戴上生肖帽,到去年開始以孫悟空造型上陣。今年雞年,一早已講明要做雞的夏蕙姨,當然要以雞造型亮相,非常搶鏡。



【買布】■早前夏蕙姨到深水埗臨時小販市場買布。

【加工】■由裁剪到縫製雞造型,夏蕙姨都親力親為。

【變身】■去黃大仙當日,夏蕙姨一早請來化妝師為她裝扮。

■每年都會到黃大仙上頭炷香的夏蕙姨,對拜神程序純熟。

親力親為

夏蕙姨今次扮雞,對身上裝扮一絲不苟,凡事親力親為,先是上網訂衫,再到深水埗欽州街臨時小販市場買布加工,再選購配飾為雞冠錦上添花,加上有金色立體雞爪的鬆糕鞋,可說是無懈可擊。早前夏蕙姨以雞年生肖造型到黃大仙,為今晚上頭炷香預演,她風騷出巡,立即受到途人注目。她透露今次上香有自備三寶,包括香燭、葫蘆和雞公仔,她說:「上香一定要買定個葫蘆,因為可以收晒啲是非,來年就大吉大利。」


減少怨氣

講到雞年願望,夏蕙姨希望大家都像雞一樣生猛,她說:「最緊要好似雞咁生猛,多啲工作做,雞年梗係要行好運,世界和平,大家有飯食,個個好似雞咁精神,龍精虎猛,身體健康,最緊要唔好咁多怨氣。」夏蕙姨更同時為香港人求籤,求得第一籤「姜公封相」,籤文寫着:「靈籤求得第一支,龍虎風雲際會時,一旦凌霄揚自樂,任君來往赴瑤池。」夏蕙姨表示籤文啟示否極泰來:「呢支係好籤,成個黃大仙得三支上上籤。籤文嘅解釋係世界暫時幾好,唔好嘅會過去,明天會更好。」她更透露一直有個願望,希望快點開老人院,可以為無依的老人家提供生養死葬。採訪:劉敏攝影:陳俊強化妝、髮型:Kathy Lam of Ciao Bella




來源: http://hk.apple.nextmedia.com/entertainment/art/20170127/19909895
港人 上上 籤夏 夏蕙 蕙姨 姨扮 扮雞 雞教 上頭 炷香
PermaLink: https://articles.zkiz.com/?id=324427

黃夏蕙金雞裝上頭炷香

1 : GS(14)@2017-01-28 12:04:20

黃夏蕙非常誠心,堅持每年年三十晚都到黃大仙爭上頭炷香,為迎接雞年,夏蕙BB昨午金雞上身往霸頭位,排隊接近8小時,其間獲不少善信爭相集郵。夏蕙BB除玩金雞轉圈,又擺金雞獨立甫士,有男善信請她吃檸檬糖,夏蕙BB搞笑說:「好彩係檸檬糖,祝大家甜甜蜜蜜啦,我哋每年都喺呢度見。」她祈求雞年可以世界和平,少些紛爭,早日籌款成功建老人院。




來源: http://hk.apple.nextmedia.com/entertainment/art/20170128/19911140
黃夏 夏蕙 金雞 上頭 炷香
PermaLink: https://articles.zkiz.com/?id=324535

鄧英敏寫詩悼念夏蕙姨痛失姊妹

1 : GS(14)@2017-02-07 05:15:51

■鄧英敏昨題詩悼念好友魯芬。



魯芬生前廣結人緣,對她離世圈中好友紛紛悼念。黃夏蕙曾與魯芬cosplay出席活動,兩人是相交數十年的好姊妹,夏蕙姨難忘那些年曾奪魯芬靚錶媾仔,她謂魯芬患病期間因怕傳染,拒絕友人探病,夏蕙姨說:「佢豪爽玩得,無憂無慮,鍾意飲兩杯同賭吓馬仔,曾帶挈我買馬仔贏幾千蚊。」鄧英敏昨寫詩悼念魯芬:「有情有義話魯芬,開心大使滿童真,敬業樂業全力赴,西方極樂願早登。」他形容魯芬似細路女,影相會擺可愛甫士。



