ZKIZ Archives


【動畫●雞蛋密碼】歐盟蛋走地定有機?睇code就知!

1 : GS(14)@2016-11-12 05:55:39

歐盟規定成員國出售的雞蛋,都要印有雞蛋編號,用以保障消費者。



買雞蛋總會被「有機」、「走地雞」等字眼吸引,但我們究竟有沒有方法得知下蛋的母雞是否真的有機和走地?原來印在雞蛋上的一組神秘數字,可以將下蛋的母雞起底,因為歐盟規定成員國出售的雞蛋,都要有這組編號,用以保障消費者。



第一個數字代表母雞的飼養方法和生活環境。0「0」代表有機(Organic),即母雞是在自然環境中成長,以蟲和草為食糧,牠們下的都叫有機雞蛋;「1」代表自然放牧(Free Range),母雞雖然吃人工飼料,但不受牢籠束縛,可以在自然環境生活;「2」代表平面飼養(Barn),即母雞沒有被籠困裏,但只能在室內雞舍中活動;「3」代表籠養(Caged),這些母雞一生都被困在狹小的雞籠日復日地下蛋,牠們要一直下蛋,直至死亡,可謂母雞的血汗工廠,所以歐洲不少國家的人都不願再購買這類雞蛋。飼養方法後面的兩個英文字母,就是原產國家的簡寫。如DE代表德國、DK代表丹麥、NL代表荷蘭、PL代表波蘭、SE代表瑞典、UK代表英國等。國家代碼後的5至7位數字(視乎原產國而定,該組數字可以是5位數,亦可以是7位數),就可以分辨雞蛋來自哪個農場。記者在本港超市買到幾款蛋,分別來自荷蘭、丹麥及瑞典,其中編號2SE720-32,即代表雞蛋來自瑞典,母雞以平面飼養方式飼養。網上有可以將雞蛋起底的網站(http://bit.ly/2eN60L7),只要輸入雞蛋的編號,母雞如何養、來自哪個國家都會一目了然,甚至提供Google Maps定位,讓你知道農場的實際位置。不過並非所有雞蛋都可以成功起底,如記者買的荷蘭雞蛋(編號:2-NL-4164908),該網站就沒有相關資料。雖然不是所有雞蛋都可以起底,不過大家至少可以從雞蛋上的第一個數字,分辨到誕下這顆歐洲雞蛋的母雞是否真的「有機」,或者是否真正的「走地雞」,以後就可以對自己吃的雞蛋有多一點認識了。至於其他來源雞蛋,就沒有統一編碼,部份生產商甚至有自己一套編碼,所以較難比較。記者:李煒汯攝影:周旭文


部份雞蛋包裝盒上,已印有雞蛋編號的說明,解釋第一個數字的意思。

編號2SE720-32,代表雞蛋來自瑞典,母雞以平面飼養方式飼養。

編號2-NL-4164908,表示雞蛋原產於荷蘭,母雞以平面飼養方式飼養。


部份印在雞蛋的編號未必十分清晰,要落足眼力才能看到。

只要輸入雞蛋的編號,母雞的資料便一目了然,甚至有地圖讓你知道農場的實際位置。

並非所有雞蛋都可以成功起底,如記者買的荷蘭雞蛋(編號:2-NL-4164908),該網站就沒有相關資料。



來源: http://hk.apple.nextmedia.com/su ... t/20161112/19830862
動畫 雞蛋 密碼 歐盟 蛋走 走地 地定 有機 code 就知
PermaLink: https://articles.zkiz.com/?id=315258

一萬蚊租樓要求「入屋十件事」!樓主離地定樓市離地?

1 : GS(14)@2017-06-18 21:42:12

安居樂業邊個唔想,不過樓價逼人,租屋幫人供樓都係等閒事。不過,可唔可以合理價錢,有間企理小小嘅樓呢?最近就有網民啖facebook出po幫朋友搵租(佢朋友係咪佢就唔知喇),列出十大要求,要市區樓又租金最多萬一,又趕住兩日要搬到,感覺諸多要求,但睇真啲其實都幾令人唏噓。首先睇吓搵樓嘅係咩人先:一對父女,兩個收入穩定,不過就講明「不要要行一層先搭lip(?)的」,因為阿爸要靠拐杖行動。睇吓,阿爸即使行動不便,仍然努力做嘢,收入穩定,呢啲咪係香港人打不死嗰種精神囉。而佢哋想搵個10,000蚊樓下嘅標準兩房單位。雖然唔知佢哋收入幾多,當佢兩個份人工大概係香港入息中位數,即係15,000蚊左右,兩個人加埋就30,000蚊,其實都佔咗佢哋3分1收入喇。再睇多啲要求先,譬如要有廚房、廁所,嘩,呢啲係咩要求嚟?聽完好似去咗非洲咁,連乾淨食水呀、食物呀都係「非份之想」,要特別講到明架!佢哋仲要求廚廁唔可以太污糟,咁有女仔住,呢啲要求算正常;不過如果你話用10,000蚊租間樓,係冇資格有個乾淨嘅廁所,喺生活重擔中有個小小嘅空間refresh吓,咁都無咩好講,人人價值觀唔同嘅。然後地點呢?佢列出嘅地點主要係旺角附近嘅地鐵沿線,同紅磡大角咀,亦話其他九龍市區都會考慮。呢個要求配搭廚廁唔好太污糟,就真係絕配,睇返幾個流行嘅樓盤網,10,000蚊樓下,一般都係交通方便就好舊咁,企企理理嘅就可能係村屋,市區嘅企理樓,好多都超晒價,雖然唔可以話冇,土瓜灣大角嘴都有機會搵到,但得幾個少到要搶,個網民都話曾經搵到,不過「上緊堂missed call就俾另一個買家簽左」。



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/financeestate/art/20170616/20058010
一萬 萬蚊 蚊租 租樓 要求 入屋 屋十 十件 件事 樓主 離地 地定 樓市
PermaLink: https://articles.zkiz.com/?id=335844


ZKIZ Archives @ 2019