ZKIZ Archives


總壇猛人抵港惹分工揣測梁錦松:黑石亞洲我睇晒 李華華


2010-12-22  AD




 

花旗私募基金黑 石集團(Blackstone)有我哋嘅前財爺梁錦松坐鎮,做香港主席係人都知,但實際上阿松負責啲咩,原來大家好似唔係好知喎!尤其係黑石總壇嗰邊,將 會調佢哋駐紐約嘅高層Michael Chae嚟香港,負責亞洲私人股本業務,大家更關注阿松同Michael點樣「分工」!

噚日阿松現身撐中國動物保健品(940)掛牌,當然畀大家追問呢個問題,阿松係咁講嘅:「Michael係我哋黑石集團合夥人之一,佢會負責亞洲個私募股權基金業務,咁我負責呢個區嘅業務,大家係唔同嘅……」

Michael專睇亞洲私募

咁有幾唔同呀?「因為黑石集團喺香港除咗私募基金,仲有其他業務,包括房地產、財務顧問、對冲基金、市場推廣,同埋第三方嘅基金籌款等等……我睇嘅業務範圍係所有業務!」明晒。即係成個亞洲佢睇晒,唔知係咪仲睇埋Michael呢?

查實大家關心阿松先問唧,事關呢個Michael實在猛料,42歲嘅佢係哈佛高材生,1997年已經入咗黑石,有黑石「最卓越領導人之一」嘅美譽,威水史一大籮,阿松哥呢,除咗伏明霞、小母牛同偷步買凌志,sorry,真係recall唔到,佢究竟有咩輝煌戰績!

李華華

LiWaWa@AppleDaily.com


總壇 壇猛 猛人 人抵 抵港 港惹 分工 揣測 梁錦 錦松 黑石 亞洲 我睇 睇曬 華華
PermaLink: https://articles.zkiz.com/?id=20607

股壇猛人原是打機高手創辦Nova eSport 奪世界冠軍

1 : GS(14)@2017-08-02 06:11:50

■楊俊偉除了是一位股壇猛人之外,更曾奪得手遊《皇室戰爭》的世界冠軍。



【科技透視】提起電子競技(esports),一般會聯想起一班後生仔圍埋打機的畫面,又怎想到太古廣場內一間上市公司主席的辦公室,竟藏有一位隱世打機高手?Nova eSport創辦人楊俊偉年屆不惑之年,但他不愛旅行、只愛打機,更曾奪得手遊《皇室戰爭》的世界冠軍!記者:梁偉聰 倪敏慧



外表成熟穩重的楊俊偉「機齡」30多年,自7、8歲就開始打機。「嗰時細個玩㩒㩒嗰啲遊戲,跟住之後就紅白機,之後PlayStation」。直至踏進社會,仍然機不離手,「有時出差啦,開完晒會夜晚喺酒店,我就好自閉嘅,淨係喺酒店房到打機。」



■《皇室戰爭》排行榜內,Nova成員長期佔世界頭三。


部份遊戲課金幾十萬

但對於「毒」這個形容詞,他顯得相當抗拒,「唔好用毒字,係強烈啲嘅嗜好,又唔傷害人嘅,除咗有陣時我課金比較多啲之外……有啲遊戲我哋可以去到幾十萬。」對一名坐擁3間上市公司的股壇猛人來說,可能只是零錢。出於對遊戲的熱愛和好勝,楊俊偉投入1,000萬元創立Nova eSport,由一個人打、變成團隊戰,將興趣化為事業。「個人第一好似唔係好夠喉,不如要個團隊第一。」香港玩家對Nova可能有點陌生,但打開《皇室戰爭》就會發現,Nova成員長期佔世界頭三、部落亦是全球第一。「我哋嘅選手攞嘅冠軍,真係多到一版紙都寫唔晒。」
Nova的發展集中於歐美,在港才剛起步。楊解釋,海外電競已形成產業生態圈,能做到自負盈虧而非「燒錢」。現時Nova的戰隊已有固定贊助商,以及整套「粉絲經濟」,包括自家品牌服裝、Youtube及twitch上的直播分成等。人工方面,選手全職底薪約2,000美元(約1.56萬港元),當紅的話加上直播分成和獎金,月入可達十多萬港元。


愛打機可令女士放心

公屋長大的楊俊偉,雖熱愛打機,但沒有荒廢學業,考入港大,後加入投行工作。如當年已有電競業,會否直接全職打機?「當時都唔成熟,我又睇唔通,我就唔會咁做。」楊指,今時今日電競需大量後勤支援,如同球會管理球隊。當投資界都接受之際,便代表有資金支援整個行業,他估計往後五年將為電競增長的高峯期。作為一個有家室的男人,太太可有微言?楊俊偉承認,「喺屋企梗係閂埋房門或者去廁所打」,有時會被譏諷「借咗聾耳陳隻耳」。但他認為,「你有呢一個咁嘅嗜好,消磨到你一段時間嘅話,我諗啲女士都會好放心。」




來源: http://hk.apple.nextmedia.com/financeestate/art/20170801/20107854
股壇 壇猛 猛人 人原 原是 是打 打機 高手 創辦 Nova eSport 世界 冠軍
PermaLink: https://articles.zkiz.com/?id=339320

「股壇猛人」1.5億買嘉慧園

1 : GS(14)@2017-12-10 23:51:26

【本報訊】豪宅市道持續造好,即使樓齡已45年的中半山老牌豪宅嘉慧園,亦獲股壇名人入市。中半山馬己仙峽道的老牌豪宅嘉慧園,除了影帝張家輝斥逾億元豪氣購入外,連有「股壇猛人」丁鵬雲(圖)趁勢入市。土地註冊處資料顯示,嘉慧園D座中高層單位,實用面積3,349方呎,建築面積3,700方呎,上月初獲買家簽訂臨時買賣合約以1.49億元買入,實用呎價4.44萬元,建築呎價4萬元,登記買家TING PANG WAN RAYMOND,與丁鵬雲英文名相同。丁鵬雲早前斥逾半億元場外增持小南國逾5%股權,每股作價0.45元,當時有市場猜測,丁入股不排除為了部署日後買殼。至於今年同樣買入嘉慧園的張家輝,則斥1.31億元購入J座實用3,366方呎單位。

瑞峰花園呎價13,807元

世紀21奇豐張文鏗表示,大坑瑞峰花園6座高層A室,實用面積1,521方呎,四房向東北,換樓客以2,100萬元連車位沽出,實用呎價13,807元,創屋苑呎價新高。原業主1991年1月以239萬元購入,是次賬面賺1,861萬元,升值7.8倍。



來源: https://hk.finance.appledaily.co ... e/20171207/20237214
股壇 壇猛 猛人 1.5 億買 買嘉 嘉慧 慧園
PermaLink: https://articles.zkiz.com/?id=345132

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019