■(左起)余慕蓮、魯芬和夏蕙姨曾以水手裝宣傳網上遊戲。

余慕蓮:佢花20萬醫病


邵音音透露前日團拜,魯芬原本出席,但她正與病魔惡鬥:「我以為要走嘅係我,佢咁好活力,真係好可惜。」余慕蓮指魯芬花20多萬積蓄治病,惟最後撒手塵寰。而吳麗珠遺憾未及往探望:「可能佢太辛苦,人生無常。」苑瓊丹心痛魯芬受病魔煎熬:「好多人話佢染咗怪病,全身起咗啲菌,又癢又痛,行路都唔方便。」此外,魯芬去年曾跟李家仁醫生及李光洙拍糖果廣告,李家仁說:「佢個人好爽,仲教我點放鬆,拍出嚟開心啲。」採訪:嵐山、何永寧




來源: http://hk.apple.nextmedia.com/entertainment/art/20170207/19920091
英敏 寫詩 悼念 夏蕙 蕙姨 痛失 姊妹
PermaLink: https://articles.zkiz.com/?id=325845

因黃夏蕙得罪TVB高層馬蹄露被雪藏9個月

1 : GS(14)@2017-02-12 13:52:35

當年喺《真情》飾演野蠻千金小姐May May嘅馬蹄露,喺情人節當日將會喺屯門舉行演唱會,唔經唔覺已經入行接近廿年,昨日周刊報道指,原來馬蹄露試過因為黃夏蕙而被雪藏,一度因為生計問題,諗過退出娛圈。馬蹄露又話嗰陣公司叫佢喺一個搞笑節目扮黃夏蕙,點知佢好直接話唔得,之後俾藝員科叫咗去「照肺」,最後因為啲人話佢似黃夏蕙,已經搞到佢好唔開心,點知仲要扮佢!結果馬蹄露被雪藏9個月,加上收入有限,佢一直都冇俾家用屋企,試過有一年喺農曆年諗住俾1千蚊媽咪,但係媽咪擔心佢冇錢,叫佢留番俾自己,令馬蹄露諗過想離開呢個圈!不過馬蹄露話珍姐知道佢嘅經濟問題,即刻調整咗佢啲騷錢,所以佢冇選擇離開,到咗第二年,因為市道唔好要減薪,減幅比當日加俾佢嘅數目仲要多,本來佢有諗過走人,最後同TVB協調,再加上佢啲戲癮真係好深,改變主意繼續做,馬蹄露仲話慶幸自己雖然收入有限,但總算唔使問人借錢度日,上天俾咗一把好聽嘅聲音,等佢可以繼續唱歌,經過黃夏蕙呢件事,佢話當時真係唔應該講呢啲說話,做藝人真要多啲嘗試!




來源: http://hk.apple.nextmedia.com/entertainment/art/20170212/19925886
因黃 黃夏 夏蕙 得罪 TVB 高層 馬蹄 露被 雪藏 個月
PermaLink: https://articles.zkiz.com/?id=326534

【母女對調1】媽媽紅唇choker變身少女「似黃夏蕙!」

1 : GS(14)@2017-05-18 02:14:52

難得母親節,不如來個交換身份大挑戰,讓媽媽理解女兒的世界,女兒感受媽媽的辛酸。



一年一度母親節,小時候花心思畫心意卡,長大了卻總忙着工作、見朋友和拍拖,心意惟有折現。如果你時常嫌棄媽媽不理解你的煩惱,但事實上你也不知道她在家裏為甚麼而折騰,難得有節日為由,不如來個身份交換大挑戰,讓媽媽重拾年輕的滋味,女兒則成為家庭主婦代做家務。



Jace自覺與媽媽的日常衣著風格不太一樣,交換造型效果應該很有趣。(圖片由受訪者提供)

陳媽媽身形與女兒相近,穿戴Jace的標誌衣物後,外形有99%相似!

Jace笑言配合造型她應該要到街市買餸。


交換造型 媽媽紅唇Choker變身23歲少女

我們找來了23歲的陳凱詠(Jace)和約50歲的母親Clarence,Jace在UM Webzine環球娛樂網誌工作,是一名音樂主持,日常工作內容主要是訪問藝人和主持節目,介紹歌手的新歌或MV,故造型比較多變,衣着打扮也有獨特的個人風格,Jace笑說:「我跟媽媽的衣着風格不一樣,她比較普通,通常穿着白色衣服,以比較樸素的風格為主,穿上她的衣服我應該會像個小朋友。」交換身份要貫徹始終,當然連造型也要交換。母女倆在衣櫥中左揭揭、右翻翻,各自找出一套最能代表自己的衣服讓對方穿上。陳媽媽上身穿着簡單的白色T恤,下身以破爛的洗水牛仔長褲搭配,再戴上大耳環、choker和金手錶,塗上女兒的標誌紅唇,紮起鬢辮,目測有99%相似!媽媽的日常造型以簡單舒適的風格為主,女兒Jace以紫色的運動內衣打底,外面穿上一件長身且寬鬆的白恤衫,下身配以緊身的深色牛仔長褲,重點當然是把頭髮綁成一個隨意的髻,好專注打理家中大小二事。她說:「沒有平常愛塗的紅唇膏,感覺很樸素,配合這個造型,我應該到街市買餸。」


平日以memo紙溝通 成母女任務紙玄機

為了讓彼此了解對方的日常生活,母女分別用memo紙寫下三個給對方的任務,陳媽媽要女兒代她洗衣服、抺地和煲魚湯;女兒要媽媽上鏡做主持、拍風格照放上Instagram和到二手店買衣服。至於為甚麼用memo紙呢?源於母女倆之間的一個小習慣。
Jace的生活忙碌,日程表總是排得密密麻麻,早出晚歸的生活令她與父母見面的機會少之又少,她也顯得內疚,「每天我完成整天的日程回家時,他們已經睡着了。」雖然用WhatsApp交談十分方便,但母女選擇以最平實的方法交流,媽媽笑說:「用memo紙要求我明早幫她做甚麼,然後貼在雪櫃上囉。」Jace續說:「有時我一時找不到一條褲子,我就寫在memo紙上說『媽咪你要幫我搵定出嚟,我聽日一定要着架!』並貼在雪櫃門上。」媽媽有時煲了女兒最愛的魚湯,也會用memo紙寫着:「湯」,配以笑臉表情,貼在保溫湯壺上,讓女兒回家也可以喝到新鮮的熱湯。交換造型和安排任務後,母女倆各自出發。想知道她們能否成功完成對方給自己的任務的話,記得留意另外兩則動新聞。記者:鄧天蔚、封愷瑜攝影:張志孟、蕭志南2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170515/20021415
母女 對調 媽媽 紅唇 choker 變身 少女 似黃 黃夏 夏蕙
PermaLink: https://articles.zkiz.com/?id=333416

得罪TVB高層冇運行?馬蹄露拒扮黃夏蕙被雪藏9個月

1 : GS(14)@2017-06-16 01:58:45

大台八九十年代仲係香港電視嘅龍頭,當然係惡啲啦!當年喺大台力捧嘅藝人,現時好多都已經係天王天后、影帝影后級,不過如果得罪佢哋都真係冇運行!劉德華眾所周知劉德華喺大台出身,佢當年出道冇耐即被力捧,仲主演過唔少劇集,不過喺85年大台想同佢續簽5年約,不過當時劉德華人氣上升,想將合約年期減短,仲因為咁得罪高層,被大台雪咗超過1年。王喜被視為「迷雲黨」嘅王喜,同前大台高層陳志雲非常之咁老友,不過佢同另一位大台高層樂易玲似乎唔係咁啱傾喇!事關佢當年同大台約滿,曾經喺社交網炮轟對方。陳倩揚09年港姐陳倩揚加入大台之後,主力擔任《東張》主持,不過早年有傳大台高層起用「有線幫」,而陳倩揚冇得留底,被叮後,佢曾經喺社交網站發功。有指因為咁,有唔少劇集同綜藝節目監製都收到通知,唔可以錄用陳倩揚。而佢亦喺16年8月離開大台,之後仲接受訪問講返大台情況。馬蹄露有傳馬蹄露當年大台喺一個搞笑節目叫佢扮黃夏蕙,點知佢就直接拒絕,咁就得罪高層,仲俾藝員科捉咗去「照肺」,結果仲被雪藏9個月,當時馬蹄露仲諗過想離開娛樂圈。




來源: http://hk.apple.nextmedia.com/entertainment/art/20170615/20056345
得罪 TVB 高層 運行 馬蹄 露拒 拒扮 扮黃 黃夏 夏蕙 蕙被 雪藏 個月
PermaLink: https://articles.zkiz.com/?id=335582

【馮仁昭四圍超】黃夏蕙做義工唔怕遲

1 : GS(14)@2017-07-29 03:24:00

黃夏蕙、林雅詩噚日到元朗為「路向四肢傷殘人士協會」賣旗籌款,夏蕙姨話:「有能力就應該做義工幫吓有需要嘅人,我自己都80幾歲,做善事仲係不遺餘力㗎,去幫啲比我年紀更大嘅老人家做義工唱歌表演。」林雅詩就話應該趁暑假做多啲親子活動,一齊參加慈善活動就更加有意義:「由細培養小朋友樂於助人嘅善心,賣旗仲以訓練小朋友主動同陌生人溝通。」撰文:馮仁昭




來源: http://hk.apple.nextmedia.com/entertainment/art/20170727/20102392
馮仁 仁昭 四圍 黃夏 夏蕙 蕙做 義工 唔怕 怕遲
PermaLink: https://articles.zkiz.com/?id=338939

【人人試iPhoneX】感動銅鑼灣!夏蕙BB專業素顏挑戰Face ID

1 : GS(14)@2017-11-05 17:38:12

夏蕙BB即席卸妝終終終終極挑戰Face ID!

今晚不單只感動銅鑼灣街頭,連身在公司的同事一樣大叫起哄忍唔住起身激節鼓掌!

由朝玩到晚,尾站終於嚟到銅鑼灣希慎廣場對出。


呢一刻,夏蕙BB卸下易容級重妝,粉底、眼線、眼睫毛,切!底!Face!Off!一身輕盈終極考驗iPhoneX Face ID!


無論結果係點,此刻,無價!記者:韓繼聰、朱崇德、司徒港燊、翁怡富



來源: https://hk.lifestyle.appledaily. ... e/20171103/20202641
人人 iPhoneX 感動 銅鑼灣 銅鑼 夏蕙 BB 專業 素顏 挑戰 Face ID
PermaLink: https://articles.zkiz.com/?id=343847

內房商龍光「落釘」西半山夏蕙苑 已收購最少6伙 屋苑同為恒地目標

1 : GS(14)@2018-12-18 12:48:54

https://www.mpfinance.com/fin/da ... 7632&issue=20181218
【明報專訊】去年初多家中資來港搶地,其中伙拍合景泰富(1813)以天價奪得鴨脷洲地皮的龍光(3380),目光並未離開香港市場,據資料顯示,龍光似乎已鎖定恒地(0012)正在收購的西半山羅便臣道老牌豪宅夏蕙苑,公司相關人士過去兩年斥資至少2.6億元,密密收購至少6伙單位,同時曾登上內地富豪榜的龍光「太子女」紀凱婷,更狂掃九龍站上蓋多個住宅物業。

明報記者 方楚茵

過去兩年斥2.6億 公司公關拒評

今次獲龍光看中的西半山羅便臣道夏蕙苑,屬一梯兩伙,集團由2017年底至2018年初,經公司轉讓方式購入包括2樓全層,另外3、5、6及10樓各一伙,以及部分車位。持有該批物業的公司包括「世翔有限公司」、「一發貿易有限公司」及「恒雋有限公司」均曾出現在龍光發行的債券募資文件上,為集團直接控制的公司;該批公司的董事李浚銘,亦為龍光持有利南道豪宅地王的項目公司「麒灣(香港)投資有限公司」董事。

值得留意的是,本報早前報道,包括夏蕙苑在內的西半山部分舊樓區域,近年已成為恒地(0012)的收樓目標,龍光此番「踩入」夏蕙苑,未知事前與恒地是否有默契。本報曾向龍光查詢今次收樓行動,惟集團經公關表示不作評論。

伙合景泰富發展鴨脷洲地 料明年下半年賣

至於龍光與合景泰富合作的香港「頭炮」鴨脷洲利南道港島區住宅地王,估計最快明年下半年開賣,更「落重注」以每月近220萬元租用中環中心32樓全層為推售作部署。雖然利南道項目或主打非本地買家,但據了解,「深圳幫」的龍光始終首有項目落地,不為港市場熟悉,一直有意重塑品牌,切合其推售豪宅的形象。

事實上,龍光在2013年已在本港上市,但在港知名度及曝光率一直不高,直至去年及今年股樓狂升後,公司市值仍僅約520億元。然而龍光創辦人紀海鵬及其家族在內地卻是知名富豪,在2018年「胡潤中國百富榜」中名列65位,身家達330億元;其女兒,亦即現時的龍光大股東紀凱婷2016年更登上胡潤內地「90後」首富,被傳媒冠以「龍光公主」的名號。

創辦人登胡潤百富榜 女兒為「90後」首富

除經公司收購港樓,紀凱婷本人亦投資不少港樓,自2014年起收購多項物業,且特別偏好港鐵站上蓋樓盤,當中包括九龍站上蓋的豪宅項目君臨天下、柯士甸站上蓋GRAND AUSTIN等。

有趣的是,龍光總部亦設在九龍站上蓋的環球貿易廣場(ICC)68樓,至於她自己在多家公司申報的住址為GRAND AUSTIN一個單位。

[內地人‧香港樓系列之二]
2 : GS(14)@2018-12-18 12:50:42

https://www.mpfinance.com/fin/da ... 9566&issue=20181218
【明報專訊】龍光地產(3380)鎖定早已是龍頭發展商恒基地產(0012)目標的西半山夏蕙苑收購單位,如恒地有意強拍,以物業合共24伙計算,龍光現時手持逾兩成業權,已可左右大局;惟局面微妙的是,恒地同時擁有周邊羅便臣道105號翡翠園、羅便臣道99及99A號舊樓等,若一併申請強拍,則未必需要與龍光合作。

恒地或將鄰近舊樓一併申請

本報去年曾經報道,恒地在西半山連環出擊,除市傳已擁有夏蕙苑近七成業權,更已收集鄰近的翡翠園、羅便臣道99及99A號舊樓等建築群,倘若一併重建,或可成為另一新地標豪宅。

萊坊高級董事及估價及諮詢主管林浩文表示,一般而言,發展商收購相鄰門牌號碼物業,因應個別物業收購進度較理想,發展商能否在收購進度不同下,一併將相鄰物業申請強拍,需視乎發展商所收購的多個項目是否處於同一編號的地段上。

市况調整 料發展商不急強拍

林浩文續稱,發展商在收購舊樓時,考慮的因素眾多,當中亦包括舊樓樓齡。以他所見,發展商一般收購舊樓,多會做好相關預算,了解被收購的多項物業,是處於相同編號的地段之內,還是一個項目橫跨兩三個地段。與此同時,在當前樓市市况調整時,他預期發展商會寧願繼續收購舊樓,亦不急於申請強拍。
3 : GS(14)@2018-12-18 12:51:08

https://www.mpfinance.com/fin/da ... 9660&issue=20181218
【明報專訊】內地第一代富豪步入五六十歲後,近年陸續安排子女加入公司,這批年僅20至30多歲的「富二代」更多早為「新香港人」或持有其他國籍,藉家族信託或海外註冊公司持有上市公司權益,故相比本地不少富豪下一代仍在部署接班,年紀輕輕的內地富二代們已成為不同富豪榜的常客。

龍湖吳亞軍持股全數授女

除了「龍光公主」紀凱婷外,本港內房股亦產出多名富二代,如藍籌碧桂園(2007)的楊惠妍早於24歲時已被委任為執董,並在2012年獲委任為副主席,最近更升任聯席主席,現時36歲的她持有碧桂園57.23%股權,其妹楊子瑩亦為集團執董。

龍湖(0960)董事長吳亞軍的女兒蔡馨儀相信將成為明年富豪榜的新焦點。事關龍湖在11月22日披露,吳亞軍已將其信託持有的龍湖43.98%權益全數轉予女兒蔡馨儀,按龍湖上周五收市價每股22.7元計,以信託持有龍湖的26.09億股或43.98%計,蔡馨儀獲約市值592億元的股權。

值得一提的是,上述的數名內地富豪二代雖然已成為集團的主事人或主要權益持有人,但多未曾公開露面或僅於公司年報亮相。

相反,一批二三線內地巨富們的第二代,如現年30歲的黃敬舒,4年前獲綠景(0095)委任為集團執董兼主席一職,其27歲弟弟黃浩源亦於2017年獲委任為執董,但實際仍由父親黃康境持股;中駿(1966)主席黃朝陽之子黃倫亦在去年開始出任集團執董。
內房 房商 龍光 落釘 半山 夏蕙 蕙苑 收購 最少 屋苑 苑同 同為 目標
PermaLink: https://articles.zkiz.com/?id=351781

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019